الروح إذا آوت دأوَت و إذا أَحبت أحيت

13

- يوم جديد على ابطالنا -
         " الفندق "
صحى فيصل على نور الشمس الي بدت تنور السماء
ناظر جنبه و حصلها نايمه و ماخذه كل البطانيه من البرد لان الشباك كان مفتوح شالها بهدوء و حطها على الكنب و دخل للحمام " الله يكرمكم "عشان ياخذ له شور و يوضي و يصلي .
صحت ديمه على صوت طق الباب الي كان مزعجج بنسبه لها اول ما صحت ناظرت حولها و انصدمت انها على الكنب طالعه ب الساعه و شافتها 6 و نص وقف دق الباب و قامت ديمة تبي تدخل الحمام " الله يكرمكم " بس سمعت صوت الماء و عرفت ان فيصل فيه
دقايق و طلع فيصل و حصلها جالسه تجهز اغراضها
فيصل ببتسامه : صباح الخير
لفت ديمة له و ابتسمت من ابتسامته : صباح النور
فيصل : بنزل اجيب الفطور و انتي اجهزي
ديمة : زين
طلع فيصل و دخلت ديمة للحمام
نزل فيصل للاستقبال و اخذ الطلب الي هو كان طالب و طلب منهم يجيبون فطور للغرفه
دخل الغرفه و سمع صوت الماء و عرف انها للحين ما طلعت
نزلت الورد و كان معاه كيس صغير على الطاوله و اخذ جواله يكلم اهله
شويه و دق الباب جايبين الفطور جهز الفطور على الطاوله و جلس ينتظرها
عند ديمة الي طلعت من الشاور و لبست فستان ازرق خفيف له اكمام طويله و هادييي جلست تسوي شعرها و خلته مفرود كالعده و حطت ميكب خفيف و طلعت ل فيصل
التفت فيصل من سمع صوت الباب و انفتن ب شكلها الجميل و اللطيف
و البسيط بس جمالها بنسبه ل فيصل ماهو بسيط انتبهت ديمة ل نظراته و حست ب الاحراج شوي و خصوصاً انها تذكرت انها صحت و حصلت نفسها على الكنب
تنحنح فيصل : تعالي سمي بالله و افطري عشان نروح نخلص مشاويري و نروح ل اهلس
جلست ديمة معه و جلست تفطر ب شويشش و ما طولت الا قامت تغسل
قام فيصل و راح للكنب الي عليه بوكيه الورد و الكيس
شافها فيصل من طلعت من زاويه المطبخ
فيصل : تعالي شوي
قربته له ديمة و تفاجأت ب الي هو جايب
فيصل : ولله هي مفروض انها تصل امس لكن الله يهديهم تاخرو علينا شوي
اخذ الكيس و طلع منه عقد كان حجر كريم منحوت عليه اسمها و معلق ب سلسال قرب منها و و قال بصوت هادي : ارفعي شعرس
رفعت ديمة شعرها و هي تحس ان قربه ذا منها يوترهاا
ابتسم فيصل : قلبي تعلق بين مبسم و سلسال ، على نحر منتوقه العنق ديمة .
انحرجت ديمه جداً و ماعرفت شنو تقول ضحك فيصل بخفه : مالوه داعي تقولين شي واضح كل شي بعيونس
بعد عنها فيصل و تقدمت ل الطاوله عشان يشيل اغراضه
شافت ديمة الورد الاحمر و ابتسمته و اخذته و قالت بهدوء : و هذا لي ؟
التفت لها فيصل : و هو يصلح لاحد غيرس ! تدرين ان الورد بين يدينس يزهر حتى لو ذبل ؟
ديمة باحراج : شكراا ولله مدري وش اقول
فيصل : ما يحتاج تقولين شي يا بعدي ، رن جوال فيصل و ضحك من شاف الاسم ، ودس تردين عليه ؟
عطا فيصل ديمة الجوال و ردت
وسام: يا هلا بعريسنا الي ادق عليه ولا يرددد
ديمة : هلا وسام انا ديمة
فرح وسام من سمع صوتها : ارحبي ارحبي يا بعد كل الديمات
ديمة : تبقى يا بعدي
وسام : اخبارس وينه رجلس الخايس
ديمة : وسامممم
ضحك وسام : حتى ما تبينا نغلط عليهههه
ديمة : اكيددد
وسام : اخبارس يابعدي انتي
ديمة : ولله الحمد لله شاونكم مع التعب انتو عسى جدي ما كرفكم
وسام : لعيونيس يابعدي نسوي الي ما يصير و الي يصير ما من تعب يابعدي انتي متى بتجين
ديمة : مدري بس اكيد حول الظهر
وسام : ايههه زين اجل انا بقفل و بروح ل جدي لا يذبحني
ديمة : زين
قفل وسام و كانت ديمه بتطلع بس دخل فيصل : اللبسي يابعدي عشان نمشي و شنطس خليها بنمر عليها ب الليل
عطته ديمه الجوال و راحت تجهز لبست عباتها و اخذت شنطتها و طلعت مع فيصل
