الروح إذا آوت دأوَت و إذا أَحبت أحيت

11

يوم جديد على ابطال روايتنا الحلوه
- صباح منعش و جميل على الكل ريحة النار و نسمه الهوى الدافيههه و قطرات المطر الخفيفه تنقل الناس من بيت الي بيت يعزمون على الفطور و الي يعطي من فطوره ل جيرانه كانت هذي اجواء الديره السعيده و الهاديه كانو البنات يتنقلون من بيت سيف ل بيت محسن يجهزون الفطور قررو يفطرون في بيت محسن عشان روضه
الكل كان هادي و مبسوطط و مرتاح
طلع فيصل من بيت سيف متوجه ل بيت محسن عشان يشوف اخته
كان يمشي و هو يطالع ب جواله و ما انتبه ب الشخص الي ضرب ب كتفه و طاح جواله
نزل عشان ياخذ جواله و نطق : معليش ما انتبهت
حامد بحده : خير يخوي ما تشوف انت !!!
استغرب فيصل عصبيته و هو واضح انه ما كان متعمد يصقعه : معليش يا بعد راسي انت ما انتبهت لك
حامد رفع اصبعه ب تهديد : لا اشوفك قدام وجهي انقلع
فيصل : لااا طالتت و شمخت !!!! نعم يبوي ! وش نوحك تنافخ علي هلون !!!
مسك حامد ياقته : ولله و طلع لك لسان !
دفه فيصل : انتبه ل نفسك و حكم كلامك
و بلحظه وجه حامد لكمه ل وجه فيصل و بهاذي اللحظه ركضت  ريما الي شافت الموقف من بدايته بس ما كانت متوقعه انه بيكبر كذا و راحت تركض و دفت حامد ل درجه انه طاح بطوله و عرضه
و طلعو العيال على الصوت
ريما بعصبيه و صراخ : كسر يكسر يدك يا الخايسس وش نوحك تضرب اخويييي
ذياب بعصبيه : خير حامد وش تقول ذي !!! ضربت فيصل
قام حامد من الارض بعصبيه : طز فيك انت و فيصل و ابعد عن طريقي بس
وسام بحده : اقول اقعد مكانك !! حتى الضيف ما احترمته
ذياب بتهديد : ولله ولله يا حامد لو ما تضبط نفسك اني ل اندمك
طلع الجد عايض و سيف على اصواتهم
الجد عايض : خير خير انت وياه !!!
سيف : وش هصراخ يعيال ! حامد متى جيت
وسام : يبههه ولدك ذا يبي تربيه من اول و جديد حتى الضيف ما سلم من شره
ناظر سيف ب وجه فيصل الي كانت شفايفه تنزل و حاط ريما ورا ضهره خايف لا يصير لها شي
سيف : فيصل حامد ضربك
فيصل : يا عم حصل خير خلاف بسيط
- كان فيصل من طبعه ما يحب المشاكل و يجامل كثيررر بس عشان راحت باله
أمجد : لا تكذب يا فيصل عشان الخايس ذا
الجد عايض ب عصبيه : بس بس انت وياه اقطعو صوتكم حتى الكبار ما عاد لهم كلمه
ذياب : محشوم يا جد لكن حامد تمادا
فيصل : يا ابو محمد ما صار شي ولله
سيف : ادخل مع اختك يا فيصل خلها تشوف جرحك و يا بنيتي شوفي البنات اكيد بيدلونك على الاسعافات
اخذ فيصل ريما و دخل جوا المجلس و راحت ريما تدور الاسعافات مع البنات و عطوها و هم مو فاهمين شي ولا فاهمين عصبيتها ،
سيف : ما هقيتك يا ولدي تذي حتى الغريب
حامد : هو الي بدا
الجد عايض : عجيببب ولله ولد غريب اول مره يشوفك و بيتمشكل معك !!!
