الروح إذا آوت دأوَت و إذا أَحبت أحيت

12

- الساعه 10 الليل في بيت الجد عايض -
دخل وسام البيت يدور على امه
وسام : يمههه يا يمههه
طلعت ام حامد من المطبخ : ياولدي انا كم مره اقول لك لا تصرخ كذيه
وسام : العذر و السموحه يا الغاليه لكن ابوي يقول روحي للمجلس و خذي معس ديمه
ام حامد : عسى خير ياولدي
وسام ببتسامه : خير خير يا بعدي انتي
ام حامد : يلا اجل
دخلت ام حامد تدور على ديمة و راح وسام للمطبخ
وسام : ولله اني جايعععع
رفيف : فيه صينيه ب الفرن خذ منها
وسام : من وين جت
رفيف : عمتي روضه عطتنا
وسام : ايههه زين زين وش تسوين انتي
رفيف : اسوي شاهي اشتهيته
وسام : سوي لي معس
ذياب دخل مع باب الحوش : وانا بعد
وسام : بسم الله من وين طلعت انت
ذياب : وش تبي طس ابي شاهي رفيف
رفيف بضحك : اجتمعو مدمنين الشاهي
دخلت ريحانه : ما شاء الله وش فيكم متجمعين هنيه
وسام و هو ياكل : جابني الجوع
ذياب : وين ديمة
وسام : ناداها ابوي مع امي
ريحانه : وليهه
ذياب : وش دخلس
رفيف بضحك: شكلها بتعرس
شهق وسام : وش عرفس
ريحانه و رفيف بصدمه : ديمة بتعرسسسسس
ضرب ذياب وسام : حمار انت
وسام : ابلش
ريحانه : مين ! و كيف و متىىىىى
رفيف : ليه محد علمناااااا
ذياب : بس بس انتي وياها اذا صار شي امي بتعلمسن
ريحانه بفرح : اخيراااا زواججج يطلعنا من الضيم الي حنى فيه
وسام : وش ضيمه انتي بعد
رفيف : انتو من جدكم ؟
وسام : ما ندريييي
ذياب : سوي الشاهي بس.
- بالمجلس -
دخلو ديمه و امها و لقو سيف منسدح و اول ما شافهم عدل جلسته
ام حامد : عسى ماشر يا سيف
ابو حامد ببتسامه : خير خير تعالن اجلسن
ديمة : تعبان يبه فيك شي !
ابو حامد : لا يابعدي مافيني شي ، عندي موضوع بكلمس انتي و امس فيه
ام حامد : وشو
ابو حامد : شوفي يا بنيتي هو الشور الاول و الاخير لس اليوم ابو فيصل فهد خطب من عندي وانتي الاكبر و الاعقل
ام حامد : فهد اخو روضه ؟
ابو حامد : اي بالله
- كانت ديمة جالسه و هاديهههه و ببالها مليون سؤال
ابو حامد : وش قولتس يا بنتي ؟
ديمة : مدري يا يبه هو الشور الاول لك يابعدي
ابو حامد ببتسامه : شوفي يا بنيتي ، ولله ان فيصل انه رجال و سبعين انعام و اني ما وافقت عليه الا لاني شفته هليومين وش يسوي مع اخوانس و جدس و حتى محسن يمدحه ، واني اشوفه كفو و ان شاء الله انه بيصونس ، و يقول لو ودس تسكنين قريب منا بيشد ل الرياض عشانس هو يدرس جامعه و يقول مالس الا الي يرضيس
ام حامد : ولله ان حتى اخته تشرح الصدر و امهم تبارك الرحمن تهول القلب واضح انهم مافيه زيهم
ابو حامد : ما ابيس تشوفيني كاني راميس على اول ولحد خطبس لكن يشهد علي الله ان اخلاق الولد مافيه زيها و عطنا ارقام عشان نسال عنه و شهاده محسن فيه تكفي و توفي لكن من حرصي عليس لازم اسال عنه
كانت ديمة ساكتهه و تسمع كلام ابوها و قلبها شوي و يطلع من مكانه لو تقدر تسكت ابوها سكته ماتبي تسمع مدح فيه و هو من شافته بلغلط ما قدرت تطلعه من باله
ابو حامد : وش قولتس يا بنيتي
ديمة : يبه الي تشوفه
ابو حامد : يابعدي انتي انا قلت لس الشور الاول و الاخير لس كانس تبينه الف مبروك و كانس ما تبينه بقول له ماعندنا بنات لزواج
نزلت ديمة راسها و قالت بحياء : ولله يا يبه انا مدري وش اقول و دامك تمدح الولد و امي تمدح اخته و امه شوركم و هدايه الله .
ابو حامد : نقول مبروك !
سكتت ديمه و هي تناظر ب يدينهااا و شوي و تموت
ضحكت ام حامد : مبروك يا سيف مبروك
تقدم سيف و باس راسها : صدقيني يا بنيتي اني ما عطيته الا لاني واثق فيه و لو سمح الله و صار شي تذكري ان عندس اخوانس و عيال عمس وانا و عمانس كلهم حولس
ديمة : ما تقصرون يا يبه
قامت ديمه و انحاشت و هم يضحكون عليها معروفه ديمه ب حياها و هذي مو اول مره يشوفونه
ام حامد : الله يكتب الي فيه الخير
ابو حامد : الله يوفقهم يارب
ام حامد بضحك : بروح اشوفها .
دخلت ام حامد و هي تزغرط : الف الصلاه و السلام عليك يا حبيب الله محمد
ضحكو ذياب و وسام من سمعو صوتها عرفو ان ديمة وافقت
طلعو البنات يركضو ل امهم
ام سامي ببتسامه : عسى خير يا سلمى
ام حامد : خير خير يابعدي انتي ، وين العروس
وسام بضحك : ولله يا يمه مرت من عند الباب ما تشوفين الا غبارها
رفيف : يمه يمه من ولده
ذياب : فيصل
ريحانه : فيصل اخو ريماااا
وسام : ايه ولد فهد
ام سامي : الف مبروككك وين بنتنا وين راحت
رفيف : الحين اطلعها لكم ، و راحت تركض للغرفه الي فيها رنيم و هيفاء
رفيف : ايههه يا العروسسس علامس مستحيه
هيفاء : اي عروس !
