الروح إذا آوت دأوَت و إذا أَحبت أحيت

5

" يوم جديد على ابطالنا "
" عزبه الجد عايض "
قامو من النوم و صلو الفجر و بدو يجهزون الفطور و الي قام يخلص اشغاله و الي جالس مع اهله
وسام : هزوعيييي
هزاع : يعععع يشينكككككك
ضحك وسام : افا افا بس
هزاع : انطق وش عندك
وسام : روح احلب الناقه تكفى ولله مافيني قدره " حيل " اقوم
هزاع : ولله البلشه طيب طيب
وسام : حي عينه ولد عمي
هزاع : اص بس
دخل ذياب الخيمه و نطق : وسام امي تبيك
وسام : زين زين
طلع وسام من الخيمه و اتجه لخيمة الحريم
وسام : يا ام حامد 
طلعت امه من الخيمه و تقدم بيبوس راسها بس صدت عنه
وسام : افا علامك يالغاليه
ام حامد : ليه ما علمتني
عقد وسام حاجبه : اعلمس بوش
ام حامد : وش صار على رجلك
وسام بتوتر: ايهه طحت بس
ام حامد بحده : مافيك حيا انت تكذب على امك !!
وسام مسك يدها : يا يمه يا بعدي انتي ولله الموضوع ما يحتاج تكبير و جدي عصب عشان الحليب وانتي تعرفينه الله يهديه دمه حار
ام حامد : ولو كان مفروض تجي تعلمني تعرفني مرضا عليكم
ابتسم وسام و باس يدها : يا جعلني ما ابكيس يالغاليه ما عليس ما صار شي
ام حامد بتهديد : لا اشوف الكلام ذا يتكرر من جديد اي شي يصير معكم تعالو علموني انا امكم ترا للحين حيه
وسام : جعل يومي قبل يومس يا يمه ما عليس على ذا الخشم
ام حامد : و كل زين ترا ذياب يقول انك صاير ما تاكل
وسام : يا يمه ذياب كذاببببب
ذياب : ورعع اخوك الكبير ترا
فز وسام من سمع صوته وراه : اقصد انا الكذاب
ضحكت ام حامد عليهم : احترم اخوك يا ولدي
وسام : معليس يا يمه لا توصين
ذياب : لا وصي يا يمه تراه صاير ما يسمع الكلام
وسام : انت وش تبي الحين ؟؟؟
ضحك ذياب : امش بس الفطور
وسام : يلا جاي جاي
باسو راس امهم و مشو للفطور عشان ياكلون مع الرجال
" ببيت ابو رسن "
روح : ولله كان ودي يجلسون اكثر
ام رسن :  لا تزعلين يا حبيبتي ان شاء الله يمرون علينا يوم ثاني
دخل ابو رسن و نطق : بالعافيه عليكم انا بروح للمزرعه
يمكن اطول لا تحسبون حسابي على الغداء
قامت روح تبوس راسه : انتبه لنفسك يا بـيي ولا تطول علينا
ام رسن : يا محسن عط روح فلوس ابيها تنزل للسوق اليوم ناقص اغراض للبيت
ابو رسن : ابشري يا روضه
طلع محفظته و احطى روح الفلوس الي يكفي و زود و طلع برا البيت
ام رسن : روح يا حيي انا بروح اقيل لي شوي انتي اذا فيس حيل انزلي لسوق و جيبي معس خضار لسلطه و قولي ل عباس يحط كرتون ماء بلمسجد و جيبي لك مفرحات
روح : ابشري يا اميمتي ارتاحي انتي
راحت ام رسن ترتاح و قامت روح ترتب البيت و الاغراض
" عزبه الجد عايض عند العيال "
الساعه 11 قبل الظهر
أمجد : ايه و متى بنروح ندور على عمي محسن
وسام و هو يقوم : ابد الحين
ذياب : الشكوى لله مشينا
سامي : يحتاج اروح معكم ولا ؟
ذياب : فيك قدره !
