الروح إذا آوت دأوَت و إذا أَحبت أحيت

6

- بيت ابو رسن -
كانت روح جالسه ب الحوش تقرا قران الا دق باب الحوش و قامت عشان تشوف مين
روح : مين ! ما سمعت اي جواب ولا رد انتظرت شوي و فتحت الباب و جلست تطالع يمين يسار مافي احد كانت بتقفل الباب بس شافت ظرف على عتبت الباب اخذته و قفله الباب و دخلت جوا البيت تشوف ابوها و حصلته جالس مع امها ب الصاله
روح : يا بـيي فيه احد دق الباب و لما فتحت ما لقيت احد بس لقيت الظرف ذا
ابو رسن اخذ الظرف : اي يمكن من العمال او من حقين الحلال سلمتي يا بنتي
روح : يسلمك يا بـيي انا بروح ارقد يا اميمتي لا تنسين علاجس قبل ترقدين
ام رسن : ابشري
راحت روح تنام و بعدها ب شوي دخلو يرقدو ابوها و امها ترك ابو رسن الظرف ب جيب ثوبه ما توقع انه فيه شي مهم و اكثر من المهم و اجله ل بكره
- يوم جديد على ابطالنا -
" العزبه"
ابو سامي بهمس : وش فكرت ب الموضوع
ابو حامد : ولله اني ضايع و محتار و خايف على محسن ؟
ابو سامي : تتوقع منهو الي مرسل الرساله !
تنهد ابو حامد بضيق : ولله اني طول ليلي افكر بس محد كان يدري ب ذا الموضوع الا انا و انت و محسن
ابو سامي : ودك اخلي سامي يروح يجيب محسن و نتفاهم معه !
ابو حامد : ايه زين زين و منه اتطمن عليه ولله ان قلبي قارصني من امس
ابو سامي : معليك ان شاء الله خير بس لا تفتح الموضوع معه يمكن الرساله بس وصلتك و ما ودك تطيح الحطب يا سيف !
ابو حامد : ايه يا عبدالله انا وش اقول و وش اخلي لكن يصير خير
قام ابو سامي و طلع من الخيمه يدور على العيال و شافهم حول النار
ابو سامي : سامي ياولدي
قام سامي : سم يبه
ابو سامي : تعال ابيك شوي
راح له سامي و قال له : اسمع وانا ابوك روح ل عمك محسن و قول له ابوي و عمي سيف يبونك ضروري
انصدم سامي : عمي محسن ماغيره ؟
ابو سامي : ايه يا بعدي ما غيره انا كلمت سيف و ان شاء الله نقول طاح الحطب
فرح سامي و شوي و يطير من الفرحه : ابشر يا يبه الحين اروح له
ابو سامي : عشت ياولدي
دخل ابو سامي الخيمه و راح سامي يركض للعيال و هو يضحك
ذياب : علامك انت انهبلت
سامي : اسمعععع ابوي قال لي روح ل عمك محسن و ناده
وسام : وين تناديه !!
سامي : للعزبه
هزاع : اسالم بالله ؟
سامي : اقسم بالله
أمجد : وش قال لك !
