الروح إذا آوت دأوَت و إذا أَحبت أحيت

8

" يوم جديد على ابطالنا "
- بيت ابو رسن
قام من على الفطور و نطق : انا بروح الحين اشيك على المزرعه و بمر اشوف البيت
ام رسن : نبدا نجمع الاواني ؟
ابو رسن : ايه ايه احسن عشان نخلص بسرعه
ام رسن ببتسامه : اشوفك مستعجل
ابو رسن : ولله ما موقفني لا نشد اليوم الا البيت حالته حاله بمر عليه اليوم و باخذ عمال المزرعه
ام رسن : زين زين
نطت روح : يا بـيي تكفىىىى بسير معك
ابو رسن : ما يصير يا بنيتي
روح بترجي : تكفى يا بـيي ابي اروح عند ديمه وانت اول ما تخلص من البيت نمشي تكفىىى
ام رسن بضحك : خذها لا تموت علينا عشان ديمه
ابو رسن : و امس من بيجلس عندها
روح : تروح معنا
ام رسن : فكيني يا روح
روح : ولله يا اميمتي امس كلهن يسالن عنس خصوصاً عمتي سلمى
حتى جده فاطمه فقدتس
ابو رسن : روحي معنا تغيرين جو
روح : اي يا اميمتي تكفين
ام روح : زين بمشي معكم اجل
طارت روح من الوناسنه لانها بتشوف البنات و لان امها بتروح معهم كلهم امس بس يسالون عنها و مشتاقين لها حيللللل
" بيت الجد عايض "
ابو حامد : محسن اليوم بيجي
وسام شهق : ابكككك نسبتتت قلت له اننا بننظف له البيت قبل يجي
الجد عايض : ياخيرك يا وسام
ذياب : طيب هو امس عييا علينا لا ننظفه
وسام ضحك بوهقه : بس انا لزمت عليه
أمجد : يوههه يا وسام ليه ما تكلمت من بدري
ابو سامي : قومو نتعاون عليه
الجد عايض : ربع تعاونو ما ذلو
ذياب : انتو خلوكم حنه ب نروح و ناخذ العيال و العمال و نتعاون
ابو حامد : زين يا ولدي بس انتبهو من الغبار
وسام : ابشر يا يبه مشينا يا عيال
تفرقو العيال و الي راح ينادي اخوياهم من الديره و الي راح للعمال و الي راح يجيب الاغراض الي بينظفون فيها و بدو العيال ببيت عمهم محسن صح كان تعب لكن من فرحت وسام نسو التعب و شدو الهمه
بعد ساعتين تقريباً خلصو العيال و ما طلعو من البيت الا لقو سياره عمهم عند بيتهم
ذياب : زين خلصنا قبل يجي
طلع وسام : مين يجي
أمجد : عمك
رفع وسام نظره لسياره و لمحها توايق مع نافذت السياره
زلق وسام من عتبت الباب و انفجرو ضحك العيال ما انتبه وسام للماء و الصابون الي كان على عتبت الباب
أمجد بضحك : طاح و محد سمى عليه قوم قوم
ذياب و هو يقومه همس له : اثقل اثقل لا تنحاش بنت الناس
وسام و هو ما شاح نظره من السياره : مقدر مقدر اهههه يا قلبييي
ذياب بضحك : بسم الله عليه رح رح بدل لا تمرض
وسام : ولله اني لا مرضت ان دواي عندها
رفسه ذياب برجعه و ضحك : اقول انقلع بس
جاهم العم محسن : ليه التعب يا عيالي عسى ما تعبكم
نط وسام يسلم على راسه : ما من تعب يا عم
ابو رسن : انا معي الاهل اذا ماعليكم امر روحو عطو الحريم خبر قبل يدخلن عليهن
وسام : ابشر ياعم
راح وسام و وقف عند باب المدخل حق الصاله  نطق بصوت عالي
: يا يمهههه جوك ضيوف يا يمههه
طلعت ام حامد : هلا هلا ياولدي ابك انت علامكك صردان
وسام بضحك : طحت و حنا ننظف بيت عمي محسن
ام حامد : منهم الضيوف
وسام : مدري يمكن بناته او حركته
