الروح إذا آوت دأوَت و إذا أَحبت أحيت

7

"يوم جديد على ابطالنا "
" عزبه الجد عايض "
كانو يشيلو اغراضهم عشانهم بيرجعون للبيت
الجد عايض : يلا يا عيال يلا وش المهن ذا " الكسل "
ذياب : ابشر ياجد ابشر
أمجد : يا جد لا تحترينا روح مع ابوي ولا عمي سيف
الجد عايض : زين زين لا تتاخرون و خذو الحريم معكم اذا احد جلس
هزاع : زين يا جد
سامي بتعب : ياعيال بروح ل امي بدور علاج
وسام : وش الدلع ذا مالك يومين مسرع سخنت
سامي : لا تتشمت
ذياب : روح يا سامي و قول لهم يستعجلون عشان نحرك سوا
-
" كانت العزبه ماهي بعيده عن البيت بس عشان الاغراض و لانهم واجد ف السياره اهون "
خل نشرح لكم بيت الجد عايض
الجد عايض ساكن معه زوجته فاطمه و ولده سيف و اهل سيف
وجنب بيت الجد عايض بيت ولده محمد يعني جنببب بعض عشان كذا يفطرون مع بعض و يتقهوون مع بعض و كذا و ابو سامي لما يجي من الرياض يجلسون ببيت الجد عايض لانه كبير و فيه غرف واجد تكفي و زود "
-
سامي : يا ام سامي
طلعت له هيفاء : يا حياتيييي يا سويميييي
سامي بتعب : لا تقربين لا تاخذينها انتي بعد نادي امي
طلعت ام سامي و نطقت بحنيه : اسم الله عليك يا ولدي وش متعبك اكثر يا بعدي
سامي : ولله مدري وشبها زادت علي لكن ابي مسكن
ام سامي : زين زين الحين اجيب لك
جلس سامي على الارض و نطق بتعب واضح على وجهه : و ذياب يقول اعجلو عشان نرجع سوا
ام سامي : طيب هلحين اقول لهم ، التفتت على هيفاء ، هيفاء يا حبيبتي روحي جيبي له ماء وانا بجيب المسكن
هيفاء :تمام ماما
راحت هيفاء تجيب الماء و ام سامي راحت تجيب له المسكن
ام سامي : سلمى عندك مسكن زين لسخنه ؟
ام حامد : ايه ايه عسى ماشر تعبانه ؟
ام سامي : لا ولله ولدي سامي تعب تعرفين الولد مناعته ماهي بقويه و يتعب واجد
ام حامد طلعت لها العلاج : خليه ينتبه لكله زين ترا واضح عليه انه ما ياكل
ام سامي : ولله اني اقول له بس دايم يقول ماله نفس مدري علامه
ام حامد : خير خير ان شاء الله
ام سامي : ذياب يقول استعجلو عشان نعود سوا
راحت ام سامي تعطي سامي العلاج بعد ما جابت هيفاء الماء
حركو كلهم من العزبه للبيت و بدو ينتشرون و يجهزون اغراضهم
" بيت ابو رسن "
كانو جالسين يشربون شاهي ب الصاله
كان ابو رسن يهوجس و لاهو حولهم ما يدري يحصلها من ويش كل تفكيره ب بناته و زوجته و الرساله الي جاته و سيف الي مو راضي يصدقه و حاط ان كل شي بسببه فيه خوف مو طبيعي لا يصير ل احد شي و هو ما بيده يسوي اي شي
روح : يا بـيي ؟
ما رد عليها محسن و كان يناظر ب كاس الشاهي و يفكر و غارقق بتفكيره ما يحس ب اي شي حوله ما فاق من تفكير الا بعد ما حس بيد على كتفه
التفت لها ابو رسن و نطق : سمي !
ام رسن : علامك منت بحولنا ؟
ابو رسن : لا ولا شي بس افكر ب الشغل
روح : موعد اميمتي الليله يا بـيي
ابو رسن : معليس ما نسيته
روح : ما ودكم اروح معكم المره ذي بعد ؟
ام روح : ولله يا بنتي بس بتتعبين مع الخط خليس ب البيت او روحي ل امل او ناديها لك
ما حبت روح تناقش امها و ابوها لانها تدري انهم ما يبغونها تشوف جو المستشفيات و تعبها
روح : زين اجل انا بروح اقيل لي شوي انتبهو لنفسكم زين ولا تنسون تطمنونن
ابو رسن : ابشري يا بنتي لا تحاتين
ام رسن : لا تنسين تسوين لس غداء و لا تجلسي ب البيت لحالس
روح : زين زين يلا فامان الله
سلمت عليهم روح و راحت ل غرفتها عشان تبغاء تنام لها شوي
-  عند سيف و عبدالله  -
كان سيف جالس على عتبت الباب و يناظر في بيت محسن حس ب يد على كتفه و ناظر الا شاف عبدالله
ابو سامي : علامك جالس لحالك
ابو حامد تنهد بضيق : ولله يا عبدالله اني تايه مادري وش اسوي و وين اروح
ابو سامي : محسن ؟
ابو حامد : ايهه يا عبدالله محسن ما غيره ولله اني مدري وش اسوي و وكيف اتصرف خايف لا يصير له شي هو و زوجته و بناته يعلم ربي اني ودي احميهم بعيوني يا عبدالله لكن ما بيدي حيله
ابو سامي : بيدك حيله يا سيف بس انت ما ودك
ابو حامد : هو كسر فيني مليون ضلع مو سهله تنجبر
ابو سامي : ولله اني مصدق كل حرف قاله و اني من بدايه الموضوع اقول لك محسن ما يسويها محسن ما يبيع رفيق عمره بس انت ما ودك تصدق احد العناد راكبك و ما ودك تصدق الا نفسك
ابو حامد : بس انا شفته ؟؟؟ شفته بعيوني يا عبدالله ! و الي كان معه قال كل شي و وراني مليون دليل !! كيف تبيني اصدقه بيوم و ليله يا عبدالله ! انا تعبت ولله اني تعبت من التفكير ودي اشوفه قدام عيوني بخير بس
ابو سامي : انت ما شفت كيف وجهه قلب يوم قرا الرساله ؟ و كيف خاف على زوجته و بناته ! يا سيف عبدالله يعطي روحه و كرامته و ماله و نفسه و كل مافيه عشان بناته و زوجته ! ترا يا سيف طول السنين ذي وانا اتواصل معه ولله يا سيف انه بحال ما يعلم فيه الا الله اول ما راح من الديره راح للقصيم عشان مرض زوجته و كملو بناته تعليم ثم جو لديره الي قريبه من نجد و كل اسبوع و هو ماسك الخطوط عشان يودي زوجته للمستشفى حتى ما قبل المساعده مني ؟ ولا رضا يسكن بنجد تدري وش كان يقول لي ؟ كان يقول انا عندي امل ان سيف يصدقني ادري ان سيف ما يصدق غريب و يبيع اخوه كان يقول انه مستعد ينتظرك لين اخر يوم بعمره عشان تسمع منه و لا تسمع من غريب ! بس انت وش سويت يا سيف ؟؟ صدقت واحد ولا عمرك شفته و بعت اخوك الي معك عشرة عمر يا سيف صدقني ان محسن ماله دخل ب الموضوع ولله يا سيف ان لو صار له شي او لزوجته و بناته ان اول واحد بيندم انت يا سيف
كان سيف منزل راسه و فيه حيره مو طبيعيه وخايف على اخوه و صديق عمره و خايف لا يجيه شي
سيف : مدري يا عبدالله مدري
ابو سامي : يا سيف ارحم عجزك و شيبك لمتى بتجلس ب ذي الحاله !
