السلام عليكم
لا تنسون تعليقات بين الفقرات❤️
رواية(المافيا العراقية)
البارت العشرون
بقلمي انوار الموسوي
تباً لمن يتكئ عليكَ كأنكَ جِدار..يُفرغ حزنهُ في قلبك ولا يسألكَ يوماً...هل تتوجع...💔
مايا،،،،،،،
فتحت الباب بعصبية:ليش ماتتركن...ماكملت شفت ابوي بوجهي...سكتت اباوعله بنظرة حقد وكره وعتب وألم وكلشي مو حلو بيه...
بس مستحيل اعتب عليه واكله بعد ليش تركتني وليش ماتهتملي وليش ماهمك وليش ماتحبني..ماعتتتب بعد...العتب يجي منه مجاملات لا اكثر كل شخص براسه عقله ويعرف شيسوي والمحبة تجيب الأهتمام ماحاجة تنطلب...
ابوي:كلولي مريضة سلامتج
مايا:ما محتاجة عطفك
ابوي:عذريني بنيتي على كلامي وعلى ضربي الج
مايا:مايفيدك اعتذار
ابوي:اريد احاجيج
مايا:شنو اكو بعد
ابوي:اكدر ادخل اكعد يمج
وخرت عن الباب ورحت كعدت عالسرير اباوعله بنظراتي الي يكول عنها ساري رصاص وتصوب الي يباوعلهن
رغم قهري منه كلت اسمعه شعنده ولو غضب الدنيا بروحي عليه..وكرهته اكثر ماراح يفيده لا تبرير ولا اعتذار...
دخل كعد عالسرير بصفي وتنهد..ابتعدت عنه واباوعله بنظرة حقد وغضب..انتظره يحجي...
ابوي كلش حلو رغم شايب شيباته مالية لحيته كلش بيضة وجهه احمر حلو وعيونه واسعة حادة كلنه طالعين على عيونه اني واولاده...لأن فتوح عيونها زغار وامي كذلك حتى ابو ساري يملك نفس هالعيون...
بس ساري وخواته طالعين على امهم رسمة عيونهم كبار بس امهم لون عيونها رمادي وهمه عسلي فاتح على اخضر...
ابوي:مايا بنيتي ماقصدت اذيج بكلامي جنت معصب وانتي عصبتيني بتجاوزج عليه..مديت ايدي عليج بلحظة غضب..اسف يابه
مايا:مايفيد اعتذارك ولا تكلي بنيتي اني مو بنتك مانسه كلامك ولا امحي من ذاكرتي..عندي ذاكرة قوية حقيرة وتحفظ الاشياء السيئة بتفصيل..كلبي حقود مايسامح بسهولة
ابوي:بس اني ابوج قبلتي او لا ابقه ابوج
مايا:لو جنت ابوي صدك جان خذيتني وربيتني عالأقل تتفقدني كل فترة ادخل نفسك بحياتي وتكون ابوي حتى لو بيننا مسافة..ليش خليت هالحقد بكلبي يكبر الك
ابوي:آه يابويه غلطة عمري عفتج..وكلامج وجع كلبي عن زوج امج..ماجنت اعرف كل هاي صار وياج
مايا:شنو جايني اشفقت عليه
أنت تقرأ
المافيا العراقية
Romansa(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