ام حامد : ايييه قصدك جو مع عمك زين ادخل بدل وانا بروح لهن
وسام : زين
دخل وسام و طلعت ام حامد و اتجهت ل السياره و اول ما شافتها روح نزلت من السياره
ام حامد : يا هلا ببنت محسن يا هلا
قدمت روح تسلم عليها : جبت لس الي تسالينن عنها امس
ام حامد : في ذمتس ؟
فتحت روح الباب لمها عشان تساعدها تنزل و لا تتعب
تقدمت ام حامد تسلم على ام رسن : يا هلا ياهلا ولله ان الديره توها تنور يا هلااا
ضحكت ام رسن و هي تحضنها : منوره ب اهلها يا سلمى هلابس يا بعدي انتي
ام حامد : تفضلو تفضلو
دخلت ام روح و روح مع ام حامد للبيت و بدو ب استقبالهم البنات و الجده فاطمه و ام أمجد و ام سامي " عطاهم وسام خبر "
الجده فاطمه : يا مرحبا يا هلا ولله
ام رسن : يا هلابس يا ام محمد
الجده فاطمه : اخبارس عساس بخير
ام رسن ببتسامه : نحمد الله و نشكره
ام سامي تقدمت تحضنها : زين انس جيتي
ام رسن : لزمت علي روح تقول لازم تشوفينهن
ام أمجد : زين ما سويتي ياروح
روح بضحك : ازهلينن يا عمههه
ديمة بضحك : كفو كفو
رنيم :ليه ما جبتو رسن
روح بهمس : ابك ذي غاطسه مع رجلها
ام رسن : مشغوله مع رجلها وغدانها بتجي يوم ثاني ان شاء الله
ام حامد : ايه عاد مافيه عذر خلاص دام اهلها بيجون هنيه لازم تجي تزورهم
ام رسن : اي بالله انس صدقتي
روح : زين اذا شفتوها
ام رسن بضحك : حرام عليس يا روح
روح ضحكت : تجي تجي ان شاء الله
قاطع سواليفهم يوم نادا وسام : يا ولددد
ام حامد : رفيف روحي شوفي وش يبي اخوس
قمت رفيف : خير وش تبي
وسام : عمتي جت ؟
رفيف : زوجت عمي محسن ؟
وسام بضحك : فيه غيرها ؟
رفيف : ايه ايه جت
وسام : ابي اسلم عليها
رفيف : معها بناتها ما يمديك
وسام : روحي علمي امي
رفيف : طيبببب
راحت رفيف ل امها و علمتها ان وسام وده يسلم على عمته
ام حامد : يا روضه وسام وده يسلم عليس
ام رسن : وينوه
ابتسمت ام حامد من لهجتها : الحين اجيبه لس
ديمة : روح روحي ادخلي المطبخ مع هيفاء و رنيم
رنيم : يليللل يا وساممم
هيفاء : بلشهههه
راحو البنات و دخل وسام عشان يسام عليها
وسام : ارحبييييييييي يا عمه
كانت ام رسن بتقوم بس سبقها وسام : ولله ما تقومين يا عمه
ام رسن : اخبارك يا وسام
وسام ببتسمه : ولله الحمد لله انتي اخبارس يا عمه
ام رسن : الحمد لله يا ولدي طيبه
وسام : زين شفناس يا عمه زين انس جيتي
ام رسن : لزمو علي ولله و زين انهم لززمو شفت وجهك السموح
رفيف : افا يا عمه و حنا ؟
ام رسن : ولله كلكم غالين عندي لكن ولدي وسام اخيركم
ديمة : افا افا بس يا عمه وين عمي محسن
كانت بتتكلم ام رسن لكن قاطعها صوت ذياب
: طريق ياولد نبي عمتنا
دخلو البنات للمطبخ عشان امجد و هزاع
ام رسن بضحكه و رفعت صوتها شو: شفتو انه اخيركم اول من سلم علي هو
ديمه من المطبخ : ترا نسمع يا عمهههه
ضحكو الحريم عليهم
ذياب و هو يبوس راسها : اخبارس يا عمه
ام رسن : الحمد لله يا ولدي بخير
هزاع : اخيرا شفنا عمتنا الي ازعجتنا فيها عمتي سلمى
ام حامد ضربته بخفه : استح على وجهك
ام أمجد : افا لي هزاع وش هلحكي
هزاع بضحك : نمزح معس ياعمه زين شفناس