سامي : مشينا
وسام : حي خوي ما يخلي خويه
أمجد : الله يا الدنيا بس
وسام : مشينا مشينا بس
هزاع : انا ما بروح عشان لو احتاجو ولا فيه احد بس علموني وش يصير معكم
ذياب : لا تحاتي
مشو العيال و اخذو سياره ابو سامي بعد ما اعطوه خبر
"بالسياره"
سامي : ممكن اعرف وش السبب
أمجد : سبب وش ؟
سامي : ليه تدورون على عمي محسن
شرق وسام في الماء الي هو كان يشرب
ذياب بضحك : صحه صحه ، ابد عمنا و ندور عليه
سامي ناظر له بطرف عين : ما ارتحت لكم
أمجد بحماس : مقدر مقدر اسكت اسمع خذ العلم وس،، قاطعه وسام من دقه على بطنه
وسام بحده : ابد ولا شي
أمجد : اسكت بس اسمع سامي تعرف بناته انت صح
سامي : ايههه قولها من البدايه منهي
ضحك ذياب : ابد شكله واضح
سامي بضحك : من الي صار امس ب الجلسه شكيت بس لا يكون الي تزوجت ؟
وسام بهمس : لا روح
سامي : الله يعين وانا اخوك شكلك ضايعععع
ذياب : و بالحيل بعد
أمجد : يخي اسكتو بيتصالحوننننن
سامي : ان شاء الله
" عند روح "
لبست عبايتها و تغطت زين و اخذت الفلوس و السله و طلعت من البيت و مرت على بيت امل
دقت روح الباب و فتح عبدالله " اخو امل الصغير "
روح : عبوديي ناد لي امل بالله
عبود : طيب الحين
راح عبدالله و نادا امل ل روح
امل : روح غريبه وش عندس
روح : ابد نازله السوق و قلت امر عليك
امل : ايههه زين انس جيتي اصبري بلبس و اجيس امي تبي اغراض
روح : زين انتظرس
" طلعو روح و امل لسوق و بذي اللحظه وصلو العيال ل ديره ابو روح و اتجهو لبيته
دق سامي الباب لكن ما سمعو جواب
سامي : شكلهم ماهم بلبيت حتى سياره عمي محسن موفيه
وسام بقهر : مالت على حظي بس
أمجد : تهون ياخوك تهون خل ندور لنا بقاله بس نبي اي شي نشربه ثم نرجع بعدين
عند روح و امل كانو يتمشون بين الاسواق الشعبيه و يشوفون ايش فيه و ايش يحتاجون اخذت روح الخضار من عند ابو زيد و اتجهو للبقاله عشان ياخذون منها كم غرض و بنفس اللحظه دخلو العيال
العيال : سلام عليكم
عباس : وعليكم السلام ، وينك يا سامي مختفي ما تجي
سامي : ابد ولله تعرف نجد بعيده وانا جامعي و مشغلتني الجامعه
عباس : الله يوفقك يارب
سامي : امين امين يارب يلا يا عيال خذو اي شي خل نمشي
أمجد : ايه زين زين
بدو العيال يمشون ب البقاله كان حجمها مو الكبير ولا الصغير لكن مقسمه بين الثلاجات و رفوف البطاطسات و اغراض البيت و كذا
كانت روح واقفه عند الثلاجه تشوف العصيرات
تنحنح من وراها ذياب عشان توخر شوي
روح بهمس : معليش
ذياب و هو صاد : الله يسعدك ، فتح الثلاجه و اخذ كم عصير و مشى
أمجد و هو يصرخ : يا وسام وينك ابطيت
فز قلبها من اسمه و كانت تتوقع انها مشبه عليه و ما عطت الموضوع اهميه
و راحت ل امل الي كانت واقفه عند عباس
روح بهمس : يا عباس الله يهون عليك خذ كرتون ماء و حطه ب المسجد اذا ما عليك امر
عباس : ابشري لا تشيلين هم
امل : عباس ليه ما تجيب بطاطس عمان ترا تعبت وانا انتظر
عباس بضحك : الشكوى لله يا بنت احمد ان شاء الله يجي قريب
