الروح إذا آوت دأوَت و إذا أَحبت أحيت

32

دخلت رنيم للبيت و هي تحس انها خلاص بتموت من التعب رمت نفسها وهي كانت تسب دكاترت الجامعه
ام سامي : ويلي عن بنتي انهبلت
ضحكت رنيم و هي تتعدل ب جلستها : اف يغثون يا يمه شسوي
ام سامي وهي تجلس: مين ؟
رنيم بتكشيره: دكاترت الجامعه ما غيرهم
ضحكت ام سامي بخفه و نطقت : رنيم
التفت لها رنيم : لا يمه اخاف تكفين وش صاير!
ضحكت ام سامي : ما صاير شي يابعدي بس بسالتس
تربعت رنيم : بوش ؟
ام سامي : شرايتس ب عبدالرحمن ؟
حست رنيم ان دمها جفف من الخرشه ، كيف و متى و ليه و شلوننن
رنيم : شطاري ؟
ام سامي : سلمى خطبتس مني له !
سكتت رنيم و هي تطالع ب امها ب فهاوه ، توقعت كل شي الا انه يتقدم لها هلحين !
ام سامي : رنيم ؟ شفيتس
رنيم : هاه ؟
ام سامي بضحك : اسم الله عليتس ، وش قولتس انتي ؟
رنيم : مدري
ام سامي : ولله انا قلت لها رنيم ما ودها ب الزواج هلحين لكنها قالت اساليها و ردي لي
رنيم ب هدوء : ابوي وش يقول ؟
ام سامي : ما بعد قلت له قلت اشوف رايتس قبل اكلمه
صارت رنيم تتلفت يمين و يسار ب احراج ، ضحكت ام سامي و هي تمسك يدها : ولله يابعدي انه نعم الرجال تبارك الرحمن و الكل يشهد له ، انتي استخيري و ودي لي وانا بشوف راي ابوتس
اخذت رنيم شنطتها و طلعت للغرفه من سمعت صوت ابوها يسولف مع سامي ضحكت ام سامي بخفه من شافتها تنحاش
سامي ببتسامه : الله الله ام سامي تستقبلنا ب ضحكات وش هرضا !
ام سامي : مبغيتو !
ابو سامي : ولدتس ذا مطفوق اخرنا
ضحك سامي و هو يجلس : شدعوه يبه
ام سامي : وين ريما !
سامي : عندها تطبيق ب المستشفى
ام سامي : زين جيتو اجل عندي موضوع
ابو سامي : عسى خير !
ام سامي ببتسامه : سلمى كلمتني و تطلب القرب منا
شهق سامي بصدمه : مين وسام !!!
ام سامي : لا عبدالرحمن
تنهد سامي براحه و نطق ابو سامي : و رنيم وش رايها ؟
ام سامي : ولله انا حاكيتها قبل تجون و قلت لها تستخير عبال ما اكلمكم
ابو سامي : اجل اذا قالت لتس رايها كلمي سلمى و الله يحييهم
ابتسمت ام سامي لانها تعرف ب حب عبدالله ل عبدالرحمن من قديم .

استنفر بيت الجد عايض من انتشر خطبت عبدالرحمن الي ماهو يم العالم كلهم نادوه ب الشغل ب مهمه تصاوب الي يفك الالغام و لازم يروح هو ،
حط وسام يده على راسه : ما يرد ذا للحين ؟
زفر ذياب : بنجن بنجن وين اختفاء
جلس وسام على الارض : دق على عبيد اساله
دق ذياب على عبيد : عبيد
عبيد : ارحب ذياب
ذياب : تدري وين عبدالرحمن !
عبيد : طلع ل مهمه ليه ؟
ذياب بصدمه : تمزح صح
عبيد : لا ولله عماد تصاوب و نادو عبدالرحمن مكانه اليوم عسى ما شر ؟
ذياب : ام سامي دقت على امي تقول لها حياكم !
عبيد بصدمه : خطب !!!
ذياب : ايه .
عبيد : بدق على العميد يخليه يرجع متى بتمشون
ذياب : العصر
عبيد : ان شاء الله يلحق اجهزو انتو
ذياب تنهد : زين رد لي
وسام : وينه ؟
ذياب : راح ل مهمه عماد تصاوب و نادوه بداله
رفع وسام حجاجه بصدمه : كيف !
ذياب : عبييد بيدق على العميد عشان يرجع ان شاء الله يمديه