أمجد : وش اخبار الغالي يا عمه
فهمت ام رسن انه يقصد قلبها : بخير يا وليدي ما عليه خلاف
وسام : ما تشوفين شر يا عمه
ام رسن : الشر ما يجيك
ذياب قام : يلا ما نبي نطول عليكم ، قدامس العافيه يا عمه و اذا احتجتي شي لا يردس عنا احد
ام رسن : اني اعرفكم ما تقصرون
وسام : يلا يا عمه نشوفس على خير
- توضيح : كانو العيال يسلمون على راس عمتهم ام رسن من ورا الغطوه و هي مغطيه وجهها و لابسه عباتها بس لانها بحسبه عمتهم يسلمون على راسها و ل كبر سنها و كانت تحبهم حيل ام رسن من يوم هم صغار و هم يحترمونها كذا و يسلمون عليها كل ما شافوها -
راحو العيال و طلعو البنات راحو يجلسون ب المقلط عشان ياخذون راحتهم و الحريم ياخذون راحتهم بعد
رفيف : روح تكفين قولي انس بتطولين هنيه
روح : ولله مدري ابوي جاء يشيك على البيت
ديمة بضحك : ما ضنتي ابوي بيفكه ولا امي بتفك امس
روح : وانا محد بيمسكنن ؟
فزت رنيم من مكانها : يا بعد روحي يا تمسكنن انتي ولله ما افكك
ريحانه : لو ودس نربطس ماعندنا مشكله
روح بضحك: فكينن تكفين
هيفاء : يا حلو كلامك يا روح
ريحانه : ودس اذا تكلمت ما تسكت
رفيف : اي ،،، قاطعها صوت ذياب الي ينادي
ريحانه بتذمر : انا ودي بس يوم واحد ارتاح فيه
ديمة : انا اقوم له معليس
ريحانه : ولله لدعي لسسس
روح : بجي معس ب امر على اميمتي بعد
رنيم : ما تصبرين عنها
روح : ينشغل بالي اذا ما شفتها
رفيف : فيه حلا ب الثلاجه جيبوه معكم
روح : ابشري
قامت ديمه و روح و راحت ديمه ل ذياب و روح ل امها ب الصاله
روح : اميمتي عساس ما تعبتي
ام رسن ببتسامه : لا ولله بس انشرح صدري
روح : بجيب لس ماء عشان اعطيس علاجس زين ؟
ام رسن : زين يا روح
راحت روح و قبل تدخل المطبخ نادت على ديمه : ديمه عندس احد
ديمه : ذياب بالله اوقف عند الباب من برا
ذياب : طيب
ديمه : تعالي روح
روح : وين الماء باخذ ل اميمتي بعطيها العلاج
ديمه بخوف : لا يكون تعبت
روح : لا يبعدي ما تعبت بس ذا وقته
ديمه : ايههه اشوا اذا ودس بارد فيه ب الجركل الي ب الثلاجه و اذا ودس حار فيه ب الجركل الي وراس
روح : زين باخذ حار
كان ذياب يسمع كلامهم لانه واقف عند الباب من برا بس ما يشوفهم
تنحنح ذياب و نطق بصوته الرخم : اخبارس يا بنت عمي
عرفت روح انه يقصدها : الحمد لله انت وشنوحك
ذياب : على ما نحب الحمد لله كيف عمتي ان شاء الله انها مرتاحه
روح : زينه زينه الحمد لله لا تحاتي
اخذت ديمه القهوه من على النار و راحت له : خذ و انتبه حاره
ذياب ببتسامه : معليس الرجاله ما يحرقه شي
ديمه : ع القوه اجل
ذياب : الله يقويس
راح ذياب ل الرجال و راحت روح تعطي امها العلاج و ديمه راحت تجلس يم البنات
روح دخلت عند البنات : ديمه مابه عندكم نعناع ؟
ديمه ببتسامه و تقادها : بوه نعناع ودس ب شاهي ؟
روح : اي بالله ودي
رفيف : اليوم حطيت اخر شي ل الرجال بروح اجيب لس
روح : وين مكانه معليس انا اروح
ديمه : اطلعي مع باب المطبخ و روحي يسار تلقينه عند الجهنيه
روح : زين زين
رفيف : تغطي زين عشان لو طلع لس احد