سامي : قال روح جيب عمك محسن و قول له ابوي و عمي سيف يبونك ضروريييي
ذياب : انطلق ياذيب و جيبه
سامي : ابشر بعزككك
وسام : بروح معك
أمجد : ابلش قام العاشق الولهان
وسام : اسكت بس مشينا سامي
راحو سامي و وسام للعم محسن و قامو هزاع و أمجد بعد ما ناداهم ابوهم و جلس ذياب لحاله حول النار
- عند الحريم -
ام سامي : هيفاء يا بنتي روحي نادي على اخوك
هيفاء : ليه يا ماما
ام سامي : امس كان يكح و يتشكى من حلقه شكل تغير عليه الجو
رنيم : بس حلقه ؟
ام سامي : ايه لا تخافين
هيفاء : ابشري الحين اناديه ، اخذت لبست عبايتها و حطت الغوه على راسها بس و طلعت
راحت ل خيمه الرجال و شافت ان مافيها احد و جلست تمشي تدورهم شافت واحد جالس عند النار و متغطي ب فروته تقدمت له شوي و نادت
هيفاء : سامي ؟
فز قلبه من سمع صوتها و التفت ذياب عليها شافها واقفه وراه و مغطيه نص وجها ب الغطوه حقتها و باينه عيونها جلس يناظر فيها و هي تناظر فيه و انصدمت من شافت انه ذياب مو سامي جلس يفكر بعيونها الي اول مره يشوفها بهذي الوضوح و الجمال و قاطع حبل افكاره صوتها لما نطقت بصوتها الناعم و الهادي : معليش كنت اتوقعك سامي
صد ذياب من استوعب على نفسه و قال : سامي ابوس ارسله ل شغله
هيفاء : طيب لما يجي قول له ماما تبغاك
ذياب : زين
راحت هيفاء و لف يناظرها و هي متجهه للخيمه و قال بصوته الرخم :
ايهههه يا ذياب ولله طحت ل بنت العم ، ضحك على نفسه و اخذ كاس الشاهي و يهوجس فيها و هي ماعمرها طلعت من باله
ذياب : اخر عمرك يا ذياب تحب لك وحده ما درت عنك ولا عن هواك
- عند وسام و سامي -
وصلو ديرت ابو محسن كان سامي بينزل من السياره بس وقفه وسام
وسام : انا انا بنزل اشوفه
ضحك سامي لانه يدري له يبي ينزل : يارب يفتح لك عمي محسن
وسام : اسكت بس
نزل وسام من السياره و وقف قدام الباب اخذ نفس طويلللل و هو يدعي من كل قلبه انها هي الي تفتح الباب طق الباب و جلس ينتظر غمض عينه من سمع صوت الباب ينفتح شويي شوي
روح : مين ؟
فز قلبه من سمع صوتها الي بباله من عشر سنين و يقدر يبينه من بين كل الناس صح انها كبرت و تغير صوتها لكن قلبه دليله
تنحنح وسام و قال : عمي محسن موجود !
روح : ايه موجود اقول له من ؟
وسام : وسام ولد سيف
قفلت الباب بقوه من الصدمه و حطت يدها قلبها و ببالها مليون سؤال كيف ! و ليه ! و متى و شلون ! و ايش يبي ، دخلت روح لصاله و هي للحين مصدومه
ابو رسن : مين ياروح !
روح و هي بالها مع الي عند الباب مو معاه: هاه !
ابو رسن : علامك ! اسالس مين الي عند الباب
روح : اها اي يقول وسام ولد سيف
ام رسن بصدمه : وشو !
قام ابو رسن : دقايق و اجس
راح ابو رسن يشوف وسام وش عنده
ابو رسن : ارحب ياولدي
وسام تقدم يبوس راسه : تبقى ياعمي
ابو رسن : عسى ماشر ياولدي
وسام : ولله ارسلنا عمي عبدالله قال روحو ل عمكم محسن و قولو له عمي عبدالله و ابوي يبونك ضروري و جيبوه معكم
انصدم ابو رسن و عقد حاجبه : سيف !
وسام : ايه
ابو رسن و هو للحين مصدوم : زين ياولدي روحو وانا بلحقكم
وسام : نروح ب سياره وحده احسن
ابو رسن : زين الحين اجيكم ، و دخل للبيت و هو للحين مصدوم كيف سيف يبيه و مرسل ولده له !!
ابو رسن : روح يا بنتي روحي جيبي لي ثوبي
روح : ابشر يا بـيي
راحت روح تجيب ثوب ابوها بس وقفت عند باب الصاله تبي تسمع ابوها وش يقول
ام رسن : عسى ماشر وش ودوه ولد سيف ؟
ابو رسن : ولله اني مدري قال لي عمي عبدالله و ابوي يبونك ضروري
ام رسن : ان شاء الله خير
ابو رسن : ان شاء الله
ركضت روح للغرفه تجيب ثوب ابوها و طاح منه الظرف و هي ما انتبهت
لبس ابو رسن الثوب و طلع و راح مع العيال
- العزبه -
ابو سامي : يا عمي عايض ترا بيجيك ضيف
الجد عايض : ابد حياه الله منهو !