ذياب : يبه امسك ولدك لا يفضحنا عند الناس
سيف : بس بس يا ذياب ادخلو شوفو ل فيصل وانا بتفاهم مع اخوكم
وسام بحده : ما عندنا اخو اسمه حامد
سيف : وسامممم اسمع الكلام و ادخلو
- اخذ سيف حامد و راح مع الجد عايض يتفاهمون مع حامد و دخلو العيال
وسام من ورا الباب : فيصل عندك احد
فيصل : دقيقه و التفت ل ريما ، غطي شعرس ب طرحتس
ريما : ليه
فيصل : اسمعي الكلام وانا اخوس
لفت ريما الطرحه و دخلو العيال بعد ما قال لهم
كانو صادين عشان اخت فيصل صح انها ما تتغطى بس من سلومهم انهم ما يناظرون البنت حتى لو ما تتغطى
ذياب : العذر و السموحه يا فيصل
وسام : لا تواخذنا يا ولد فهد
فيصل ببتسامه : ما حصل شي يا عيال
أمجد : عسى ما عورك
فيصل بضحك وده يغير الجو : ماني برخمه اتعور من ضربه
هزاع : يليلل حتى بحالتك دي تضحك
فيصل : ولله يا عيال ما حصل شي انا غلطان اصلا ما شفته ، قرصته ريما مع يده لانه يكذب صح انه ما شافه لكن اعتذر بس حامد كبر الموضوع ، التفت ل ريما بالم: هو الي ما شافني يا ريما هو هو
انفجرو العيال يضحكون عليه و فرح فيصل لان ما كان وده يكبر الموضوع و يصير بينه و بين العيال مسافه
ريما : اذا تورم او طلع دم ارسل لي و اجيك
فيصل : زين افطري انتي لا تحاتين
طلعت ريما و راحت للبنات و تجمعو العيال حول فيصل
وسام : صدق مافيك شي !
فيصل : ولله مابه شييي
ذياب : معليش يا اخوك
دقه فيصل برجله : كانك كثرت اعذار !!
رفع هزاع يده و رص على مكان الضربه و كشر فيصل : ابك انت وراككك
هزاع بضحك : لا بس كنت بتاكد انت رخمه ولا لا بس طلعت رخمه
ناظر فيه فيصل بنص عين : وخر عني لا اثور فيك
أمجد : يا هزاع لا توجعه
حط وسام يده على كتف فيصل : ذيب ذيب معليكم
فيصل : تكفون روحو شوفو ل ابوكم لا يكبر الموضوع يمكن هو كان منلهد " متضايق "من موضوع و ثار فيني
ضاقو العيال من نيه فيصل ما يدري ان ذي حال اخوهم من خمس سنين
ذياب : معليك ما بيصير شي
التفت فيصل ل وسام : نخيتك يا وسام انك تروح لهم
ابتسم وسام : ابشر الحين اروح
- عند البنات -
كانو البنات يسولفون و يضحكون مع بعض الا ريما كانت ساكتههه
جلست جنبها رنيم : علامك !
ريما : لا مابه شي
جاتهم روح : علامكم ! علامس يا ريما تعبانه شي !
ريما : لا مابي شي
روح ؛ وش نوحس اجل
ريما : فيه واحد ضرب فيصل
رنيم و روح بصدمه : ايشش !!!
روح : متى و ليه !
ريما : ما ادري يختي كان فيصل جاي لي شكله و كان مدنق " منزل راسه " على جواله و ما انتبه للي جاي لوه و صقع بوه و مدري وش صار و الخايس عصب و ضرب فيصل مع وجهه
رنيم : غريبه على عيالنا ماهو منهم اجل
ديمة من وراهم : حامد ماهي غريبه عليه
رنيم : ايشش !!! متى رجع
جاست ديمة : مدري شفته اليوم وانا راجعه للبيت و شكله هو الي ضرب فيصل
ريما : منهو حامد ؟
ديمة بحزن : اخوي الكبير اعذرينا يا ريما و اعتذري ل اخوك ب النيابه عنا
مسكت ريما يدينها و قالت بحنيه : ما صار شي يا بعدي و حتى فيصل ماهو بزعلان ولا يبي يسمع اعتذار اصلاً
ديمه : ولله معليش يا ريما هو مدري وش صار له و تغير علينا ولا هو ماكان كذا
ريما : حصل خير يعيوني انتي
روح : معليس يا ديمة ما صار شي
رنيم بضحك : الحمد لله سامي طلع من بدري للجامعه
ديمة : اي بالله صدقتي
روح : وراه !