- ببيت ابو رسن -
ريما بضحك: ولله دق علي فيصل و صوته يبشر ب الخير
روح : الله يسعدهم مع بعض يارب
ريما : امينن امينن
روح : ولله شكل ديمة الي ما تسكت امس ما قالت ولا كلمه
ريما : ياعزتي عنها بس الحمد لله فيصل ما يضغط عليها اكيد
روح : هذا الي مطمني
دخلت ام رسن : روح يابعدي بمشي مع ابوس للمستشفى زين انتبهي ل نفسس و روحي للغداء حنا يمكن نجي قبله ولا بعده
تقدمت روح تبوس راسها : زين يا حبيبتي طمنيني لا تنسين
ام رسن : ابشري
تقدمت ريما تسلم عليها و طلعت ام رسن مع محسن للمستشفى
روح : روحي اجهزي عشان نروح نساعدهم
ريما : يلا زين
راحت ريما و كملت روح شغل كانت تسوي حلا و معمول
و بعد ما خلصت ريما هي راحت تجهز بعد ما حطت المعمول ب حافظه و اخذو الحلا ب الصينيه و تجهزت روح و طلعو لبيت محسن بس قابلهم يوسف و سالم
يوسف : صبحهم يارب
ريما : غريبهههههه صاحين من الصبح
يوسف بضحك : ولله صحانا جدهم
سالم : وين امي ؟
ريما : طلعت قبلنا
سالم : زين
انتبهت روح ل نظرات سالم لها و بدت تتوتر بس ما عطته اهميه اكبر
ريما : يلا طسو بنروح للحريم
سحبو ريما و روح عليهم و دخلو للبيت
- عند العيال -
أمجد : وسام شب النار
وسام : يلا زين اجل ادخل المشب و جيب العزبه
هزاع : ما دق عليكم فيصل ؟
وسام : انا دقيت بس ردت علي اوخيتي و تقول بيجون حول الظهر
ذياب : زين اجل
الجد عايض : ذياب رح للعزبه و جيب لنا اجود عنز للغداء
ذياب : ابشر ياجد
الجد عايض : وين هزاع ؟
طلع هزاع من ورا الحطب : سم ياجد
الجد عايض : رح مع ذياب و احلب الناقه و جيب من حليبها عشان الرياجيل
هزاع : ابشر
الجد عايض : وانت يا وسام و أمجد روحو شيلو حوستكم من المجلس و نادو خواتكم يساعدونكم
وسام : ابشر يابعدي
دخل الجد عايض و راح وسام و امجد للمجلس
- عند عرسانا -
وقف فيصل عند محل الاتصالات و نزل اخذ له حاجه و طلع ركب فيصل و التفت لها : جبت لس شي
و طلعه من الكيس و كان جوال و نطق : عشانس ما عندس جوال و عشان اذا رحت لدوام اقدر ادق عليس واجد
هذي بتكون اول مره ب الحياه ديمة يكون عندها جوال خاص فيها
ضحك فيصل من شافها تناظرر فيه : مابه داعي تقولين شي ولا شكر ولا شي تعرفين لوه ولا اعلمس عليه ؟
ديمة بصوت هادي : ما اعرف
فيصل : اجل بسجل لس رقمي و رقم اخوانس و ابوس و رقم ريما الخايسه
ضحكت ديمة بخفه : حرام عليكك
فيصل : خليس منها الخايسه ، و بدا فيصل يعلم ديمة الاشياء الاساسيه للجوال و كذا لين ما عرفت هي
ديمة : شكرا مره
فيصل : انا قلت لس مابوه داعي الشكر انتي زوجتي و هذا حقس
فرحت ديمة حيللل ب معامله فيصل لها و دعت ربي انه ما يغيره عليهم ولا يفرقهم عن بعض صح انها كانت جافه معه شوي لكنه ماهي متعوده عليه لكن بتتعود مع الوقت حرك فيصل متجهين لديره و كانت ديمه تناظر مع القزاز و لمحت المحل الي كانو يجيبون منه البنات حلا
ديمة : فيصل
كانت ذي اول مره ديمة تنادي فيصل فيها ابتسم من سمع اسمه من صوتها : سمي يا حبيبتي
انحرجت ديمه : عادي ناخذ حلا من ذاك المحل
فيصل : ابشري ، و وقف فيصل قريب منه لانهم كد تعدوه طفاء السياره : يلا تعالي نختار حلا سوا
استغربت ديمه لانها يوم تجي مع اخوانها ما تنزل دايم هم الي ينزلون
نزلت مع فيصل و قرب منها فيصل و مسك يدها ارتبكت ديمة من قربه بس سكتت ما قالت شي دخلو للمحل و بعد معاناه مع فيصل طلعو لانه كل شوي ياخذ حلا و هم كانو جاينن عشان حلا واحد
حطهم فيصل ب الغماره الي ورا و ضحك : ولله كاننا كثرنا
ضحك ديمة بخفه : انا قلت لك
فيصل : عادي عادي مشينا ، ركبو السياره و توجهو لديره .