ابو حامد : يسهلها ربك عطني رقم محسن
فرح ابو سامي ولا صدق ان سيف طلب رقم محسن ما صدق على طول طلع جواله و اعطى سيف رقم محسن
قام ابو سامي : انا بروح اشوف البنات و اشيك على سامي وانت فكر بكلامي يا سيف
ابو حامد : يصير خير
دخل ابو سامي البيت و جلس سيف يناظر ل رقم محسن و متردد حيلل
- عند ابو رسن -
كانت ام رسن نايمه ب السياره من التعب دوبهم طالعين من المستشفى
رن جوال محسن و مسكه و استغرب من الرقم لانه مو مسجل عنده
رد ابو رسن و وصله الصوت الي مشتاق له حيللل
ابو حامد : السلام عليكم
ابو رسن : وعليكم السلام
ابو حامد : عرفتني ؟
ابو رسن تنهد : و كيف ما اعرفك يا سيف
ابو حامد : وينك
ابو رسن : ولله دوبي طالع من نجد كان عند حرمتي موعد
ابو حامد : و كيفها عساها بخير ؟
ابو رسن : بخير ان شاء الله
ابو حامد : ما ودك تمرني ؟
فرح ابو رسن حيل لانه ما كان متوقع ان سيف يبغاء يشوفه : متى ودك
ابو حامد : الليله
ابو رسن : على خير بس اوصل الديره بنزل حرمتي و اجيك
ابو حامد : زين احتريك
ابو رسن : على خير
ابو حامد : فامان الله
قفل سيف و كان محسن بيطير من السعاده صحت روضه على صوت محسن لان ماهو من عوايده يتكلم اذا كانت نايمه
ام رسن : علامك تتبسم
مسك محسن يدها و باسها : دق سيف يا روضه ولله دق
فرحت ام رسن من فرحت محسن لانها طول المده ذي كانت تشوف حال زوجها و انه ماهو بخير بعد فراق خويه الي ماهو بهين
ام رسن بفرحه : اسالك بالله ؟
ابو رسن : اي ولله يا روضه اي ولله انه دق و يبيني الليله اجيه
ام رسن : يلا على خير ان شاء الله
- عند روح -
كانت جالسه مع امل ب الحوش و توريها الرساله
امل : يالله ياروح ما اصدققق اخيرا يارب اخيراااا
روح : خايفه يا امل ولله خايف
امل وهي تحضنها : لا تحاتين صدقيني انهم بيتصالحون
روح : الله يسمع منس يا امل يارب يارب
رجعت امل مسكت الرساله و صارت تضحك بشكل مو طبيعي ضحكت رسن من ضحك امل الي كان الرساله لها مو ل روح
روح بضحك : ابك علامك انهبلتي
امل : شكله مره يحبس
روح بخرج : وش يحبني اسكتي بس
امل : استحيتي ! يا روححححح خلي عنا هلحكي كلنا ندري انس تحبينه و تبينه اكيد حتى هو
روح : مدري مدري اخاف يا امل اخاف اتعلق فيه زياده و اخر شي ما نجتمع
مسكن امل يدينها و نطقت بحنيه : صدقيني ياروح اذا ربي كتب انه من نصيبس لو صار الي صار بيجمعكم مع بعض لا تحاتين
روح : يارب يا امل يارب ودي يتصالحون اليوم قبل بكره ولله
حضنتها امل و صارت تطبطب عليها : صدقيني راح يتصالحون و ترجعون احسن من قبل
روح : الله يطمنس يا بعد حيي
ضحكت امل : ايههه تو ما يطلع العرز
روح :اسكتي بس
" عند العيال "
كانو جالسين ب المقلط و الي منسدح والي يشرب شاهي
ذياب : سامي ودك اوديك المستشفى
سامي و هو منسدح : ما يحتاج طيب طيب معليك
وسام : ولا ما حولك طب خلنا نوديك ياخوك
سامي : ولله ما يحتاج تروح تروح
أمجد : يعيال ابي ارجع للعزبه
هزاع : ابك دوبنا جينا
أمجد : ياخي البيت يكتمني
وسام : ولله انك صادق مشينا نروح
ذياب : انا بقيل
هزاع : وانا بروح اجيب اغراض ل الحريم من البقاله
كان سامي ب يتكلم بس قاطعه وسام : انت حتى لو تبي تروح بنربطك هنيه اهجد بس واذا سخنت زياده خل ذياب يوديك المستشفى
سامي : زين زين
أمجد : مشينا ياخوك
وسام : مشينا
طلعو وسام و أمجد للعزبه بعد ما اخذو معهم اغراض الشاهي و القهوه و الاشياء الي ناقصتهم
- الساعه 6 المغرب -
"عند بيت العم محسن "
ابو رسن : يلا انا بمشي
روح : وين يا بـيي
ابو رسن : ولله فيه رجال عازمني يا بنيتي
روح : زين لا تطول
ابو رسن ابتسم على اهتمامها : معليس يا بنيتي يلا فامان الله
طلع ابو رسن و اتجه ل ابو حامد
و بعد فتره تقريباً وصل لديره و قلطه ابو حامد ف المجلس الخارجي عشان ما يزعجهم احد بعد ما قدم له القهوه و الشاهي و اخذو علوم بعض
ابو حامد : الديره تطلب اهلها يا محسن
"قصده وده يرجع محسن  لديره"
ابو رسن : و اساس الديره يطلب اخوه ؟
"يقصد سيف يبيه يرجع ولا لا "
ابو حامد : وفيه احد يصبر عن اخوه !