رنيم : ابك سامي كل ما شاف حامد قبت بينهم
ديمة : حتى ما يرضون يتنفسون من نفس الهواء
روح : غريبه كان حليل يوم كنا صغار
ديمة : هذاك اول يا روح تغير علينا و تغير على الكل ما صار يهتم ل احد ضربني انا و خواتي و طرده ابوي من البيت بس رجعه بعد فتره صار ياذينا ي الكلام و يرفع صوته على امي و ابوي و ما يحترم جدي و جدتي و يتهاوش مع عيال الديره ما خلا احد بحاله الله يهديه
ريما : ان شاء الله يرجع لكم احس من اول
غمزت رنيم : و اذا ودكم ب محامي ترا فيصل موجود
روح بضحك : محامي و مزيون شي شي
ديمة : اسكتي بس انتي وياها
ريما : انا بروح اشوفه و اجي
روح : لا تطولين
طلعت ريما و اتجهت ل بيت سيف  دخلت مع الباب و اتجهت ل المجلس بس قبل تفتح سمعت صوت وراها
ذياب : راقد
التفتت ريما وصد ذياب : ليه وش نوحه
ذياب : امس ما رقد زين و قال انه بيرقد لين الظهر
ريما : زين اذا قام قل له اختك تبيك
راحت ريما و دخل ذياب للمجلس وده حتى هو يرتاح شوي
- عند سيف و حامد -
سيف : يا ولدي انا ما ربيتك على ذا الطبع انت علامك وش جاك
ما رد حامد و بهاذي اللحظه دخل وسام الي له ساعه متردد لا يجيهم بس عشان نخوت فيصل ما قدر يرده
وسام : يبه
سيف : تعال يا وسام
وسام : ولله الي ارسلني لكم فيصل يقول ما حصل شي و ماوده الموضوع يكبر زياده
الجد عايض : استح على وجهك يا حامد حتى ولد الناس يغطي عليك لكن اسمععع ان اشتكى منك فيصل ولا اذيته من جديد ان ما يحصل لك طيب  ، و طلع الجد من المجاس
سيف : عاجبك يا حامد !!! عاجبك ضيعت اهلك و نفسك و اخوانك اذيت الي تعرفه و الي ما تعرفه حتى خواتك الي قطعه منك ما سلمو منك لكن يا حامد تعدل ولا ولله اني لتبرا منك ولا عاد اقول عندي ولد اسمه حامد ، طلع سيف بغضب و هو مقهور من حامد
وسام : اسالك بالله يا حامد ما جات على بالك امي لو دقيقه ! ما فكرت و قلت وش حال امي بعدي ! تدري انها تبكي عليك كل يوم تدري انها لو تكلمنا فيك تزعل علينا ولا ترضا عليك خاف ربك يا حامد خاففف ربككككك ارحم امي يا حامد عسى ربي يرحمك !! خواتي على كثر الاذاء الي جاء منك تدري انهم للحين يسالون عنك تدري انهم كل يوم يقولون ل ذياب يروح يدور عنك اخر مره رفيف بكت عند رجول ابوي عشان يرجعك و يخليك ترجع ارحم اهلك يا حامد .
- العصر كانو العيال متجمعين ب المجلس و يتقهوون
فجاه رن جوال فيصل و رد : سم يا يبه
ابو مصلح : هلا يا فيصل وش نوحك و وينها اختك
فيصل : يوههه يا يبه ريما غاطسهههه لا تدورها حتى لاصقه ب بنت الخاله
ابو مصلح : اخبارك انت عسى محد مزعجك
فيصل : لا ولله يا يبه اني ما شفت منهم الا كل خير و كلهم يسالون عنك حتى خالي محسن فاقدك
ابو مصلح : ولله انه ودي اجي اكن تعرف الضروف وانا بكلم محسن ان شاء الله اخبار روضه عساها ما تشتكي من شي
فيصل : يوههه تشتكي منك تقول عياله هو و هو ما جاء !!
