❄️❄️❄️
Jan 1
ပျော်ရွှင်စရာနှစ်သစ် တဲ့...။
ဒီနှစ်သစ်က ငါ့အတွက်တော့ သွေးစက်လက်နဲ့ ပြတ်ထွက်သွားတဲ့ကြိုးစရယ် မပြေသေးတဲ့ ပူပန်မှုကြိုးထုံးတွေရယ်နဲ့ စတင်ခဲ့တယ်။ နှစ်သစ်မှာ ပစ်စရာရှိတာတွေကို စွန့်ပစ်ရတယ်တဲ့...။ ငါပစ်စရာရှိတာတွေအကုန်လုံး စွန့်ပစ်လိုက်နိုင်ပြီလားဆိုတာကို ငါ့ကိုယ်ငါ ပြန်မေးတယ်။ သူ့ကိုမပေးဖြစ်ခဲ့တဲ့ အံဆွဲထဲက လက်ဆောင်အိတ်နီလေးက ငါ့ကိုလှောင်တယ်။ သူ့ကိုတွေးပြီး ၀ယ်ထားရင်း အိမ်ထဲမှာ လက်ညိုးထိုးမလွဲနီရဲလာတဲ့ ပစ္စည်းလေးတွေက ငါ့ကိုလှောင်တယ်။
ဖြစ်နိုင်ရင်တော့... ဆုတ်ဖြဲလိုက်တဲ့ ဓာတ်ပုံတွေအတိုင်း ခံစားချက်ဆိုတာတွေလည်း အကုန်စုတ်ပြဲသွားစေချင်တယ်။
ထပ်ပြီး ရှင်သန်မလာနိုင်တော့တဲ့အထိ... ထပ်ပြီး ငါ့ကို မတားဆီး မထိန်းချုပ်နိုင်တော့တဲ့အထိ...။
Jan 4
ဒီနေ့လို အားလပ်ရက်မနက်အစောကြီးမှာ အိမ်တံခါးကို တဒုန်းဒုန်း လာခေါက်တာမျိုး၊ တံခါးဖွင့်ပေးလိုက်တာနဲ့ "ဗိုက်ဆာတယ်" ဆိုပြီး ခွင့်မတောင်းဘဲအိမ်ထဲကို ဇွတ်ဝင်လာတာမျိုး လုပ်တတ်တဲ့သူက သူတစ်ယောက်ပဲရှိလိမ့်မယ်လို့ ထင်ခဲ့တယ်။ ငါမှားသွားတယ်။ ငါ့ဆီစာသင်နေတာ ရက်ပိုင်းပဲရှိသေးတဲ့ အဲ့ဒီကောင်လေးက တော်တော်အကြောက်အလန့်မရှိတဲ့ကလေးပဲ။ ကော်ဖီတစ်ခွက် ပေါင်မုန့်တစ်ချပ်ကို နှမြောစရာမရှိပေမယ့် အဲ့သလို မကောင်းတဲ့အကျင့်တွေကို လူတိုင်းက သည်းခံချစ်ပေးနိုင်မှာမဟုတ်တဲ့အကြောင်း ဒီကလေးနားလည်လာတဲ့ထိ ငါပြောရအုံးတော့မယ်။ ပြီးတော့ အခုရက်ပိုင်း ငါ့ရေခဲသေတ္တာထဲက မိုင်လိုဘူးတွေကုန်တာ အရမ်းမြန်လာသလိုပဲ။
ကိုကို့ဒိုင်ယာရီမှာ date အစုံမပါဘူး။
တစ်ချို့ရက်တွေမှာကျ date တပ်ထားတဲ့အောက် စာတစ်ကြောင်းမှရေးမထားဘဲ နေရာတစ်ခုရဲ့နာမည် ဒါမှမဟုတ် စာအုပ်တစ်အုပ်ရဲ့ခေါင်းစဉ်နဲ့ စာရေးသူနာမည်ကိုပဲ ရေးထားတတ်တယ်။ သူရောက်ခဲ့ပြီးသဘောကျခဲ့တဲ့ ကော်ဖီဆိုင်နာမည်လိုမျိုး၊ သူဒီနေ့ဝယ်ခဲ့တဲ့စာအုပ်ရဲ့ ခေါင်းစဉ်လိုမျိုး ဖြစ်လိမ့်မယ်။
YOU ARE READING
Heartless December❄️ ZG version
RomanceHD က အစအဆုံးတစ်နေရာတည်း မဆံ့လို့ ZG book သက်သက်လုပ်ပေးထားတာပါ။ နှလုံးသားမရှိဘူးလို့ ကိုယ့်ကိုယ်ကိုယ် သတ်မှတ်ထားတဲ့လူတစ်ယောက်ဆီက နှလုံးသားကို ဒီဇင်ဘာမကုန်ခင်ရအောင်ယူပြဖို့ ကြုံးဝါးခဲ့တဲ့ ၁၇ နှစ်အရွယ် ကောင်လေးတစ်ယောက်ရဲ့ အလွဲများနဲ့တစ်နှစ်တာကို ဆောင...