ابو رسن : صبر عشر سنين ما وده يصبر اكثر
ابو حامد : اسمع يا اخوي ولله اني مدري وش اقول و مدري وش اخلي لكن فكرت ب كلامك و اليوم كلمني عبدالله بعد صحيح اني ما سمعت منك ب البدايه و تفارقنا طول هسنين لكن يا محسن لا تلومني ولله اني ضعت و مدري من اصدق و مدري من اكذب كل جانب يقول انه صح صحيح اني حاولت اكذب نفسي و اقول محسن ما يسويها لكن يا محسن خاطري ضايققق و بلحيل يا محسن
ابو رسن : ما زعلتني القسوه كثر ما انها جت منك يا سيف !
ابو حامد : ما يهون علي اقسى عليك يا محسن انت اخوي الي ما جابته امي انت صديقي و رفيقي و عزيز على قلبي
ابو رسن : سم و امر يا اخوي انت قول وش تبي و انا اقول انا عند امرك و لبيه !
ابو حامد : ودي انك ترجع محسن الي اخبره و ترجع لديره و اطلع من البيت و اشوف سيارتك عن بيتك و نرجع ل ايام قديم
ابو رسن : انا محسن زي ما انا يا سيف ولا تغيرت لكن على رجعتي ل الديره ولله ما ضنتي لكن ب اكلم اهل البيت و ارد لك
قام ابو حامد و ابتسم : طاح الحطب يا اخوي ؟
قام له ابو رسن و حضنه : طاح وانا اخوك
" عند ذياب و سامي "
كان سامي يكح بشكل مو طبيعي قام ذياب من مكانه و تقدم له
ذياب : يلا يا سامي قوم قوم بنروح المستشفى
كان سامي ب بيتكلم لكن التعب واضح عليه ولافيه قدره يتكلم سانده ذياب و ركبه ب السياره و رجع للبيت
وقف ذياب عند باب الصاله و نادا ب صوت عالي : يا ام سامي
ماهي الا ثواني و طلعت ام سامي : سم يا ذياب
ذياب : بودي سامي المستشفى ما ودس تخاوينا ؟
ام سامي بخوف : ليه زادت عليه ؟
ذياب : اي بالله زادت
ام سامي : زين زين يا ولدي هاحين بجيكم
دخلت ام سامي عشان تلبس عباتها
ام حامد : وين يا حليمه
ام سامي : ذياي بيودي سامي المستشفى زادت عليه السخنه
هيفاء : ماما خل اروح معاك
ام سامي : يلا يلا استعجلي اللبسي
راحت هيفاء تلبس و طلعت مع ام سامي و توجهو ل السياره
ركبو السياره و نطقت ام سامي بحنيه و هي حاطه يدها على كتف سامي : كيفك يا ولدي
سامي بتعب : لا تخافين يا يمه بس سخنه و بتروح
ام سامي : ما تشوف شر يا بعدي ان شاء الله تروح
سامي : الشر ما يجيك يا الغاليه
توجهو للمستشفى الي كانت ب بدايه الرياض و كانه مو مره بعيدهه
" عند ابو رسن و ابو حامد "
طلعو من المجلس و هم يضحكون و استغرب الجد عايض و ابو سامي الي كانو جالسين الحوش
الجد عايض : محسن ؟
تقدم محسن يسلم عليه
الجد عايض : متى جيت
ابو رسن : ع المغرب
ابو سامي ببتسامه : عساكم تصافيتو بس
ابو حامد : تصافينا تصافينا
فرح الجد عايض و فهم مقصدهم ب انهم تصالحو و نطق بفرحه : يالله لك الحمد الحمد لله ما بغيتو يا عيالي
ابو رسن : الحمد لله يا عمي
ابو سامي : يبي لها اكبر عزيمه
ابو رسن : لا ولله ما يحتاج الكلافه
الجد عايض : مامن كلافه ولله على هلفرحه نبي نسوي عشاء كبير
ابو حامد : يا يبه ولله ما يحتاج
الجد عايض : يحتاج يحتاج
كلهم سكتو لانهم يدرون مهما تكلمو الجد عايض ما بيسوي الا الي براسي
ابو رسن : عاد انا استاذنكم ولله لازم ارجع للبيت
ابو سامي : كان جلست يا محسن
ابو رسن : ولله البيت مافيه احد لازم ارجع عند زوجتي و بنيتي
الجد عايض : لا تتاخر بكره يا محسن و كان ودك جيب اهلك معك
ابو رسن : يصير خير يا عمي يلا فامان الله
طلع محسن و لحقه سيف
تقدم سيف و حصن محسن : اعذرني يا محسن
ابتسم ابو رسن و نطق : لا صار ساس البيت مبني على طيب
كثرة عواصف الزمن ما تضره يا سيف
ودعه سيف و توجه ابو رسن لديرته عند زوجته و بنته
" في المستشفى "
عطو سامي مغذي و قالو انه بيجلس كم ساعه عبال ما يخلص المغذي جلست ام سامي عنده تقرا عليه و استاذنت منها هيفاء انها بتنزل للكوفي الي تحت
راحت هيفاء و تبعها ذياب بدون محد يحس
تقدمت هيفاء و طلبت لها قهوه و اخذت كابتشينو معاها واحد ثاني
راحت جلست على الطاوله و صارت تطقطق ب جوالها
ذياب بتنرفز : يليل البزره ذي يعني وش بيصير لو جلست فوق
كانت هيفاء جالسه على الطاوله و تناظر بجوالها و كانت حاسه ب ذياب الي كان يمشي وراها و ماهي الا كم دقيقه و قامت هيفاء توجهت له كان ذياب منزل راسه ب الارض و ما حس فيها الا و هي واقفه قدامه
هيفاء بهدو : بس شفتك واقف ف قلت اجيب لك قهوه
صد ذياب عنها لانها ماهي من عاداتهم و سلومهم يناظرون ببناتهم
مدت له هيفاء القهوه و اخذها ذياب
ذياب و هو صاد : سلمتي
هيفاء : ماني بطفله عشان تلحقني ترا
ما رد عليها ذياب و هو يناظر ل القهوه راحت عنه هيفاء توجهت ل برا المستشفى و جلست تنتظر لين ما يخلص سامي كان ذياب واقف عند الباب و يطالع فيها من بعيددد و تفكيره فيها ما وقف
ذياب بهمس : ولله انك مانت بصاحي يا ذياب يوم انك حبيت هلبزر الي لسانه اطول منه
بعد ساعه تقريباً كانت هيفاء لسا جالسه و ذياب ما شال عينه عنها لو ثانيه وخر نظره عنها من قامت و اتجهت للباب عشان بتدخل
قالت بهمس : امي تقول سامي خاص
دخلت و دخل بعدها ب دقايق
هيفاء بحنيه : وهه اخوياء التعبانننن
و حضنته ابتسم سامي من حضنته : يا عيون اخوك انتي
كانو واقفين ف الممر و هيفاء تحضن سامي تحت انظار ذياب الي شوي و يموت من الغيره مع ان سامي اخوها !