امل : ترا بزعل منكم اذا ما جبتو
أمجد : لو سمحت ذا بكم ؟
عباس : بريال
أمجد : ابوك يا البقاله البطله كفو عليك
عباس بضحك : كفوك
راح امجد للعيال الي كانو ياخذون لهم اغراض و طلعو روح و امل من البقاله بعد ما حاسبو بس وقفو جنب باب البقاله
امل : وشبك مشينا
روح بهمس : اصبري اصبري شوي
عند العيال
سامي : عباس تدري عمي محسن موجود ولا لا
عباس : ولله مدري اليوم صلى معنا الفجر
سامي : مرينا على بيته ولا كان فيه احد
عباس : ايهه يمكن راح للحلال ولا المزرعه
سامي : ايه اجل زين زين على طريقنا
أمجد : يلا يا عيال مشينا يمكن رجع للبيت
طلعو العيال من البقاله بعد ما حاسبو قبل ليطلعو سبقوهم روح و امل للبيت
دخلو روح و امل البيت و وقفت روح عند الباب
امل : روح ممكن تعلميني وش فيس ؟
روح : بقول لك بس لا تصرخين
امل : طيب قولي بس
روح : لما كنى بالبقاله في واحد نادا خويه
امل بتعجب : وين الغريب بالموضوع
روح : ابك اسمعيييي الي كان معهم سامي ولد عمي عبدالله
امل : احلفيييي ايوه وشبه
روح بهمس : الي نادا خويه قال له وسام .
شهقت امل بصدمه : ايششششش
ضربتها روح بخفه : اسكتيييي فضحتينا
امل بفرحه : قرب يا روح قرب ولله قرببب
روح بتوتر: يالله يا امل خايفه خايفهههه
حضنتها امل و قالت بحنيه : معليس يا خيتي ما عليس اصبري اصبري دامه جاء و قريب منس كذا صدقيني ربي بيجمعكم على خير انتي تحملي يمكن جاي عشان يشوف ابوس و يشوف حل للموضوع ما تدرين
روح : الله يسمع منك يارب يارب
دخلو البنات البيت و ماهي الا كم دقيقه و دق الباب
روح بهمس من ورا الباب : مين ؟
سامي : انا سامي يا بنت العم
روح : هلا سامي وش بغيت
سامي : جينا نسال عن عمي محسن موجود بلبيت هو ؟
روح : لا ولله طلع للمزرعه
سامي : متى بيجي
روح : مدري بس يمكن يتاخر
سامي : ايه زين زين يلا مع السلامه و سلمي لي على عمتي
روح : يوصل ان شاء الله
سامي : فامان الله
راح سامي و ركضت روح لبيت و هي بتموت من التوتر و علمت امل
" ركب سامي السياره "
ذياب : ايه وش صار
سامي : تقول انه ب المزرعه
أمجد : متى بيجي ؟
سامي : مدري يمكن يطول هناك
ذياب : يلا مشينا له اجل
أمجد : سامي مين الي كلمتك
سامي ضحك : الصدق اني ما افرق بينهن ولله مدري منهي
أمجد بقهر : يليلللل لو نزلنا وسام عرفها
دقه وسام : انت متى بتعقل
ذياب : اص يا ورع انت وياه يلا يلا مشينا للمزرعه تعرفها ؟
سامي : ايهه معليك
" عند البنات بالعزبه "
رفيف بملل : يالله بنات طفشششششششش
هيفاء : حيل حيللل
ريحانه : شرايكم نر،، ما كملت كلامها الا دخلت ام حامد عليهم
ام حامد : يابناتي بالله عليكم روحو نظفو خيمه الرجال ولله مافيني حيل
ديمة : ابشري يمه الحين نروح
ام حامد : الله يسعدكم ترا مافيه احد الكبار راحو للحلال و العيال ولله مدري وين راحو
رفيف : زين يمه معليك
رنيم بضحك : يلا قمنا جات الفعليات
ريحانه : اسوا شي
قامو البنات يتعاونون على خيمه الرجال و يرتبونها
رفيف : بنات بروح اجيب لي ماء احد تبي ؟