ضحك ابو مصلح : اذا راحت لها قل لها ان فهد يسلم عليس و يقول لس احسبي حساب ضيفسس الشهر ذا
فيصل : الله يسعدك يا يبه لا تطول عليها
ابو مصلح : معليك يا ولدي وانتم متى ناويه لرجعه
فيصل بضحك : ولله يا يبه انه ما ودي ارجع حتى ريما جالسه تتوغدن " تتدلع " عندي عشان ما نرجع
ابو مصلح : زين ياولدي اذا ماعندكم شي غيرو جو لكن اسمع وانا ابوك
فيصل : سم يبه
ابو مصلح : خذ لكم فندق ب نجد قريبه منهم يا ولدي بارك الله بمن زار و خفف
فيصل : ابشر ما طلبت شي
ابو مصلح : يلا اجل فامان الله انتبه ل اختك
فيصل : ما طلبت شي
قفل ابو مصلح و ناظر فيصل للعيال : خير علامكم سكتو
وسام : لا عشانك تحاكي ابوك
فيصل : يارجالللل عادييي
- استغربو العيال لان فيصل ما جاب طاري الي صار و زعلو لانه كان يمدحهم ولا كانه تضرر من اخوهم
ذياب : ترا نسيت اقول لك اختك اليوم جت تدور عليك يوم رقدت الصباح
فيصل : معليكك ذي دخلت تخصص طب و ودها تطبق علي
أمجد : خلها تتدرب عليك ما بيتقص شي بس بنرتاح منك
فيصل : اهببب يا وجههه
دخل حامد المجلس و كلهم قامو خافو انه يسوي شي ل فيصل
قام فيصل معهم و تقدم حامد و وقف قدام فيصل
حامد : معليش يا فيصل
ابتسم فيصل : حصل خير و اعذرني ما شفتك كنت لاهي ب الجوال
حامد : العذر و السموحه انفعلت عليك
فيصل : يا رجال ما صار شييي اجلس تقهوى معنا
حامد : تتقهوى معكم العافيه انا بمشي
ذياب : وين بتروح وانت دوبك جاي ؟
حامد : استدعوني ل الدوام يلا فامان الله
ذياب : بروح اسوي شاهي
قام ذياب كان وده يلحق على حامد لكن ما امداه كد ركب السياره و حرك
راح للحوش من ورا عشان يبي ياخذ نعناع و حصل حبيبة قلبه الثقيلهههه قدامه
ما انتبهت هيفاء عليه و كانت واقفه تناظر ب الجهنيه و تتمتم ب اشياء مو مفهومه ل ذياب
تنحن ذياب من وراها عشان تعرف ب وجوده
جمدة هيفاء ب مكانها ولا عرفت وش تسوي
ذياب : ابي النعناع
وخرت هيفاء و راح ذياب ل النعناع و اول ما جلس يقطف منه شردت هيفاء
ابتسم ذياب لانه درا انها انحاشت لهم كم يوم و هي كل ما شافته انحاشت
ذياب بهمس : مهبوله
- بعد ما استوعبت هيفاء ذياب و تلميحاته لها ما تنكر انها بدت تنشد له لاكن ما كانت تبي تتعلق فيه و اخر شي ما يصير اشي
-
-الساعه 9 في الليل بعد العشاء -
قام فيصل : اكرمكم يا اهل البيت عسانا ما ثقلنا عليكم
ابو حامد : وين يا فيصل
فيصل : ولله يا ابو حامد باخذ اختي و نروح نجد ندور لنا فندق شكلنا مطولين هنيا
ذياب : بلا فندق بلا شي اجلس بس
فيصل : بارك الله بماً زار و خفف ما ودنا نثقل عليكم و البيت فيه اهل و فيه بنات ما ودنا نسلب راحت اهل البيت
الجد عايض : خل عندك الحكي الفاضي يا فيصل و اجلس مكانك
فيصل : ولله يا ابو محمد ان ما ودنا نثقل عليكم
الجد عايض : ما من ثقل يا فيصل خلك محلك بس
وسام : اجلس اجلس الايام واجد يا فيصل
هزاع : للحين ما شبعت منك ودي اكفخك زياده اجلس
سامي : اقول بس اجلس محلك
قام الجد عايض : يا فيصل اذا ما جيت بليل و لقيتك راقد مع العيال بزعل منك ارقد بدري باخذك معي للعزبه
و طلع الجد عايض
سيف : ولله يا ولدي انه ما من ثقل و اذا على الي صار اليوم اعذرنا
تقدم فيصل و حب راسه : ولله انها لو جات على الي ابي اني ما ودي اروح لكن تعرف ابوي ما وده نثقل عليكم
ابو رسن : ابوك ذا انا لي كلام معوه اذا جاء
ضحك فيصل : ولله انه يسلم عليك و يقول احسبو حساب ضيف لشهر ذا
ابو رسن : ولله انها مرحبا و بتنور الديره بجيته
فيصل : منوره ب اهلها يا خال
راحو ابو رسن و ابو حامد عشان يرقدون
و انفجرو العيال على فيصل
وسام : ارقد بدري وراك عزبهههه
فيصل : ما هقيت ان الموضوع يصل للعزبه
أمجد : عشان مره ثانيه تهجد
فيصل : ياولد ثقلنا عليكمم
ذياب : اركد بس ما من ثقل ارقد وراك عزبه
هزاع : الحمد لله يعني برقد بعد الفطورر
سامي : جاتك اجازه على ضهر ولد حايل
فيصل : الله فوق.