صد ذياب و قال بهمس : الله يا الدنيا يا ذياب صرت تغار من اخوها
ام سامي : مشينا مشينا لا نطول على ولد خالتكم
تقدم سامي و حد يده على كتف ذياب : ما قصرت يا ولد الخاله
ذياب : ما شاء الله اشوفك صرت زي الحصان
سامي : ايه الحمد لله نفعني المغذي
ذياب : خطاك الشر
سامي : سلمت ، يلا يا يمه مشينا
حركو من المستشفى متجهين للديره
" العزبه عند وسلم و أمجد "
كانو جالسيه حول النار و يسولفون سواليف عاديه
وسام بربكه : أمجد
أمجد عدل جلسته : بسرعه انطق وش عندك
وسام : هاه ما عندي شي !
أمجد : يبوييييي تضحك ع مين انت من امس شايفك بسرعههه تكلم
وسام : يليل زين بقول لك بس ما تقول لحد !!!
أمجد : بسرعه قل ما بقول شي
وسام : امس يوم رحت اخذ الظرف الي عمي محسن كان يبي
أمجد : ايه
وسام : الي عطتني الظرف هي
أمجد : بذمتك !
وسام : ولله بس هو يعني
أمجد : بسرعه لا تلف ولا تدور تكلم
وسام : انا قلت لها تخلي باب طاقه مفتوح عش،، ما كمل الا قاطعه أمجد بصدمه
أمجد : تمزح انت تسوقها صح !!!!
وسلم : يا بن الحلال خل اكمللللل
أمجد : يلا قل
وسام : يوم وديت عمي محسن لبيته جلست ب السياره بعيد شوي عن بيته لين ما دخلو الناس ب بيوتهم و كتبت لها رساله و حطيتها على طاقه كانت مفتوحه شوي
انصدم أمجد من الحركه الي سواها وسام و نطق بعصبيه : مجنون انت !! صاحي مهبول ما خفت ان احد يشوفك و يعلم ابوها ؟ ما خفت ان ابوها يشوف الرساله ؟
وسام : يليلل يا أمجد ما صار شي اصلاً نزلت الرساله و رحت مدري اخذتها او لا
أمجد : وسام صحصح يا ابني ماهي بحركه زينه الي سويت ولاهي من مرجلتك انك تروح ترسل لها ! لنفتظر شافك احد ؟ او ابوها او هي قالت او او او وش بتسوي وقتها ؟ ماهم ناقصين مشاكل ؟ و مشكلت ابوك و عمي الي للحين ما انحلت يا وسام اصحى على نفسك لا تودي نفسك ب مليون داهيه انت بغناه عنها
وسام : ولله يا أمجد اني ما سويت كذا ب نيه اني اضرها تدري اني اضر نفسي ولا اضرها بس كان ودي انها تدري اني ابيها و شاريها
تنهد أمجد : يا وسام انا ادري و ادري وش كثر تبيها وسام انت صبرت عشر سنين !!! ما ودك تصبر اكثر
وسام تنهد بضيق : ولله يا أمجد اني تعبت تعبت ودي تكون قدامي اليوم قبل بكره يا أمجد انا تعبت من المشاكل و ماشفت عمي محسن اخر مره كيف طلع من عند ابوي ! تدري انه ب السياره ما فتح فمه من ركب لين نزل ؟  يا أمجد ولله اني تعبت تعبت
أمجد : يا وسام ولله الي سويته ماهو بحل لا اشوفك رايح لها مره ثانيه انت تدري ابوك و عمي محسن مالهم غناه عن بعض مهما طالت و شمخت صدقني انهم بيعودون على بعض لا تضر نفسك ولا تضرها معك
نزل وسام راسه بحزن و صحى على نفسه و استوعب انه مو من سلومهم يكلمون البنت حتى لو بس رسايل لكن الحب و الشوق تعبه ولاهو بقادر يصبر اكثر
قرب منه امجد وحط يده على كتفه : ماهي من عادات ولد سيف ينزل راسه ارفع راسك الله يقلعه من حب لو نزلت راسك عشانه بيحلها ربك يا وسام
وسام ابتسم لانه يدري ان أمجد ما يبي الا مصلحته و دايم معه ب الصح ولا الخطا : ان شاء الله يا أمجد
"عند روح "
كانت بغرفتها و الرساله بيدها و تشرب شاهي و كل تفكيرها ب وسام
رفعت يدها ل السماء و نطقت بكل انكسار : يارب يارب اني تايهه يارب دلني انت اعلم بنيتي يارب يارب سخر لنا الاسباب و الاشخاص و كل شي فيه خير لنا يارب يارب اجمع بيني و بينه بالي يرضيك يارب
ماهي الا دقايق و دخل ابو رسن للغرفه حقتها خبت روح الرساله بدون ما ينتبه
روح : سم يا بـيي
ابو رسن : سم الله عدوس يا بنتي تعالي لصاله ابيس
قامت روح و راحت معاه و حصلت امها و جلست جنب امها و جاء ابوها و جلس قدامهم
ام رسن : عسى ماشر يا محسن
ابو رسن ببتسامه : خير خير يا روضه خير
روح ببتسامه : وشبه وجهك منور
ابو رسن : عندي لكم خبر
ان رسن : عساه خير يارب
ابو رسن : اليوم رحت ل سيف و كلمته و تصافينا
شهقت ام وسن بصدمه : قول ولله
ابو رسن ببتسامه : ولله تكلمنا و طاح الحطب الحمد لله
روح بفرح : في ذمتك يابـيي ؟
ابو رسن ضحك على فرحاتها : ايه يا بنتي ايه
ام رسن دمعت عيونها من الفرحه : الحمد لله الحمد لله
ابو رسن : اي ولله الحمد لله لكن سيف قال لي لن وده اني ارجع ل الديره
ام رسن صغرت عيونها : هو ليه ؟
ابو رسن : وده نرجع زي قبل وانا ولله اني ودي بس قلت له اني باخذ رايكم
ام رسن : ولله الي ودك يا محسن اهم شي انكم تصالحتو
ابو رسن التفت ل روح : وش قولتس يا بنتي ؟
روح بحزن : طيب و امل ! و رسن كيف بشوفهم كل يوم
تقدم ابو رسن و مسك يدها و قال بحنيه : تدرين اني ما بروح من هنيه الا وانتي راضيه و امل اجيبس لها كل ما ودس و اختس نجيها حنه و تجينا مع مصلح
روح نزلت راسها بحزن صح انها ودها تروح عشان تكون قريبه منه و تشوف ديمه و البنات لكن ما ودها تروح عشان امل و رسن و نطقت ام رسن بحنيه : روح يا بنيتي صدقيني ابوس عند كلمته وانتي تعرفين انه ما يخلف الوعد متى ما ودس بيجيبس
ابتسمت روح لانها تشوف الفرحه بعيون ابوها : زين يا بـيي الي تشوفه انت