- الديره -
وصلو فيصل و ديمة للديره و كان الكل بستقبالهم
نزل فيصل تقدم يسلم عليهم و ديمة ما نزلت عشان اخوان فيصل فيه
ابو مصلح : ارحب ياولدي
فيصل باس راسه : تبقى يا بعد راسي
ابو حامد : هلا يافيصل
تقدم فيصل له :هلابك ياعمي
الجد عايض : ارحب ارحب ياولد فهد
فيصل : تبقى يا ابو محمد
ابو مصلح : حنا بنسبقكم للمجلس ، دخلو ابوه و اخوانه للمجلس عشان ديمة تنزل تسلم عليهم
نزلت ديمه بعد ما اشر لها فيصل و تقدمت لهم
ابو حامد : يا هلا ولله ببنيتي
ديمة : هلابك يا يبه
الجد عايض : ولله انها مرحبا
ديمة : تسلم يا جد
تقدم لها وسام  و ذياب و نطق وسام : اخبارسسس يا العروسس
ذياب : زين جيتي ما خطفس ولد حايل
فيصل بضحك : كانت النيه خطف لكن قدر الله و ما شاء فعل
الجد عايض : اقلطو اقلطو
دخلو العيال مع الجد عايض و ابو حامد
فيصل : روحي انتي ادخلي و قولي ل ريما اذا هي فيه توقف عند الباب معس بجيب لكم الحلا
ديمة : زين
راحت ديمه و اخذ فيصل الحلا و وداه لهم
ريما : ارحب يا خيووو
فيصل نزل الاكياس و تقدم لها و حضنها : البقى يا عيون خيك انتي
ريما : عساكم مبسوطين
فيصل : على ما تحبين يا بعدي ، شوفي ذا الحلا جابته لكم ديمة زين خذو نص و نص حطوه لرياجيل و نادي لي امي
ريما : زين راحت ريما و التفت فيصل ل ديمة الي كانت تشيل من اكياس الحلا الي خلت ريما
فيصل : اذا احتجتي شي علميني
ديمة : معليك
فيصل : يلا اجل ادخلي عن الشمس
دخلت ديمة و جات ام فيصل
ام فيصل بفرح : هلا هلا بولدي العريس هلا
فيصل ببتسامه : ارحبي يا عيون ولدس انتي ارحبييييييي و تقدم فيصل يبوس راسها و يحضنها
ام فيصل : كيفك يا بعدي عساك بخير
فيصل : على ما تحبين يابعدي عساس امس ما تعبتي نفسس
ام فيصل : لا ولله ما من تعب
فيصل : الله يخليس لنا
ام فيصل : عساكم مبسوطين مع بعض
فيصل : الحمد لله يابعدي انتي مبسوطين
ام فيصل ببتسامه : اشوف وجهك منور
فيصل : هذا نورس يا بعد راسي
ام فيصل : يا حبيبي انت بترجع معنا اليوم ؟
فيصل : يمكن و يمكن لا انتم بتمشون بعد الغداء وانا يمكن امشي ب اليل
ام فيصل : ياولدي وش حادك على الخطوط ب الليل
فيصل : معليس انتي لا تحاتين ، انا بروح لرياجيل حتى اخواني ما سلمت عليهم زين وانتي اذا احتجتي شي دقي علي
ام فيصل : زين يا بعدي
راح فيصل و دخلت ام فيصل للحريم
- المطبخ -
رفيف : يا ديمة ابك انتي عروس علامس تشتغلين
ديمة : اسكتي بس
روح : ما تعقل ذي
ريما : علامس جايبتن الحلا ذا كلوه
ديمه بضحك : ولله هي النيه كانت بس حلا واحد بس اخوس تحمس
ريما : يموت ب الحلا فيصل
رنيم بضحك: عرفتيه
ديمة : ايه عرفته من اللوحه حقته
هيفاء : ولله يا ان حلاهم طعممم
دخلت ريحانه : رفيف وين قهوة الرياجيل ؟
رفيف : شوفي ديمة تسويها الحين تجهز
ريحانه : ديمة من جدس انتي ؟؟؟؟ انقلعي لصاله وراس تشتغلين
روح : خليها ذي ما تفهم
ديمة : ادخلن بس بيجون اخواني ياخذون القهوه و الحلا
دخلو البنات و جو العيال
ذياب ببتسامه : من الريحه واضح انها قهوة ديمة
رفيف : طفشتنا حتى و هي عروس تشتغل
ديمة : تراني ببيت اهلي اسكتو عني
وسام : الله وش الحلا ذا من وين جاء
