الروح إذا آوت دأوَت و إذا أَحبت أحيت

9

- بيت الجد عايض -
- المطبخ
ريحانه : يلا يا رفيف علامككك
رفيف : يالله يا ريحانه اصبري ما باقي شي
دخلت ديمه : وينكم وين القرصان ابك جدتي ب تنهبل
رفيف : يليلللل دقيقه ياخي العجينه مدري علامها اليوم
بدون ما تنتبه رفيف لمست يدها ب الصاج حق القرصان
فزت رفيف ب اللم و هي شوي و تصيح
ديمه بخوف : جاك شي وريني وريني
ريحانه : يالله يا رفيفففف انتبهيييي
رفيف بدموع : كله منكم اقلقتونيي افففف
ديمه : ريحانه خلاص حطي الي هي سوت ب الصحن و وديهم و حنه الحين بنجي
ريحانه : يلا لا تبطون
طلعت ريحانه الا دخل وسام : علامس انتي وياها
ديمة : رفيف حرقت نفسها بلغلط
ركض وسام ل رفيف الي كانت جالسه و منزله راسها و ماتبي تصبح
مسك وسام يدها و نطق بحنيه : توجعس
هزت رفيف راسها ب لا : ما صار شي مشينا نفطر قبل يعصب جدي
وسام : متاكده ما توجعس !
رفيف ببتسامه : لا ما توجعني
ديمة : يلا مشينا
طلعو للحوش عشان يفطرون مع اهلهم
الجده فاطمه : رفيف علام القرصان قليل اليوم
كانت ب تتكلم رفيف بس فزت ديمة : انا نثرت العجينه بلغلط يا جده ما شفتها
حست ريحانه ان ديمه جابت العيد و نطقت : ياجده الطحين من البدايه ماهو بواجد اصلاً
الجد فاطمه : طيب طيب مافيه خلاف اليوم يجيبون العيال
ذياب : على ذا الخشم يا جده
- بعد ما افطرو و عينو من الله خير قام الجد عايض : اسمع انت وياه وسام و امجد امشو معي للعزبه وانت يا هزاع خذ هلفلوس و شف وش ناقص من البيت و ذياب خلك هنيه اذا جاء عمك محسن ساعده ب البيت و اذا ابطا ما جاء الحقنا للعزبه
كان وسام وده يقول انه يبغاء يجلس و يشوف عمه محسن بس يدري ان جده بيذبحه
محد من العيال اعترض و توزعو يشوفون شغلهم
دخل ذياب المطبخ و لقاء رفيف تقدم ذياب ل رفيف و لفها مع كتفها و انصدم يوم شافه دموعها
ذياب : يا ويل حالي ابك انتي علامس
رفيف مسحت دموعها : مافيني شيي
ذياب : ابك تحكي وش جاس
ديمة من وراهم : حرقت يدها اليوم
لف ذياب : شلون !!
رفيف : يالله ذياب خلاصص مافيني شيييي
ذياب بحده : ابك انتي علامسسس محترقه ولا تتحكين مريضه انتي
ديمة : تعرف جدتي وش بتقول يا ذياب و هي من غير تاخرت ب القرصان
ذياب بعصبيه : تقول الي تقوله ولا تجلس رفيف كذيه امشي امشي معي
كانت رفيف بتتكلم بس سحبها ذياب من يدها
دخلو للمجلس و جلس ذياب رفيف
ذياب بحده : اجلسي ولا تتحركين لا احش لس رجولتس
راح ذياب ل السياره و جاب عدت الطوارئ الي دايم معاهم عشان لو احد جاه شي ب العزبه
جاها و اخذ يدها و حطها بحضنه و صار يحط عليها معقم و نظف الحرق و حط عليها شاش كانت رفيف ساكته و بس تطلع منها دموعها
ذياب : امسحي دموعس لا اجلدس
ضحكت رفيف و هي تمسح دموعها : ابشر
ذياب : لو وش ما صار لس يويلس ما تعلميني ولا ما بيحصل لس طيب فهمتي ؟
رفيف : فهمت
ذياب : تعورس ب الحيل ؟
رفيف : لا خفت
ذياب : انتبهي مره ثانيه خليس جيده ولا تستعجلين ب القرسان نحتريس لو لظهر
ضحكت رفيف : ايه عشان جدتي تعلق راسي ب القشعه " شجره"
ذياب : محد يلمسس وانا موجود
حضنته رفيف : الله يديمك لنا
ذياب : ولا يحرمني منكم يابعد اخوس انتي
- عند ابو رسن -
كان يجيب اغراض للبيت من اثاث و لمبات و طوب جديد عشان يعدلون السطح و الحوش و معاه عمال المزرعه و اثاث المطبخ على الدنه
وقف قام بيته و نزل العمال و بدو يدخلون الاغراض ف البيت
جاء ذياب و هو معه كرتون ماء و قهوه و شاهي
ذياب : ارحب يا عمم
التفت له ابو رسن : هلا يا وليدي البقى
نزل الاغراض ذياب : بشر عساك بخير
ابو رسن : بخير يا ولدي ، ليتك ما كلفت على نفسك
ذياب ببتسامه: مامن كلافه يا عمي و ابوي و جدي من الفجر و هم يوصون عليك
ضحك ابو رسن : الله يهديهم يكلفون على نفسهم واجد
ناظر ابو رسن ل الطوب و قال : ولله شكله ماييزي
استغرب ذياب و قال : سم ياعم ؟
فهم ابو رسن انه مافهم عليه : اقصد ما يكفي الطوب
ذياب : وش بتسوي فيه
ابو رسن : ولله بعدل السطح و الحوش و فيه جدار داخل منهد منه شوي
ذياب : من وين جبته اروح اجيب زياده
ابو رسن : ما يحتاج يا ولدي انا ارسل واحد من العمال
ذياب : افا ياعم ترسل احد وانا موجود؟
ابو رسن : ياولدي ولله ماله لزوم الحين هم بيسوو السطح و اذا ما كفاء تروح
ذياب : الي ودك ياعم
ابو رسن للعامل : تجود زين لا تطيح يا ولد
ابتسم ذياب على لهجت عمه
ابو رسن : انتبه لا تبعربوه
ضحك ذياب بخفه و التفت له ابو رسن : وش نوحك تضحك يا ذياب
ذياب : ولله يا عم نحتاج احد يترجم لنا حكيك
ابو رسن بضحك : ايههه بس عشر سنين وانا من حايل للقصيم و من القصيم ل الرياض
ذياب : اجل ما نلومك ياعم
- العزبه -
كان وسام يشتغل و هو يتبسم جاه امجد وهو مستغرب منه
أمجد : علامك تتبسم انت
التفت له وسام و هو للحين يبتسم : هاه ؟
أمجد بضحك : ابك انا وين غديتتتت يولد اسالك علامك تتبسم !
ضحك وسام و وصد وهو يعدل شبك الابل
أمجد ببتسامه: اجل طرت ببالك ؟
التفت له وسام و قال و هو يبتسم :
جيته وقلبي هايم به من اقصاه
وانا اشهد اني ما ابي شخص غيره