ابو رسن : ترا عمي عايض عزمني على العشاء بكره و قال اجيبكم معي منها نتعشاء عندهم و نشوف بيتنا وش يحتاج و وش ناقص
ام رسن : ولله اني مافيني قدره لكن خذ معك روح
ابو رسن : ما يصير تقعدين ب البيت لحالس يا روضه
ام رسن : انادي رسن معليك انت
ابو رسن : الي تشوفينه وش قولتس ياروح
روح : زين يا بـيي ان شاء الله بس متى ب نمشي
ابو رسن : بعد الغداء يوم اجي من عند الحلال
روح : زين بقوم ارقد اجل
ام روح : نومتس عافيه يا بنيتي
تقدمت روح سلمت على امها و ابوها و راحت ترقد
" يوم جديد على ابطالنا"
كان بيت الجد عايض بيطير من الخبر الي فرحهم كلهم ما عدا بطلنا الي غارق بنومه ب العزبه مع امجد
الجد عايض بعصبيته : وين وسام و السربوت الثاني الي معه
هزاع : كانو ب العزبه يا جد الحين بيجون
الجد عايض : اذا ما جو بكسر العصاء على ضهورهم
راح الجد عايض و همس ذياب ل هزاع : اركض للعزبه و نادهم
هزاع : غط عني
راح هزاع بركض للعزبه يجيب وسام و أمجد
" عند البنات "
ديمه : يالله بنات مو مصدقه بشوف روححححح
رفيف : ايه بس ما همها الا روح
ديمه : اسكتي بس
رنيم بفرحه: الحمد لله انهم تصالحو اخيرا وربي مو مصدقهههه
ريحانه بعصبيه: امشي انتي وياها بس اعجلوو خل نخلص الاواني ذي
هيفاء : اف ريحانه اشبككك تصرخي
ريحانه : هيفاء ترا بكسر الملعقه ذي على راسك اذا ما مشيتي
هيفاء بخوف : يمامييي متوحشه
ضحكو البنات عليهم لان ريحانه قامت تركض ورا هيفاء الي تصرخ
جات الجده فاطمه على صراخهم و قالت بعصبيه : الضيوف بيجون وانتي وياها تعدون زي الورعان امشو اخلصو بسرعه
رفيف : جده ترا الضيوف عمي محسن
الجده فاطمه : و عمك محسن ماهو بضيف قمي قمي بس
قامو البنات عشان يخلصو شغل بسرعه
" عند العزبه "
هزاع بصراخ : قوم قامت ريحته يا ورع انت وياه قومووووو
أمجد : يليل هزاع علامك تنابح عند راسييي انقلععععع
هزاع : يويلكم من جدي قومووو ترا له ساعه يدور عنكم عمي محسن بيجي قومووووو
فز وسام من مكانه و قال بصدمه : وشو عمي محسن ! ليه بيجي وين بيجي و متىىى
هزاع : يويلي يا البقران ابك عمي سيف و محسن امس تصالحو و جدي مسوي لهم عشاء بسرعه مشيناا
أمجد قام من مكانه : في ذمتكككككك
هزاع : اي ولله مشينا بسرعه يالله يالله
أمجد مسك هزاع : ما تطقطق صح ؟
هزاع : ولله العظيم لو منتو مصدقين روحو شوفو حال البيت
كان وسام واقف ب مكانه و حالته حاله دوبه صاحي و صدمه هزاع ب الخبر الي ما يدري هو ينصدم ولا يفرح ولا يبكي ولا وش
هزاع : اسرعو يلا انا بروح قبل يفقدني جدي شيلو عفشكم و امشو
أمجد : زين زين
راح هزاع و التفت أمجد ل وسام و انفجر ضحك : ابك انت علامك انهبلت !
وسام بصدمه : سمعت وش قال
تقدم أمجد و حضنه : سمعت يا اخوي سمعت
صار وسام يضحك بشكل هستيري و هو ماشي يغسل عشان يصحصح و يوضي عشان يصلي الفجر
انفجر أمجد ضحك عليه و هو مو مصدق بعد
- بيت العم محسن الظهر-
ابو رسن : يلا يا روححح
روح و هي جايه تركض : جيت جيت يا بـيي
ابو رسن ابتسم من شاف كشختها : ما شاء الله تبارك الرحمن ابكم ذي بنت من
- كانت روح فارده شعرها الطويل الجميل و لابسه جلابيه حمرا كانت ماسكه على خصرها و اكمامها طويله كان جمالها ما يحتاج ميكب ولا شي-
ام رسن من وراهم : ابنيتي حبيبت قليبي
ابو رسن : اي بالله انها بنيتك يلا يا بنت روضه مشينا
ام رسن : انتبهو لنفسكم و علمونن من تصلون
ابو رسن : لا تحاتين معليك
روح سلمت على راس امها : يلا يا اميمتي انتبهي ل نفسس و كلي علاجس لا تنسينه رسن هلحين ب تجيس و وصيت امل عليس
ام رسن : سلمتي يا بنيتي لا تنسين تحصني
روح : ابشري يلا يا بـيي
ابو رسن : يلا يا روضه فامان الله
ام رسن : استودعتكم الله
طلعو من البيت متجهين ل ديره سيف
" كان الكل ببيت الجد عايض متحمس لجيت عمهم و الكل فرحان من فرحه سيف الي الفرحه ماهي بسايعته
ابو سامي بفرحه : ما شاء الله يا سيف وش البهجه ذي
ابو حامد : اخوي بيجي بين اهلي يا عبدالله
ابو سامي : الحمد لله انك سمعت كلامي
و ماهي الا دقايق و كان العم محسن عند بيت الجد عايض نزل من السياره و كانو واقفين عند البيت بستقباله الجد عايض و سيف و ابو سامي و سامي و حامد و ذياب و هزاع و أمجد و وسام و محمد ابو أمجد
تقدم الجد عايض يسلم على محسن
بعد ما سلمو على بعض دخلو لان محسن قال لهم ان معه الاهل
دخلو كلهم الا سيف الي كان ينتظر محسن راح محسن ل السياره و قال ل روح تنزل نزلت روح و تقدمت مع ابوها
ابو حامد : اخبارك يا بنتي روح
ابتسمت روح من تحت الغطوه : الحمد لله يا عمي انت علومك
ابو حامد : على ما تحبين يا بنيتي تشوفين هل باب ادخلي و تلقين الحريم
روح : زين يا عمي
ابو رسن : اذا احتجتي شي تعالي لي بس
روح : لا تحاتي يا بـيي راحت روح و دخل ابو رسن و ابو حامد ل الرجال
تقدمت روح و دخلت مع الباب الي وصاها عليه عمها و نزلت الغطوه و الطرحه و حطتها على كتفها و تقدمت تدخل البيت
روح : السلام عليكم