رفيف : خطبو ديمة
رنيم : في ذمتكككك
هيفاء :  مين الي خطبها
رفيف : فيصل اخر ريما ، امشي امشي انتي مسويه مستحيه
طلعتها من الغرفه غصب و هي شوي و تموت من الحياء
ديمة : يالله يا رفيفففف
وسام : اللف مبروك يا وخيتي
ذياب : ولله بتعرسين و تخلينااا
ريحانه : لا تكفينننن مقدر اتحمل ذياب لحالي
قرصها ذياب : خيررر
ام سامي : مبروك يا بعدي
ديمة بحياء : الله يبارك فيك ياخاله
وسام : يويليييي بتموت ذي من الحياء
رجعت ديمه للغرفه و هي تركض و انفجرو ضحك عليها
ام سامي : مبروك يا سلمى الله يوفقهم يارب
ام حامد : يبارك فيك يابعدي امين يارب
ذياب : يمه بالله نادي ديمة قولي لها ذياب يبيس ب الملحق
ام حامد : زين ياولدي
طلعو ذياب و وسام و راحت ام حامد تنادي ديمة لهم
جلسو ذياب و وسام ينتظرون ديمة و ماهي الا شوي و جاتهم
ذياب : تعالي اجلسي يا بعدي
جلست مقابلهم ديمه و هي يدينها معرقههه و حاره و قلبها نبضاته مو قادره تهديها
ذياب : اسمعي وانا اخوس ، اكيد ان ابوي كلمس و علمس ب كل شي لكن ابيس تعرفين شي واحد مهما صار اخوانس ورا ضهرس ولا تخافين من شي
وسام : ولله يا ديمة انه اجودي و كفو و ندري انه ما بيضرس او يقصر عليس ب شي
ما ردت ديمه و هي تناظرر ب الارض
ضحك وسام : ول يا ديمة كل ذا حياء
ذياب : ما خبرت انس تستحين
ديمة : يليل ياخي اسكتووو
وسام حضنها : ياويلي عن اختييي يوههه خلاص ما بنعطيه
ذياب : ودس نكنسل ! و نقول له اختنا ما تبيك
شهقت ديمة بصدمه و انفجرو ضحك عليها وسام : لا واضح تبيه
وقت ديمة : انقلعو عني
وانحاشت عنهم و هو للحين يضحكون عليها
دخل امجد : علامها ذي تركض وانتو علامكم تضحكون
وسام : كلمها ابوي عن فيصل و تعرف ديمة و حياها
أمجد : وانتم اخذتوها طقطقه المسكينه
ذياب : يويلي عن اختي ما بنعطيها فيصل بتموت ذي عنده.
- طفاء الجد عايض اللمبات يدل على ان وقت النوم جاء
رجع أمجد ل بيتهم بعد ما جلس مع العيال شوي
و رقدو فيصل و ابوه و سامي و ابوه ب المجلس .
- صباح يوم جديد -
ابو رسن : روح يا بنيتي لا تحسبين حسابي على الغداء
روح : بتروح للمزرعه يا بـيي
ابو رسن : اي بالله باخذ معي الرجال و بنروح
ام رسن : ودك نسوي لك شي تاخذه معك !
ابو رسن : معليس العمال واجد هناك
روح : اجل انتبه لنفسك يا بـيي
ابو رسن : معليس لا تنسين دوا امس و انتبهي لها زين
ام روح : ماني بوغد توصي علي
ابو رسن ببتسامه: لابد نوصي عليس يا روضه
روح : لا تحاتي يا بـيي
طلع ابو رسن و دخلت عليهم ريما الي كانت عند ابوها
ريما : صبحهم ب الخير
روح : بالنور يابعدي
ام رسن : امس ما بعد قامت
ريما : قامت صلت الفجر و رجعت ترقد
ام رسن : زين زين خليها ترتاح
ريما : ابشركم فيصل خطب
روح : اسالس بالله
ام رسن : مبروك منهي الي خطبها
ريما : ديمك يا خاله
ام رسن : على البركه اجل الله يوفقهم يارب
روح بضحك : ودي اشوف وجه ديمة
ريما : يوههه يمديها بتفطس من الحياء
ام رسن : عاد ديمة فيها حياء من قديم ، انا بروح اقيل شويه
روح : زين يا بعدي
ريما : ودي اشوف وجه فيصل يوم ابوي تكلم
روح : وين ديمة اول مره تبطي هلون
ديمه : بناتتتتتت
ريما بضحك : جت جت العروس
ديمة : اسكتي تكفيننن بطنييي بموت
روح : يويلي عنهااااا تعاللي تعالي اخمسسس
ديمة : اي ولله احتاج حضنسس تكفين
روح : معليسس لا تخافيننن
ريما : اذا فيصل سوا لس شي انا بجلده عنس
روح : و تراه ولله انه حليلللل لا تحاتين
ديمة : بعلم وسام انس تمدحين غيره
دفترها روح عن حضنها : طسي عني
ريما : تعالي اخمس انا ، و مفروض تفرحين بتجين عندي
ديمة : مابي اروححح من هنيههه
ريما : تصدقين انه يقول لي اذا ما ودها تبعد عن اهلها بشد ل نجد
روح : يا حليلههههه
ديمة تخصرت : كانس مدحتيه واجد
رنيم دخلت و هي متخصره : اخسسسسس عليها ليكون تغار على فصوليييي
روح بضحك : تعالي تكفين ما يعرف لها الا انتي
رنيم : ابك ازهلينيييييي
ريما : خير لا تجتمعون على مرة اخويييي
ديمة : حيسسسسس
رنيم : بسم الله و نبدا تحليل كم عمره ؟
ريما : 25
روح : كبرها تقريباً
رنيم : موليد شهر كم ؟
ريما : 4
روح : ولله و راحت عليس اكبر منس ب ست شهور
رنيم : يدرس قانون ايش برضو ، كد تزوج او خطب !