ديمة : من عند فيصل جبناه معنا
وسام بفرح : حي عينههههه النسيببب
ذياب : خذه و خذ الشاهي وانا بجيب القهاوي
اخذو الحلا و القهوه و الشاهي و دخلو البنات للحريم و راحو العيال لرجال
فز يوسف من شاف معهم القهوه : حلفت
ذياب : اجلس انت ضيف
فيصل : هات هات
وسام : يا ابن الحلال اجلس انت وياه ولله ما تصبون
يوسف : وراههه تحلف انتت
ذياب : وراههه ما تجلس انت
هزاع : يالبيهه فيه حلاا
وسام ببتسامه : من عند النسيببب
ابو حامد : كثر الله خيرك ياولدي
فيصل : ولله يا عم انه من عند بنتك
ابو مصلح : ما تقصرون يابعدي
أمجد : هات القهوه عنك ذياب
ذياب : اجلس اجلس معليك
الجد عايض : و متى بتمشون لحايل
ابو مصلح : ولله انا و الاهل بنمشي بعد الغداء
ابو رسن : ليه يا فهد
ابو مصلح : تعرف الشغل يا محسن ولا ولله اني ودي اجلس
ابو حامد : وانت يا فيصل !
فيصل : فاليل ان شاء الله
ابو حامد : زين زين
- عند البنات -
كانو البنات يسولفون طبيعي و جت رنيم جلست جنب ديمة و همست : اخبار عروستنا
ديمة باحراج : رنيممم
ضحك رنيم بخفه و همست بصوت خفيفففف : صار بينكم شي
هزت ديمة راسها ب لا
رنيم : امانه
ديمة : اي ولله ابك يوم قال لي روحي ارقدي ريحي كانه كاب علي ماء باردددددد
رنيم بضحك : ولله ما الومك
روح : وش تتسايسون بوه
رنيم : احقق معها
روح بضحك : و وش طلع معس
رنيم : ولا شي
فهمت روح عليها : ولله ما صار شي ؟
ديمة باحراج : بناتتتت
روح : زين زين بنسكت
رنيم : اقولك رسن مشت ؟
روح : ايه مشت امس بعد العرس
ديمة : علامهم معجلين كذيه
روح : مصلح عندوه داوم ولا ما كان ودوه يمشي
دخلت ريما : بنات ينادون اخوانكم تدخلون صحون الغداء
قامو البنات و اخذو الصحون الغداء و جلسو يتغدون مع الحريم
اما عند الرجال بعد ما تغدو الرجال و مشو اهل فيصل لحايل و رجع ابو رسن لبيتهم و دخلو الجد عايض و سيف و ابو سامي عشان يقيلون بعد الغداء جلسو العيال ب المشب عشان المجلس بيرقد فيه ابو سامي
كانو العيال جالسين يتقوون و يسولفون قام فيصل
وسام : وين
فيصل : بروح السياره
ذياب : ليكون بتمشي
فيصل : لا يرجال بروح اذاكر
هزاع : تذاكر ب السياره ؟
فيصل : ايه مابه مكان هنيه
ذياب : خذ اوانيك و روح للمجلس الي برا مابه احد
وسام بضحك : لا تخلف نظفناه
فيصل : زين اجل
طلع فيصل و راح للمجلس بعد ما اخذ كتبه و اغراضه الي يحتاج
هزاع : انا بروح اقيل
أمجد : شكل حتى انا بروح بديت انود على قولت ولد حايل
وسام : لا تبطون وصو عمتي تقومكم لصلاه
أمجد : معليك
طلعو العيال و بقى وسام و ذياب
وسام : علامك انت اليوم ؟
ذياب : علامي
وسام : مدري فيك شي ؟
ذياب : لا يتورالك " تتخيل "
وسام : ولله من وجهك واضح قل قل
تنهد ذياب : تتوقع اذا خطبتها توافق ؟
وسام : هيفاء ؟
ذياب : و هو فيه غيرها
وسام : وليه ما توافق
ذياب : مدري يخوي كانها ماهي بالعتني
وسام بضحك : يارجاللل خل عنك شكلها تلعب دور الثقيل
ذياب ببتسامه : ولله شكل
وسام : و متى بتكلم امي ؟
ذياب : مدري الوقت ذا زحمه يخوفك
وسام : ليه وش عندك
ذياب : العيد ما باقي له الا كم يوم و بعد العيد بشهر عندي مهمه