صرخت ديمه من شافت روح : روحححححح ، راحت ديمه تركض ل روح و راحو وراها البنات و تجمعو حول روح
ديمه بدموع : يالله يا روح اخيرا اخيرااااا
روح بادلتها الحضن : يا بعد قلبي يا ديمممه وش نوحكك
ضحكت رفيف : ايهه يا العرققق بس يا حلوسسسس
روح : ولله اشتقت لكم بناتتت
كانت رنيم بتتكلم بس قاطعتها ام حامد : خلو البنت تسلم على عمتها طيب؟
تقدمت روح تسلم على ام حامد و ام سامي و ام أمجد الجده فاطمه
الجده فاطمه : علام امس ما جات معس يا بنتي
روح : ولله يا جده تقول مافيها قدره لكن توصل لكم السلام الكثير
ام أمجد : ولله زين جيتي و شفناس يا بنتي ليت اختس جات معس
روح : يابعد راسي يا عمه لكن الايام واجد ان شاء الله تجي و تشوفونها هي و الوغدان
ام حامد : ولله ليتها جت عشان نشوفها و نشوف وغدانها على قولتس
ضحكت روح : ولله يا عمه بيرفعون ضغطكم بس
هيفاء : حرام عليك وربي انهم كيوتتتت
الجده فاطمه ب استغرب : وشو ؟
رفيف : ياجده تقصد انهم حليلين
الجده فاطمه : ايههه اكيد ورعان رسن حليلين
روح بهمس : امحق
ضحكت ريمة الي كانت جالسه جنب روح
قامو البنات و راحو للمطبخ و لحقتهم روح
رفيف : روححح متى صرتي حلوه كذيههه ؟
رنيم :قلت لكم صايره حلوه الوصخه
روح : يابعدي انتو ما تغيرت بس انتن رافعاتني فوقققق
ديمة حضنتها : ولله صايره تهبلينننن
روح : يا حبيبتي يا ديمة
ريحانه : خلي الاحضان انتي وياها و اسرعو خل نجدد القهوه و الشاهي و انتي انتبهي للحم وراك
روح : ودس اساعدس ب شي ريحانه
ريحانه : يعيوني ياروح ابك انتي ضيفه روحي اجلسي
روح : لا ولله ماني بضيفه هذا بيت اهلي
رفيف : يا حليلك يا روح روحي اجلس،، ما كملت كلامها الا صرخ ذياب
ذياب : ياولد طريققق
دخلو البنات و جلسو رفيف و ريحانه و ديمة
ديمة : تعال مافيه احد
ذياب : ابك وين الشاهي و القهوه ليه للحين ما جددتوها
رفيف : يا ذياب دوبها امي تعلمنا انكم جبتو الدلال الحين تجهز
ذياب : اعجلي اعجلي لا تتاخر على الريجيل
دخل وسام و هو يدور على ديمه : ديمه تعالي دوري لي شماغي الثاني
و غمز لها
ديمة : روح وانا بلحقك الحين
راح وسام و لحقته ديمه
دخلت ديمه للغرفه و نطقت : علامها شماغك توصخت ؟
وسام قفل الباب من وراها : خليك من الشماغ هذا شسمه
ضحك ديمه لانها فهمت عليه بس سوت نفسها غبيه : ابك علامكك
وسام : يليل يا ديمه جت هي ولا لا
ديمه بغباء : مين ؟
وسام : ديمةةة لا ترفعي ضغطي انطقييي
ضحكت ديمه عليه : ايه جت
تنهد وسام و حط يده على قلبه و ابتسم : يوهههه
ديمه : يويلي يا اخوي بيموت من الحب
وسام : ابتس اسكتي لحد يسمعس
ديمه : معليك مافيه احد هنيه
وسام : كيف حلوه ؟
ديمه ضربته بخفه و ضحكت : استح على وجهك يا ورع
وسام : يليللل ديمة تكفينن
ديمة : يلا يلا بس لا تشغلني بروح قبل يجي ذياب يذبحني معك
راحت ديمه و هي تضحك على حلطمت وسام الي يبي يعرف اي شي عن روح
" عند الرجال "
الجد عايض : وش قولك يا محسن بترجع ولا هونت
ابو رسن : ولله يا عمي الضاهر اني برجع بمر على البيت قبل ارجع و بشوف وش ناقصه و وش يحتاج
هزاع :ياعمي البيت اكيد كله غبره نروح انا و العيال و ننظفه لك وانت تجيب الي ناقص بس
ذياب : ايه يا عم صادق هزاع لا تشيل همه
ابو حامد : اجل بعد العشاء روحو مع عمكم و شيكو عليه
الجد عايض : عشر سنين ماهي بهينه على البيت انتبهو زين
ابو رسن : لا تحاتي يا عمي
- كان البيت يعم ب الفرح و السرور و كان روح جديده رجعت للبيت من الفرحه كان الكل مبسوط و مستانس ما كان احد متوقع انهم يرجعون مع بعض من جديد سيف الي مو مصدق انه يشوف صديق دربه قدامه بعد عشر سنين محسن الي كان احد كاب موياء باردهههه على قلبه اخيرا سيف سمع له و صدقه ، روح الي اخيرا اجتمعت مع صحبات طفولتها و خصوصاً ديمة الي كانت اقرب وحده لها فرحت البنات من جيت روح و فرحت العيال من فرحت وسام الي البسمه مو مفارقه وجهه من درا ب الخبر كان الكل فرحانه و مستمتع -
روح بهمس : ديمه ودي ادق على اميمتي وين اروح ؟
ديمة : روحي للمطبخ مافيه احد
قامت روح للمطبخ عشان ودها تكلم امها و تتطمن عليها
دقت روح على رسن و ردت على طول
روح : يا هلا ولله ب خيتي
رسن : ياعيون خيتس انتي اخبارس و كيف البنات و كيف عماتي
روح : يالله يا رسن احس قلبي بيوقف من الفرحه
" بهاذي اللحظه كان وسام واقف عند شباك المطبخ كان جاي يبي يجدد القهوه "
رسن : يا بعدي انتي
روح : اخبار اوميمتي عساها طيبه ؟
رسن : دوبي عطيتها علاجها و راحت ترقد لها شوي
روح : كنت داقه اتطمن عليها اليوم شفت وجهها كانه تعيبان شوي
رسن : لا معليك ماعليها خلاف
روح : يلا يا بعدي انتي بقفل اجل انتبهي لها زين و اذا ودس ب شي دقي علمينن
رسن : متى بتعودون
روح : ولله مدري عن بـيي كان وده نمر على البيت نعاين بوه
" نشيك عليه "
رسن : ايه زين اجل لا تطولون
روح : لا تحاتين يا خيتي يلا فامان الله
قفلت روح من عند اختها بعد ما تطمنت على امها ارتاحت كان بالها كله مع امها لانها حست انها تعبانه شوي
دخلت ديمه على روح و نطقت : وينس طولتي !
