الروح إذا آوت دأوَت و إذا أَحبت أحيت

43

~ يوم خطبت سلمان بن مرزوق على ريحانه بنت سيف ~

استنفر الكل لبيت الجد عايض من وصلهم خبر الخطبه ، البعض الي اعتذر و البعض الي لبى الدعوه ، اتجه الكل لديره و بدت التجهيزات هناك .

دخل ابو سلمان مع سلمان و سلطان : السلام عليكم
قام الكل عشان يسلم عليهم و جلسو و بدت تاخذهم السواليف و المواضيع لين وصلو موضوعنا الاساسي : يا ابو حامد
التفت ابو حامد ل ابو سلمان : سم
ابتسم ابو سلمان : سم الله علوك ، ولله حنى زايرينكم اليوم و طامعين بنسبكم
ابتسم ابو حامد : زارتنا البركه يا ابو سلمان ، ولله انه الشرف لنا
قام ابو سلمان و وقفو كل الي ب المجلس : اطالبك بنتك ل ولدي سلمان على سنه الله و رسوله وانا ادري انه خير ما اخترت و خير من ناسبت
تقدم له ابو حامد و صافحه : وانا عطيتكم بنتي ريحانه وانا ادري اني ما بلقى احسن من سلمان ، ابتسم الكل و تقدمو يباركون ل سلمان الي الفرحه ماهي بسايعته

دخلت ام حامد و هي تزغرط ، ضحكو كل البنات و عرفو ان الموضوع تم ، تقدمت ام سلمان تسلم عليها و همست لها : تراه طاير فيك ، بتسمت ريحانه ب خجل و هي تبوس على راسها ، تقدمو البنات يباركون ل ريحانه الي الخجل شوي و ياكلها .

~ بعد العشاء ~
بدا الكل ينصرف تدريجين ، وقف سلمان مع وسام الي كان يكلمه و هله ينتظرونه ب السياره ،
فتحت ريحانه الشباك ب شويش و ضحكت من شافته واقف قدامهم و يعرض و بيده عصى ، فزت و قفلت الشباك من شافته يناظر ب جهتها ، حطت يدها على قلبها الي ينبض و بشكل سريع : يارب ما شافني
ابتسم سلمان بخفه ، سلم على العيال و اتجه ل سيارتهم و هو يدري انها هي الي كانت توايق مع الدريشه ، ركب سيارته و اتجهو للرياض ، بدا سلمان يدور مع سلطان قاعه كبيره و جداً لانه يدري ان المعازيم الي ابوه بيعزم عددهم كبير من رجال و نساء
تنهد سلطان و هو يجلس بتعب : سلومم لمتى
سلمان : تستهبل لازم وحده كبيره الحين يجيك واحد متزوج اربع و كل وحده جايبه عشر يمشون وراها
انفجر سلطان ضحك : تعبت ولله تعبت
سلمان : بناخذ اول وحده هي اكبر شي
ناظر فيه سلطان بحده : تستهبل انت
ضحك سلمان و هو يحط يده على كتف سلطان : معليش يا سليط لكن تحمل اخوك دفه سلطان و هو يركب ب السياره و لحقه سلمان .

~ عند شخص اشتقنا له و كثير~
رما الملفات من يده على المكتب و هو يزفر ب ملل و طفش ، انفتح الباب و دخل فيصل الي انفجر ضحك من شكل طلال ، ازراره المفتوحه شعره المبعثر حال المكتب الفوضى و جداً : ابك علامككك
ضحك طلال بخفه : ارحب
جلس فيصل قدامه : شنوحك انت وش الحوسه ذي
طلال : يشيخخخ اقرفوني الله يقرفهم
ضحك فيصل : وراوه
طلال : ماسك قضيه ورث زين و العم الا يبي ياخذ من الورث و اخوه مسجل كل شي ب اسماء عياله و بناته
فيصل : هاو ! شنوحه ذا حاط عينه على حق غيره
كشر طلال : اقرفني يا شيخ اقرفني
ضحك فيصل و هو يقوم : قم
طلال : عندي شغل
فيصل : لاحق عليه اعزمك على قهوه تمخمخ عليها و يطير صداعك لان من تعقيدت حجاجك واضح بتموت من الصداع
ضحك طلال و هو يقوم و يطلع معه ، طلعو و اتجهو ل مقهى صغير عندهم قهوه سعوديه ، دخلو و جلسو يتحاكون
فيصل : ترا سلوم يعزمك على زواجه
طلال : تصدق اليوم لقيته داق علي وانا ب الجلسه بس نسيت ارجع ادق عليه
فيصل : دق علي و قلت له اكيد انك بجلسه و وصاني اللزم عليك و ترا كل العيال يسالون عنك حتى عمي حامد
رجع طلال ظهره ل ورا و خلخل يده بشعره : ولله اني ماعادني الاقي وقت لنفسي يا فيصل
فيصل : ريح نفسك يا رجال ولا تمسك كذا قضيه بنفس الوقت
طلال : مدري يا شيخ تعرفني ماداني افضي نفسي
ابتسم فيصل : تزوج سهله
كشر طلال : فكني تكفى ترا ابوي ناشب لي له كم شهر ما عنده غير هسيره
فيصل : ولله يا طلال اني صادق كلم امي و تدور لك بنت الحلال
طلال : ولله ما ودي يا رجال فكني
فيصل : انت ابخص بس ان فكرت ب الموضوع رقم امي و توصله
هز طلال راسه ب قله حيله و هو يسولف مع فيصل .