ريما : لا وينننن اصلا كلنا مصدومين منه كان يحلف انه ما يتزوج
روح : ولله و معصت قلبهه ديمة
رنيم : ااااا و ايش كمانننن
ديمة : عصبي ؟
ريما : لا تحاتين مافيه اطيب منه اطيب واحد ب اخواني هو
روح : افف طيب و مزيوننن على من طحتي يا ديمة
ديمة بخجل :  خيرررر بناتتتتت
- عند الرجال -
ابو حامد : يا ابو مصلح
ابو مصلح : سم يا بعدي
ابو حامد : سم الله عدوك ، الحمد لله جات على ما نتمنى و الله يكتب الي فيه الخير و اللف مبروك و عطيتك بنتي عساها تكون ب الحفظ و الصون
ابو مصلح ببتسامه : الحمد لله الله يوفقهم يارب و الي تامرون فيه حاظرين و موعد الزواج انتم تحددونه و وين ما تبونه حنا عند امركم
ابو حامد : ما تقصرون و الزواج لو يكون ب الديره احسن و الي يبونه العيال تم
فيصل : يا ابو حامد ماحنا بمستعجلين ولله و متى ما ودكم نسويه
ابو حامد : بعد اسبوعين ولا ثلاث الي يجوز لكم نعتمده
فيصل : ولله يا ابو حامد الي ودهم فيه الحريم عشان ياخذون راحتهم ب التجهيزات
الجد عايض : بعد اسبوعين و يكفيهم
ابو حامد : اجل على البركه
قامو يباركون ل بعض و العيال يحارشون فيصل الي بيموت من التوتر
و انتشر الخبر ب الديره و الكل يبارك و الكل يعين و يعاون
فرحو البنات الي كانو متجمعات ب بيت ابو رسن مع الحريم و قامو يباركون ل ديمة الي بتموتتت من خجلها
- العصر -
كانو البنات جالسات ب السطح و يسولفون مع بعض
قامو بعض البنات بيساعدون روح ب الشاهي و القهوه و الحلا
و جلس ديمة و هيفاء ب السطح قامت ديمة و وقفت قريب من جدار السطح الي يطل على بيتهم
كانت تناظر ب الحوش و تشوف اخوانها يلمون الحطب و اوراق الشجر و لفت انتباها فيصل لما نزل من سيارته
كان لابس ثوب و مشمر اكمامه و لاف شماغه على شكل عصبه مظهره البسيط ذا خطف قلب ديمة الي تحس قلبها بيطلع من مكانه
وقفت جنبها هيفاء و ضحكت يوم شافت فيصل
هيفاء : نظره شرعيه لك و هو المسكين ماله رب
ديمة بضحك : اسكتي بس
طلع ذياب من البيت و هو لابس بدله الدوام و ثوبه و شماغه بيده
و وقف يكلم فيصل
وقفت هيفاء تناظرر فيه و ودها تعرفه و تعرف كيف يفكر اتجاها ودها تتقرب منه بس خايفه انه ما يصير شي بينهم و ربي ما يكتب بينهم نصيب ابتسمت من شافته يضحك مع فيصل و يتمازحون مع بعض لين ما راح ل سيارته و ركب و واضح انه متجه ل الدوام
رجعت هيفاء تجلس على الفراش و ديمة الي للحين واقفه تناظر ب فيصل الي دخل البيت و وقف يسولف مع وسام و هزاع كانت مبسوطه بس بنفس الوقت خايفه من مستقبلها المجهول معه
دخلو العيال للمجلس الخارجي و هي تنزل تشوف البنات وش يسوون
- عند العيال -
أمجد : اخيرا جيتو
هزاع : اشغلنا الحطب ذا الي كل ما زانت الجلسه زاد
سامي : وين ذياب
وسام : مداوم اليوم بكره الظهر يرجع
فيصل : بديت انود
هزاع : وشو
فيصل : انعس انعس
وسام : انت طول الوقت نعسان اصلاً
فيصل : ارثم
سامي بضحك : من ارثم شكله جلس مع ذياب و وسام واجد
هزاع : و بلحيللل بعد من عرفها ما سكت
قام فيصل : احد منكم وده يخاويني
وسام : وين
فيصل : نجد
سامي : ولله انا دوبييي جيت دور غيري
هزاع : جدي يبيني للعزبه
أمجد : انا معك
وسام : وانا
فيصل : اجل امشو
راحو العيال يبدلون و طلعو مع فيصل الي راح ل بيت خالته
و طلعت له ريما
فيصل : بروح ل الرياض ودس بشي !
ريما : لا ولله وش عندك بتروح
فيصل : بقدم اوراقي حقت الجامعه عشان اشوف يمدي اشد ولا
ريما : ايهه زين اجل
فيصل : انتبهي ل امي زين
ريما : لا تحاتي
فيصل : اذا احتجتو شي او شي دقي علي
ريما : معليكك
فيصل : فامان الله
راح فيصل و ركبو العيال السياره متجهين ل الرياض الي تبعد عن الديره تقريباً نص ساعه
أمجد : وش عندك ب الرياض
فيصل : بقدم اوراق الجامعه
وسام : انت صادق انك بتشد !
فيصل ببتسامه : لجل عين تكرم مدينه
وسام : ولله ياخوك ماله داعي و حايل ماهي بعيده
فيصل : لا تحاتي يا وسام اصلاً انا من قبل ودي اشد لرياض و حتى ابوي ودوه ينقل شغله لرياض بس انا بسبقه
أمجد : و البيت !
فيصل ببتسامه : ذا قاضين منه
وسام : ولله البسمه ما تطمن لكن الله يعينك
أمجد : انا جويع
فيصل : من شفتك وانت تقول انك جويع انت مابه احد يوكلك؟
وسام : ذا من طلع من بطن عمتي و هو جويع شكلها ما كانت تاكل
أمجد : الا امي يا الخايس
فيصل : هلحين ندخل الرياض و ندور لك مطعم ولا تصيح
أمجد : ااععقبببب
" عند البنات "
رنيم : متى حددو الزواج !
ديمة : بعد اسبوعين
ريما : كانه بدري
رفيف : جدي الله يهديه دايم مستعجل
روح : معليسس يمديس تتجهزين و كلنا بنساعدس
ديمه : مشتهيه قهوه
رنيم : ابك حنا نتناقش ب الزواج و انتي مشتهيه قهوه قومي سوي لك
ديمة : لااا من قهوه هيفاء
هيفاء : اي ولله حتى انا اشتقت
ريما : وشهي ؟
هيفاء : من ستاربكس
ريما : فيصل راح لرياض اكلمه !!
رنيم : اوهههه عاد لو درا ان عروسته هي الي تبي بيجيب الفرع كله
ديمة : خيرررر لا ما يحتاج
ريما : هيفاء وش كنتي تجيبين ؟ بقول له
هيفاء : سجلي عندك
بدو البنات يسجلون طلباتهم و دقت ريما ع فيصل
ريما : اهلينننن ب اخوي الحلوووو
فيصل : اخلصي وش عندس
ريما : نبي قهوه من ستاربكس جيب لنا معك
فيصل : يوههه يا ريما مابي قوه
ريما : فيصللل تكفىىى
فيصل : مالوه داعي
ريما : ترا ديمة هي الي تبي و شكلها خلاص بتهون ماتبيك دام حتى قهوه ماتبي تجيب لنا
فيصل : ارسليهم " وقفل "
ديمه : حرام عليسس يمكن مشغولل
ريحانه : حياتيييي خايفه لا نشغلههههه
ديمة : يليللللل
ريما : معليسس اصلاً هو دايم كذا يقول لي ما بجيب و يوم يجي يجيب معوه
روح : بروح اشيك ع اميمتي و اجي
ديمة : جيبي لي معس معمول
روح : ابشرييي
ريحانه : ريما اشرحي لنا شكل فيصل
ريما : اصبري عندي صوره لوه
ديمة تخصرت: خير يا بزر انتي وياها
هيفاء : ما بنعطيه عين بس بنقيمه
رنيم : انا شفته و مزيون صراحه
دقتها ديمة برجلها و نطقت بالم : قلت الصراحه 
ريما : هذا هو ، و نزلت الجوال ب الوسط و كل شوي وحده تاخذه و تمدحه و ديمة بتحترق من الغيره
ديمه : خلاص يا بزررر
روح : شفيكم و عطت سله المعمول ديمه
رنيم : البنات يقيمون فيصل و شكل حلوتنا غارت
روح : ولله يا انه مزيون اخبره من وانا وغد
ديمة بتهديد : روححح
روح : خلاصص ما بحكي كلي معمول بس
هيفاء : ولله حلووو
رفيف : بلحيللل
ريحانه : اخس عليه ولد حايل
- عند ذياب -
ذياب : و متى بتبدا المهمه ! و كم مدتها ؟
الجندي : بعد شهر و مدتها ست شهور
ذياب : ايهه زين اجل دامها بعد العيد
الجندي : و مبروك الترقيه
ذياب : الله يبارك فيك
عبيد : وين الرقيب وينهه
قام ذياب ببتسامه : موجود موجود
عبيد : مبروكككك يا الذياب
ذياب : الله يبارك فيكك
عبيد : خلاصص ما عاد يمدي اطقطق عليك !
