السلام عليكم
رواية(المافيا العراقية)
البارت الثالث
بقلمي انوار الموسوي
تبقى الذكريات الحزينة جرحاً لا يشفى ولا ينسى مهمى عشت لحظات سعيدة وجميلة ستبقى مجروحاً 🖤💔
احذر مما تتمنى احياناً الأمنيات تأتي بشكل مختلف و وقت مختلف...فأحذر مما تتمنى.......
مايا،،،،،،،،،
رحت امشي بالشارع واجر جنطتي واجر خيباتي بالبشر وياها...امشي بهدوء وقهر...اروح للشقة مجرد ارضية وبس مابيها حتى فراش وين انام
خررب بحظي عساس باجر رايحة اثثها بجم شغلة بسيطة..رحت للسوك هالوقت..شكم محل مفتحين طبيت سوبر ماركت ادور لو بطانية عالاقل انام عليها بالشقة...زين والبرد شلووون...
مالكيت اي فراش او بطانيات بس أخذت نساتل...طلعت من السوبر ماركت...مشيت ليكدام واني سرحانة..اجه على بالي آلاء..مستحيل اروحله وانزل راسي
مشيت شكثر عالرصيف سيارات تفوت..وكفت سيارة كال الرجال محتاجة مساعدة بنيتي...
التفت اله:مامحتاجة..روح بطريقك
الرجال:بنيتي انتي بنية وحدج بهاليل بالشارع تعاي صعدي اساعدج وين توصلين
مايا:تروح منا لا اشوه وجهك الك ماتمشي عليه هالسوالف..ترا لحمي مر
الرجال:استغفر الله بنيتي فهمتيني غلط اريد اساعدج بس غيرتي ماتسمحلي اشوفج بنية بنص الشارع لوحدج
مايا:اوووووي دموعي كامت تخرخر على حنيتكم..انتم وحووش روح منا ماريد مساعدتك
عفته مشيت بدربي..اشو هذا ظل يلح يساعدني..ماكمت ارد عليه ماشية بدربي وسيارته وياي تمشي...ضوجني هسة افلشله سيارته مثل مافلشت سيارة آلاء...
اشو هذا نزل من السيارة..رأسن طكيتها ركضة همزين لابسة حذاء رياضي...التفت اله واكف يم السيارة شكله مرعب..ركضت بأسرع مابيه لا يلحكني...
طبيت دربونة واني اتلفت يمين ويسار وراي..جنطتي وياي هلكتني واركض بيها..التفت على ضوء سيارة خفت صدك خفت..الساعة هسة بال1 بالليل وشته وناس نايمة منو يساعدني لو صرخت
ختلت بقطعة مابيها بناء جانت ظلمة تماماً بس بيها تجمع مال ماي مطر..لمن فاتت السيارة يالله طلعت..مشيت على اطراف اليابسة بصف مشتمل مبني عالنص وضوه ماكو قليل...عثرت بمدري شنو بالضلمة طحت بالماي تبللت قمصلتي وكل ملابسي
انعل ابوها من ذلة جمدت من البرد والماي ثلج وصخ همين اتلفت طين... ميته برد اريد امشي اريد اتجه للشقة مالتي انطيت عقد ايجار اني ودفعت مال شهر لمن اشوف شتصفه وياي
طلعت من القطعة عالشارع كبل صارت كبالي سيارة..جان راح يصدمني...
عصبت:اعمى انته مو مشغل الأضوية شبيك
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