قالو لها البنات و راحت متجهه ل خيمه المطبخ
كانت بس حاطه الغطوه على راسها بحكم ان امها قالت انه مافي احد من الرجال
رخلت المطبخ و فزت بخوف
رفيف : بسم الله مين
فز هزاع من سمع صوتها : بسم الله انتي الي مين
التفت لها و اول ما شافها صد عنها و هي استوعبت انها مو مغطيه وجها
رفيف : شتسوي هنيه امي قالت انكم رحتو
هزاع : العيال راحو انا جلست عشان لو احتجتو شي
رفيف : ايه زين اطلع طيب
هزاع : ليه انا الي اطلع انتي اطلعي
رفيف : يليل طيب ابعد باخذ ماء
هزاع : خلاص خلاص بطلع ابعدي عن الباب يا بنت العم
طلع و هو صاد عنها و دخلت هي تاخذ لها ماء هي و البنات
هزاع بينه و بين نفسه : مين ذي شكلها من بنات عمي سيف مو من خوات سامي بسم الله علي ولله انها حلوههه
فز من تفكيره و نطق بهمس : وش تقول هزاع استح على وجهك عيب عيب
ضحك على نفسه و راح يجلس قريب من الخيمه
" الساعه 2 الظهر تقريباً بعد الصلاه و بعد الغداء جلسو الرجال يتقهوون و يشربون شاهي و يسولفون
الجد عايض : يا هزاع وين العيال ؟
توهق هزاع ولا عرف ايش يقول كان بيتكلم بس قاطعه ابو سامي
ابو سامي : خلهم يا عمي العيال من قديم ما شافو بعض خلهم يروحون يتونسون ليتك رحت معهم يا هزاع
هزاع ببتسامه : لا ياعمي ما يحتاج يمكن تحتاجون شي هنيه و اكون موجود
الجد عايض : ايه اجودي ولدي مو زي السرابيت الاخرين
ابو حامد : يا يبه خلهم يتونسون مافيها شي
الجد عايض : ايه حامو عنهم ايه
" عند العيال "
ذياب بصراخ : خلاصصصص يا ورع انت وياه ازعجتونا
وسام : يليلللل صدق الله ياخذك من كفر
سامي : حوبتكم يا مال الي ماني بقايل
ضحك أمجد : حوبت بنت محسن
ضحك ذياب : حتى السياره ما تبيهم يتقابلون
وسام : اسكت بس انت وياه
سامي : احد دق على هزاع ؟
أمجد : دقيت بس ما يرد
ذياب : مو وقته الورع ذا
سامي : الشكوى لله ننتظر احد يمر و نروح معه
وسام : اكيد المزرعه قريبه خل نروح على رجلينا
سامي : بالله ذياب امسك اخوك لا اقوم اجلده
ذياب : اجلده يستاهل
وسام : افاااااا
أمجد : اسكتو راسي مصدع لحد يتكلم
وسام : اسكت انت
سامي : خلاص يا طفل انت وياه اص
ذياب : اص برقد
أمجد : مو وقتك انت الثاني
ذياب و هو يحط الشماغ على وجهه : اسكت بس
جلسو العيال بالسياره ينتظرون احد يمر عشان يوصلهم لان الكفر انفجر عليهم بنص الطريق
طولو العيال و هم بالسياره ولا احد مر من حولهم
" الساعه 4 العصر تقريبا "
كان سامي واقف جنب السياره مع وسام و يسولفون سواليف طبيعيه
الا شافو سياره جايه من بعيد و صارو يأشرون لها عشان توقف
سامي : كانها سايره عمي محسن
وسام : كذابببب
سامي : اصبر خل نشوف
وقفت السياره عندهم و طلع منها رجال
سامي عق حواجبه : عمي محسن
ابو رسن : سامي ؟
تقدم سامي و سلم عليه
ابو رسن : وش تسوون هنيه عسى ماشر
سامي : ولله انفجر الكفر علينا و حنا كنا جايين لك
ابو رسن : امر وش بغيتو
سامي : ولله انا معي عيال عمي سيف
انصدم ابو رسن و جلس يطالع ب وسام الي كان واقف عند السياره حقتهم : وسام !