ذياب : لله خلاصصص ما يمدي
عبيد بضحك : علبركه اجل
ذياب : سمعت ب المهمه الجديده ؟
جلس عبيد : ايههه يا اخوكك سمعت و وكلوني فيها
ذياب : زين اجل دامني ما بروح لحالي
- تعريف بسيط عبيد صديق ذياب ب الدوام من ايام دورة العسكريه
رتبته رقيب متزوج و عنده طفل اسمه " ياسر "
عبيد : بس ولله يا انها طويلهههه
ذياب : الشكوى لله
عبيد : بتطلع اليوم بدري صح ؟
ذياب : ايه بطلع الحين
عبيد : سلم لي على وسام مبط،،، ما كمل كلامه الا انفتح الباب و دخل وسام و أمجد و فيصل
وسام ببتسامه : مممببروووكككك
ذياب ضحك : اجل علموكم
أمجد : الحارس اول ما دخلنا علمنا ، ارحببب يا ابو ياسر
عبيد : البقىىى
وسام حضن ذياب : على البركههه يا اخويييي
فيصل : مبروك يا بعدي
ذياب : الله يبارك فيكككك
وسام : ارحببب
عبيد : البقىىى ولله دوبي اقول ل ذياب اني مبطي عنك
وسام : اخبارك
عبيد : على ما تحب
وسام : وينه ياسرر ليه ماهو معك
عبيد : يشيخ المدام حالفه ما اجيبه تقول خطر
ذياب : ولله ما الومها
تقدم عبيد يسلم على فيصل : و منهو الضيف ذا
فيصل : ارحب
وسام : النسيببب
فيصل بضحك : بدري عليها
عبيد : وش حالك
فيصل : ولله الحمد لله انت وش نوحك
عبيد : حايلي ؟
فيصل ببتسامه : الله الله
عبيد : ولله و النعم منور
فيصل : بنورك يابعدي
ذياب : وش عندكم جايين
وسام : فيصل قدم اوراقه على الجامعه و جينا معه و قلنا نمرك
ذياب : بتشد لرياض ؟
فيصل : ان شاء الله اذا قبلو اوراقي
ذياب : يا فيصل ولله ماله حاجه
غمز فيصل : ما بمسك خط الديره كل يوم
ذياب : ولله انك بزر
أمجد : يقول ابوه بعد يمكن يشد
ذياب : بالله !
فيصل : ولله قبل كم يوم كان يقوله مدري صامل ولا بيهون
وسام : يالله على خير بتطلع انت؟
ذياب : ايه روحو وانا بلحقكم
أمجد : لا تبطي
ذياب : معليك
- طلعو للعيال و اتجهزو لسياره -
فيصل : امجد بالله عليك انتبه للقهوه
أمجد : علامك انت جايب هلكثر ؟
وسام : شكله جايب للقبيله كلها
فيصل : معرف عددهم ياخوك
أمجد : خوات سامي ثنتين و بنات عمي ثلاث
فيصل : و بنت الخاله و السلقه حقتنا
وسام بضحك : علامك عليها انت
فيصل : ترفع الضغط
أمجد : تزود خمس باخذ وحده
فيصل : عافيه
- ب الديره -
بعد ما وصاو العيال و وصل ذياب بعدهم ب شوي نزلو القهوه مع فيصل و حطوها على عتبت الباب و دق فيصل على ريما عشان تنزل له.
ريما : وراههه جايبن هلكثرر
فيصل : معرفكم و انتي ما ارسلتي الا اربع
ريما : اييه ماهن كلهن يبن ولله كثرت
فيصل : معليس الزود وزوه " خبوه " بالثلاجه
ريما : دقيقه اجيب الفلوس
مسكها فيصل قبل تروح : معليسس قولي لهن قهوة الزواج و عروستي عطيها اكثر وحده
ريما : يلللييلللللل
فيصل : يلا بروح للعيال و اذا احتجتو شي علميني
ريما : لا تحاتي
راح فيصل و ريما نادت البنات عشان يشيلون معها
رنيم : يويلييي ذا صدق جاب الفرع كله
رفيف : اوههه دايم بنقول ان ديمة هي الي تبيي
ديمة : ليه راح قبل ياخذ الفلوس
ريما : يقول اعتبروها قهوه العرس وانتي تاخذين اكثر وحده
روح : الصدز انه جايب واجد و هو ما طلب الا اربع
هيفاء : طحتي لك على واحد كريممم .
اخذو البنات القهوه و تقهووو
- تسريع بسيط و اليوم المنتظر -
عروستنا كل تفكيرها فيه و كيف بتعيش معه و هل بيتقبلها ك زوجه له او لا
اما عند عريسنا الي كل دقيقه يهوجس فيها و مشغول ب اوراقه حقت الجامعه و الحمد لله وافقو عليها ويصير من ترمه الجاي يداوم فيها .
