الروح إذا آوت دأوَت و إذا أَحبت أحيت

36

صحت من النوم و شافته واقف عند الشباك و كوبه ب يده ، حس ب حركتها و لقاها جالسه و تطالع فيه، نزل الكوب و تقدم لها و جلس مقابلها ، رفع كفه ل وجها يوخر شعرها ورا اذنها : وين ودتس نروح اليوم !
رجعت تنسدح : ابي ارقد
ضحك عبدالرحمن بخفه : زين
طلع من الغرفه عشان بيروح جيب فطور ، رجعت صحصت و دخلت الحمام " الله يكرمكم " طلعت و هي لافه الروب عليها و لقته جالس على السرير : وين الي بيرقد !
رنيم و هي تطلع ملابسها من الشنطه : شفت وجهك و صحصحت
عبدالرحمن : برجع اسالتس وين تبين تروحين !
رنيم و هي تدخل للحمام : ابي اكون معك
ضحك عبدالرحمن : ترا عادي تبدلين قدامي
صرخت رنيم من الحمام : انكتمم
انفجر ضحك عليها و هو يحط الفطور على الطاوله و ينتظرها ، طلعت و هي ترفع شعرها ب شباصه ، طاحت عينه على عنقها و ابتسم ، مرت من جنب المرايه و التفتت و شافت ليه هو ابتسم ، حطت يدينها على وجها بخجل و نطق و هو كاتم ضحكته : سمي بالله
جلست قدامه و تاكل بهدوء ولا حطت عينها بعينه : لا تضحك
شرق عبدالرحمن ب الماء و هو يضحك ، حطت يدينها على وجها : اف قلت لك لا تضحككك .

