رباط العشق ... الرواية الأولى من سلسلة جنون العشق

الحلقة الرابعة والخمسون ❤️

الحلقة الرابعة والخمسون ....❤️

🌹🌹🌹🌹🌸🌸🌸🌸🌼🌼🌼🌼✨

فتحت تلك الجميلة عيونها بتثاؤب لتردف بمرح ...: لأول مرة مصحاش علي صوت ماما وبابا وهم بيتخانقو علي الفطار ...

قامت من مكانها بتأفف وغضب لأنها كالعادة مثلنا جميعاً مجبرة علي الذهاب للجامعه ....
ارتدت ملابسها بعدما صلت فهى ملتزمه جدا في صلاتها ودينها ...

اكملت ليلى ارتداء ملابسها وارتداء الحجاب ... خرجت من الغرفه لتتجه الي والدتها في المطبخ ... لتجدها مشغولة في تحضير الفطار ...

ليلى بابتسامه ...: صباح الخير يا ماما وحضنتها وقبلتها بسرعه وقالت أنا رايحه الكلية ....
صفاء بابتسامه ...: استنى لما تفطرى الاول ...
ليلى وهى تتجه للخارج ...: هافطر فى الكافتيريا ... يلا بأى وخرجت ....

خرجت ليلى من العمارة التي تسكن بها لتتجه الي الشارع لتوقف تاكسي ...

ليلى وهي تشير لأكثر من تاكسي ...: ما حد يقف بقي فالحين تيجو في الوقت اللي معنديش جامعه فيه وتقفولي حتي لو مشاورتش ...انا أستاهل عشان مطلبتش اوبر وخلصت ...

ثواني ووقفت أمامها سيارة سوداء من النوع Geep ...

فتح زجاج السيارة ليظهر منه جاسر وهو يرتدي نظارته السوداء التي زادته وسامه فوق وسامته ...

جاسر بضحك ...: لو اتأخرتي علي المحاضرة بتاعتي هطردك علفكرة ...
نظرت ليلى بإستغراب لهذا الذي يتحدث ثواني وابتسمت ببلاهه وضحك واتجهت بسرعه لتركب بجانبه في السيارة ...

ليلى بضحك وهي تركب السيارة ...: يلا يا اسطي ومش هتاخد مني الا 15 جنيه ...
جاسر بضحك ...: هههههههه والله انتي مجنونة يا حبيبتي ...

قال جملته وانطلق بالسيارة وهو يبتسم بشدة فهو يحبها بشدة بكل ببرائتها وجنونها وتصرفاتها الطفولية ... لم يعد يستطيع التفكير سوي بها والضحك علي جنونها ...

قطعت ليلى تفكيره بمرح ...: جراا ايه يا جسورى هو انا راكبه عربيه اموات ولا ايه ما تشغل حوده بندق ولا مسلم ...
جاسر بضحك ...: علفكرة نزل قرار بإلغاء المهرجانات... وانضم إليهم فى قرار الإلغاء الفنان هانى شاكر ، وائل كافور ، مروان خوري ، مايا دياب ، عمرو دياب ....
ليلى بشهقة ...: ايييييييية مهرجاناااات ايه دي اللي تتلغي ... طب وهروق البيت ازااااي بعد كدا ...!
جاسر بضحك شديد .....: هههههههه انتي مجنونة والله العظيم ... شكل حور عدتك داء الجنون بتاعه ...
ليلى بضحك ....: انا مسمحلكش تغلط فى صحبتي المجنونه ...والله انا مش عارفه من غيرها كنت هتجنن ازاى ....
انفجر جاسر ضاحكاً من تلك المجنونة ....هههههههههه طب اتناقش معاكي ازاي وانتي مجنونة كدا يخربيتك هههههههههههه .... يلا خلاص وصلنا ...
ليلى بابتسامه ....: جاسر هو انا ممكن أتأخر ١٠ دقايق بس بعد ازنك ...
جاسر بإستغراب ....: ليه خير ...!
ليلى بضحك ...: هروح بس افطر فى الكافتيريا مش هتأخر والله بس عشان اعرف اركز ...
جاسر وهو يضيق عينيه بغضب ...: يعني انتي كنتي بتيجي متأخر قبل كدا عشان كنتي بتفطري انتى والمجنونه التانية ...
ليلى بمرح ...: مش احسن ما اكدب عليك واقولك متأخره بسبب المواصلات زى ما كنا بنعمل ...
جاسر بغيظ ...: لا مفيش فطار الا بعد المحاضرة ... يلا عشان منتأخرش احنا الاتنين ...
ليلى بصوت واطي وهي تزفر بغضب ...: اوووف قال يعني هبقي الأولي لما احضر المحاضرة دي ... انا هبله اى اللى خلانى أقوله الحقيقة دى حور هتعمل منى بطاطس محمره لو عرفت إنى قولتله .... منك لله يا جاسر يا ابن طنط فريده ...