بدا الكل يجهز ل الدوام و رجعو اهل فيصل ل حايل عشان يجهزون الجناح حق عروستهم الي بتجلس عندهم شهر لين ما ينقل فيصل لرياض و يجهزون للعرس و ريما تخلص اختباراتها و فيصل بعد
اما عند الديره الكل كان فرحان و مبسوط و يجهزون ل العرس ب ادق التفاصيل الكل كان مستنفر و كانو العيال ينصبون الخيم و يفرطون الفرش اما البنات الي راحو ل الرياض يتنقون لهم فساتين و عروستنا الي اختارت فستان ابيض هاديي مع الطرحه و الكعب و بدت تجهز دبشها ب مساعده البنات الكل اجتمع ب الديره عائله فهد و عائله عبدالله توزعو العيال ب المجلس الخارجي حق الجد عايض و البنات ببيت محسن لان ماعندهم عيال
بنات فهد و بنات عبدالله و خوات عروستنا الي كانو يتجهزون هناك رفضت ديمة انها تروح المشغل و هيفاء الي كانت متفننه ب الميكب سوت لها و ريما سوت شعرها
رسن : يا روح تكفين امسكي ميرأ و لبسيها رفعت ضغطي
روح : ابشريييي يا بعدي انتي
رسن : بتجي امل ؟
روح : ولله ابوي استاذن من سيف و عزمهم بس قالت بتشوف
رسن : ايه زين
خديجه : بنات احد شافت كعبييي
ريما : منجدس مضيعه كعبس
رنيم : كان فيه كعب اسود ب الصاله هو ؟
خديجه : لاا لونهوه بيجج
هيفاء : شوفي ذا ؟
خديجه : ايههه ذا الله يسعدك
هيفاء : خلصت من ميكب ديمة  احد تبي اسوي لها قبل اتجهز ؟؟؟
روح : كلهن جهزن معليس ابدي ب نفسس
ريما : يالله بنات ديمه شكلها يموتتتت
روح : امانه
ريما : اي ولله الحين بتلبس بس
ريحانه : ترا قبل شوي واحد نادا عليس يمكن واحد من اخوانس
ريما : زين بلبس كعبي و اطلع له
روح : يا ميراا امل الحين بنجي ودس تجي و ما تشوفس كاشخه ؟
رسن : ذبحتني على امل حتى امير ب الموت لبسته و راح مع ابوه
- عند الباب -
كانو سالم و يوسف و فيصل واقفين ينتظرون ريما
فيصل : الله الله وش هزينننن يخيتي
دارت ريما على نفسها : شرايكمم
يوسف : بتغطين عليهن كلهمنن
سالم : نادي امي يابعدي
فيصل : و جيبي معس المبخره و فحم و البخور
ريما : زين الحبن اجيكم
دخلت ريما و نادت امها ل اخوانها و راحت تجيب لهم البخور
ريما : انتبه لا تضيع ترا حقت خالتي روضه
فيصل : معليس بنتبخر و يجيبونها لس الوغدان
ام مصلح : وين مصلح ياعيالي
سالم : كان يجهز مع ابوي
ام مصلح : تحصنو يا عيالي و قولو له يحصن امير معه و ينتبه له زين ولا يجيبه لي
فيصل : لا تحاتين يا بعدي وريني يدينسس
يوسف : وش هزينننن يا ام مصلحححح
فيصل : يهبلللل يا بعد راسي انتي  " الحنا "
سالم : انتي الي تحصني يا يمه
ام مصلح ببتسامه : لا تحاتون يلا روحو ساعدو ابوكم و انتبهو ل ثيابكم
راحو العيال و دخلو المجلس الي كان ففووضىىىى من العيال ثياب و بشوت و اشمغه و الي يدور عقاله والي مضيع سرواله
ذياب : يعيال احد شاف وسام
هزاع : جدي مسكه يفرط الفرش حول الخيمه
دخل وسام : يعيال وين ثوبيي
أمجد : وسام الناس بدو يجون وانت للحين
وسام و هو ياخذ اغراضه : يارجال جدي مسكني شسوي وترا جاء عبيد و اذا طلعت قل ل عمي محسن فيه رجال اسمه احمد يسال عنه
ذياب : يلا زين البس انت لا تتاخر و بشتك ب المقلط
طلع وسام يركض عشان يمديه يتجهز و شغل فيصل الجمره و حط عليها البخور
فيصل : تطيبو يا عيال
هزاع : هات ابخرك ، اخذ هزاع المبخره
فيصل : نردها بعرسك ان شاء الله
غمز هزاع : على بنتك ان شاء الله
دقه فيصل برجله و اخذ المبخره يعطيها العيال تحت ضحك هزاع
ذياب : زاد فضلك يا حبيبي
أمجد : على البركه يا بعدي حتى بعرسك ما تجهد
فيصل : نعين و نعاين يابعدي
ذياب : يلا يا عيال انا بطلع استقبل الضيوف لا تطولون
فيصل : بروح معك
هزاع : اهجد انت بنزفك يا ثور
فيصل : اي صح
جهزو العيال و تجمعو عند الباب عشان يزفون فيصل لين الخيمه
زفو فيصل تحت ترحيب الكل له و الكل يسلم و يبارك لين وقفو بنص الخيمه
جاه عبيد و مد له ضرف و هو يسلم عليه: صح اني ما عرفتك الا الايام الاخيره لكن تستاهل اكثر و ولله انه ماهو حقك
فيصل : كثر الله خيرك يا ابو ياسر كلفت على نفسك نردها لك ان شاء الله
جاه ابو عبدالله " ابو امل " : مبروك يا ولدي عسى الله يوفقكم
فيصل : الله يبارك فيك ياعم استريح
بدو العيال يوزعون السيوف و كلهم صفو يمين و يسار فيصل
و بدو يلعبون ب السيوف و يغنون لين اذان المغرب و صلو و جلسو ينتظرون الفرقه
- جهة الحريم -
انتقلو من بيت محسن ل بيت الجد عايض الي كان مجهز للحريم
حاطين الفرش و الكراسي و الطاولات بلحوش و معلقين اللمبات فوق و حول الاشجار
بدو الضيوف يجون و البنات ب استقبالهم
لمحت روح ام امل و تقدمت تستقبلها و تسلم عليها
روح : هلا ولله يا عمه ارحبي
ام عبدالله : هلابك يابعدي
روح : تفضلي ياعمه شوفي امي هناكك
راحت ام عبدالله للحريم و حضنت امل روح
امل : اشتقت لككك
روح : ولله انه اكثر يا بعديييي انتي تعالي معي داخل عشان تنزلين
دخلت امل مع روح و لقت ريما و رنيم
روح : بنات شو نوحكن جالسات هنيه
ريما : البقره ذيه ما اكلت طول اليوم و داخت علي جبتها هنيا ترتاح و جبت لها اكل
روح : يابعدي يا رنيمم كيفس الحين طيب
رنيم : معليكم ولله راحت بس تعب خفيف
روح : ايهه زين اجل ، امل خذي راحتس نزلي
نزلت امل عبايتها و طرحتها و كانت حيل جميله
ريما : بسم الله عليسس تمصعين القلب
