المافيا العراقية

البارت الاربعون

السلام عليكم

هدية العطلة 😌🔥🔥باارت ناااار

ولا تنسون التعليقات بين الفقرات مهمة بالنسبة الي تشجعني والتصويت حتى يرفع القصة

رواية(المافيا العراقية)
البارت الاربعون
بقلمي انوار الموسوي

يطلب مني التنفس تحت التراب..ويطلب مني ابتسامة وانا نسيت حتى كيف افرح...💔

مايا،،،،

التفت اله يسوق وعينه كدامه ماباوعلي ولا التفت وشكله شارد الذهب بعيد عني

لا يكون ناويلي نية اسوء من السواه بيه وماراح ياخذني الها..لكيت نفسي اصيح بأسمه

::ساري

ماجاوبني بس التفت الي..

::وين ماخذني صدقاً

::للبيت لبنتج مو تردين ترحيلها

::متأكد ما ضاملي مفاجئات جديدة

تنهد وعينه كدام:خلص وقت عقابج

::ذليتني ودمرت كلبي دمار مو بس عاقبتني..اتذكر دوم ارجعت واكون وياك منا وهيج بس دفتني واني حية من هذيج الطلقة

درت وجهي للجامه..ماسمعت منه رد..كلبي ديحترك حرك..ماهامني غير اشوف مريم...

وصلنه للبيت نزلت بسرعة مثل الفقدله شي وحاس بعد مايلكاه ركضت للداخل وهو يمشي وراي

دخلت البيت شفت سارة بالحديقة تكنس اوراق الشجر..شافتني تفاجئت ماهماني احد كبل دخلت جوه

صحت مرريم شفتهم كلهم بالهول وحسام نازل من الدرج..انصدمو بيه وكلهم كالوا مايا

مايا:مرييييم بنتي وين

رهف:بغرفة امي يمها

عفتهم وركضت لغرفة عمتي فتحت الباب بدون ما ادكه عيوني ظلت تمطر دموع من شفتها بحظن عمتي ادك عليها خفيف وهي نايمة

ام ساري تفاجئت:ماياا بنيتي

خذيت ميمي منها حظنتها ابوس واشمها وابجي:اشتاقيتلج ماما حبيبتي..اسفة اسفة تركتج مو بيدي

بقيت حاظنتها وماجاوب عمتي كعدت يمي ظلت تبجي على بجيتي..اطب اطب على كتفي وتمسح على راسي

كلهم اجوني..آخرهم ابوي وحسام...اول مرة اشوف ابوي هيج يصير وياي

ابوي:مايا بنتي..آسف يبوي

اجه حظني اني وميمي بدون مقدمات يبوس براسي وخدي ويعتذر يمكن عشرين مرة كال آسف بنتي عذريني ظلمتج انتي بنتي ومريم حفيدتي واني جدها...

البنات كامن يبجن واني ابجي على فراك بنتي..شفت حسام واكف ساكت بالباب..

ساري واكف بره الغرفة كبال الباب ايديه بجيوبه مبتسم شبح ابتسامة..دار وجهه ومشه...