ابو سامي ببتسامه : بتعرفه يوم يوصل
الجد عايض : امجد ياولدي قوم رح للحريم و قول لهم يزهبون القهوه و الشاهي
أمجد : ابشر يا جد
راح أمجد للحريم و عطاهم خبر و قامو يجهزون للضيف الي ما ندري هو نفرح فيه او نحزن بجيته
و ماهي الا نص ساعه و وقفت سياره ابو سامي عند خيمه الرجال و كان الجد عايض و ابو سامي و ابو حامد و هزاع و امجد ب استقبالهم نزلو من السياره و انصدم الجد عايض من شاف محسن
الجد عايض بصدمه : محسن ؟
تقدم محسن و سلم عليه فرح الجد عايض كثيرررر بشوفته لانه كان حيل يغليه و يحسبه واحد من عياله
ابو رسن: اخبارك ياعم
الجد عايض : ولله انها الساعه المباركه يا هلا ولله ياهلا الحمد لله انت شعلومك
ابو رسن : هلابك الحمد لله بخير نحمد الله و نشكره
تقدم ابو سامي : ارحب يا محسن
ابو رسن : تبقى يا عبدالله
كان سيف واقف و يطالع فيه مو مصدق ان خويه الي كان اقرب له من روح و افترقو عشر سنين قدامه و كبر فيه العمر و بدا يطلع فيه الشيب تقدم له ابو رسن و قال بصوت هامس : حتى ما ودك تسلم علي بعد قطعتك ؟
سلم عليه ابو حامد و هو باردددد و كل واحد بباله الف سؤال
قلطهم الجد عايض و بدو العيال يضيفونهم و الي يروح يشيك على الغداء و الي يجدد القهوه و و و
" بعد صلاه الظهر و الغداء "
الجد عايض : هزاع يا ولدي قوم معي بروح اشوف الحلال
هزاع : مشينا يا جد
طلع الجد عايض و كان مع ابو رسن و عبدالله و سيف العيال لمح ابو سامي ل سامي عشان يطلعون
سامي : ياعيال تعالو ابيكم بشي
فهمو عليه العيال و طلعو
ابو رسن : قال لي وسام انكم تبوني بموضوع مهم عساه خير ؟
ناظر ابو سامي ب سيف طلع سيف الورقه من جيبه و مدها ل محسن
تنهد ابو سامي لانه يدري ان سيف ما بيسمع كلامه اخذ محسن الورقه و جلس يقراها و انصدم منها رفع راسه و ناظر بسيف و قال بصدمه
ابو رسن : مين ؟
ابو حامد : ذا الي نبي نعرفه
ابو سامي : امس وصلها واحد من عيال الديره مع وسام و قال له ان فيه واحد عطاه الورقه و من شكله واضح انه مو من حقين الديره
تذكر ابو رسن عن الظرف الي جاه امس و قال بصدمه : انا امس جاني ظرف باخر الليل بس ما فتحته قلت اكيد انه من الشغل
انصدمو عبدالله و سيف
ابو سامي : ما قريتها؟
ابو رسن : لا ولله قلت اشوفها الصبح و شكلها طاحت ب الغرفه لاني كنت حاطها ب جيب ثوبي
ابو سامي : خل ارسل واحد من العيال يروح يشوفها
كان ابو رسن بيقوم يروح هو بس تذكر انه ما جاء على سيارته و وافق
طلع ابو سامي و اتجه للعيال
ابو رسن : اخبارك يا سيف
ابو حامد : ليه تسال سوال انت ادرا بجوابه
ابو رسن : ما ودك تطيح الحطب
ابو حامد : يا محسن انت خليت فيها حطب ؟
ابو رسن : انت الي سمعت من الغريب و ما سمعت مني و صدقت شخص اول مره بحياتك تشوفه ولا صدقت اخوك الي عشرت عمر معك !
