الروح إذا آوت دأوَت و إذا أَحبت أحيت

41

‏~ للخيال قدرته على إبقاء آمالنا حيّة ~

" يوم جديد على ابطالنا ~

صحى وسام على الي يمشي فوقه و ينط بعبط ، مسكه وسام : يالله صباح خير ، التفت حوله ولا لقاها ، انفتح الباب و دخلت روح و ضحكت من شافته جالس و ماسك عايض : زين انه قومك
رفع راسه و ضحك : امحق
روح : باقي خمس دقايق عن الاذان
هز وسام راسه ب ايه و هو يدخل يوضي عشان يروح لصلاه ، طلع من البيت و لقاء أمجد قدامه : صبحهم ب الخير
ضحك وسام بخفه : بالنور
اتجهو وسام و أمجد ل مسجد الحي عشان يصلون مع الجماعه ، خلصو من فرضهم و رجع كل واحد لبيته ، ضحك من شاف عايض يتمشى ب الصاله ، تقدم و شاله : هذا الي قوم ابوه و هو يتدعس عليه
ضحكت روح : تعال للفطور و جيبه معك ، تقدم وسام و جلس معها و عايض بحضنها : عندك دوام !
هز وسام راسه ب ايه ، روح : اجل خذني معك ل رنيم
وسام : على خشمي
ابتسمت روح بخفه : عليه الشحم
وسام : عندي مهمه
رفعت روح راسها و كمل : شهرين
روح : لا تكفى
رفع وسام راسه لها : يمكن تقضي بدري لا تحاتين يابعدي انتي
روح بعبوس : متى بتمشي ؟
وسام : الحين
صدت روح ب نظراتها عنه و هي تفطر عايض ، قام وسام بعد ما افطر و راح يبدل و يلبس بدبته ، تنهد بضيق و هو ما وده يروح لهاذي المهمه بس غصب عنه ، نزل بعد ما بدل و لقاء عايض يلعب ب العابه ، التفت و شافها معطيته ظهرها و واقفه عند الدولاب ، تقدم لها و وقف وراها و حاوطها بخفه : بشتاق لتس
حطت روح يدينها على وجها ما تبي تبكي ، صح انه يروح مهام دايم بس ما تبيه يبعد عنهم حتى لو المهمه ماهي خطيره ، لفها وسام له و حضنها و هو يمسح على راسها : الا دموعتس تدرين اني ما اقوى عليها
ضمته روح : لا تروح
ابتسم وسام بخفه : لازم اروح
تنهدت روح و هي تبعد عنه : طمني عنك زين !
هز وسام راسه ب ايه و هو يمسح دموعها : لو مع اليمام ابشري
ابتسمت روح بخفه و هي ترفع نفسها تبوسه : لا تبطي علينا ترا روحك تحتريك !
باس راسها بخفه : استودعتك الله و رنيم بتجي عندتس الفتره ذي
روح : حتى عبدالرحمن بروح !
وسام : ايه يابعدي و علمت ابوتس و قال انه بيجي عندكم لين ما ارجع بخير
مسكت روح يده : بترجع و بخير ان شاء الله
باس وسام يدها الي بيده و بعد عنها ، تقدم و شال عايض عن الارض : انتبه ل امك وانا ابوك هلحين انت رجال البيت ، ضحكت روح بخفه من سمعت كلامه ، باس وسام راس عايض و نزله على الارض : فامان الله يا روح وسام !
ابتسمت روح بوسط دموعها : استودعتك ربي يابعدي ، طلع وسام و لقاء عبدالرحمن موقف عند الباب و رنيم تحضنه ، صد وسام عنهم و انتبه له عبدالرحمن باس يدها بخفه : فامان الله يا رنيمي
ابتسمت رنيم له و هي تدخل
طلع أمجد من بيته و زفر براحه : لحقت عليكمممم
ضحك وسام و هو يتقدم يحضنه : اهل البيت امانه عندك رجعت ولا ما رجعت
كشر أمجد : بترجع ان قالها الله
عبدالرحمن : انتبهو لحرمي ترا ما باقي لها شي و تولد
حط أمجد اصبعه على خشمه " على خشمي " : بشوفه قبلك
ضحك عبدالرحمن بخفه و هو يحضنه : لا تخليني اندم اكثر !!!
ابتسم أمجد و هو يستودعهم الله ، اختفو عن انظاره من جات الفرقه و اخذهم ، تنهد ب ضيق و هو يرجع و يدخل للبيت .