الروح إذا آوت دأوَت و إذا أَحبت أحيت

37

~ انت بس تعال
ولله يسود وجه من ردك ~
  "ليلة العمر"
زواج وسام بن سيف على روح بنت محسن
و أمجد بن محمد على أمل بنت أحمد .

: طيب بس نص يوم !
ضحك الفريق بخفه : زواج مين ؟
ذياب : زواج اخوي تكفى طالبك لا تردني ننتظر الزواج ذا لنا عشر سنين تكفى
هز راسه ب ايه و نطق : تخلص من الزواج و تحضر عندي مفهوم !
من الفرحه باس راسه و انطلق ل السياره و هو يحس انه بيموت من كثر الوناسه ، وصله خبر ان وسام خطب و زواجه اليوم ، ركب السياره و هو من الفرحه يدندن و يرقص .

رسن : طيب معليك انتي سويتي شعرك و الميكب تلبسين الفستان ب القاعه
روح بضحك : ما توقعت اني بتزوج بقاعه ابدا
ضحكت ديمة : عشان زوجك وسام ماهو اي زوج
أمل : لو سمحتو لانه زواج كبير !!!!!
ضحكو البنات و هو يطلعون من بيت ديمه متجهين للقاعه ،

أمجد : متاكدين ذياب ما بيجي !
هز عبدالرحمن راسه ب لا : ما سمحو له ابداً
وسام : قال لي بيجي يعني بيجي انكتم انت وياه
دخل عبيد و فيصل الي كانو جايبين البنات من بيته : ول شفيه العريس مكشر
وسام : فيصل انكتم
سلمان : معليك يارجال يمديه يمديهه صدقني
عبيد : مين ذياب !
هز أمجد راسه ب ايه : لابوها من مهمه صدق
هزاع : يلا يا عيال اجهزو ترا بدو الناس يجون يلا يلا

وقفت حلا الي كانت ترتب الزينه الي على الطاولات ، التفتت من سمعت صوت وحده تكلمها و شافتها وحده كبيره ب السن و نطقت : بنت مين انتي ؟
ابتسمت حلا من عرفت نيتها ، رفعت اصبعها و نطقت : زوجة العميد عبيد !
ابتسمت الحرمه بوهقه : يخليكم ل بعض
ضحكت حلا و هي تتجه يم البنات ، ريما : تعرفينها !
هزت حلا راسها ب لا و هي تحط ياسر جنبها : تسال انا بنت مين
ضحكو البنات على حلا الي يمينها ياسر و يسارها الجوري ولا هو باين ابداً انها متزوجه كمان ام ل اثنين ، ديمه : وين عايض !!
رفيف : وديته عمي محسن بس يصيح ما خلاها تتجهز
ديمة : يا حبيبي هو بس يبيها تشيله
جت ريحانه الي تركض و هي تشيل فستانها : جو جو قومو ،
قامو البنات و اتجهو ل جهة الاستقبال عشان يستقبلون الناس

روح : متاكده عايض مع ابوي !
هزت رسن راسها ب ايه و هي تقوم : ودته رفيف ماعليتس انتي ، البسي فستانتس وانا بروح استقبل مع البنات
هزت روح راسها ب ايه و التفتت ل أمل الي دوبها لبست : أمل شنوحتس !
رفعت أمل راسها و نطقت : ولا شي بس متوتره شوي
ضحكت روح : اساليني انا يخيتي
قامت أمل : يلا بروح لغرفتي وانتي اجهزي زين !
طلعت أمل و بدت روح تلبس فستانها و كعبها و تعدل طرحتها ، اخذت مسكتها و جلست بهدوء و هي تحصن نفسها .

بدت عرضت الرجال الجميله ، اسطفو يمين و يسار أمجد و وسام الي كانو لابسين البشوت و ماسكين سيوفهم ، كان الكل يعرض بشكل جميل جداً ، دخل للقاعه و هو يركض حتى شماغه و عقاله ب يده ، لقاء سيف على الطاوله و اخذه بسرعه و نط بنصهم و هو يعرض و يضحك ، انصدمو كل العيال من شافوه بوسطهم ، صراخ أمجد بحماس : حيييي يا ابو وسام حييي
دخلو العيال مع ذياب الي رما السيف من يده و صار يعرض و شماغه على كتفه و عقاله بيده ، اخيراً تحقق الحلم اخيرا ما بيشوف اخوه يعاني ، جلسو العيال من دخل وقت صلاه العشاء ،
حضنه وسام بفرح : كنت داري ولله كنت داري
ضحك ذياب : اكثر شي تعبت عشانه ب حياتي تهقى اني ما بجي !
عبس أمجد : وانا !
ضحك ذياب و هو يتقدم له : ما عاد بشوفك تمسك الخطوط
ضحكو العيال بخفه على أمجد الي دق بطنه لان ابو أمل قريب منهم و صوت ذياب عالي
نقدم له عبدالرحمن و هو يضحك : زين جيت
حضنه ذياب : لعيونكم بس
عبيد ببتسامه : بترجع صح !
هز ذياب راسه ب ايه : بعد العرس