ابو حامد : قفل على الموضوع يا محسن خلاص
ابو رسن : من يومك عنيد يا سيف و راسك يابس و ما تسوي الا الي تبي ما فكرت ب العشر سنين انا وش حالي ؟ ما قلت اكيد اخوي محتاجني ! محتاج اوقف معه ! ما قلت وش حال محسن من بعدي اسالك بربك ما طريت على بالك ؟ لو جو قالو لك محسن مات حتى عزاي ما بتحظره يا سيف اسمع مني لو مره وحده بعمرك وش بتخسر عشر سنين خليتني لحالي تايه و ضايع بين الخطوط و بين افكاري اجلس افكر فيك كل ثانيه و كل دقيقه خايف لا يجيك شي وانا مو حولك
كان بيتكلم سيف بس قاطعه محسن
ابو رسن بحده : قبل ما سمعت مني و الحين انا بتكلم وانت بتسمع يا سيف
- عند العيال -
ابو سامي : سامي ياولدي تعبتك معي لكن تروح ل بيت عمك محسن
سامي : ابشر يا يبه بس ليه
ابو سامي : روح و قول لهم ان عمك امس جاه ظرف يخص الشغل جيبه و تعال
سامي : ابشر
راح ابو سامي و التفت سامي على وسام
سامي : ودك ؟
وسام قام : هات المفتاح
اخذ وسام المفتاح و راح لسياره
أمجد : بيتعب نفسه المريض ذا
ذياب : اهلك نفسه عشر سنين بتفكير ما بيصير له شي
سامي : ما عمري تخيلت ان الورع ذا يحب
ضحك أمجد : متاكد انه يحب و بس ؟
ذياب : ايه صح سامي ترا امك اليوم دورت عليك
سامي : و دوبك تقول لي
ذياب : يخوي نسيت طيب
قام سامي و راح ل امه
أمجد التفت ل ذياب : تهقى يتصالحون ؟
ذياب تنهد : يجيب ربي و ربك الخير يا أمجد
أمجد : ولله اني ودي يتصالحون بس عشان وسام ولا الباقي ماعلي منه
ذياب : ذبح نفسه هلولد
امجد بضحك خفيف : مسوي طالع منها
ذياب : ايههه بس خلها على ربك
- عند سامي -
سامي : سمي وش بغيتي يا الغاليه
ام سامي : وينك يا ولدي طول اليوم ادور عنك
سامي : ولله انشغلت مع ابوي و ضيفه
ام سامي : ضيفه ؟ ليه من جاء
سامي : عمي محسن
شهقت ام سامي بصدمه : محسن !؟؟
سامي : ولله كلنا مصدومين لكن ان شاء الله خير
ام سامي : عساهم يتصالحون يارب
سامي : يارب ، انتي وش بغيتي يا بعدي
ام سامي : ولله كنت ابي اتطمن عليك و كيف حلقك
سامي باس راسها : ذيب ذيب معليك يا يمه
ام سامي : دف رقبتك زين يا ولدي و تعال لي بعد شوي بسوي لك زنجبيل
سامي : ابشري يا يمه
راح سامي و دخلت امه للحريم و جلست جنب سلمى
ام سامي : تدرين من جاء يا سلمى
ام حامد : مين !
ام سامي : محسن
شهقت ام حامد بصدمه : منهوووو
ام سامي : ولله حتى انا انصدمت زيك
ام حامد : مين قال لس ؟
ام سامي : ولدي سامي
ام حامد : يعني محسن جاء
ديمه بصدمه : عمي محسن جاء ؟؟؟؟؟
الجده فاطمه : منهو الي قاله
رفيف : متى جاء و ليه محد علمنا
ام سامي : ولله ما ندري بس سامي قال لي عمي محسن جاء
ريحانه : يارب يارب يتصالحون يارب
ديمه : يارب ولله اني تعبت من القطعه
رفيف : ادعو ادعو ادعي يا يمه و ياجده
رفعت يدينها الجده فاطمه تدعي لهم و انهم يرجعون زي قبل و احسن
" عند بطالنا وقف عند بيت عمه و نزل يطق الباب
رسن : مين ؟
صاب بطلنا ب خيبه امل وعرف انها ماهي روح
وسام : انا وسام ارسلني عمي يقول انه امس جاه ظرف من الشغل و هو نساه ب الغرفه و يبيه
رسن : طيب انتظر دقيقه
دخلت رسن البيت
رسن : روح ابوي امس جاه ظرف من الشغل وينه ؟
روح : دقيقه اشوف