روح : لا تحاتين
راحت روح عشان تجيب نعناع و وقفت من شافت الجهنيه
روح : ما شاء الله تهوللللل مره كبيرههه
: عجبتس ؟
فزت روح من الصوت الي هي سمعت
روح : بسم الله
وسام بضحك : روعتس
روح بهمس : لا
وسام : وش جابس هنيه
روح بصوت هادي لانها تستحي منه : جيت اخذ نعناع
وسام : الله بتسوون شاهي عطوني لا تنسون
روح : بحط لك هنيه و تعال خذه
ابتسم وسام ولا وده يتكلم اكثر لانه يدري انه ما يصير ولا وده يخجلها اكثر راح وسام و روح شوي و تموت من الخجللللل و حاطه يدهها على قلبها و تسمي عليه اخذت روح نعناع و دخلت البيت بسرعه
حصلت رنيم ب المطبخ
رنيم : جيت اسخن لك الموياء
روح ببتسامه : تسلمين يا بعدي
رنيم : عاد شاهيك مافيه زيهههه
روح : ماعليسسس ازهليننننن
ضحكت رنيم : انا بجهز الكاسات وانتي شوفي شغلك مع الشاهي
روح : يلا تم
جهزت رنيم الكاسات و دخلت للبنات بعد ما قالت لها روح انها بتجي اول ما يفور الشاهي دورت روح كاسه شوي كبيره و حطت فيها شاهي و راحت حطتها ب الحوش
و دخلت للبنات
- عند الرجال -
ابو حامد : وسام يا ولدي روح فك ماء الزرع
وسام : زين يا يبه
قام وسام و راح ل جهت الحرش الي فيها النعناع و الجهنيه و شجره ليمون و بعض من الاشجار
ما انتبه وسام ل الشاهي الي كان محطوط عشانه و صار يسقي الزرع رفع وسام راسه و حصل على الجدار كاس شاهي
ابتسم وسام و درا انها ما نسته قفل الماء و راح و اخذه و شرب منه شويه و رفع راسه و شاف القمر الي تغطيه الغيوم ابتسم من حس ب لذاذة طعمه و قال بهمس : حتى الشاهي من يدس طعمه غير
فز من سمع صوت وراه
: علامك ؟
التفت وسام : ابك خرشتني
ذياب بضحك : الله شاهي وينه من مسويه ابي
ارتبك وسام ولا عرف وش يقول انفجر ذياب ضحك على شكل وجهه
ذياب : سمعتك سمعتك امش بس لا احرق وجهك فيه
تنهد وسام براحه : يليل يا ذياب الواحد ما يعيش بحب عندكككك
قرب منه ذياب : عطني بذوق اشوف زوجت اخوي المستقبليه ذربه تعرف تسوي شاهي ولا رخمه
وسام : انت الرخمه وخر شاهيي
اخذ ذياب الشاهي ب الغصب و ذاقه : الله ! ولله فيه طعم حلو قل لهم يعلمونها تسوي لنا
اخذ وسام الشاهي : اقول بس وخر تبي زوجتي تخدمك
ضحك ذياب : للحين بدري يخوي بدريييييي
طنشه و سام و و لحقه ذياب و هو يضحك
ذياب : صدقني اذا تزوجتم بذبح عشر ذبايح
ناظره وسام بطرف عين : ايهه نشوفففف
قام ابو رسن : يلا ما بطول عليكم استاذنكم يا جماعه الخير
ابو حامد : اجلس يا محسن للعشاء
ابو رسن : فيوم ثاني ان شاء الله بروح مع الاهل للسوق نجيب اغراض للبيت فاضي
ابو حامد : زي ما تبي
ابو سامي : لا تبطي علينا
ابو رسن : ابشر
ابو أمجد : اذا احتجت شي لا يردك احد
ابو رسن ببتسامه : ما تقصرون
طلع ابو رسن و راح ل جهة الحريم عشان ياخذ روح و امها
طلعت له ديمة : ماعندنا احد يا عم
ابو رسن بضحك : افا وين حرمتي و بنتي
ديمة : ماعادهم يبونك
روح : هو!!! من قال
ديمة : اسكتيييي عشان ما تروحين
ضحك ابو رسن : لازم اخذهم ولا ما ودك نجي لبيتنا ؟
دفت ديمة روح : حلالك يا عم خذهم
روح : خايسه باعتني ب ثانيه !!