- الفجر -
- دخل الجد عايض يصحي العيال و انجلط يوم ما شاف فيصل
الجد عايض : وين فيصل !!!!
ذياب الي دوبه قايم من النوم : هاه
الجد عايض : قم قم لا بارك الله فيكم الضيف راح و انتم راقدين
وسام : يا جد رقد معنا
قامو العيال بعد ما ضرب الجد العصاء ب الباب
الجد عايض : الحقني انت وياه للمستجد
هزاع : راح فيصل ! يعني مافيه اجازه اليوم
سامي : ما يسويها يعيال
ذياب : قومو قبل جدي يجي
قامو العيال و وضو و اتجهو للمستجد
وسام بهمس : سيارته ماهي بمكانها شكله صدق راح
ذياب : الله يستر
دخلو المسجد و انصدمو يوم شافو فيصل جالس يقراء قران
ابتسم الجد عايض و راح يصلي سنه الفجر قبل يقيم لصلاه
راحو العيال و جلسو جنب فيصل
هزاع بهمس : ياولد جدي بغاء ينهبل علينا يوم ما شافك
ضحك فيصل بخفه : متعود اني اقوم بدري انا و شفت ما باقي شي جيت اتسنن
وسام : وين شنطتك و سيارتك !
فيصل : ملابسي كلها وصخه حطيتها ب الشنطه و وديتها ريما و السياره الفجر شفت وغدان يلعبون كوره قريب منها و حطيتها ورا البيت
ذياب : ايهه زين جلطتنا
أمجد : تقبل الله
هزاع : اسلم الحمد لله
فيصل : قم بس
قامو العيال يتسنننو و الي يقرا اذكاره ينتظرونه يقيم
بعد صلاه الفجر طلعو من المسجد و ابتسم الجد عايض من شاف فيصل : بارك الله فيك يا ولدي
فيصل : الله يرفع قدرك يا ابو محمد
تقدم الجد عايض يمشي قدام العيال و هم وراه
هزاع : الحمد لله فيه اجازه اليوم
وسام : اكثر واحد انقهر هو
فيصل : الله فوق بس
ضحكو العيال على فيصل لانه ابتلش ب الجد و العزبه
- ببيت العم محسن -
ريما : حسبي الله عليسسس من دكتوره يا مال الشطن
ضحك روح : ابك وش نوحسس
ريما : يشينهااااا ام شعفه حاطه الاختبار بكره
روح : لا تكفين بتروحين
ريما : معليسسس قاعده على قلبسس ب اختبر و ارجع لس
روح : يخوفي ابوس يمسكس
ريما : معليسس اصلاً حتى هو يكون يجي
روح : زين زين
ريما : بروح اقول ل فيصل
روح : زين انتبهي البسي عباتي و لفي طرحتس عشان ما يجلدك جدي عايض
ريما بضحك: معليسس
اخذت ريما عباية روح و اخذت الطرحه و طلعت اتجهه ل بيت الجد عايض
دخلت مع الباب و لقتهم ب الحوش يفطرون
ريما : سلام عليكم صباح الخير
الجد عايض : وعليكم السلام صبحك الله ب النور يا بنيتي
ريما : اخبارك يا جد
الجد عايض : على ما تحبين يا بنتي
ريما : فيصل تعال شوي
ابو حامد : البنات يفطرون داخل ادخلي عندهن افطري
ريما : سبقناكم ولله
جاها فيصل و طلعو عند الباب من برا
ريما : بنتحر بنتحرررر
فيصل : ابك وش نوحس
ريما : عندي اختبار بكره فيصلللل
فيصل : يويلي !! ابك انتي ماقلتي انه ماعندس شي
ريما : هو كان ما عندي بس الدكتوره الخايسه خلته بكره ولا هو مفروض انه بعد العيد !
