المافيا العراقية

البارت الاول

السلام عليكم

بسم الله الرحمن الرحيم

اللهم صل على محمد وال محمد

اللهم عجل لوليك الفرج  ياصاحب الزمان ادركنا ولا تتركنا اللهم صلى على محمد وال محمد

اهلاً وسهلاً برواية المافيا العراقية القصة حقيقية ممزوجة بخيال كاتب انه الكاتبة انوار الموسوي اتشرف بمعرفتكم وانضمامكم لعائلتي الواتبادية

بارتات راح تكون طوال لذلك النشر راح يكون كل يومين بارت واذا افرغ اكتب يوم ويوم الي مايكدر ينتظر وياي يتابعها من تكمل

اتقبل النقد البناء بكل انواعه المحترم طبعاً مع انو اعتقد تجاوزت هالمرحلة وانه مو كاتبة مبتدئة لذلك خلونا نبدي رواية ببركة بسم الله وببركة محمد وآل محمد

لا تحكمون عالقصة من اولها كملوا وشوفوا ولا تحكمون على الابطال من اولها

رواية(المافيا العراقية)
البارت الأول
بقلمي انوار الموسوي

الأحلام تموت والأصدقاء يرحلون والحب كذبة والألم يدوم حتى بعد شفاءه والخذلان يلتصق بجلدك والمال لا يجلب راحة البال....

اصبحت الحياة خناقاً ضيقاً وحبل مشنقة معلق برقبتنا حين نحاول الوصول لهدف ما ولشي نريده يضيق هذا الحبل ويخنقنا....

تعلمت ان آخذ كل ما ارغب به بالقوة ولا استسلم حتى ولو كان هذا الحبل برقبتي يخنقني سأحصل على ماريد وسآخذ هذا الأوكسجين وان ضاق عليه الخناق......

مايا،،،،،،،،،

اباوع للسكف سرحانة بهمومي..افكر بأمي كل يوم واحاول اتصل بيها لكن اكو هواي اشياء تمنعني...قسوتها عدم ثقتها بيه..ضربها اليه...مخدراتها وشربها الي كل ليلة بشكل

زوجها...كلما اغمض عيوني اتذكر زوجها الساف...ل..الي حطم طفولتي وبراءتي

اما الأب الماشفته بحياتي ولا عرفته الحقد الداخلي عليه ماانساه ولا لحظة ولا جزء من الثانية انسه الشخص الأناني الي تخلى عني وعن امي وهي بدورها ماقصرت وياي بأذاها

كمت لحفت نفسي عن البرد بوشاح رحت بره بالحديقة...هالمنطقة راقية كلش لذلك هدوء...هذا البيت بحجمه وكبره وكل الي بي ماكو شي يسعدني بي

التفت للبيت وحجمه وكبره وفخامته..كل يوم اسأل نفسي هو هذا الي ردته وتمنيته وخذيت كلشي اتمناه من الحياة..ياترى هاي كافي؟؟

الوحدة تتآكلني أكل تنهش روحي من الداخل..لا اهل لا اخوه لا حب كل الأخذته هو قصر وفلوس وكشخات وطلعات وناسه..وظيفة وزوج سخي..