روح : لا بس كنت اكلم رسن
ديمة : قهررر ليت جيت بدري كان كلمتها معس
روح : معليس اذا دقت من جديد علمتس
ديمة : زين و اخبار امس
روح : ابد ما عليها بخير ان شاء الله
ديمة : ايهه زين زين اقولس متى ب تمشون انتو ؟
روح : ولله مدري بـيي كان ودوه اننا نعاين على البيت
شهقت ديمة بصدمه : بترجون لديرههه ؟؟؟
روح : ايههه يا بعدي بنرجععع
حضنتها ديمة بفرحه : يالله اخيراااا اخيراااا
قاطعهم وسام من صرخ : يا ولد طريقققق
ديمة : يليللل وسام وش تبي ؟؟
وسام : عندس احد ولا ادخل ؟ كلن يدري ان روح موجوده بس سال عشان تطلع
ديمة : اصبر دقيقه ادخلي روح و بشوف وش يبي و بجيس
روح بهمس : زين
دخلت روح و دخل وسام
وسام : جددي القهوه خلصت
ديمة : يليللللل ابك انتو كم دله تشربون ؟؟
وسام ضحك : تصدقين حتى انا مدري ؟
ديمة : هات هات اخذت ديمة الدله و جددت القهوه و حطتها على النار
ديمه : وسام
وسام : سمي يا عروق دم وسام
ابتسمت ديمة : سم الله عدوك يا اخوي عمي محسن بيجلس هنيه
وسام : يوهه يا ديمة ولله اني كاني بحلم ماني مصدق
ديمة : ولله حتى انا الحمد لله انهم تصالحو
وسام بهمس : اعطيس شي توصلينه لها ؟
ديمة : يليل وسام تكفى اخاف انقفط
وسام : عشان حب خيس طيب ؟
ديمة : يليللل وش عندك
طلع وسام من جيبه حلاوه " المصاصه الي ع شكل قلب "
وسام : عشانس ب توصلين لها عادي تاخذين وحده
ديمة ضحك : يلا زين هات
اخذت ديمة الحلاو و خبتها ب جلابيتها و اعطت وسام القهوه و طلع للبنات
جلست ديمه جنب روح الي كانت تسمع ل سواليف البنات و هواش ريحانه و هيفاء
ديمه بهمس : خذي
التقت روح لها : سمي يا بعدي
حطت ديمة الحلاو بينها و بين روح و نطقت بهمس : من عند وسام
رفعت روح راسها لها بصدمه و ضحكت ديمة عليها : معليش اخوي مجنون شوي لكن تحمليه
اخذت روح الحلاو و حطتها ب شنطتها : شكرا يا بعدي انتي
ديمة : ما بينا شكر يبنت العم
ريحانه : خير انتي وياها تتهامسون
ديمة بضحك : شدخلس انتي
ريحانة : اقول لا تخليني اجي اكفخس الحين
ديمة : يليللل هيفاء موجوده كفخيها هي
هيفاء : خيرررررر وربي يويلك تقربي مني
رفيف : انتي وياها ما تعقلن ؟؟؟
رنيم : بزران بزران خليهم
روح بضحك : عليس فيهن يا ريحانة كفخيهن
قامت ريحانه و شمرت يدينها : ابشري بسعدس يا بنت العممم
ركضت ريحانة ورا هيفاء الي قامت تصرخخ
قامت رنيم و راحت تجلس عند ديمة و روح
رنيم : وش عندك انتي وياها تتهامسون لكم ساعه
ديمة بغباء : ابد ماعندنا شي صح روح
هزت راسها كم مره ورا بعض و قالت : صح
ضحكت رنيم على شكلهم : اي واضح ماعندكم شي بسرعه تكلمو
ضحكت ديمة و قربت همست ل رنيم و علمتها عن سالفه الحلاو
حطت رنيم يدينها على فمها و همست : ياههه كيوتت ما نسى هي ايش تحببب
ديمة : الحب لعب فيه
التفتو على روح الي كانت شوي و تموت من الاحراجججج
ضحكو عليها و نطقت ديمة : ياربي روح ترا محد يدري الا انا و رنيم ف لا تخافي
روح باحراج : ايش عرفكممم
ديمة : تدرين انه يفز لا طريناتس ؟
رنيم : اول ما جينا قبل كم يوم تكلمنا انا و هيفاء عنك و عن رسن و علمهم سامي اننا مرينا عليكم بغاء يموتتت شوي و يذبح سامي عشان يعلمه وينكم
ديمة : تصدقين يا روح بعد المشكله الي صارت ب فتره وسام و اخواني دورو عليكم بكل مكان ل درجه راحو يدورو ب مستشفيات نجد
روح بحزن : اول ما طلعنا من هنيه رحنا للقصيم وانا و رسن خلصنا مدرسه و يوم جيت بقدم على الجامعه بـيي قال بنرجع لديره ففرحت كثير معني كنت ابي الجامعه و وافقت بس انصدمت يوم دريت اننا نقلنا و مابنجي عندكم حاولت ب ابوي كثير لكن رفض صار يعصب اذا جبت طاريكم
حضنتها رنيم و صارت تطبطب عليها : يا عيوني يا روح اهم شي انكم بترجعونن
ديمة مسكر يدينها : الي فات مات يا روح قدامنا الايام واجد
روح : الحمد لله انهم تصالحو
جلسو البنات يسولفون مع بعض و يعبرون عن شوقهم و بنفس الجهه عند الرجال
بعد العشاء تقريباً ب نص ساعه
ابو رسن : يلا ياعيال خلو نروح نشيك على البيت
ابو سامي بضحك : انتبو لا ينهد عليكم بس
ابو رسن : معليككك
طلعو العيال مع عمهم محسن
ابو رسن : اسبقوني يا عيال بشوف الاهل
ذياب : زين يا عمي
راحو العيال و راح ابو رسن ينادي على رسن
اول ما سمعت صوته اخذت غطوتها و حطتها على راسها و طلعت له
روح : هلا يا بـيي
ابو رسن : عساس مرتاحه يا بنيتي
حضنته روح : مرتاحه يابعدي انت عساك فرحان بعمي سيف ؟