فيصل : الله يشغلها في نفسها
ريما : شسوات
فيصل بضحك : الله يعين بنرجع و تختبرين و نجي ما ابوي
ريما : يويليييييي
فيصل : ابوس يا وغد
ريما : يوهه يا فيصل مو مستعدههه اسمع الشيلات ابدددد
فيصل : ولله لعلمه
ريما : اص. بس متى بنمشي
فيصل : بعد الظهر خليس والمه
ريما : ببكي ولله ببكي
فيصل : يا بنت الحلال بنرجعععع
ريما : طيبببب رح كمل فطورك
فيصل : اذا ما افطرتي ترا ما برجعس
ريما : ولله يا حبيبي انا لو بجلس اسبوع زياده هنيا بزيد عشر كيلو الله يسلمه خالتي بس
فيصل : احسن خل تغذيك
ريما : رح الله يصلحك بس
راحت ريما و دخل فيصل عشان يكمل فطوره
الجد عايض : عسى اختك مزعجها احد يا فيصل
فيصل : لا ولله يا عم ريما بتطير من الفرحه حتى ما ودها تنكس حايل
ابو حامد : ولله حتى البنات ما ودهم تروح
فيصل : الحمد لله الي حبو بعض ولا ابتلشت فيهم
انفجرو العيال ضحك لانه قبل قال لهم ان ريما تحب المشكل و تتمشكل مع الكل
الجد عايض : اذا شبعت الحقني للعزبه
فيصل : ابشر يا ابو محمد
وسام بنفسه " يارب ما يقولها يارب ما يقوها يارببببب"
الجد عايض : و امش معه يا وسام
وسام : سم يا جد
طلع الجد عايض و ناظر وسام ل هزاع : اذا نطقت ب حرف بفجر فيك
هزاع و هو ماسك الضحكه : سم
شرق أمجد ب الشاهي و صار يضحك ب شكل مو طبيعي و انفجرو العيال معه
ابو حامد بضحك : بس بس لا يجي جدكم يهاوشكم
سامي : اللقمممممم
وسام : الله يصبرني بس امش يا فيصل
فيصل و مبتسم و وده يضحك : ابشر مشينا
وسام : اضحك عشان اذبحك اهناك
فيصل : افااا
و طلعو وسام و فيصل و لحقو الجد عايض للزبه
- عند البنات -
ام رسن : بروح ل عمتس يا روح
روح : زين يا اميمتي انتبهي لنفسس شويات و الحقس
ام رسن : زين
طلعت ام رسن و دخلو البنات
روح : زين جيتو
رفيف : خل الحريم ياخذون راحتهم
ريحانه : زين جينا ولله عشان ما اسمع صوت ذياب و هو يقول سوو شاهي سوو قهوه جيبو حطو
رفيف بضحك : حرام عليسس
ريحانه : ايه بس اخبارس يا ريما
ريما : ابد ولله انتي وش نوحس
ريحانه ببتسامه : ياحلو هرجس يختييي
هيفاء : لو اجلست هي و روح لحالهم و جلستي معهم ما تفهمين ولاااا شي
ريما : افا من قال
روح : شهاده زور
رنيم و هي تاكل من المعمول : اتفق مع اختي
ديمة : انتي كلي وانتي ساكته
روح بضحك : ب العافيههه
ديمة : يعافيس يا بعدي انتي
ريحانه : جيبو فعليات جيبو اي شي لا افطس عليكم من الطفش
هيفاء : اي ولله انك صادقههه
رفيف : ابي ارقددد
ديمة : اعوذ بالله ابك دوبك قايمه
روح : اذا ودس تريحين روحي للغرفه و نقومس بعدين
رفيف : ولله انس جبتيها
روح : خذي راحتس يا بعدي
ريما : انا عندي لعبه
ريحانه : وشيييي
ريما : دقيقه اجيبها ، راحت تطلع اللعبه من الشنطه و رجعت للبنات ، شوفي ننقسم فريقين و ب البطاقات بوه كلمات وانتي تشرحين بهم و هم يحاولون يعرفون وش الكلمه بس ب الاشارات بدون كلام
رنيم : افففف جوييي يلا يلا تم
تقسمو البنات على فريقين
" روح - ريما - رحيانه "
" ديمه - رنيم - هيفاء "
روح : يلا انا بشرح
ريما : اسحبي ورقه
روح : يلا " حسبت روح ورقه و كانت الكلمه ليل "
روح : صعبهههه
حطت ديمة ساعه الرمل : بدا الوقت
جلست روح تحاول تشرح لهم الكلمه
ريحانه : بحر !
ريما : غابه !!!
ديمه : ليلللل
روح : صححح كفس
ضربت ديمة كفها
رنيم : يا بقره انتي معانا مو معاهم
ريما : و البقره الثانيه فرحانه
انفجرو البنات ضحك عليهم و كملو لعب
- العزبه -
كانو وسام و فيصل مبتلشين ب الخيمه الي لقوها طايحه و الجد شوي و يفجر فيهم
الجد عايض بعصبيه : يا وسام ماهو كذااا
وسام : يا جد كيفف
جاه فيصل : شكله هلون
وسام : ولله مدري هو هلون ولا ماهو هلون
فيصل بضحك : انفهق " ابعد " شوي اشوف
وسام : وشو !