راحت روح ل غرفه ابوها تدور الظرف و حصلته طايح على الارض
اخذته و راحت ل رسن
روح : هذا هو
رسن و هي تسوي الرضاعه ل ميرأ : بالله روحي عطيه الي عند الباب
راحت روح و فتحت الباب شوي و قالت : هذا الظرف ، و مدت له الظرف
عرف وسام صوتها و ابتسم بخفه : زين الله يعطيس العافيه
روح : يعافيك 
كانت بتسكر الباب بس وقفها صوته من قال بهمس : خلي باب الطاقه
" الشباك " مفتوح فاليل
قفلت روح الباب بدون ما ترد عليها و قلبها يدق بشكل مو طبيعي
دخل وسام السياره و حط يده على قلبه و همس : يارب يارب انها تصير حلالي يارب
حرك وسام للديره حقتهم عشان يعطي عمه الظرف
وسام : زي الظرف الي جاء ابوي امس شكل بينهم شراكه ، ضحك بخفه على تفكيره و رفع نظره ل الطريق و هي ما طلعت من باله
وصل وسام العزبه و نزل اعطى عمه الظرف و طلع للعيال
فتح ابو رسن الرساله و قراها و حصل فيها نفس الكلام الي ب الرساله الي جات ل سيف
ابو رسن : شفت ان مالي يد بالموضع يا سيف ؟
ابو حامد بعصبيه : اذا مو انت كيف كيففف و مين يعرف ب الموضوع محد
ابو سامي : هد يا سيف العصبيه ماهي بنافعه شي خل نفكر يمكن نلقاء حل
ابو رسن : فهمتك يا سيف و علمتك و قلت لك كل شي بس انت معند و الا تبي تصدق الي براسك ، قام ابو رسن و رما الرساله على الارض و قال : ما همني شي يا سيف لكن ولله ولله اذا صار شي ل بناتي او ل زوجتي ان ما يحصل خير و خلك عند كلامك ولا تجيني بعدين تتعذر انا قلت كل شي عندي بس انت ما ودك الا ب القطعه وانا غلطان يوم اني جيت طلع ابو رسن من الخيمه و تقدم للعيال الي كانو جالسين حول النار
ابو رسن : وسام يا ولدي اذا ما عليك امر وصلني البيت
قام وسام : ابشر يا عم
راح وسام مع ابو رسن عشان يوصله
أمجد : ولله وجهه ما يبشر بخير
سامي : و المسكين ذا متعب نفسه طول اليوم مع الخطوط
ناظر ذياب ل اخوه الي كان يمشي جهت السياره و كان باين على وجهه السعاده و شوي و يطير من الفرحه تنهد ذياب بضيق و نزل راسه و هو ما يدري وش بيصير ب اخوه اذا ما تصالح ابوه مع عمه
وصل وسام عمه و سلم عليه و دخل ابو رسن للبيت و بعد وسام شوي عن البيت طفاء السياره
جلس وسام ب السياره و بيده ورقه و قلم ابتسم اول ما طرت على باله قصيده و كتبها و حط الورقه ب ظرف و انتظر لين ما بدو اهل الديره يدخلون بيوتهم بعد ما تاكد ان ماعاد فيه احد نزل من السياره و قرب من بيت العم محسن لمح شباك غرفه مفتوحه شوي و فيها اضائه خفيفهه
حط الظرف على الشباك و انحاش
ركب السياره و اتجهه ل ديرتهم
- الساعه 12 تقريباً -
دخلت روح غرفتها و هي كل بالها مع وسام و ليه يبغاها تخلي الشباك مفتوح قفلت نور الغرفه و اتجهت ل الشباك و حصلت عليه ظرف اخذت الظرف و قفلت الشباك و راحت جلست و هي شوي و تموت من الخوف
فتحت روح الظرف و صارت تقراء الكلام الي مكتوب و ما قدرت تتحمل و صارت تبكي و هي ضامه الرساله لصدرها مو مصدقه انو بعد عشر سنين حصلت رساله منه رجعت تقراء الرساله من جديد و كان مكتوب فيها :
من زود حرصي عليس وكثرة الاهتمام
بعطيس بيت كيفيس عن ثلاثين بيت

انتي اخر انسانه في بالي لا جيّت انام
وانتي اول انسانه في بالي لاصحيت