ام رسن : ماودس تجين معنا يا ديمة
ديمة : ولله يا عمه ودي بس ابوي بيعلق راسي
ابو رسن : افاااا ما يلمسس وانا موجود
ديمة ببتسامه : الله يطول بعمرك
روح : يلا طسي بس
ام رسن : عيب يا روح
روح : معليسسس يا اميمتي
ديمة : ما تستحي
ابو رسن : يلا فامان الله
ديمة : لا تطولون يا عم
ابو رسن : ان شاء الله
" بجهه بعيده ف نجد "
سعد : ما ودس نروح لديره ؟
مها : الي ودك ولله انا معك
سعد : تصدقين ! عمي سيف و عمي محسن تصالحو
مها : اسالك بالله
سعد : اي بالله علمني أمجد
مها : الحمد لله اخيرا ولله ما بغو
سعد : اي ولله
مها بضحك : اجل لعيونهم ننزل لديره
سعد ببتسامه: اي بالله
هيام : بابا
سعد شالها من الارض: يعيون البابا
باسته هيام بلطف : متى بنلوح نشوف جده !
سعد : متى تبينا نروح و ابشري
هيام : الحينننن
سعد : الحين صعبه ولا شرايك يا امها ؟
مها : ما ودس يا هيام نروح لهم بكره ؟
هيام : اهم شيييي نروحححح
سعد : على ذا الخشممممم
" لو ما تتذكرون سعد الابن الاكبر ل محمد اخو امجد و هزاع "
- عند امل ب الديره -
امل بعصبيه : ولله يا يبه لو غصبتوني عليه اني لذبح نفسي ما ودييي فيههه
ابو امل : يا امل يا بنيتي ليههه ! و هو ولد وش زينه و حليل و كريم و طيب و اجودي كلنا نشهد له ب اخلاقه و طيبه
امل بدموع : يا يبه تكفى تبي تكسر بنتك ! انا ما ابيههه ولا ودي فيهه يبه تكفى لا تغصبوني عليه ما ابيههه ما ابيهههه
ام امل : ليه يا امل وش شفتي منه عشان ما تبينه
امل ب انفعال : انتو ما تدروننن مابي اعيش مع واحد يحب وحده غيري مابيههه اذا انا بنغصب عليه حتى هو مغصوب علي !!
ابو امل : وشو ؟؟؟
ام امل : وش تقولين انتي ! يحب مين وش عرفس
امل ببكاء : هو ما يبيني هو يبي روح بنت محسن !! ما تشوفونه طول الوقت عند بيتهم و يساعد عمي محسن لانه يبي روحححح ما يبيني اكيد ان ابوه غاصبه علي ولا مستحيل انه يبيني ولله ولله اني ما اتزوجههههه
حزنت ام امل على امل لانها كانت جداً منفعله و واضح انها ما تبيه
ام امل : خلاص يا بنيتي ما بنعطيهم و بنقول لهم ما عندنا بنت لزواج
حضنت امل امها و هي ما تبكي لها كم يوم ماهي على بعضها و خايفه لا يوافقون على احمد و هي تدري انه ما يحبها ولا هي تحبه
ابو امل : امسحي دموعس يا امل خلاص ما بنعطيهم و برده خلاص لا تبكين
- مكاننن ببععيدددددد عن الديره و بعيد عنهم كلهمم -
: سمعت انهم رجعو
: شكلهم بعد الرساله خافو
ضحك بسخريه : رخوم من يومهم
: من شفتهم تخلو عن املاكهم بنجد و منحاشين ل ديرتهم ذي داري انهم رخوم
- عند العيال -
كانو متجمعين ب الحوش و بينهم شبه نار و شاهي و قهوه
أمجد : ورع علامك انت !!!
