الروح إذا آوت دأوَت و إذا أَحبت أحيت

14

-الساعه 3 تحديدا حايل -
نزلو من السياره بعد خط طويللل و متعب جدا
فيصل تنهد بتعب : الحمد لله عسلامههه
ديمة بضحك : الله يسلمك
فيصل : ايه اضحكي اضحكي ما اكلها الا انا نزلنا بس
ضحكت ديمة على فيصل لانها كنت طول الطريق نايمه
فيصل : ادخلي و بقول لسواق ينزل الشنط لاني مابي قدره
دخلت ديمة و راح فيصل يقول لسواق يدخل الشناط و راح لديمه الي تنتظره ب الحوش
فيصل : شكلهم رقود يلا دخلنا ، دخلو البيت و اتجهو ل جناح فيصل و ديمة و اول ما دخلو رما فيصل نفسه على السرير
فيصل : يارب عطفك و رضاككك ياوهههه يا اعضامي اني ما احس بها
ديمة : الصراحه ما كان تعب
ناظر فيها فيصل بنص عين و ضحكت : خلاص تعب
فيصل : بدخل الشنط وانتي خذي راحتس البيت بيتس
راح فيصل و نزلت ديمة عبايتها و حطتها على الكنب دخل فيصل الشناط و قال : بدخل اخذ شاور اذا ودس ترقدين ارقدي
ديمة : زين
دخل فيصل ياخذ شاور و طلع و لقاء ديمة تطلع لها ملابس من الشنط انسدح فيصل : ماعاد بي قدرهههههه
ديمة : ارقد وراك قومه بدري
فيصل : ادعي لي
ديمة ببتسامه : ما نسيتك ، اخذت ملابسها ودخلت تاخذ شاور اما فيصل الي قام قفل الانوار و انسدح عشان ينام
و ماهي الا شوي و طلعت ديمة و حصلت الغرفه ظلاممممم قفلت باب الحمام الي كان منور خفيف ب الغرفه و مشت الا ضربت ب الطاوله
فز فيصل و شغل الابجوره و حصلها على الارض
ركض لها : صار لس شي ؟
ديمة بالم : اصبعي انكسر
ضحك فيصل : وراه ما تشوفين قومي ، سندها فيصل و جلسها على السرير و جلس عند رجلها عشان يشوفها : لا بسيطه بسيطه
رفع راسه و طاحت عينه ب عينها شكلها الهادي و اللطيف اخذ عقل فيصل الي تنح فيها انحرجت ديمة و زاحت ب نظرها عنه اما فيصل الي راضي يروح عمره كله و هو يتاملها كانت دوبها طالعه من الشاور و كانها قطنه من نعومتها شعرها المبلول و وجها الاحمر من الخجل ابتسم فيصل من طاح نظره على عنقها الاحمر الي برزت عروقها من التوتر ما حست ديمة الا ب لحيته الخفيفه على عنقها ،،،،، 😶
- يوم جديد على ابطالنا -
" بيت ابو رسن "
صحت روح من بدري كلعاده عشان تجهز الفطور و كانت القطوه الصغيره تمشي ورا روح طول الوقت
روح : تراني بدعسس وانا ما شفتس
دخل ابو رسن بضحك: تكلمين من
ابتسمت روح : ياصباح الخير
تقدمت ابو رسن و باس راسها و هي سوت ب المثل : صبحهم ب النور
و انتبه للقطوه : هذي متى جت ، نزل للارض و شالها
روح : امس لقيتها ب الحوش
ابو رسن : يويلس من امس
روح بضحك : شافتها امس
ابو رسن : زين ما جلدتس
روح : شكلها كانت تبي ترقد عشان كذيه ما جلدتني
رفعها ابو رسن : يا حليلها
دخلت ام رسن : روح !!
