الروح إذا آوت دأوَت و إذا أَحبت أحيت

4

وصل وسام العزبه و نزل الاغراض الي هو جايب معاه جلس معاهم و هو يتبسم
أمجد : شفيك تتبسم انت ترا كلنا عندنا سنون
وسام بضحك : اسكت بس عندي لكم خبرر افففف بيطير قلوبكممم
ذياب : وشعندك ما تجيب الا الهم
وسام : افاااا يااخوي ذا وانا جاي اعلم ان حبيبت القلب بتجي بكره
شرق ذياب ب القهوه و انفجرو ضحك عليه نطق هزاع و هو يطق ضهره : صحه صحه لا تموت قبل تجي
ذياب : اسالك بالله ؟
وسام : اي ولله امي قالت لي
ذياب : متى
وسام : لا تموت علينا بيحركون من الرياض الفجريه
ذياب وهو يقوم : قومو قومو اكيد جدي بيعزمهم للعزبه
أمجد : اقول اهجد بس خل نرتاح شوي نزينها بعد الفجر اجلس
هزاع بضحك : اجلس اجلس باقي واجد
وسام : ايهههه بس طايح على وجهه ولدنا
ذياب و هو يجلس و ضحك : اخر من يتكلم انت
هزاع : على الاقل حب ذياب مقنع انت للحين محد عرف لك
أمجد : يخي اسكتوووو اكيد عمي سيف و محسن بيتصالحون قصو يدي اذا الشهر ذا ما شفتوهم جالسين ب العزبه هنيه
وسام : الله يسمع منك
ذياب : ياخي لو بس نعرف وين هم فيه ولله نروح لهم و نطمنك بس الشكوى لله
وسام : ولله كان الارض انشقت و بلعتهم
هزاع : ترانا دورنا بكل اماكن شغله حتى المزرعه رحنا لها و شفتو كيف شكلها ؟!! يعني واضح انهم يا بلقصيم او بالرياض
أمجد بقهر: ولله مدري بس يمكن راحو للعاصمه عشان مرض حرمته
وسام : رحت للمستشفيات مستشفى مستشفى كبيره و صغيره ولا حصلت اي شي ؟؟؟؟؟
ذياب حط يده على كتف وسام : ماعليك يا اخوي اكيد ياهو بيجي يا بنلقاهم معليك هد اعصابك
قال وسام بحزن و هو يلعب بعود بالنار :
ضايق ومستانس وراضي وزعلان
مدري وش اللي جمع الكل فيني

احيان اجر الصوت مغرم و طربان
واحيان اجر الصوت وتهل عيني

ضاق صدرهم على خويهم الي حبه مجهول وش نهايته محد يدري هل سيف و محسن بيتصالحون و يجتمعون وسام و روح ولا بيفترقون للابد

"عند روح "
كانت جالسه على سجادتها و تقراء قران ضايق صدرها من حال امها و ابوها واحساسها الي مو فاهمته اتجاه الي بقلبها نزلت القران على السجاده و قامت فتحت الدولاب و طلعت منه عليه صغيره فيها اسواره جلست تتأملها و نطقت بكل حزن :
اشتقت لك وانا على البعد مجبوره الله يصبر قلبي على فراقك و الله يجمعني معك بكل خير .

"صباح يوم جديد على ابطالنا "

" نجد بيت الخال عبدالله "
ابو سامي : يا ساميي قول لي خواتك يمشون بسرعه اشرقت الشمس و حنا ما مشينا !!
سامي و هو ينزل من السياره : ابشر يا ابوي
دخل سامي البيت و راح غرفت البنات و نطق : انتو تستهبلون !!! وش تسووون للحين ابوي معصب اسرعو
هيفاء : اففف سامي دقيقهه مو لاقيه سماعتيييي
رنيم : سامي بالله قول ل بابا عشر دقايق بس باخذ شور
سامي بحده : اقول امشي انتي وياها قدامي يالله بس وش تاخذي شور انتي الثانيه امشي امشي بس ابوي لا يفجر فينا
هيفاء بفرح : يسسس حصلتها لسقوووو
رنيم بتذمر : اف كله من هيفاء ما صحتني اف اف
سامي : ياحلوك بس امشووووو
طلعو من البيت و ركبو السياره و الفرحه مش سايعتهمم
هيفاء : بابا بليززز خلونا نمر ستاربكس باخذ لي قهوه و باخذ ل ديمه معايا مره تحبهااا
ابو سامي : يا هيفاء ياحبيبي ما يمدي
هيفاء بزعل : بابا امانه ولله ما نطول ناخذ قهوه و نجي ولله ولله ولله باباااااا
ابو سامي بقله حيله : طيب يا بنتي طيببب
ام سامي : ما بيخرب مع الطريق يا هيفاء ؟
هيفاء : لا يا ماما ما بيخرب و الشمس مو حاره نحطو قدام المكيف عادي
رنيم : جيبيه بدون ثلج عشان ما يذوب مع الطريق و هي تحط هناك
سامي : اذا بتاخذي ل ديمة خذي لهم كلهم عن النفس يا هيفاء
هيفاء : تمام معليك خيو
مرو اخذو قهوه و اخذو اغراضهم الي ناقصه و مشو لديره بعد ما اعطوهم خبر
" بيت الجد عايض "
فرح الجد عايض حيل ب الخبر بعد ما عرف ان ابو سامي بيجي
الجد عايض : ولله انها الساعه المباركه حياهم جميععع اجل لازم الغداء ب العزبه و نجهز لهم
ابو حامد: اي ولله لازم
ام حامد : العيال رقدو ب العزبه وانا عطيتهم خبر اكيد انهم قامو يجهزون
الجد عايض : زين زين اجل بعد الفطور ب نمشي و علمي البنات و جهزو اواني " اغراض " القهوه و الشاهي و دام انهم بيجون بنمسي هناك جيبو الفرش و بطاطين و كل شي لا تخلون شي
ام حامد : ابشر يا عمي لا تحاتي
الجده فاطمه : ما بيكون برد يا عايض ؟
الجد عايض : معليس يا مره فيه نار و الخيم واجد