المافيا العراقية

البارت الثامن والثلاثون

السلام عليكم

لا تنسون التعليقات عالفقرات والتصويت علو التفاعل بين الفقرات شوي هالشي يشجعني 💔

رواية(المافيا العراقية)
البارت الثامن والثلاثون
بقلمي انوار الموسوي

اخطأت عندما استأمنت وسلمتك نفسي، لم اعتقد انك ستطعنني بجروح الماضي، ليتك بقيت حلماً صعب تحقيقه بدلاً من واقع فيه كوابيسي، اقسمت لي انك مختلف وصدقتك حتى ان لم اقلها، لكنك اثبت انك لست مثلهم أنت اسوأهم....

بقلم رهف من السعودية...

ساري،،،،،

عصبت عليها كتلها فتحي..اصرت ماعدها شي وماتفتحه..ردت اصيح لحسام..فتحته اليه شفت الرقم الي جانت تحاجي

مكتوب عليه اسم حرف الميم بس..اتصلت بي رأسن اجاني الصوت وانصدمت

ساري:مااااياااا وينننج

انسد الخط رجعت اتصلت واتصلت واني عصبي ماترد غلقت المبايل..درت وجهي رجعت لمناهل..

مناهل:هي اتواصلت وياي والله

ساري:ماراح احاسبج..اسف شكيت بيج استغفر الله لحظة شيطان..تعرفين مكانها

مناهل هزت راسها:والله وداعة صلاتي ماعرف بس هي تواصلت وياي جانت دتبجي وتشكيلي انها مو تمام

ساري:شنو بيها احد ديأذيها احجي

مناهل:ماعرف مالحكت اعرف شي منها بس كالت هي محتاجة احد وياها يساعدها هاي اول مرة تتصل بيه اول مرة راسلتني وهسة اتصلت عليه

ساري:ماكالت اي تلميح هي بأي مكان

مناهل:لا

ساري:صار شكد تتواصلين وياها

مناهل:من يومين بس ورفضت اكول لأحد المحادثة موجودة كل حديثها جان سؤال عني وعن حسام وعن اخبار الكل

ساري:مناهل اريدج تتواصلين وياها اكثر اريد اعرف مكانها

مناهل:ماراح تثق تحجي وياي بعد..واذا لكيتها راح تأذيها اكيد

ساري:لاااا ماريد اذيها بس اريد الكاها

مناهل:كل سكوتك وهدوءك يدل على عكس كلامك هسة

ساري:مناهل انتي ماراح تفهمين شنو مايا بالنسبة اليه..ممكن تاخذلها كف كفين على تصرفها هذا ممكن عقاب بسيط لكن ما اموتها مستحيل

مناهل:لو مكانها افضل الموت بدال ما زوجي يشك بطفلي

سحبت نفس:انتي مو مثلها عكسها تماماً..حسام محظوظ بيج..آخذ الرقم وانطيج مبايلج..اكرر اعتذاري الج ظنيت السوء بيج عقلي مشوش

مناهل:بسبب شكك بمايا صار الشك يسيطر عليك ناحية الكل..مو من حقي انطيك نصايح بس مايا اشرف من الشرف