تقدم وسام و وقف قدامه : اخبارك يا عم
حضنه ابو رسن بشوقق كبيررررر : الحمد لله الحمد لله جاء اليوم الي اشوفك فيها
طلع أمجد و ذياب من السياره و شافو واحد يحضن وسام تقدم أمجد و ذياب
أمجد بهمس لسامي : شسالفه
سامي بهمس : ذا عمي محسن
ذياب بصدمه : ايشششش
ابعد العم محسن عن وسام و ضحك من شاف أمجد و ذياب
ابو رسن : انت ذياب ؟
ذياي ابتسم و تقدم يسلم عليه : ايه وصلت يا عم
أمجد يمثل الزعل : وانا يا عم ما عرفتني !
ابتسم ابو رسن : افا مين ما يعرف ولد محمد أمجد
تقدم امجد و يسلم عليه و يساله عن اخباره
ابو رسن : دامني شفتكم بعد ذي القطعه ولله يا عشاكم عندي
ذياب : ياعم ليه تحلف ما يحتاج الكلافه
ابو رسن : اي كلافه يا ولدي ولله انكم زي عيالي مشينا مشينا
قفل سامي سيارتهم و راحو مع ابو رسن للمزرعه
دخلو المزرعه و قلطهم ابو رسن ب الجلسه حقت المزرعه و قال للعمال يسوون قهوه و شاهي و يقدمون تمر و معمول و يسوون العشاء لهم
ابو رسن : ولله انها الساعه المباركه يوم شفتكم
ابتسم ذياب : ولله شوفتك يا عم المباركه اخبارك و اخبار عمتي
ابو رسن : الحمد لله على ما تحب يا ولدي
أمجد : افا ياعم كل هسنين ولا سالت عننا
دقه ذياب مع جنبه بخفه و ابتسم ابو رسن بحزن : ولله يا ولدي انه مو على كيفي بعد القطعه انشغلت مع حرمتي وانتو اعلم بحالها
وسام : افا ياعم ولله اننا ما جينا ندور عتاب و اعذار يوم درينا ان سامي يدري وينك فيه جيناك
ذياب : يوه يا عم مافي مكان الا دورناك فيه حتى المزرعه ذي جيناها و كان حالها ما يعلم فيه الا الله
ابو رسن : عشتو يا عيالي ماهي بغريبه عنكم لكن انا اول ما طلعت من الديره رحت للقصيم عشان علاج حرمتي و جلسنا هناك خمس سنين
و البنات كملو دراستهم و بنتي رسن تزوجت و الحين عندها تؤام بنت وولد
وسام : الله يحفظهم لك يارب
ابو رسن : و يحفظكم يارب
ذياب : الحمد لله لقيناك و يسلم سامي الي دلنا عليك
ابو رسن بضحك : ولله لو دريت انكم ودكم فيني كان جيت
أمجد : افا و مين يصبر عن عمه ؟
ابو رسن : تسلم يا ولدي ماهي غريبه عليكم و اعرف طبعكم و تربيتكم زين
" كان قديم العم محسن يحب عيال سيف و محمد حيل لان الله ما رزقه الا ببنات لكن كانو زي عياله و يعتبر رباهم مع سيف و محمد لكن الاقدار فرقتهم عن بعض لكن اجتمعو الحمد لله على خير "
ذياب : ما عليك زود يا عمي
ابو رسن : وينه هزاع و حامد ليه ما جو معكم
وسام : ولله ياعم جالسين عند الكبار عشان لو احتاجو شي ولا فيه احد
ابو رسن : ايه زين زين نشوفهم قريب ان شاء الله
وسام : الايام واجد يا عم
ابو رسن : اي بالله صدقت ، انتو ارتاحو وانا بروح اشوف العشاء و اجيكم
راح العم محسن يشوف العشاء و العمال وش سوو و من ذا الكلام
أمجد : ما اصدق اننا لقيناه يعيال
ذياب يضحك : ابك انت شوف ذا وش حاله
طالعو ب وسام الي كان للحين يناظر مكان العم محسن
سامي : انهبل الولد
أمجد : لحد يلومه عشر سنين ماهي بهينه
وسام و هو للحين يناظر مكان عمه : اذا حلم امانه لحد يقومني