روح بعبوس و عيون بريئه : تكفين يا اميمتي لا نطلعها
استسلمت ام رسن من شاف عيون روح البريئه الي محد يقدر يقاومها: طيب
تقدمت روح تحضنها : يابعدييييي انتييييي
ابو رسن : يلا يلا الفطور لاحقين على الاحضان
غمزت روح : غرت صح
ابو رسن : اعقلي
ضحكت روح و مشت معهم للفطور بعد ما حطت حليب للقطوه
- بيت الجد عايض -
كلعاده الاجواء اللطيف مع ريحه النار و الهبوب الخفيف و هواش الجد عايض للعيال لانهم تاخرو عن الصلاه
الجد عايض : مافيكم طب انتو
ذياب : معليش يا جد
الجد عايض : الله يصبرني بس
جلسو على الفطور و بدت السوالف الي تشرح الصدر و سوالف العيال مع الجده فاطمه الي ما يصبرون عنها
اما عند البنات الي كانو يتمازحون مع بعض و هم يجهزون فطورهم ب المطبخ
رفيف : ولله فقدت ديمة
رنيم : اي ولله انك صادقه
ريحانه : متى يشدون لرياض اشتقت لها من اول يوم
هيفاء بضحك : هانت باقي شهر
رفيف : طسي عن وجهي لا اقوم اجلدس
انحاشت هيفاء من بدت ريحانه تركض وراها
رنيم بضحك : ما يعقلن
رفيف : مستحيللل
وسام : ياولددد
دخلت رنيم للصاله و دخل وسام للمطبخ بعد ما نادته رفيف
وسام ببتسامه : ياجعل يدينس ما تمسها النار يابعد اخوس انتي
ابتسمت رفيف و تقدمت تحضنه : وياك يابعد اختك انت
شاف وسام المعمول : وين ديمة تاكل المعمول
ضحكت رفيف : ما كان يخلصه الا هي
ضحك وسام من تذكر موقفه مع روح : اي بالله انس صادزه ، وين امي
رفيف : داخل
وسام : ببنات الخال فيه
رفيف : ايه دقيقه اشوف لك طريق
دخلت رفيف : بنات ادخلو داخل شوي وسام بيجي
رنيم بصوت شوي مرتفع عشان يسمع وسام : يليل يا وسام الشغله ذا
سمعها وسام وضحك : اقول يا بنت الخال ادخلي لا اجيس هلحين
ضحكت رنيم : تعال نشوف وش بتسوي
وسام : يليل الورعانننن
دخلت رنيم و هيفاء للغرفه و دخل وسام و قال بصوت شوي عالي : يزين الصاله شكلي بجلس طول اليوم هنيه
رنيم من الغرفه : وسامممم ترا بجي اجلدكككك
ضحك وسام و تقدم ل امه : يا صباح الخيرررررر
ام حامد : صباح النور
جلس وسام و نطق بصوت مرتفع عشان تسمعه رنيم: اخبارس يا ام سامي
دخل ذياب : علامك تصرخ انت
ضحك وسام : ودنا نحرق بعض الناسسس
ام حامد ببتسامه : بس يا وسام
تقدم ذياب و باس راس امه : صبحهم يارب ب الخير ، و التفت ل ام سامي : اخبارس يا ام سامي
ام سامي : على ما تحب ياولدي
ذياب : غريبه وين عمتي لطيفه " ام امجد "
ام حامد : شكلها افطرت ببيتها اليوم
ام سامي : افطرو معكم العيال ؟
وسام : امجد بس هزاع ما جاء
ام حامد : عسى خير ياولدي يمكن مشغولين
ذياب : حتى عمي محمد ما افطر معنا
ام حامد : شكلهم افطرو سوا
ضحك وسام : و شكل أمجد مطرود
ذياب : امش امش بس خلهم يفطرون
طلعو وسام و ذياب عشان يفطرون البنات مع امهم و ام سامي
طلعو و لقو سامي بوجهم : ابشركم اني خلصت اغث اختبار ب الدنيا
ضحك وسام وحضنه : الحمد لله عسلامه
سامي : الله يسلمك
أمجد : علامكم تتحاضنون هنيه
سامي : خلصت الماده الزفت ابشرك
أمجد : وش عقبه
دقه سامي مع بطنه : اص
أمجد : وجعاه
ذياب : العدو ان شاء الله
فزو كلهم على صوت جدهم الي يناديهم عشان بيروحون للعزبه
- بحايل -
صحت ديمه على صوت طق الباب ناظرت حولها ولا حصلت فيصل و عرفت انه راح للجامعه قامت و اخذت شيلتها و فتحت الباب شوي و لقت ريما
ريما : متى عودتكم ما درينا الا من السواق
ديمة فتحت الباب زين: باخر الليل يابعدي
حضنتها ريما : الحمد لله عسلامه ارسلتني امي اناديكم للفطور بس شكل  فيصل طلع