امل : يابعدي انتي
روح : هذي امل الي قلت لكم عنها
رنيم : منوره يا حبيبتي
امل ببتسامه : بنورك يابعدي انتي
روح : يلا يلا امشو خل نطلع نستقبل مع البنات بس دقيقه بمر على ديمة و اجيكم
طلعو البنات و راحت روح دخلت على ديمة ب الغرفه
ديمة : روحح ليه دوبس تجينننن
روح : ليه علامسس
ديمة بتوتر : مدري مدري خايفه
روح : يابعدي انتي مابه شي تخافين لوه
ديمة : مدري يا روح خايفهه لا يتقبلنيي
روح : انتي ما تشوفينه الفتره الي راحت كيف طايرن فيس ! معليسس هونيها و ربك ب يهونها و ان شاء الله ربي بيوفقكم مع بعض يابعدي انتي لا تحاتين
ديمة : الله يسمع منس يارب
روح : انا بروح للبنات وانتي لا تهوجسين واجد عشان ما تتوترين
ديمة : طيب زين
طلعت روح للبنات و جلست ديمه بلحالها مع هواجيسها و خوفها من مستقبلها المجهول
- بعد المغرب عند الرجال -
وصلت الفرقه و قام الكل يلعب ب السيوف و فيصل معهم
و بدت الفرقه تردد لهم و هم يلعبون :
العبو بالعوجاً و سيوفا صقايل ، فـ سمو فـ العلو و فـ معالي
العبو بالعوجاً و سيوفا صقايل ، فـ سمو فـ العلو و فـ معالي
لجل فيصل تلعب شيوخ و قبايل ، و الجزيره من جنوب ومن شمالي
كانو العيال صافين حول فيصل و يعرضون معه ب السيوف
تقدم مصلح و يوسف و سالم يعرضون عرضت اهل الشمال المعروفه
و معاهم زوج تهاني " وليد " و ولده الي عمره 7 سنين " فهد "
الكل كان منبهر فيهم و بعرضتهم و هيبتهم حتى صغيرهم يعرض معهم ل فيصل و يرددون :
طقو الدمام بالله قبل طق اللبيد
خلو عيال الطنايا تصك متونها
لابتي شمر لا صك الحديد مع الحديد
ثابته مثل الجبل ما تزاح ركونها
رمو العيال اشمغتهم ب الجو و هم يعززون لهم و يعرضون معهم
تحت تعزز الكبار الي صافين و هم لابسين بشوتهم و يلعبون ب السيوف بهدوء و العيال يعرضون قدامهم
قام وليد مع ولده فهد يعرضون بين العيال كان وليد ماسك سيف بس فهد لا بسبب صغر سنه و خوف عليه
الكل صار يعزز و الي يصرف و زاد طبل الفرقه 
- عند الحريم -
كانو الحريم يسلمون على بعض و يضيفون بعض و كان الوضع هادي لين ما طلعو البنات من البيت و فزت المطربه مع فرقتها و هي تعرف البنات اصلا لانها من الديره
بدو فرقتها ب الطبل و هي صارت تغني للبنات
يفز قلبي لا سمع اللولاليش
على صوت العذاره يستجني
وانا لولا العذارى كان ما عيش
وهن لولا الطرب ما لولشني
وقفو البنات يصفون و دخلت روح ترقص بينهم كانت جميله بمعنى الكلمه فستانها الاحمر وكعبها الابيض و شعرها الطويل و وجها البرئ
كانت حيل جميله و لفتت نظر الكل و صارت المطربه تردد و هي ترقص:
و قولو اسم الله على غزل طبقوله اسم الله
و يازين دله ابو العيون السود يازين دله
و شعرناً تفله كانه سواد الليل شعرناً تفله
خذت الحسن كله من بين خلق الله خذت الحسن كله
دخلت رنيم معاها و صارت ترقص حول روح :
و قولو هلا بالي زها لبس الحرير
مورد الخدين منزوع الشفاه
التفتت المطربه ل هيفاء الي كانت واقفه و تصفق :
تعالي تعالي طبي هلا حياس يلا تعالي
و ياعنق العزالي يا مورد الخدين عنق الغزالي
حلالي و مالي كله على شانك حلالي و مالي
دخلت هيفاء ترقص مع البنات بعد ما سحبوها و هي كانت خجلانه و التفتت ل خوات عروستنا الي كانو واقفين جنب امهم و يصفقون للبنات :
فزو لها فزو لها يا بنات عمها ،
يفز قلبي لا سمع اللواليش ، على صوت يستجني
وانا لولا العذارى كان ما عيش ، وهن لولا الطب ما لولشني
رفعت راسها و ناظرت ب خوات فيصل الي واقفات :
يلا يا خواته شكلنا الطوابير ،  ايه العبن قدام عيني هنيه
في حفل اخوكن علمن الغنادير ، كيف الفرح فالعزوه الخالديه
دخلو البنات يرقصون مع بعض و الامهات يرقصون و يصفقون و سحبت روح امل معاها ب الغصب عشان ترقص الكل كان فرحان و مبسوط ل ديمة و فيصل الي كانو خايفين و متوترين ب الحيللللللل
- عند الرجال -
بعد العشاء دق ذياب على امه عشان فيصل بيجي يدخل على ديمة
زفو العيال فيصل للبيت مع الجد عايض و ابو حامد
وصلو للبيت و دخل فيصل مع وسام و ذياب و الجد عايض و سيف لصاله ينتظرون ديمة تطلع من الغرفه
طلعت ديمة مع امها و هي تحس ان رجولها مو شايلتها من التوتر و وقفت تسلم على ابوها و الجد عايض الي يباركون لها و يعطونها مبالغ و هي تحلف و هم يحلفون و و
لين ما وصلت ل وسام و ذياب الي كانو يطقطقون عليها عشان يخففون عنها التوتر الي واضح عليها
طلعو بعد ما سلمو عليها و طلعت ام حامد معهم و جلس بس فيصل و ديمة
الي كانت واقفه و تناظر ب الارض و تشد على المسكه
تقدم فيصل و مد يده يسلم عليها و يبوسها و باس راسها و نطق بصوته الفخم و الرخم : اللف مبروك يا ديمة و عساها تكون بدايه خير لنا
ديمة بهمس و خجل : يبارك فيك
سكت فيصل ولا عرف وش يقول و هي مستحيه و هو استحى من الصمت المريبب و قال بعد ما تردد مليون مره : ودس نمشي !
رفعت ديمة راسها بصدمه و هي تطالع فيه و هذي اول مره تشوفه ب القرب ذا منها و ملامحه واضحهههه جدااااا
ديمة : وين
ابتسم فيصل بخفه و حب يمازحها عشان يروح التوتر شوي : ولا ودس تجلسين عند اهلس وانا اروح لحالي
ما ردت ديمة و حست انها بتموت من الفشله نست انهم بيمشون للفندق
فيصل : ودس انادي لس امس ولا ريما !