فيصل :ابعد يا مسلم ابعددددد
وسام : زين زين ارثم بس " اسكت "
فيصل : تسوي بوه هلون ثمن تلف الحبل عليه كذا
وسام : لي ساعه اسوي هلون وراه ما ضبط
انفجر فيصل ضحك : ارثمم بس
الجد عايض : خل الحسي عنك انت وياه و اخلصو
فيصل بهمس ل وسام : هو دايم عجل كذا !
وسام : اسكت اسكت لا يسمعك
الجد عايض : يا وسام رح احلب الناقه فيصل سوي الخيمه
وسام : ابشر يا جد ، التفت ل فيصل ، اللقم
فيصل : اذلف بس
و على هذا الموال مع الجد لينننن الظهر و رجعو البيت و صلو و تغدو
فيصل : عاد انا استاذنكم يا جماعه الخير
ابو رسن : وين يا فيصل
فيصل : ولله اختي عندها اختبار و لازم نمشي
ابو حامد : اجل الله يستر عليكم ولا تطولون
فيصل بضحك : لا تشيل بنسحب فهد معنا و نعود لكم
ابو رسن : لا تكبه ليننن يجي
فيصل : على خشمي
الجد عايض : انتبه للخط زين يا فيصل و يوم توصل دق على العيال ولا تسرع
تقدم فيصل يبوس راسه : ابشر يا ابو محمد
طلع فيصل و لحقوه العيال
وسام : ولله بتعود ؟
فيصل : اي بالله ابوي بيجي ل اخته وانا الي بجيبهم ، شاف ريما جايه جهتهم ، و طبعاً الرمه ذيييي الغبيههههه مندري وش نقول عنها
ريما : اقول بس اسكت انت الرمه
فيصل : اركبي اركبي بس
ريما : اسرع ترا بتعود لهم بكره
فيصل : يا بنت الحلال امشيييييي
ريما : اصبرررر التفتت للعيال ، من منكم وسام !
فيصل : وش عندس !
كانو العيال صادين عنها الي يناظر السماء و الي ب الارض و الي يتلفت يمين و يساتر
وسام : انا وسام
ريما : طيب يلا مشينا
رفع فيصل يدينه : يالله يارب انك تعوض امي و ابوي ب الجنه
ريما و هي تركب : اقول امش بس
فيصل بضحك : يلا يعيال ودعانكم الله اشوفكم بكره على خير
ذياب : انتبه ل الطريق زين
وسام : اول ما تصل دق علي
فيصل : ابشروووو يلا فامان الله ركب فيصل و و حركو لحايل
دخلو العيال و راحو يقيلون لهم شوي قبل يكرفهم جدهم
- في السياره عند فيصل و ريما -
كان فيصل متكي يده على الباب و يناظر ب الطريق و يهوجسسسس
ريما : فيصل وش نوحك !
فيصل : هاه !
ريما : تعبان
فيصل : لا يبعدي ولا شي
و رجع الصمت من جديد ريما تذاكر و فيصل يهوجسس
فيصل : ابي اتزوج
ريما بصدمه : وشو !!!
فيصل : بتزوج
ريما بضحك : اخذت عقلك يا الخفيففف
التفت لها فيصل : منهي
ريما بوهقه : ااا محد
فيصل : قالت لك انها دخلت علي بلغلط !!!
ريما : لا محد قال
فيصل : ريما بلا لعانه منهييي
ريما : مو شغلك
فيصل : يللليييلل انا اوريس بكلم امي
ريما : انت صادق !!
فيصل : اي
ريما : الف الصلاه و السلام عليك يا حبيب الله محمدددددد كللولليشششش
انفجر فيصل ضحك : انهبلتي!
- عند بيت ابو رسن -
ام رسن : روحت ريما يا روح
روح : اي يا اميمتي عندها اختبار بس بترجع بكره ان شاء الله
ام رسن : ايهه زين
روح : و تراها تقول فيصل يقول خالي فهد يقول احسبي حساب ضيف لشهر ذا شكله بيجي معهم بكره
ام رسن ببتسامه : ولله انها مرحبااا
روح : اذا دق عليس و علمس انه بيجي علميني عشان ابدا اجهز من بدري
ام رسن : الله يسعدس يا بعدي انتي ولا يضيع لس تعب
روح : يا بعد روح انتي
ام رسن : رسن عودت ل حايل !
