Heartless December❄️ ZG version

အပိုင်း ၃ : ပထမဆုံးအယ်လ်ကိုဟောအနမ်းက လူမှားတာတဲ့လား

❄️❄️❄️

ကျွန်တော့်ဆယ်ကျော်သက်ဘ၀ထဲ ပထမဆုံးအနေနဲ့ ဂယက်ထခဲ့တဲ့ ဒီဇင်ဘာညအကြောင်း ပြောရင်တော့ ဒီလိုစရမှာပဲ။ စကားပြန်ကောက်တယ်ပဲ ဆိုရမလား။

မြေပြင်အနေအထားအရ ကြွက်မင်းသားအစ်ကိုရဲ့အခန်းမှာ အိပ်ဖြစ်ဖို့ဖန်လာတုန်း တံခါးရှေ့ ဆွယ်တာအဖြူလေး လာရပ်တယ်။ မနေ့က ကျွန်တော် စက်ဘီးနဲ့ဝင်တိုက်ခဲ့မိပြီး ကျွန်တော့်ကို မာဖလာပေးသွားတဲ့သူပေါ့။ သူ့သူငယ်ချင်းအသည်းကွဲလာတာကို ဒီအတိုင်း ကြည့်မနေနိုင်တဲ့ ၀မ်းကွဲအစ်ကိုတော်က ကျွန်တော့်ကို အဖော်ခေါ်တယ်။ ဒီအခြေခံအကြောင်းတွေကြောင့်ပဲ ပုံမှန်အတိုင်းသွားနေတဲ့ ကျွန်တော့်ဇာတ်လမ်းမှာ ထူးခြားတဲ့ plot အပြောင်းအလဲတစ်ခုဖြစ်ဖို့ အကျိုးဖန်လာတယ်လို့ ပြောရင် မှားမှာမဟုတ်ဘူး။

RED Spy တန်ခိုးနဲ့ ရင်ထဲက အထုပ်အပိုးတွေဖြေချနေတဲ့ တစ်ယောက်ယောက်ရဲ့ စကားတွေကို နားထောင်ခွင့်ရသွားတဲ့နောက် အစ်ကိုဘာလို့ သူ့သူငယ်ချင်းအကြောင်း အဲ့လောက်သိနေလဲ ဆိုတာကို ကျွန်တော်တဖြည်းဖြည်းနားလည်လာတယ်။
အေးအေးငြိမ်ငြိမ်လေးနေတတ်တဲ့သူတွေက သူတို့ယုံရတဲ့လူရှေ့ဆို မြိုချထားသမျှတွေ အကုန်အန်ချတတ်ကြသကိုး။

သူပြောသမျှစကားတွေကတော့ ကျွန်တော့်အစ်ကိုကိုကြည့်ပြီး ပြောနေတာပဲ။ ကျွန်တော်ကတော့ ဘေးက ထိုင်နားထောင်တဲ့
အပြင်လူသက်သက်။

"ငါဘာလို့ ဒီလောက်အချစ်ရေးကံမကောင်းရတာလဲ...
၈တန်းတုန်းက ထားခဲ့တဲ့ ပထမဆုံးရည်းစားက ငါ့ကိုအသန့်ကြိုက်လွန်းတယ်ဆိုပြီး ဖြတ်သွားတယ်၊ သူကအမြဲ ချဉ်စော်ချွေးစော်တွေနံနေတာကို... ၉တန်းနှစ်က တစ်ယောက်ကျတော့ ငါကြိုက်တဲ့ရေခဲမုန့်အရသာက သူနဲ့မတူလို့တဲ့... ဖာ့ခ်... သောက်ဆန်းကြီး... "

သောက်ဆန်းကြီးဆိုတာတော့ ဟုတ်ပါတယ်။ ဒါနဲ့...
အယ်လ်ကိုဟောလေးနည်းနည်းဝင်ရင် လူတွေက ပြောင်းလဲသွား တယ်ဆိုတာ တကယ်ပါလား။ RED Spy တစ်ခွက်နှစ်ခွက်သောက်ပြီး တစ်‌ယောက်ယောက်ကတော့ သူ့ပုံစံလေးနဲ့မတူတဲ့ စကားတွေကို စပြီးပြောနေပြီ။