شات عليه أمجد فنجال القهوه و فز وسام : خير ؟؟
أمجد بضحك : لا بس اعلمك انه ماهو بحلم
فجاه رن جوال أمجد و رد عليه و نطق : بدري يخوي ؟
هزاع : وش ذي الاتصالات جاكم شي احد صار له شي ؟
أمجد : لا لا معليك مافينا شي
هزاع : ولله ما كنت حول جوالي
أمجد : معليك ابشرك لقينا عمي محسن
هزاع بفرحه : اسالك بالله ؟
أمجد : اي بالله و ليتك تشوف حال الولهان " وسام "
هزاع : زيننن الحمد لله لقيتوه
ذياب : يا أمجد قول له يصرف لنا على العشاء
أمجد : هزاع تراه عزمنا على العشاء و حلف علينا تكفى دور تصريفه
هزاع : تسوقهااا انا على الغداء و جدي شوي و ياكلني تكفى
أمجد : اهبد اي شي او علم الخال
سامي : هييييي تحطها براس ابوي
أمجد : اسكت انت فهمت هزاع ؟
هزاع بقله حيله : زين زين بس لا تطولون
قفل هزاع و دخل العم محسن و معاه العشاء
ابو رسن : ولله اني قلت بقدمه لكم بدري عشان ما تطولون على اهلكم
ذياب : الله يرفع قدرك يا عم ولله كلفت على نفسك
ابو رسن : مابه كلافه يا ولدي اقلطو اقلطو
قلطو العيال و تعشو و عينو من الله خير بعد كم ساعه من السواليف قامو العيال
ابو رسن : انا كلمت واحد من العمال و راح لسيارتكم و عدل الكفر مشينا اوصلكم
سامي : الله يسعدك يا عمي ولله ما قصرت
ابو رسن : حق وواجب يا ولدي
وصلهم ابو رسن لسياره سلمو عليه العيال و ركبو السياره تقدم وسام للعم محسن و باس راسه و نطق : غلبت نفسك ياعم و تعبناك معنا و ما قصرت لكن ما ودك تطيح الحطب
فهمت ابو رسن هو ايش يقصد و قال بكل حزن : ولله يا ولدي انها لو هي بكيفي مو بس طيحته الا حرقته من زمان لكن القدر ماوده
وسام : ابد ياعم خذ راحتك لكن اذا نقص عليك شي ولا احتجت شي الطريق و تدلع و تراه مشتاق لك
فهم ابو رين قصد وسام و انه يقصد ابوه ب " مشتاق لك " سلم وسام على عمه و مسو العيال للعزبه
وصلو للعزبه و راح وسام لبيتهم و استقبله عمر
- عمر واحد من اصحاب وسام و العيال بالديره" مو مهم "
عمر : اخيرا يخوي
ابسم وسام : ليه عسى ما شر ؟
عمر مد له ظرف : ياخوي اليوم جاني واحد و شكله مو من اهل الديره عطاني الظرف ذا و قال لي وصله ل سيف
اخذ وسام الظرف و هو يقلبه : ايه شكله من شغل ابوي سلمت على الوصيه
عمر : ابد حق ياخوي
دخل وسام البيت و اخذ له شور و رجع للعزبه
دخل وسام يدور على ابوه و حصله جالسه مع ابو سامي
تقدم و باس على راسهم و مد له الظرف
ابو حامد : وش ذا ياولدي
وسام : ولله مدري يا يبه قابلني عمر عند البيت و قال ان جاه واحد من شكله مو من اهل الديره و قال وصله ل سيف
سيف : ايه شكله من الشغل الجديد سلمت يا ولدي
وسام : سلم راسك يالغالي انا بروح ارقد فامان الله
طلع وسام و فتح ابو حامد الظرف و جلس يقراه طاحت الورقه من بين يدينه و كان يناظر فيها بصدمه
ابو سامي : عسى ماشر علامك!
ناظر فيه ابو حامد و باين على وجهه الصدمه و قال بصوت مهزوز : محسن !
عقد ابو سامي حاجبه : علامه محسن
مد له ابو حامد الورقه و انصدم ابو سامي من الكلام الي قراه ولا كان متوقعه ولا واحد ب الميه .