المافيا العراقية

البارت الثالث والاربعون

السلام عليكم

الكل يكول طلاق مايا بحالة غضب والي يكول حامل مايصح حبايب هاي رسالة السيد السيستاني

(أن تكون مستبينة الحمل، فإنّه يصحّ طلاقها وإن كانت حائضاً بناءً على اجتماع الحيض والحمل كما مرّ في كتاب الطهارة)

ومايا جانت نظيفة حتى ماتنزف من طلكها وهو طلكها بنفس راضية بدون غضب وحملها مبين فمو باطل طلاقها

والي يكول مايا غبية وبسرعة اندفعت وصدكت هديل ترا الموضوع من ناحيتنه شي ومن ناحيتها شي ثاني فلو ردتوا تكولون غبية واندفعت بسرعة حطو نفسكم بموقفها لو اني اسوي اسوء منها والله

مابيها غباء هاي وحدة شفتيها ويه زوجج بأكثر من موقف وخصوص هي ماضي زوجج الأسود راح تصدكين اي شي حتى لو سوء فهم

وشي اكيد اي واحد يبرر مايتصدك وشي لابسه لابسة لو يحلفلي يم الكعبة ماصدكه

رواية(المافيا العراقية)
البارت الثالث والاربعون
بقلمي انوار الموسوي

مناهل،،،،،،

::ههههه صدك ليش عايف ساري روحله خطية يحتاجك خاف سديم ماتكدر تبقه يمه بالمجلس

::راح ينام يم مرته بالغرفة واذا احتاجنه موجودين اني وسديم..وماراح يحتاجنه تحسن هواي

::اهااا هسة احظرلك الملابس تسبح

::لا اريدج انتي قبل الحمام...

اجاني بلهفة يبوس بيه بكل وجهي وختمهن ببوسة لشفتي..دخت وانسطرت بالخجل مالتي غصيت من بده يتماده بلمساته وبوساته

احساس ماحسيته وياه بأول ليلة النه..عكس هذاك الهادئ العاقل تماماً وياي يصير غير شكل

بس مو متوحش ولا قاسي بالعكس عاملني بكل رقة واحساس وحب...

كام من يمي:ماكو ماي هنا

::هسة اجيبلك

::لا حبيبتي اني انزل

أخذ ملابسه يلبسهن

::اني اجيبلك..هسة اجي بسرعة

::ماريد اتعبك حبي

::تعبك راحة اني اجيب الماي تدلل

::مايدلل عليج ظالم عيني انتي

ماقبل اني اجيب الماي بس اصريت انزل بدلت بسرعة نزلت الدرج اسمع ضحك مؤيد الهستيري تشبه ضحكة مصطفى

وكفت اشوفهم شبيهم يضحكون طلع مؤيد يستفز ساري بمقطع مصورة اله بالبنج وساري يتوعده يكله الا انعل والديك

ضحكت عليهم مؤيد كام شرد من ساري لزم الحزام ولف طرفه على ايده

طلع بره بالطارمة يركض طلعنه احنه البنات بالباب ساري صاح لسامر لزمه..متنه ضحك من سامر كدر يلزمه ماشاء الله ضخم ومعظل