هزت ديمة راسها ب ايه و طلع فيصل جواله عشان يدق على ريما تجي او تنادي " عمته " ام ديمة
جات ريمه و طلع فيصل ينتظرهم عند الباب و جوه وسام و ذياب
ذياب : ما يحتاج نوصي يا فيصل
فيصل : ولله انها بين عيني و رمشي
وسام : انتبه ل اختنا زين يا فيصل و ياويلك تجي تشتكي منك من شي عشان ما اكفخك انا
ضحك فيصل : ياخوي طس عن وجهي
وسام : انتبهلها زينننن تراك اخذت اهم وحده
- قصده وسام انها اكبر وحده ب البنات و كانو يعتبرونها العيال اكبر منهم من حرصها عليهم -
فيصل : ما عليك يا بعدي ولله انها ب الحفظ و الصون
ذياب : ولله اننا نعرف انك بتحافظ عليها اكثر من نفسك و ماهي بغريبه عليك لكن تعرف
فيصل : ما عليك يا بعدي انت
ريما : عند احد !
فيصل : بغيتي شي ؟
ريما : ديمة تبي وسام و ذياب
فيصل : ياعيال اختكم تبيكم
دخلت ريما البيت و بشوي دخلو ذياب و وسام
وسام : ليه ليه يا بعدي انتيييي
كانت ديمة جالسه و تصيح و حولها امها و خواتها
ذياب : افاااا يا ديمة لو درينا انس بتصيحين ما خليناس تعرسين
ديمة : مابي اروح عنكمم
تقدم وسام لها و حضنها : يا بعدي انتي ما بتروحين بعيد
ديمة : بس حايل مره بعيددد
ذياب : تدرين انه مقدم اوراقه للجامعه ب الرياض عشانس ! يابعدي انتي كلها شهر و بتجين لرياض و حنا نجيس و انتي تجينا
رفيف : و ترا بتجين الظهر عشان الغداء تكفين يا ديمة خلاص
صارت ديمة تبكي اكثر وكلهم حضنوها و يطمنونها ليننن ما سكتت الحمد لله
رفيف : روحو انتو بنادي هيفاء تعدل مكياجها
وسام بضحك : خليهم يعدلون كحلس لا تخلعين ولد الناس
ديمة : وسامممم
وسام : امزح امزح يابعدي ولله هذا زينسسس
ذياب : ولله انس مزيونه خلي الورع ذا عنك
طلعو وسام و ذياب و هو البنات كلهم ل ديمه و هيفاء تضبط لها الميكب
روح : اصبري بجيب لس ماء
راحت روح للمطبخ و اول ما دخلت حصلت بوجهااا وسام الي شرق ب الماء يوم شافها
رجعت على ورا روح و كانت بتطيح من عتبت الباب و مسكها وسام
روح : صد تكفى
صد وسام ب القوه و هو ما كان وده ينزل عينه عنها
طلع وسام من وقفت روح  و هي تحس ان قلبها بيطلع من كثر ماهو يدق
اما وسام الي طلع و هو وده يجلس عندها و يحلف ان عيونه للحين عليها كانت فاتنه ب معنى الكلمه لدرجه ضيعت علوم ولدنا عشر سنين قدام
اخذت روح الماء و هدت نفسها و طلعت للبنات
و ماهي الا شوي و طلعت ديمة مع امها الي تساعدها عشان الفستان
ركبوها ب سياره فيصل الي كانت عند الباب
ام حامد : فيصل يا ولدي ما يحتاج اوصي
فيصل : افا يا عمه ولله انها ب الحفظ و الصون
ابو حامد : انتبه لها زين ياولدي
فيصل : على خشمي يا عم
الجد عايض : تراك اخذت الغاليه علينا كلنا يا فيصل بنتنا لا تشتكي منك ابد وانا ادري انك كفو و تصون الامانه
تقدم فيصل يبوس راسه : ابشر يا ابوي محمد ما طلب شي
ابو حامد : الغداء بكره لا تنساه
فيصل : ما انساه يبعدي انت
تقدمت يسلم على ابوه و اخوانه الي جو
ابو مصلح : احفظ بنت الناس ياولدي وانا اعرفك زين ما تضيع حقها ابد
فيصل : ماعليك يا يبه ابشر بي
مصلح : اذا وصلت للفتدق دق علي
يوسف : انتبه للخط زين يا فيصل
سالم : و اذا احتجت شي دق علينا
فيصل : لا تحاتون ، وين امي ؟
مصلح : داخل ، بس اسمع ترا انا بمشي ل حايل دق لا تخليني اشيل همك لا تنسى
فيصل : و الغداء يا بعدي ليتك جلست
مصلح : ولله دقو علي الدوام ولا كان ودي اجلس
فيصل : زين اجل يلا فامان الله
كان فيصل يروح لسياره بس طلعت امه مع ريما
ام مصلح : ودك تروح ولا جيتني
تقدم فيصل يبوس راسها : افا يا يمه ولله دوبي اسال عنس
ريما : وانا ما سالت عني ؟
فيصل : اسكتي انتي
ام مصلح : اسمع يا ولدي بنت الناس صارت زوجتك لا اسمعها تشكتي منك ولا تقصر معها و حطها بعينك زي مانت حاط خواتك وانتبه لها زيننن ياولدي
فيصل : لا تحاتين يابعدي انتي  ما طلبتي شي يالغاليه
ريما : ترا بسالهاااا
تقدم فيصل و باس راسها: مافيس طب انتي !