ضحك ذياب : يوههه ذا منتهي خلاص
وسام : خير انت وياه
أمجد بضحك : لا خلاص عرفنا بمن يفكر
وسام : يا لللييللللل وش تبوننننن
قاطعهم الصوت الي جاء من وراهم
هيفاء : سامي فينه ؟
هزاع : تلقينه ب المشب
هيفاء : عنده احد ؟
هزاع : لا لحاله
راحت هيفاء للمشب الي كان فيه سامي كان منسدح و حوله جبل من المناديل و ميه علاج
هيفاء جلست جنبه : اخبارك
سامي قام و تربع : ابد الحمد لله خفت واجد
هيفاء : امي قالت لي اجي اتطمن عليك
سامي بضحك : ما شاء الله امي مشغلتك انتي و رنيم كل شوي وحده جايه لي
هيفاء : مالومها مرضك شين يخوي
سامي : الله يعين كله من حر نجد
هيفاء : ضاق صدر امي اليوم كلمتها جده فاطمه عنك و تقول انها ما تهتم فيك
سامي بتعجب : وليه ما تهتممم ان شاء الله
هيفاء : تقول انك ما تاكل زين لان امي قالت ان الدكتور يقول مناعتك ماهي بزينه
سامي : ولله يا هيفاء اني اكل بس السكر لاعب فيني شسوي و جده فاطمه الله يهديها ليه تقول ل امي هلكلام
هيفاء : يابعد روحي يا اخوي ان شاء الله ما يتعبك اكثر انت لا تهمل ادويتك
سامي : معليك ولله ما اهملها نادي لي امي انتي
هيفاء : راحت تنام ولله
سامي : يليل صدق
هيفاء : معليك لا تشيل هم جلست معاها رنيم و كلنا ندري ان امي تهتم فيك زين بس عشان السكر و كذا
سامي مسك يدها و باسها : يا بعد حيي يا خيتي
هيفاء : يلا انا بروح انام و انت بعد ارتاح
سامي : لا تخافين
راحت هيفاء و اول ما كانت بتطلع من المشب طلع بوججها ذياب
صد ذياب على طول و طلعت هيفاء من المشب
راحت هيفاء تدخل للبيت و هو ما قدر يرفع عينه من الارض حس ان احد صفقه على وجهه من الصدمه اول مره تقرب منه كذا صح انه من دون قصد لكن من قو قربها حس انها بتدخل ب ضلوعه تاههه من ريحت عطراها الي ضيعته و خلته تايه و محتارررر جدااا
حط يده على صدره و هو يحس ان قلبه بيطلع من مكانه .

- خلو اشرح لكم بعض التفاصيل قبل نختم
.....

- كان ذياب يحب هيفاء من هم صغار تقريباً بس عشان خاله عبدالله ما كان يجي الديره كثير ب حكم انه يشتغل ب الرياض ف كان ما يجي الديره كثير و هيفاء ما تحب ذياب لانها اصلاً ما تدري انه يحبها صح انها تشوف حركاته لكن تحس انها عادي و تطلع من اي شخص خصوصاً لانها تدري ان ذياب حريص على خواته و عليهم و تحسب انه يشوفها ب حسبت خواته -
......
- عائله امل : مكونه من اربع افراد
ابو امل " أحمد "
ام امل " زهره "
عبدالله اخو امل الصغير عمره تقريباً 15
......
- نشرح لكم بعض التفاصيل بين ابطالنا الحلوين و اكيد مستغربين كيف كذا !!
من لما كانو صغار كان وسام مهتم ب روح و بشكل مو طبيعي
صارت المشكله بين سيف و محسن و وسام عمره 16 و روح 10
كان الكل مستغرب من اهتمام وسام ب روح بس كلهم قالو لانها صغيره ولا عندها اخوان و اكيد انه يهتم فيها زي اخواته ، كان وسام يجيب ل روح كل شي هي تبيه و كان يوديها المدرسه مع خواته " مرحله  الابتدائي "
صح ان روح كانت صغيره و كانت تعتبر وسام اخوها بس بعد ما كبرت و صارت اربع و عشرين ساعه تفكر فيه لين ما تعلقت فيه و هي ما شافته ل مده عشر سنين كانت تتخيل هو كيف صار و ايش سوا و هل دخل جامعه و صار طيار او لا " كان وسام و هم صغار يقول لها انه بيصير طيار و بياخذها معه "
و كيف انه من هي صغيره كان يحفزها و يدعمها ب الرسم لان روح من كانت صغيره و هي تحب الرسم و كانت ترسم على جدران البيوت المهجوره ب فحم و كان وسام يسرق طباشير من المدرسه و يعطيها روح
تعلقت روح ب وسام من تفكيرها فيه فقطط و هي ما تتذكر كل المواقف معاه بس كل الي كانت تتذكره كانت ذكريات لطيف من اهتمام وسام لها و لطافته معها
و بطالنا وسام ما يحتاج نشرح وضعه لانه طايح على وجهه من قديم -
......
- سعد و مها ،
سعد اخو أمجد و هزاع الاكبر متوظف في شركه " شركته "
ساكن ب الديره لان الشركه شركته و يداوم على مزاجه بس يروح ل الرياض احيانا لان مها تكون بنت عمته واهلها ساكنين ب الرياض -
......
- لحد يسال عن حامد اخو وسام و ذياب الاكبر لانه بيجي و يطلع عيونكم و يفقع مرارتكم -

حبيت اوضح لكم بعض التفاصيل عشان ما تلخبطون
انتهى البارت ✨
التشبيهات تلقونها ب حسابي انستا و تيك توك n.aili7 .