ضحك ابو رسن : فرحان يا بنيتي فرحان
جو البنات و وقفو ورا روح
ديمة : اخبارك يا عم
ابو رسن : بخير يا بنتي انتي شنوحك
- كانو البنات يتغطون عن عمهم محسن لانه مايقرب لهم بس يقولون له عم لانه بحسبه اخو ابوهم و من الاحترام يسلمون عليه بس من بعيد و هم متغطين عنه -
ديمة : الحمد لله بخير
رفيف : اخيراً يا عم شفناك
ريحانه : كنت بزعل لو ما جيت تسلم علينا
ابو رسن بضحك : افا احد يزعل من عمه
ريحانة : لو زعلنا منك سيف بيذبحنا
ابو رسن : لا لا سيف ما يسويها
رنيم : اخبار عمتي يا عم
ابو رسن : بخير الحمد لله
هيفاء : عموبتجلسون هنا ؟
ابو رسن : ولله بروح اشيك على البيت مع العيال و ان شاء الله الاسبوع ذا بنجيكم
ديمة : تكفى عم خل روح عندنا
ابو رسن : ابدااا بنتي مصبر عنها
روح : يا بعد ببريي حالي يا بـيي
ابو رسن : ودي اخليها عندكم لكن البيت ما يصبر عن عاموده لكن بتجلس عندكم لينن نخلص من البيت و اجي اخذها
ديمة : لا تطول يا عم شد بسرعه
ابو رسن : ان شاء الله ، التفت ل روح , بروح اشيك على البيت و اجيس عشان نمشي
روح : زين انتظرك
راح ابو رسن للعيال و دخلت روح مع البنات
" عند العيال بلبيت "
أمجد : يوههه يعيال وش هلغبره
ذياب : عشر سنين محد تب البيت وش تنتظر
سامي بدا يكح : انا بطلع يعيال
ضحك وسام : اطلع اطلع لا تموت علينا
طلع وسام و دخل ابو رسن و هو متلثم
ابو رسن : ايه وش حال البيت
هزاع : عم شرايك تسكن عندنا ؟
ضحك ابو رسن : شكلنا ما بنقوا عليه لو نجيب العمال احسن
ذياب : لا تشيل هم يا عم بكره تجي تلقاه جديددددد
ابو رسن : لا ولله لا تتعبو نفسكم العمال يحلونها وانا جاي جاي بكره
وسام : يا عم ولله ما يحتاج لها عمال نضبطه حنا
ابو رسن : ادري انكم ما تقصرون بس مع هلبرد و الغبار عشان لا تمرضون معليكم احلها انا
أمجد : الي ودك يا عم لكن ترانا عند امرك
ابتسم ابو رسن : اعرفكم عيالي و ما تقصرون
ذياب : اجل طلعنا عن الغبار
ضحك هزاع : خل نشيك على سامي لا يكون مات
أمجد : دلوع ولد نجد
طلعو العيال مع عمهم و توجهو لبيت الجد عايض
دخل ابو رسن و سلم على الموجودين و استاذن منهم و راح عشان ينادي رسن
ابو حامد : ذياب يا ولدي خذ الجوال و عطه عمك قبل يحرك لا ينساه
نط وسام من مكانه : انا اوديه يا يبه ذياب تعبان
اخذ وسان الجوال و طلع مستعجل
كانو العيال ماسكين الضحكه عشان محد يشك
ابو حامد : علامك يا ذياب تعبان
ذياب : لا يا يبه طيب طيب بس من البرد
ابو أمجد : الله يهديكم تدفو زين
"عند ابو رسن "
كان واقف عند الباب ينتظر روح تطلع له
روح : يلا يا بنات انا بحرك
ديمة : يليل تعالي بكره تكفين ما شبعت منس
روح : اذا بـيي جاء بجي معه ان شاء الله
رفيف : لا تقطيعنا تكفين يكفي الي جانا
تقدمت روح و حضنتها : ما بقطعكم يا بعدي يا رفيف
سلمت روح على البنات و طلعت ل ابوها
اول ما طلعت شافت واحد واقف عند ابوها و يكلمه
وسام : ولله ياعم ما من كلافه انه حقك و واجبنا
ابو رسن : سلمت يا ولدي ولله ما قصرتو
وسام : ابد يا عم بكره تجي و تحصله جاهز لا تشيل هم
التفت ابو رسن و شاف روح و ابتسم : زين يا ولدي الي ودكم
وسام : ما اطول عليك فامان الله
التفت وسام و لمحها واقفه عند الباب تنتظره يمشي عشان تطلع
ابتسم بخفه و مشى
ابو رسن : يلا يا بنيتي لا نتاخر على امس و اختس
روح : ابشر يا بـيي
كانت انظار روح على وسام الي متجه للمجلس و معطيهم ظهره
راحت روح مع ابوها لسياره و ركبو و اتجهو للبيت
دخل وسام و جلس عند العيال و تفكيره كله معها
الجد عايض : يلا يا عيال امشو ارقدو
هزاع : ابشر يا جد هلحين بنقوم
الجد عايض : اعرفها زين ذي الحين بنقوم يويلكم اجي و احصل واحد هنيه
ذياب : معليك يا جد هلحين بنروح نرقد
طلعو الكبار و جلسو العيال يسولفون كان وسام ماهو بحولهمممم كل تفكيره معها
سامي ضحك من شاف وسام يطالع ب الجدارر و ما يرمش : انجن ذا
التفتو العيال على وسام الي لو قطعتو رقبته ما حس فيها
أمجد : ضاعت علوم ولدنا
دقه ذياب برجله : ولد علامك انت
وسام : هاه وشو
ضحك سامي و غمز : شفتها هاه
ضحك وسام و قام : انا بروح ارقد ، طلع من الجلس تحت ضحك العيال
وقف على صوت ديمة الي نادته : وسام
التفت لها : سمي يا عروق و قلب وسام
ضحك ديمة و غمزت : ولله ما ندري من قلب وسام
ابتسم من تلميحات ديمة : ماعندي الا قلب واحد يا ديمة
والي ماخذ هلقلب و سارقه ولله انه جايزن لي .