ديمة : الله يسلمس اي بالله
ريما : اجل تعالي انتي مابه احد
ديمة : زين روحي وانا بلحقك
راحت ريما و دخلت ديمة تاخذ شاور سريع عشان تصحصح و ماهي الا دقايق و طلعت لبست جلابيه انيقه و جميله و رفعت شعرها ب شباصه  و حطت ميكب خفيفففف و نزلت بعد ما اخذت شيلتها للاحتياط
نزلت تحت و لقتهم حاطين الفطور على الطاوله و جالسين ينتظرونها
ديمة بهدوء : صباح الخير
ام مصلح : صباح النور يا بنيتي
ابو مصلح : وش نوحس يا بنتي
ديمة : الحمد لله ياعم انتو اخباركم
ابو مصلح : على ما تحبين
ام مصلح : اجلسي بجنب ريما يابعدي عشان تفطرين
جلست ديمة معهم و تفطر و اخذتهم السوالف مع بعض و كلهم حبو ديمة و روحها المرحه
على الساعه 10 تقريباً جاء فيصل
و لقاهم جالسين ب الصاله و نطق : يا مرحباااااا
ام مصلح بفرح : هلا هلا ياولدي
تقدم لها فيصل : هلابس يا بعدي
ابو مصلح : بشر
تقدم له فيصل و باس راسه : على ما تحب يا بعدي
ريما : ان شاء الله لقيته سهل
حضنها فيصل و جلس جنب ديمة : سهل سهل يابعدي
قامت ديمة من جلس بجنبها عشان تقهويه
ريما : اجلسي انتي انا اصب له
ديمة اخذت دله القهوه : معليس ياحبيبتي
صبت له فنجال و قدمته له و هي ما تطالع بعيونه : سم
فيصل ببتسامه: سم الله عدوس ، ابتسم فيصل من حس ب خجلها جلست جنبه ديمة و ما نطقت بحرفف
كان فيصل يسولف مع امه و ابوه ديمة بكل حماس و يعلمهم بكل تفاصيل الاختبار شوي شوي بدت تسولف معهم ديمة و راحت ل جناحهم يوم جو اخوان فيصل عشان يسلمون عليه
يوسف : ورا ما مريت علي يوم جيت
فيصل : ولله كانت تعبوننننن
مصلح : ريما رسن برا روحي لها
ام مصلح : روحن فوق يا ريما و نادي لكن ديمة لا تجلس لحالها
قام فيصل : معليس انا اعلمها
راح فيصل ل ديمة و راحت ريما ل رسن .
دخل فيصل و لقاها تحاول تلبس العقد الي من عنده وقف وراها و نطق : هاتي اساعدس
عطته ديمة و رفعت شعرها و لبسها فيصل العقد لف فيصل يدينه حول خصرها و نزل راسه ل عنقها و نطق بهدوء : جت ام أمير ودس تروحين لهن ؟
ما تكلمت ديمه و هي حست ب الاحراج من قربه لها و نسماته الي تضرب ب عنقها بعد عنها فيصل و زفرت براحل بهدوء ضحك فيصل بخفه : انا بقيل شوي و ريما و ام أمير ب الدور الثاني اذا بتروحين لهن خذي شيلتس معس عشان اخواني
ما نطقت ديمه بشي و انحاشت على طول ضحك فيصل عليها و على وجها الاحمررر انسدح بعد ما طفاء الانوار عشان ينام
نزلت ديمة للبنات و اول ما دخلت قامت رسن عشان تحضنها : اهلين
ديمة ببتسامه : هلابسس يابعدي اخبارس
رسن : ولله الحمد لله انتي وش نوحس
ديمة : بخير يا بعدي جلسو و بدو يسولفون مع بعضهم
- بلمزرعه ابو رسن -
ابو رسن بعصبيه : تمادا ذا لمتى و هو بيهدد
ابو حامد : اهدا يا محسن عشان نعرف نفكر زين
ابو رسن : اول مره طلب عشر الاف و هلحين ثلاثين !! وين ناوي يوصلوه
ابو حامد : بنلقاه يا محسن بنلقاه انت اهدا
ابو سامي : متاكدين ان محد جاب الطاري عند اي احد !!!
ابو حامد : لا ولله
ابو رسن : قفلت على الموضوع من ذيك الليل ولا طريته مع احد
ابو سامي : متاكدين ان ما كان فيه كميرات ب المكان !
ابو حامد : دورنا ما كان فيه شي الا وحده و لا تسجل
ابو سامي : متاكد !! اجل كيف يقول انه عنده مشاهد
- نرجع ل 12 سنه ورا -
كان اول ايام الشتاء في نجد و معروفه نجد ب بردها القوي جداً
كان الجد عايض ساكن ب الديره اما محسن و سيف الي كانو ساكنين بنجد عشان يدورون لهم على شغل يسدون فيه حاجتهم