الروح إذا آوت دأوَت و إذا أَحبت أحيت

31

صباح جميل و منعش على الكل ،
الكل كان متحمس و هو يسوي الفطور و كان لهم سنه عنه ! ما يدرون ليه كان صباح منعش عليهم و جداً يمكن لان تجددت روحهم مع رجعت بنت محسن الي رجعت ، يمكن لانهم كان فيه شبه من القلق في قلوبهم و حزنهم على محسن
~ بعد صلاه الفجر ~
بهذا اليوم انتشر خبر رجعت روح و عايض الصغير ، لكن مع الاسف ان كلام الناس ما يخلص و ابداً
: يقولون بنت محسن رجعت !
: ايه و رجعت و معها ولد ؟ الله يستر علينا و عليها
: الله اعلم اذا كان ب رضاها او غصب عنها
طلع الشيخ من المسجد و شافهم يناظرون ب ظهر محسن الي راجع ل بيته و يتكلمون عنه : وش هلكلام يارجال !
: ما قلنا الا الصدق يا شيخ
الشيخ : ما يجوز هلكلام ولا كانكم امس ماكلين من زكاته و تمايم حفيده ؟ هذا بدال لا تروحون و تتحمدون له ب السلامه و تباركون له تقولون عنه هلحكي ؟
: يا شيخ طيب يقولون ان ولدها غصب عنها ؟ و ان الي خطفها ما كان متزوجها
: يعني انه ولد حرام !
الشيخ بحده : اقطع الشر انت وياه البنت مالها دخل ب الي صار لها و ولدها برضاها او ماهو برضاها هذا شي راجع لها هي و بينها هي و ربها!
جاء ابو حامد الي طالع من المسجد مع عياله : وش هاحكي يا رجال عيب عليكم !
: يا سيف ماهوب عشانه خويك ما تشوف فعايله و فعايل بنته !
ابو حامد بغضب : وش شفتو من محسن و بنته انا ما اشوفه ؟؟؟
: وش يأكد ان بنته ماهي الي شارده معه !
ابو حامد بحده : اذكرو الله وش هلكلام !!!
الشيخ : عيب ولله انه عيب
ابو حامد بحده : بنت محسن ب مثابت بنتي و الي يمس بنت محسن ولا محسن بغلط فهو يمسني ! وش النفاق الي عندكم امس ماخذين من زكلته و تمايم حفيده !
: تقول عنا منافقين يا سيف ؟
ابو حامد : لان هذا ماهو بكلام الرجال حطو بناتكم ب مكان بنته ماهو حرام الي هي عاشته !
الشيخ : ما يجوز هلحكي عينو من الله خير .

~ في بيت الجد عايض ~
دخل ابو حامد و هو معصب من كلام الناس الي يمسون صديقه ب شرفه و بنته ! جلس على سفره الفطور بدون ما يقول شي او يسلم
الجد عايض : هاو ! علامك
زفر ابو حامد بعصبيه : ما سمعت وش يقولون عن محسن و بنته !
وسام بعبط و فرحه : ابوي دافع عن عمي محسن و بنته
ابو حامد بحده : وانت امسك ارضك ادري وش تفكر فيه ياوسام
قمت وسام : سم يبه
ذياب بضحك : بجيب وسام و اجيكم
الجد عايض : اذا بنت ديمه هنيه جيبها معك ياولدي
راح ذياب و اتجه ل غرفتهم و لقاها تغير له : صبحهم ب الخير
التفتت له هيفاء و ابتسمت : بالنور ياحبيبي
ذياب : جيت اخذه اريحتس منه شوي ، ناظر لخدها : هذا ايش !
هيفاء : اسال ولدك الشرس
مسك ذياب يد وسام يشوف اظافيره : ولد !وشوله تسوي ب امك كذيه عيببب عيببب
ضحكو من شافو وسام يناظر فيهم و يضحك ، ذياب و هو يشيله : هذا الي انت فالح فيه وانا ابوك ، عندتس جامعه اليوم !
هزت هيفاء راسها ب ايه : بس العصر
عقد ذياب حواجبه ب استغراب : ليه العصر !
رفعت كتوفها ب عدم معرفه : ارسلت لنا الدكتوره تقول المحاضره العصر
ذياب : يلا زين لاني اطلع من الدوام المغرب
هيفاء و هي تقوم : غريب !
ذياب : بداوم الظهر
تقدمت هيفاء تبوس خده : يلا زين
ابتسم ذياب بخفه : ترا كذا بنجيب له اخت او اخو بدري ؟
ضحكت هيفاء ب احراج : ينتظرونك للفطور
طلع ذياب و هو يضحك على خجلها و تقدم للمطبخ : ديوم
التفتت له ديمه : سم
ذياب : سم الله عدوتس وين بنتس ؟
ديمة : اخذها فيصل توه
ذياب : ايهه زين اجل دامه جاء .
طلع ذياب و اتجه لهم و لقاهم كلهم حول الفطور و عمه محسن يدخل مع الباب
ابو رسن : هاتوه
ابتسم ذياب و نطق : خذوه
ضحك ابو رسن بخفه : شوف يا سيف ولدك يطقطق على عمه اجلده
ذياب : وراهههه
انفجر ابو رسن ضحك و ضحك الكل من ضحكته : الله يسامحك بس ما غافر لك الا المزيون ذا
ذياب : طالع على عمه
وسام ببتسامه : تسلم يبو وسام
فيصل : مالوه داعي يا عم طيب و سميت بنتك !
ابو رسن و هو يتقدم لها : هذي لها مكانه خاصه فيها
ذياب : نسيت ولدي بسرعه ياعم !
جلسو كلهم على الفطور و دخلو ابو سعد و عياله يفطرون معهم
الكل كان مبسوط و مرتاح جداً
تنطبق عليهم مقولة " فإنّ العائلة في الدنيا ربيعَ ، وما وصف العذوبهِ كاف "
دخلت روح و عايض وراها يمشي و يصيح ، ضحكت ديمه من شافته و تقدمت له تشيله : مين مزعل الحلو مينن
تنهدت روح بضحك : خاف من بسه !
ضحكت ديمة : يويلييي ذا وانت سمي جدي و رخمه كذا
روح بطرف عين : شقصدك !
ديمة : شدعوههه ولا شي مابه احلا و اقوى من عايض
روح بضحك: مسكتي اللهجه اجل
ضحكت ديمه و هي تدخل و دخلت بعدها روح و لقت رنيم متسدحه ب الصاله ، فزت من شافتها و تقدمت تحضنها : اشتقت لك
روح : اكثررر يابعدي
هيفاء : كانت بتجيك ب الليل بس مسكناها ب الغصب
روح ببتسامه : كان خليتوها تجي عايض ما خلني ارقد اصلاً
رنيم : لا زين ما جيت اجل تصرفون ورعانكم عندي
ديمة و هي تغمز : بيجيبك يوم ترا
رنيم : انكتمي طيب !