الروح إذا آوت دأوَت و إذا أَحبت أحيت

28

دخل للمستشفى و هو يدور عليها بعيونه ، شافها واقفه عند الاستقبال توقع عشان تخرج ، راح و وقف وراها و نطق : يا دكتوره !
ضحكت بخفه من عرفته من صوته التفتت له : سم !
سامي : وش هدكتوره البطله الي تقول لمرضاها سم !
مسكت يده و صارت تمشي معه : احلا مريض ب الدنيا كلها
ناظر فيها بطرف عين : مدري ليه احسها سبه ؟
ضحكت بخفه : افا انا ما اسبك ، ليه جاي ؟
غمز لها : جيت اخذتس
ريما : شعرفك اني بطلع بلوقت ذا ! بعدين بيجيني فيصل
سامي : دقيت عليه قلت له اني بمرك خلصت بدري
ريما : زين بجيب اغراضي و اجيك
جلس سامي ينتظرها لين ما خلصت و جاته : مشينا ؟
التفت لها و شافها ماسكه بطاقتها ب يدها و سكرابها على ذراعها اخذه و حطه على كتفه و مسك البطاقه : ريما بنت فهد ! ليه مو مكتوب ريما زوجة سامي !
ريما بعبط : المره الجايه اقول لهم يحطونه لا تحاتي
ضحك و هو يمسك يدها متجهين ل خارج المستشفى : متى يخلص تطبيقك كانك طولتي ؟
تافافت ريما ب ملل : اف ما ادري عنهم كانوه مابوه الا انا ب الجامعه مستقعدين لي !!
ضحك على حلطمتها : ودتس اهاوشهم
رجعت راسها ل ورا : ياليت
سامي : ودتس ب قهوه ؟
هزت راسها ب لا : مو مشتهيه ابداً
شهق سامي بصدمه : يويلي ابك ليهههه واضح انتس منتى ريما أنزلي انزلي
ضحكت و ضربت يده بخفه : شربت مع البنات قبل تجي اهجد .

~ بعد مرور شهر ~

دخل سالم عليها و فزت له اول ما شافته : وينه ؟
ما رد عليها و هو ينزل الاغراض ، تعلقت ب يده و نطقت ب ترجي بوسط دموعها : تكفى حرمتني من اهلي لا تحرمني منه الله يخليك جيبه ابي اشوفه لو دقيقه ، دفها عنه و طلع و سكر الباب ، اخذه قبل اسبوع ولا رجعه لها ! راحت تجلس على المكان الي هي مسويه لها على الارض و ضمت بطانيته بحزن مشتاقه له حيللل ، دخل سالم و هو شايله راحت تركض و هي تاخذه و تضمه ل صدره ، رما ورقه على الارض و طلع ، ما اخذت الورقه ولا اهتمت لها اصلاً من فرحها انها اخيراً شافته ، اخذته و جلست مكانهم و هي تلعبه و عيونها مو قادره توقف دموعها .

عبيد : تدري ان ذياب بيعصب لو درا !
وسام : عبيد انا ابي اروح طيب ؟؟؟
عبيد : بس لا أمجد ولا ذياب بيكونون معك ترا متاكد ؟
هز راسه ب ايه و نطق عبيد : تدري ان ذياب بيعصب صح !
وسام : ايه ادري
عبيد : و تبي تروح ! وسام المهمه ترا ماهي سهله و مدتها ثمان شهور و يمكن تاخذ سنه ؟
وسام : عادي يا عبيد انا ابي اروح لها
تنهد عبيد ب قله حيله : بتهد حيلي يا وسام بتهده ولله ، تجهز الفجر تكون موجود لو تاخرت دقيقه وحده ما بتروح فهمت !
دق وسام التحيه و طلع فز له أمجد : وش يبي ؟
وسام : ولا شي
أمجد : متاكد ؟
هز وسام راسه ب ايه و هو يتجه ل مكانه ، تكفى عبدالرحمن على كتف أمجد : علامك
أمجد : وسام جالس يسوي شي بس انا مدري وشو ؟
عبدالرحمن : ليه ؟
رفع أمجد كتوفه ب مادري و التفت ل عبدالرحمن : علامك لابس كذا ؟
عبدالرحمن ب دراما : بروح مهمه يمكن اصيح عليك
ضحك أمجد بخفه : وش المهمه ذي المفاجأة ؟
عبدالرحمن : خلها على ربك بس
أمجد : الحمد لله ما قالو لنا نروح ولا انا الي بصيح صدق
ضحك عبدالرحمن بخفه : افا رخمه لانك
دقه أمجد مع بطنه و انحنى عبدالرحمن بالم و نطق : ولله على يدك الثقيله ذي مفروض ياخذونك
ضحك أمجد و هو متجه ل وسام الي جالس يكمل الاوراق الي عنده حط يده على كتفه : فيك شي !
هز وسام راسه ب لا و جلس أمجد جنبه .