الروح إذا آوت دأوَت و إذا أَحبت أحيت

38

~ يوم جديد على ابطالنا ~
قام من النوم من سمع صوت جده ينادي لصلاه الفجر ، ناظر جنبه و لقاها راقده و بحضنها عايض و ضحك بخفه: احسدك وانا ابوك
قام وسام و دخل يوضي و يطلع لصلاه ، لقاء ذياب دوبه طالع و جالس يتمغط : صبحه ب الخير
التفت ذياب ل وسام و ابتسم : بالنور يارب
طلعو العيال من البيت و لقو أمجد و هزاع يتهاوشون : يارجال طس عني بس
ضرب أمجد هزاع بخفه ببطنه : طس انت يا ورع تراني اكبر منك !
ذياب : يا صباح الخير بس
وسام بضحك : علامك انت وياه
أمجد : ذا كمخه تدرون !
ضحك ذياب بسخريه : دارين من قديم
طلع فيصل من المجلس و هو يلبس ثوبه : علامكم
ضحكو العيال على شكله : شتسوي انت هنيه
ابتسم فيصل : جيت متاخر و قلت اخذ غفوه قبل الصلاه
طلع الجد عايض : يلا يلا لا تلتهون
مشى الجد عايض و مشو وراه العيال و نطق هزاع : لا
أمجد : ليه ياخي !!!
هزاع : كذا كيفي
ذياب : علامكم
أمجد : ابي سيارته بس الخايس ذا رافض
وسام : ورع تراه اخوك الكبير
هزاع : بيعطيني سيارته الي بدون مكيفففف
أمجد : يا تبن ما معي وقت اروح اصلحه انت يمديك
فيصل : خذ سيارتي طيب
أمجد : يشيخ
فيصل : عادي وانا اخذ سيارتك و اوديها الورشه و اخذ سياره مصلح
هزاع : سيارتي تحلم فيها
ناظر فيه أمجد بطرف عين : انكتم وانا اخوك انكتم
ضحكو العيال و هم يدخلون للمسجد يصلون .

قامت من النوم ولا لقته جنبها عرفت انه راح يصلي ، قامت و دخلت توضي عشان تصلي ، طلعت و لقت عايض بدا يصحصح تقدمت له وهي تشيله : صباح الخير يا وجه الخير انت
دخلت تغسل له و تبدل ملابسه ، طلعت و حطته على السرير و فرطت سجادتها تصلي ، دخل و لقاها تصلي ضحك بخفه من صار عايض يمد له يدينه عشان يشيله ، جلس وسام على السرير و حطه ب حضنه ، سلمت روح من الصلاه و صارت تقراء بيدها قامت و مسحت نفسها و تقدمت مسحت على عايض و وسام ، ابتسم وسام بخفه : صباح الخير
روح ببتسامه : بالنور يابعد حيي
ضحك وسام و حط يدينه على قلبه : يويل حاليييي صدق
نزل وسام عايض و تقدم لها و باس راسها : يابعد حييي انتي اي ولله
ضحكت روح بخفه على ردت فعله و نطق وسام : اجهزي بعد الفطور بنمشي
روح : زين اجل بطلع اساعد البنات ب الفطور
باس وسام يدينها : عساني ما ابكيتس يارب
رفعت روح نفسها و هي تبوسه و تاخد عايض و تطلع للبنات بعد ما اخذت جلالها ، تقدمت تصبح على الجده فاطمه و ام حامد : هاتيه عنتس
ابتسمت روح و هي تمد لها عايض : قامو البنات !
ام حامد : بالمطبخ ياحبيبتي
راحت روح للمطبخ و لقت البنات : صباح الخير
التفتو لها البنات : بالنور
ديمة : وش جابتس طسي داخل
ابتسمت روح بعبط : جيت اساعد
رفيف : طسي بس
روح : سويتو شاهي ولا اسوي
ريحانه : ولله البلشه
دخلت هيفاء و هي شايله روح : اهلين روح
تقدمت روح تاخذ منها روح الصغيره : ياهلا
ديمة : روح خذي سميتس و طسي لصاله
روح : بسوي شاهي و انكتمي ديموه وين وسام
هيفاء : ورعي ولا رجلتس
ضحكت روح : وغدك
هيفاء : مع ابوه جبت لكم ذي من عند ابوها جابها ذياب
ديمة : ما يستحي ذا دوبه ماخذها وراوه مرجعها
نزلت روح سميتها و تقدمت تسوي الشاهي تحت هواش البنات ،
رفيف : حطي النعناع ب كاسه لحاله هزاع ما يشربه معه
روح : زين ، جهزو البنات الفطور و جو العيال ياخذونه و طلعو و اتجهو البنات لصاله عشان يفطرون ، جت أمل مع ام سعد الي طايره فيها ، أمل ببتسامه : صبحهم ب الخير
سلمت عليهم و جلست مع البنات يفطرون
ديمة : بتمشون هلحين !
روح و هي تقوم : ايه
أمل بعبوس : ما صدقت على الله اجي عندكم الا بنمشي
رفيف و هي تحضنها : كم يوم و تعودون معليتس
ودعو البنات روح و أمل الي راحو يجهزون اغراضهم عشان بيمشون ، دخل وسام و هو شايل عايض : وش تسوين انتي هنيه
ديمة : وش تبي انت
وسام : هاو ! ما ناقص الا هي طسي عند رجلتس يقول بيمشي
ديمة : ولله !
هز وسام راسه ب ايه : و بنتس ترا عند امي لا تنسينها
ديمة بعبط : ليه قالو لك وسام !
ضحكت روح بخفه : ديموه
كشرت ديمه : يعنني ما ارضا على رجلي تجيبتس الايام
وسام : طسي بس
سكر وسام الباب و هو ينزل عايض : جهزتي !
هزت روح راسها ب ايه : ايه و جهزت اوانيك بس شيك عليها بعد
وسام : معليتس و جهزتي اواني الشيخ ذا
روح و هي تشيله : اول واحد ذا ، لبست روح عبايتها و طلعت مع وسام الي سلمو على ابوه و جده و طلعو من البيت ، لقو ابو رسن ب وجهم ، فرحت روح من شافته : بـيي
ضحك ابو رسن بخفه : يابعده انتي ماشين !
تقدم له وسام و باس راسه : ايه يا عم
ابتسم ابو رسن و هو ياخذ عايض : كان خليتو الوغد ذا عندي
وسام : لا لا اهم شي هو
روح : يابـيي ترا رسن تقول مصلح يعزمك للغداء
ابو رسن : ايه دق علي
روح و هي تبوس راسه : لا تجلس ب البيت لحالك زين !
ابو رسن ببتسامه : لا تحاتين يابعدي ، سلمت عليه روح و راحت لسياره ، التفت ابو رسن ب وسام : انتبه لهم يا ولدي
باس وسام راسه : لا تحاتي يا عم بعيوني
سلم عليه وسام و ركب السياره ينتظرون أمجد و أمل ، طلع أمجد و حط اغراضهم ب السياره و ركبو وقفو جنب بعض و نزل أمجد القزاز : سيده مكه !
هز وسام راسه ب ايه : ايه توكل على الله ، حركو وسام و أمجد مع بعض متجهين ل مكه .