صحى من النوم و هو يحس صداع الدنيا كله براسه ، مسك راسه و قام من شاف نور الشمس طلع ل الصاله : ليه محد قومني !
رفيف : قومتك بس ما قمت
ام حامد : يوجعك شي يابعدي ؟
هز وسام راسه ب لا و طلع عشان يوضي و يصلي الفجر قبل تفوته لانه ما صلاها مع الجماعه ، طلع للحوش بعد ما صلى و تقدم يبوس راس جده و ابوه و جلس جنب ذياب ، مسك راسه من الصداع الي مو راضي يفكه انتبه له ابو حامد : وسام علامك
وسام : صداع بس
ذياب : تبي مسكن !
وسام : بعد الفطور باخذ
دخل أمجد و هو يدنان : يالله انك تصبحهم ب الخير و العافيه
ابتسمو من روقان أمجد و هو يجلس بعد ما سلم على جده و عمه
ذياب : شعندك مروق
أمجد بسخريه : تحلمت فيك
وسام : عينا خير اجل
ناظر فيه ذياب بطرف عين : امسك راسك بس
أمجد ببتسامه : ابشركم اني بتزوج
شهق وسام : يا وصخخخخ انتظرني طيب يا تبن
ذياب : باعك ب دقيقه
أمجد : خطبه يا ثور خطبه
ابو حامد ببتسامه : علبركه يا أمجد نعرفهم !
أمجد ببتسامه : بنت أحمد ابو عبدالله
الجد عايض : خوي محسن !
هز أمجد راسه ب ايه : و لزوم يا جد تجون معنا ولا ببكي
وسام : ارفع علومك بس
ذياب : وين هزاع و عمي محمد !
أمجد : هزاع طرحته الزكمه الرخمه و ابوي عند سعد
الجد عايض : هاو ! علامه
أمجد : زكمه خفيفه يا جد لا تحاتي و امي عند راسه
وسام ببتسامه : لا دام عمتي عند راسه يوم و يقوم لكم زي الحصان
ابو حامد : متى يا أمجد بتروحون !
أمجد : العصر
وسام : وش الخيانه ذي الي عندك !!!
أمجد و هو يحط من القرصان ب فم وسام : انت بتسد حلقك ولا شاون
ضحكو على حركت أمجد و هو يسكت وسام ، ابو حامد : لا تستعجل على خيرك يا وسام
ذياب : عندكم دوام اليوم !
هزو روسهم بـ ايه و نطق أمجد : بتروح متى للمهمه ! لو تقول اليوم يمكن اثور فيك ترا
ذياب : بعد العشاء ب امشي لا تصيح
ابو حامد : كم مدتها يا ذياب !
رفع ذياب كتوفه ب ما ادري ، سكتو أمجد و وسام لانهم عرفو انه ما يبي يقول ،
دخل فيصل و هو شايل روح : يا صباح الخيرر
فز وسام له و اخذ روح : ارحبي ثم ارحبي ثم ارحبي
فيصل : طيب وانا !
وسام و هو يرجع يجلس : انت انقلع
ابو حامد ببتسامه : يا هلا يا فيصل اقلط حياك
جلس فيصل بعد ما سلم عليهم ، و نطق ذياب : وين ديوم !
فيصل : اول ما وصلنا رمت وغدنا علي و راحت بيت خالي محسن
ابو حامد بضحك : جت بنت محسن و محد بيقدر يمسك ديمة عنها
دخل سامي و هو يرقص : يا صباح الخير من الخير نفسه
أمجد : دامك الخير كدينا خير
سامي و هو يتقدم يسلم : انكتم ، اخبارك يا جد
الجد عايض : الحمد لله اجلس للفطور
سلم فيصل على سيف و جلس ، و نطق فيصل : جت معك ريما
هز راسه ب ايه : ايه و ابشرك اول ما وقفت شفتها عند باب خالك
ضحكو كلهم لانهم يدون انهم يجون عشان روح ، فيصل : يجي عبدالرحمن بس و تكتمل الشله
ابو حامد : ما قال لكم متى بيجي !
تنهد ذياب : لا يجي احسن له من المشاكل
وسام : اي ولله
ابو حامد : ليه وش صاير ؟
حكى ذياب ابوه ب الي صار و نطق ابو حامد بصدمه : الله لا يسامحه
الجد عايض : اجل لا تعلمونه لين ما يجي
هزو العيال راسهم ب ايه و نطق سامي : وش وضعي ب الاعراب !
وسام بضحك : نعرفك رخمه عشان كذ،،، ما كمل كلامه الا رما عليه سامي عقاله : انكتم
ضحك وسام و هو يرجع له العقال : سم
انطق الباب و دخل عبيد و معه ياسر ، أمجد : شسالفه !
عبيد ببتسامه : صبحهم ب الخير
تقدم لهم عبيد و سلم عليهم و جلس : ابد جايبين المدام بنت محسن عازمتهم على الفطور و قلت امر عليكم قبل ارجع
الجد عايض : لاحق على الرجعه يا ابو ياسر اهم شي الفطور
وسام : وانا اقول علام خواتي مشتطات من الفجر
دخل محسن و معه عايض ، فز له وسام و شال عايض و صار يرميه ب السماء : يا صباح الخيررر تو يبدا صباحي توه
باس وسام راسه عمه و جلس و عايض ب حضنه ، ذياب بضحك : كيف جبت الرخمه ذا
وسام بطرف عين : ولله انت الرخمه
ابو رسن : الا عايض يا ذياب عشان لا نزعل على وسام الصغير
التفت ذياب على وسام : افا تزعل على سميك !
وسام : نزعل من الدنيا كلها اذا جت على عايض
أمجد بضحك : اللقم لو مسميه أمجد ابرك
ذياب : يمدي نغير معليك
ضحك وسام : تخسون ولله اصلاً هو وينه
ذياب : مع امه
فيصل بعبط : رخمه يجلس عند النس،، سكت من اشر ذياب على روح الي بحضن ابوه : انكتم احسن لك
ضحك ابو رسن : هذي حلالها كل شي سميت الغاليه محد يتكلم عنها
ذياب : يا عم ترا كنك زعلتني ؟
وسام و هو يبوس راس عايض : كله لعيون عايض .