وسام : في ذمتك ؟ كم شهر
ذياب : ست تقريبا
وسام : واجد يا ذياب
ذياب : الشكوى لله
كان وسام بيتكلم بس سمعو صوت الباب ، ديمه :. عندكم احد ؟
وسام : لا تعالي
دخلت ديمه : غريبه بس انتو
ذياب : راحو يقيلون و سامي عنده جامعه
ديمة : وين فيصل ؟
وسام : ب المجلس الخارجي يذاكر
ذياب : وش الدواء الي معس تعبانه ؟
ديمة : لا فيصل كان مصدع ف بشوفه هو للحين يبي ولا لا
وسام : روحي له ماعنده احد
ديمة : زين اجل
- طلعت ديمه و اتجهت للمجلس و فتحت الباب بهدوء حصلته نايم عند كتبه و اغراضه و واضح انه ما حس على نفسه ابتسمت و اخذت من البطانيات الي كانت ب الزاويه و راحت تبي تغطيه و اول ما حطت البطانيه عليه فتح عيونه رجعت ديمة ل ورا و توترت ما توقعت انه بيقوم ما تدري ان فيصل نومه حيللل خفيف
فيصل بشبه نايم : سمي يا حبيبتي
انحرجت ديمة و ما تكلمت عدل فيصل جلسته و نطق بصوته الناعسسس : بغيتي شي يابعدي ؟
ديمة بصوت هادي : شفتك اليوم تقول انك مصدع و جبت لك دواء
بتسم فيصل : تسلمين يابعدي معليس خف بس خليه هنيا يمكن يرجع لي
ديمة : طيب ارقد انت لا تتعب نفسك و ورانا خط
فيصل : ولله ودي اذاكر
ديمة : لاحق عليها ارتاح هلحين وانا اصحيك بدري ل الصلاه و تذاكر
فيصل : زين اجل لا تنسيني
ديمة ببتسامه : نساك الموت ولا نسيتك
تقدم فيصل لها و باس راسها بخفه و رجع ينام و طلعت ديمه بعد ما قفله الانوار عليه .
- العصر -
روح : يلا بنات انا بروح البيت
ديمة : ما طولتي تكفين
روح : ولله بروح اشوف اميمتي و عندي كم شغيله ل بـيي
ديمة : بمر عليس قبل امشي
روح : زين
رفيف : تعالي معي بعطيس الصواني حقتكم
ريحانه : و فيه صلاعه " ثلاجه " قهوه جابتها عمتي بعد عطيها حطيتها على الدرج
روح : ولله البلشه
رنيم : اصبري بساعدك
راحو روح و رنيم مع رفيف و اخذو الاغراض و طلعو
ديمة : بروح اقوم فيصل لصلاه
ريحانه : بتمشون اليوم صح ؟
ديمة : ايه يابعدي
ريحانه عبست : بشتاق لس
تقدمت ديمة تحضنها : ولله انه اكثرر
طلعت ديمة بتروح للمجلس و حصلت وسام بوجها
وسام : على وين
ديمة : بروح اقوم فيصل عشان الصلاه
وسام : ارتاحي انتي انا اروح له
ديمة : زين اجل
دخلت ديمة و راح وسام عشان يقوم فيصل
دخل وسام و اول ما شغل النور تحرك فيصل بانزاعج
وسام : فيصل يلا قم الصلاه
تعديل فيصل : قمت قمت
وسام : ياخفك كيف تقوم ب السرعه ذي
فيصل : ياشينك انا قلت بصحى على وجه زوجتي الي يفتح النفس ماهو وجهك
ضحك وسام : محارمنا ياولد
فيصل و هو يقوم : محارمكم محارمي طس عن وجهي بس
وسام : يالله لا تبطي لا يجيك جدي يشوتك
فيصل : زين
طلع وسام و قام فيصل ورتب اوانيه و التفت للماء و الدواء و ابتسم من تذكرها و نطق : ياكبر حظك يا فيصل
طلع فيصل من المجلس  و اتجه للبيت
وقف عند الباب و قال بصوت شبه مرتفع : يا اهل البيتت
و ماهي الا شوي و طلعت له ديمة : هلا فيصل
فيصل : هلابس يابعدي جيت اسالس متى ودس نمشي
ديمة : الي ودك
فيصل بضحك : ولله انا ماعندي خلاف لو امشي اخر الليل بس انتي عشان تجلسين مع اهلس و اخوانس
كانت ديمة ما تبي تمشي بدري بس انحرجت لا تقول له فهم فيصل عليها و عرف انها تبي تجلس اكثر و قال : نمشي على 12 مناسب لس ؟