ريما : استودعتك الله يا خيو
فيصل : يالله فامان الله
مشى فيصل للفندق مع حبيبة قلبه و راحو العيال للخيمه يكملون عشاهم و بعد ما راحو المعازيم طبقو الفرش و طفو الانوار و راحو للبيت عشان يرقدون
أمجد : ولله اني ماعد فيني قدرهههه
ذياب : يويلي يا التعببببب
هزاع : غريبه وسام للحين ما اشتكى
- كان وسام معروف ب الحلطمه و انه اكثر واحد يتحلطم بعد الشغل
لف وسام و هو مبتسم : هاه
ذياب بضحك : لا ذا شكل جاته صفقه
فهم أمجد على ذياب و انفجر ضحك : ولله و طار عقله
وسام : اسكت بس انت وياه
راحو امجد و هزاع لبيتهم و دخلو وسام و ذياب للبيت
كان الكل نايم ما عاد رفيف و ريحانه الي كانو يحطون اغراض العيال ب المقلط
ذياب : سلمتي يا بعدي انتي وهي
رفيف : جوعانين ولا تعشيتو ؟
وسام : لا ولله اكلنا
ريحانه : اجل يالله ارقدو
راحو البنات و انسدحو العيال و اول ما حطو راسهم نامو
- عند بيت ابو رسن -
ابو رسن : ليتك جلست ياولدي
مصلح : ولله يا عم انه ودي لكن تعرف الشغل
جت رسن : مصلح امسك ورعك ذا لا اجلده
مصلح بضحك : حرام عليس وش مسوي لس
روح من ورا الباب : مصلح ما تستحي على وجهك انت امس جاييننن ياخوي
مصلح : نجيس الاسبوع الجاي معليس
- كان فيه ميانه كبيره بين مصلح و روح من قديم و كان يعتبرها زي اخته
روح : كان خليت الوغدان ذول هنيا
مصلح : حتى عيالي تبينهم
روح : خذ رسن و خل الوغدان
مصلح : لله لازم كلهم
ام رسن : انتبه للخط يا ولدي
مصلح : لا تحاتين يا بعدي
رسن بعصبيه : ااامميرررر اذا ما سكت ترا بضربك
أمير بصراخ: مابييييييي
مصلح : يا وغد لا تصرخ على امك
روح : زين ان ذي راقده ولا جننتكم اكثر
كان امير يبكي و يصرخ لانه ما يبي يروح
مصلح : اي ولله انس صادزه
اخذ مصلح امير الي كان يصرخ و ركبه ب السياره و تخذ الشنط و حطها ب الشنطه حقت السياره و ركبت رسن و بحضنها ميرا
مصلح : يلا يا بعدي توصون على شي
ابو رسن : سلامتك ياولدي
- و حركو مصلح و اهله ل حايل -
- عند الحلوين حقينا -
وصلو للفندق و نزل فيصل من السياره و فتح ل ديمه الباب : هاتي يدس اساعدس
مدت ديمه يدها و حطتها بكفه و هي كانت تتررججفففف و ساعدها فيصل و دخلو الفندق بعد ما اخذو بطاقه الغرفه و اتجهو لها
دخلو الغرفه و جلست ديمه على الكنب و فيصل نزل بشته و شماغه على الطرف و تقدم و جلس جنبها كانت ديمه تتمنى انه ما يتكلم او يقول شي لانها شوي و تموت من التوتر
فيصل : اسمعي يا بعدي انتي الف مبروك لنا و ان شاء الله انه زواج عامر ب الافراح و السعاده ما ابيس تخافين ولا ترتبكين مني و صدقيني انس بين رمشي و عيني و الله يوفقنا مع بعض يارب
كانت ديمه منزله راسها و ساكتههه ما قالت شي
عرف فيصل انها مرتبه و قال بهدو : انا بنزل اجيب العشاء و بدخل لس الشنط اكيد حطوها عند الباب و خذي راحتس
طلع فيصل بعد ما دخل الشنط و اخذت ديمه شنطتها و دخلت لغرفه النوم عشان تبدل
طلعت من شنطتها بجامعه حرير ناعمههه و بيضاء و اغراضها الشخصيه و دخلت الحمام عشان تبدل الفستان
طلعت من الحمام بعد ما اخذت لها شور خفيف و بدلت و حطت فستانها على الكنبه الي مقابل السرير
و جلست على التسريحه و حطت ميكب خفيف ولا يذكر اصلا روج خفيف و مسكره شوي و بلشر خفيف
و فكت شعرها و خلته مسدول و تعطرت و طلعت و حصلت فيصل يكلم مصلح و اول ما شافها قفل
فيصل : تعالي سمي بالله و تعشي
جلست ديمة معه تتعشاء و اكلت قليللللل بسس و عرف فيصل انها مستحيه
فيصل : اذا ودس تكلمين اهلس هذا جوالي ماله رمز و ارقام اخوانس و ابوس محفوظه و اذا ودس تنامين روحي ارتاحي بلغرفه
قامت ديمة و هي ما ردت ولا قالت شي و دخلت للغرفه .
فيصل ابتسم و رجع ضهره ل ورا : اوههه قدامنا طريق شاققق
دخلت ديمه الغرفه و انسدحت على السرير و اول ما حطت راسها من التعب نامت
- الساعه 3 الفجر -
صحت ديمة من النوم و ناظرت حولها ولا حصلت احد قامت تدور عليه و طلعت لصاله و حصلته يصلي الوتر جلست على الكنب و شافت الاوراق و الكتب الي على الطاوله و فهمت انه كان يذاكر
سلم فيصل و عرف انها موجوده من صوت الباب
فيصل : ليكون تعبانه علامس صحيتي ؟
ديمة بصوت خافت : لا بس صحيت و ما لقيتك و جيت اشوفك
فيصل ببتسامه : عندي اختبار بعد يومين و جالس اذاكر لوه الفتره الي راحت ما امداني اذاكر
ديمة : الله يوفقك ان شاء الله سهل
فيصل : ان شاء الله ، بترجعين ترقدين ولا اصلح لس قهوه معي !
ديمة : لا شكلي بجلس معك
فيصل : زين اجل نسوي قهوه و نجلس هنيه عند الشباك المنظر حليو
قامت ديمه : بساعدك
فيصل : خليس هنيه انتي و جيبي بطانيه و وسايد عشان بنقعد على الارض
راحت ديمه تجيب البطانيه و الوسايد و حطتهم ب المكان الي فيصل قال لها ناظرت ب الاطلاله و كانه مره حلوه زي ما قال فيصل و السماء يزينها القمر و الغيوم الي حوله
فيصل : حطيت لس سكر وسط مدري وش كثر تحطين
ديمة : زين معليك
جلس فيصل و جلست جنبه و كان الصمت سيد المكان
فيصل : متى ودس بكره نروح ل اهلس
ديمة : الي تبيه
فيصل : متى يناسبس انتي
ديمة :مافيه خلاف اي وقت
فيصل : اجل نطلع بدري عشان عندي مشوار ودي اخلصه عشان بنمشي ل حايل
ديمة : متى بنرجع
فيصل ببتسامه : ولله الصدز ماودي ارجع
ديمة رفعت نظرها له : ليهه
فيصل : عشانهم هنيا بياخذونس مني واجد ما بشوفس
استحت ديمه و نزلت راسها و ما قالت شي
قام فيصل و اخذ اوراقه و كتبه و رجع جلس عندها
فيصل : ودس اذاكر لس معي !
ديمة : ريما تقول انك تدرس قانون صح ؟
فيصل : ايهه اذا ودس ب محامي مزيون و حليو علميني
ابتسمت ديمه لانها تذكرت كلام البنات
فيصل : ولله ان بسمتك للجرح دوا
حست ديمه انها شوي و تموت من الخجل سكت فيصل من شاف وجها صار احمررر و جلس يذاكر و هي كانت جالسه عنده و كان فيصل احياناً يجلس يشرح لها و هي مستمعه له لين ما غلبهم النوم ب مكانهم و نامو ولا حسو بنفسها .