صباح الخير
اعرف ازعاااج بهالوقت احدثلكم 😁
جبتكم مو بارت يابه والله جيت نسولف اني وانتو ضووجة والدنيا عووجه ☹️
خلونه نتناقش بدون فلسفة وهمبلة شنو رأيكم بالصار كله بآخر بارت تناقضي مووو
اني تخبلت منه بس بالنهاية حبيت من رجعت مايا القوية ماحب هذيج الهادئة والمطيعة الصراحة احب مايا الشريرة ههههههه والي تصلخ ساري صلخ
ولقب المكروه المجنون الفاسد لاحظتو اختفه من لسانها 😂
يمكن اني الوحيدة الي احب شخصية مايا من تتمرد على ساري وتعذبه بحبها والوحيدة احب عركاتهم اكثر من ما يكونون متصافين 😁😂
احسها اكشن بعيد عن الروتين والملل شي عن غير المألوف والعادة سبب عشقي لهالقصة انو قصة حبهم وحياتهم غيييير كلها اكشنات ومشاحنات 😂😂
من اسلوب ساري الاستفزازي الها الى عنادها وحبها الماراضية تعترفله بي
بعيد عن شخصية ساري الآخر مرة شفتوها هاي بسبب غضبه على مايا طلع جانبه السيء بينما هو شخص يشهدوله انو يساعد هواي فقراء وحتى زوج هواي ناس على حسابه
ماريد ادافعله وابررله مايا انظلمت عنده بهالتنعنيف ماتستحقه
المهم اريد اوصفلكم حبي لهل الشخصيتين ساري ومايا ماعرف ليش اكثر ابطال بكل رواياتي حبيتهم سويه رغم همه ثنينهم نار وبارود وماينفعون سويه
بس احببهم سوى من يتعاركون ياخذني الحماس خاص من تكله شعندك سابح اموووت من الضحك😂😂 ومن تكله اشكك مثل مايشكون الدجاجة يمه متتت ضحك هنا
بس شوفو الجانب الحلو انو هي ماتسكت ترده دوم وهو مستفز وهي تعاند وهو يلح هي تغار وهو يغورها اكثر
والمفاجئة الغريبة انهم فجأة صاروا عائلة كلش احب هالجانب منهم ميمي خلتهم يصيرون عائلة
بس هديل الماعدها دين ولا كرامة شكد امقت هالنوع المريض من النسوان وهاي نتيجة اخطاء الماضي تلاحكه ماتركه حتى لو تاب
اما حسام ومناهل نسمة القصة الهادئة رغم حسام من يضرب ساري ماحب هالأسلوب لأنهم أهل بس مرات يستحق سوير 😁
مو تكليله مايا اشششش سررر اسكتووو اسكتووو 😁
ماريد اغششكم عن مناهل وحسام بس خليكم منتظرين احداثهم
هاي غشمن البارت الجاي مو تبجووووون بالبارت الجاي 😭💔
::ماصدكك لو شتسوي كل لحظة تلمسني بيها اشمئز منك واتقرف بالكوة اتحملك مضطرة ماحبك ماطيقك تريد اطلكني اتعلكني مشكلتك ماااريد ابقه وياك تعببببت منك زدت حياتي صعوبة وتعاسة وهسة اني راح اشتت اربع اطفال بسببك
::اي اعرف وملاحظ هالشي واضح عليج مو سعيدة..ولا تضوجين يعمري مو زين عليج وعالأطفال..شنو اليسعدج والتردينه هسة يصير بس هدي بالج
::تعوفني ساري هاي الأريده كل حياتنه سوه مافهمتني كل همك بس كلمة "احبج مايا" مو مهم افعالك ولا مشاعري..تحب نفسك وبس انته..اجتماعنه جان غلط وبقاءنا سوه غلط اكبر
تراجع ليورى شوي:تمام روحي مايا اذا هاي يخليج سعيدة..روحي تركي كلشي وامشي اذا عالأطفال يعيشون بينا ماعليهم شي..المهم تكونين مرتاحة...
مقطع ثاني....
::هالمرض الي يخلي ساري يتصرف وياج هجي ويرفض انهاء علاقتكم حتى برفضج الها وممكن يظن انج سيئة وماتوفين وياه وماتحبينه وحتى ممكن يأذي نفسه او يفكر بالانتحار بسببه..وممكن يخلي يسوي اشياء سيئة هواي ويمكن يكون مصاب بي من بداية البلوغ
شبيهة ميمي حالياً كلش نسختها هالطفلة بس ميمي مو سود عيونها عسلي مخضر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البارت الجاي مليان احداث غريبة صادمة راح تصدمكم
تصبحون على خير حبايب ✨️❤️
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