ديمة : الي ودك
فيصل : لا تحاتين ، بس بالله عليس صلحي لي قهوه بصلي و اعود اذاكر راسي بينفجر
ديمة : زين بحطها لك بلمجلس
فيصل : تم يلا اجل
راح فيصل للمسجد ودخلت ديمة تسوي له قهوه
دخلت رفيف : ديمةة!! شتسوين
ديمة : اسوي لي فيصل قهوه
رفيف : اجلسي انا اسوي
ديمة : يا رفيف معليس انا اسوي روحي انتي
رفيف : الله يصبرني بس
طلعت رفيف و كملت ديمة تسوي لفيصل قهوه
- بعد الصلاه -
كانو العيال واقفين عند الباب
فيصل : اجلسو مع اختكم ترا بمشي باليل
ذياب : متى بتحرك
فيصل : حول 12
وسام : ليتك خليتها الصبح
فيصل : ولله عندي اختبار ولا ودي
ذياب : زين اجل
فيصل : يلا انا برجع اقابل المرض
وسام بضحك : يلا الله يسهل عليك
راح فيصل و التفت ذياب ل وسام : وين أمجد و هزاع
وسام بضحك : شكل عمتي سحبت عليهم
ذياب : ولله البلشه وش يسكت جدي هلحين ، و دخلو البيت و راحو يجلسون على الفراش الي ب الحوش من ورا عند الجهنيه
و جت ديمة : ما شاء الله متى جيتو
ذياب : نادي البنات و تعالو خل نقعد سوا
ديمة : زين الحين اجيبهم ، دخلت ديمه تنادي البنات و شويات و طلعو معهم الحلا و القهوه و الشاهي
وسام : هلا ب المحمول
رفيف : و !
وسام ببتسامه : و الحامل
ريحانه : ايه زين كنت بهفك ب ذصينيه
ذياب : اقعدو خل نسولف سوا
- بيت ابو رسن -
روح و هي تلبس عبايتها : يا اميمتي بروح اودي الصينيه حقت عمتي سلمى و اجيس
ام رسن : زين يا بعدي و خذي لهم من المعمول اريني كيسته ب اكياس صغيره و صفيته ب المطبخ
روح : زين يا بعدي
اخذت لهم روح من المعمول و حطته ب الصينيه حقتهم
طلعت و ما حبت تدخل البيت ف طقت الباب
ذياب : رح شف من عند الباب
وسام و هو ياكل من الحلا : وليه ماهو انت
ذياب : اخوك الكبير استح على وجهك و قم
وسام : يليللل ، جاييي جاييييي
سمعت روح صوته و عرفته و توزت جنب البيت و ما تدري ليه بس انحاشت ، فتح وسام الباب ولا شاف احد : يليل المبزره صدق
سكر الباب و وقف جنبه كان يتوقع انه من الورعان و ذي حركاتهم دايم
اخذت روح شويه و رجعت تطق الباب و هي تدعي انه ماهو هو الي يفتح الباب و ممداها تكمل دعائها الا فتح وسام الباب : خي،، ما كمل كلامه لانه شافها قدامه
روح بهمس : هذي صينيتكم و المعمول من عند امي
تنح وسام فيها بس صحى على صوت ذياب الي يناديه
مدت الصينيه و كان بياخذها بس لمست اصابعه ب اصابعها و سسحبت روح يدها و طاحت الصينيه الي فيها العمول و انكب على الارض ماعرف روح وش تسوي الا انها تنحاش و خلت وسام لحاله و يضحك علي اشكالهم : يا ويلس من ربس يا بنت محسن يومنس تخلين وسام ب هلحاله فز من حس ب يد على كتفه
ديمة : علامك !
وسام : هاه
ديمة : ليه النعمه منثوره على الارض ، و من عند مين ؟
وسام : ايه من عند عمتي روضه جابها ورع
تخصرت ديمه : و الورع ذا ما يعرف يمسك زين ؟ علامك تتبسم كذيه
وسام : يليل يا ديمة
ضحكت ديمة : هي الي جابتها
وسام : مو شغلس ، و نزل يلم المعمول و هو يضحك و ديمة تضحك منه
رجع لهم وسام و راحت ديمة تشيك على فيصل و تشوف هو يحتاج شي ولا لا .