روح : اي مصلح عنده دوام
ام رسن : زين الله يستر عليهم
روح : روحي ارتاحي يبعدي و انا بجيب لس علاجس
ام رسن : ترا ديمة تعزمس
روح : زين يوم يجي بيي بروح لهم
ام رسن : الي ودس
" الساعه 11 ف الليل تحديداً حايل "
طق فيصل الباب و دخل
فيصل : صاحيه يمه !
ام مصلح : تعال يا فيصل
فيصل : تقول خدوج ان مفاصلس توجعس
ام مصلح : معليك يا حبيبي خفت انت وش نوحك للحين ما رقدت وانت بتمشي الفجر
فيصل : بكلمس ب موضوع
عدلت ام مصلح جلستها : تعال اجلس عندي و قل لي وش عندك
جلس فيصل : يمه انتي تدرين اني انا كبرت و عندي دخلي الخاص و الحمد لله ربي مغنيني من عنده و من فضله ، سكت ب احراج
ام مصلح ببتسامه : ودك تعرس
فيصل : اي بالله
ام مصلح : ابشر يا ولدي كم عندي فيصل انا ! بدور لك البنت الزينههه الي مابه مثلها
فيصل : لا يمه الله يخليك لي لا تدورين ولا شي
ام مصلح : وراه !
فيصل : اسالي ريما ، و طلع من الغرفه مستعجل
فهمت ام مصلح ان فيه وحده بالله و خلتهم ينادون لها ريما
ريما : ناديتيني يا يمه !
ام مصلح : تعالي يا ريما
ريما باست راسها: سمي يا الغاليهه
ام مصلح : جاني فيصل يا بنيتي
ريما بضحك : اخسسس عليه الخايس مسرعه
ام مصلح بضحك : علمس هو
ريما : ايه
ام مصلح : و منهي الي هو يبي
ريما : ديمة بنت سيف
ام مصلح : هو !! شعرفه فيها
ريما : لا يمه انا جلست اتكلم عنها عنده و شكل الخفيف طاح على وجهه
ام مصلح : و كيف تشوفين البنت !
ريما : ولله يا يمه البنت سنعههه و فيها جمال تبارك الرحمن و خياره و اكثر وحده جلست تسولف معي و تسايرني هي ما شاء الله عليها اخلاققق
ام مصلح : تشوفينها تصلح ل فيصل !
ريما بضحك : يمه فيصل محد يتحمله بس ديمة صبوره
ام مصلح ضربتها : اسكتي يا العوبا وش زينه ولدي
ريما : ايههه بس وش زينه ، المهم بتمشين معنا انتي !
ام مصلح : ولله انا ما كنت بروح بس عشان فيصل شكلي بروح
ريما : وانا لي سنه وانا اقنععععع
ام مصلح ضحكت : يلا روحي ذاكري بس ترا تختبرين و نمشي
ريما : ابشري يابعد عيونيييي انتي
- ب الديره -
ام رسن : محسن
ابو رسن : سمي يا روضه
ام رسن : سم الله عدوك ، ترا اخوي فهد بيجي بكره
ابو رسن : حي ولله من بيزورنا
ام رسن : بتجي معه حرمته و ولده فيصل و ريما مدري احد من البنات بيجي ولا لا
ابو رسن : على طاري فيصل ما شاء الله يا انه ولد سنععع
ام رسن : ايه فيصل من هو صغير كان سنع ما شاء الله عليه
ابو رسن : ولله انه كبر بعيني و بلحيللللل
..
" يوم جديد على ابطالنا "
بعد ما بلغ محسن سيف ان فهد و اهله بيجون بدا التجهيز
الحريم جهزو بيت محسن للحريم
و العيال جهزو بيت الجد عايض لانه اكبر و يوسع ضيوف اكثر و جهزو العزبه عشان لو بيروحون لها
-
ب السياره
ابو مصلح : شعل شغل شيلات يا فيصل
التفت فيصل ل ريما و ضحك
ابو مصلح : معليككك منها الوغد ذي شغل
ريما : يبهههه
ام مصلح : الله يهديكم ماله دعي بس لجه " صجه "
ابو مصلح : لازم لازم شغل يا فيصل
شغل فيصل المسجل و رفع الصوت لعانه ب ريما :