فتحت ديمة الباب و لقته غافي و هو جالس ضحكت ديمة بخفه من وضعيته و انه طول اليوم نايم بس رجع نام
قربت منه و همست بخفه : فيصل
فتح فيصل عيونه و لقاها قدام وجهه و ابتسم اول ما لمحها : سمي
ديمة : سم الله عدوك ارقد زين لا يعورك ضهرك
تعدل فيصل و مسك الاوراق : لا لا ما برقد بذاكر
تقدمت ديمة و مسكت يده مع الاوراق : واضح على عيونك التعب ارقد و يوم تقوم المغرب تذاكر
ابتسم فيصل من حس ب يدينها الناعمه على يده : دام هذا قلوتس اجل بقيل زياده
ديمة : يلا زين اجل برجع لخواني
قامت ديمة و قبل تطلع قال فيصل : تعالي انتي قوميني ماودي اقوم على وجه وسام
ضحكت ديمه و حركت راسها ب اي و طلعت
اما فيصل الي اول ما حط راسه نام و ديمة صادقه ان التعب باين على وجهه له اسبوعين ما نام زين من تجهيز العرس و المذاكره و مسكت الخطوط من حايل لديره .
ذياب شاف ديمة جايه لهم : للحين يذاكر ؟
ديمة : بيقيل شوي
وسام : ازين له ولله متعب نفسه
ذياب : اي بالله انك صادز تعبه الاختبار ذا الي حتى ب تجهيز العرس كان يذاكر
وسام : عساه يعديه على خير
ريحانه : ديمة شرايس تقولين له هو يروح وانتي تجلسين هنيه
ديمة رفعت حواجبها : لا بالله
رفيف : هذي طاحت على وجها من اليوم وانتي تبينها تخليه
رفستها ديمة برجلها : خيررررر
انفجرو ضحك عليها و طلعت عليهم امهم
وسام : هلا هلا ب امي
ذياب : حتى حنا امنا
قام وسام يحضنها : لا بس حقتي لحاليييي
ابو حامد من وراهم: لا بالله ؟
فز وسام من سمع صوت ابوه و انفجرو ضحك عليه
وسام : يبه انت ما كنت عند عمي محسن
ابو حامد : لا بالله شكل ماودك اجي
تقدم له وسام يبوس راسه : افا انت اساس البيت بس يعني بعد امي
جلسو كلهم على الفرشه و اخذتهم السواليف و المواقف اللطيفه العائله الحنونه على بعض المترابطه حيللللل بس ناقصهم حامد الي ما يدرون عنه شي
- بعد صلاه العشاء -
كانو جالسين على سفرت العشاء ب الحوش و يسولفون لين ما يتجمعون كلهم و يبدون ب العشاء
ابو حامد : وسام ياولدي انقز اعزم عمك محسن
قام وسام : ابشر يا يبه
طلع وسام و اتجه ل بيت عمه محسن الي مقابل بيتهم شد انتبهه صوت من ورا الحوش اول ما التفت وسام لقاء روح واقفه عند الشجره الي كانت ورا بيتهم و تناظرر فوق
وسام : علامس
فزت روح من سمعت صوته رجعت لورا رفع وسام نظره و لقاء قطوه صغيره فوق الشجر
وسام : ابعدي خل انزلها لس
وخرت روح و تقدم وسام عشان ينزلها و هو كان اطول من روح ب كثيرررر و يصل لها بس اول ما مسكها خمشه ب اظافيرها صح انها صغيره بس خلت يده تنزف شوي
فزت روح : جاك شي ؟
وسام من الي قدامه و خوفها عليه لو يطعنونه ما درا عنهم
قرب منها وسام و نزلها قدامها : جوديها " امسكيها " قبل تنحاش معليس ماجاني شي ، ما يدري ليه جاء على باله الشاهي حقها و نطق بهمس : ما ودس الوصل يكون كوب شاهي ؟
راح وسام عشان يعزم عمه و هو ما ودههه بس يدري انه لو تاخر ابوه بيجلده فهمت عليه روح و دخلت مع الباب الخلفي حق الحوش و دخل للبيت مع القطوه الصغيره دخلت للمطبخ و حطت لها بطاسه قديمه شويه حليب و راحت تسوي كوب شاهي كانت تسوي الشاهي و هي كل  تفكيرها مع وسام ما كانت مصدقه انه يحبها و هو من عيونه باين حبه لها ابتسمت بنص هواجيسها و قاطع حبل افكارها صوت امها : هذي وش تسوي هنيه ؟؟
التفتت روح و عرفت ان امها تقصد القطوه : يا اميمتي شوفي وش حليلهااا
ام رسن : ياروح ليكون فيها مرض ولا شي جايبتها من برا
روح : معليس اكيد مافيها شي شوفي وش صعيرهاااا
ام رسن : انتبهي بس وش تسوي انتي ؟
ارتبت روح و نطقت : اسوي شاهي
ام رسن : زين لا تبطين ارقدي بدري
روح : زين يابعدي حطيت علاجس عند وسادتس كليه
ام رسن : طيب ترا ابوس راح للعشاء عند عمس سيف
روح : ما كليتي واجد يابعدي
ام رسن : ولله الغداء للحين مثقل علي
روح : زين اجل ارتاحي
راحت ام رسن و زفرت روح براحه انتظرت روح لين ابوها جاء و هو ما طول تعشاء و جاء بس و على طول دخل يرقد طلعت روح ل جهة الحوش الي هم كانو عندها بس هي داخل و حطت كوب الشاهي على الجدار حق الحوش و هو ما كان مرتفع ب الحيل وقفت روح تنتظره عند الجدار و ماهي الا دقايق و سمعت صوت مشي على اوراق الشجر الي كان على الارض شاف وسام الشاهي و ابتسم و مد عشان ياخذه بس بغلط منه دف الكوب و انكب على روح الي فزت من مكانها و طاح الكوب عند رجولها
كان وسام يتوقع انه مافيه احد بس انفجع من سمع صوتها
روح بهمس : احححح
وسام فزت : روحححح
سكتت روح و ما ندري ليه بس نط وسام على الجدار و انفجت روح زياده لانها ما كانت متغطيه عدل
روح : انزل ماني متغطيههه
كان وسام بينزل بس طاح على ظهره انفجعت روح و نطقت : جاك شييي ؟
وسام بالم : لا لا انتي جاس شي ؟
روح : لا ماهو حار مره ، كانت تكذب عليه بس عشان ما تبيه يخاف زياده
وسام بالم و ضحك: لابوه من شاهي اي ولله
ضحكت روح بخفه من سمعته و اما عن وسام الي نسى العالم من سمع صوتها و قال بصوته الفخم الي كان منمزج مع بحه و الم :
اضحكي يا عسى ايامس كلها فرح ، الجمال بضحكتس ياخذ عبر
اضحكي وانا بضحك الدنيا معي ، اهم شي اسمع ضحكتس
انحرجت روح ودخلت البيت ولا ردت عرف وسام انها دخلت من سمع صوت الباب سكر قام من على الارض و هو ينفض نفسه و ثوبه من الغبار و يسب نفسه على غبائه حتى الشاهي ما ذاقه
راح ل جهة بيتهم و لقاء فيصل و ديمة يودعون اهله عشان بيموشون توزا ورا البيت لين ما شاف ابوه و الجد عايض دخلو وما باقي الا ذياب و طلع لهم
فيصل : وينك يا اخوي لي ساعه ادورك
وسام : كنت عند محمد
ديمة : سبحان الله من متى بيت ابو محمد ب جهة بيت عمي محسن ؟
ضحك ذياب : اي ولله انها صادق
وسام : تعالي تعالي لسانس ذا يبي له قص ، حضنها وسام و هو يستودعها الله و تقدم ل فيصل : حطها بعيونك
فيصل : قلت لك انها بين عيني و رمشي
ذياب : يوم تصلون دق علي
فيصل : لا تحاتي يلا فامان الله
حركو فيصل و ديمة ل حايل و دخلو وسام و ذياب للبيت و مسكن ذياب من عند رقبته من ورا مع ثوبه : انطقق بسرعه وين كنت
وسام : قلت لك عند محمد و انحاش للمقلط عشان يرقد
ضحك ذياب و هو يدري ان ما بينفع شي معه خلاص الولد قاضيييي
- عند روح -
دخلت روح المطبخ و هي تحط ثلج على كتفها و هي تضحك و تراقب القطه الي تتمشى قدامها شالتها روح و اخذتها معها الغرفه عشان ترقد
- عند عرسانا ب السياره -
التفت فيصل ل ديمة و ضحك بخفه : وش كنتو تلمحون ل وسام بوه !
حست ديمة انه عادي لو تقول ل فيصل بس ما تقول له كل شي و قالت بصوت هادي : لا بس وسام يحب روح
التفت لها فيصل بصدمه : وسام و بنت خالتي روح !
استغربة ديمة من صدمته : ايه بس يعني ما بينهم شي
فيصل ببتسامه : ايهه زين اجل الله يجمع بينهم ب الخير
ارتاحت ديمة ل ابتسامة فيصل ولا حست ان فيه خطر ابداً اما عن فيصل الي انصدم ولا توقع ابدا و كل تفكيره ب وسام و روح و بنص تفكيره قال طيب و سالم !!!

التشبيهات تلقونها انستا و تيك توك n.aili8💙