السلام عليكم
اسفة حبايبي عالتأخير مجاي الكه وقت للكتابة هالأسبوع حافل حتى نوم مانام☹️💔
بس جبتلكم بارت طووويل غير مُمل ♥️
الموضوع الحساس بالبارت للعبرة مو للأنحراف🙈
لا تنسون تعليقات بين الفقرات وتصويت✨️❤️
رواية(المافيا العراقية)
البارت الثاني والثلاثون
بقلمي انوار الموسوي
الله شاهد ماعشك كلبي سواك...
وحدك تعنيلي واريد اقضي عمري كله وياك...🖤
ساري،،،،،
بقيت نص ساعة اتأملها وهي نايمة بحظني كلبي وجعني اذكرت هي قبلت بس حتى اروح
كمت انسحبت بهدوء من يمها والغريب ماتحركت ولا حست هاي ثاني مرة تنام بحظني واني انسحب..الانسحاب مايعني الانهزام
بست اطراف اصابعي الثنين طبعتهن بخدها بهدوء حتى ماتفز..كمت على حيلي طلعت طبكت الباب
كعدت بعتبة باب الهول ادخن..ماريد ارجع للبيت بدونها ولا اريد ابقه يمها لأنها ماتريد وجودي قريب منها
كافي انهزام ساري صير رجال وكافي توسل بمايا خلي تحس بيك وجفاءها البارد وجحودها القاسي هذا كُلش اذاك
كمت صعدت سيارتي اتجهت للبيت..كلت لصخر يبقه بالمنطقة هو وسيارته بعيد عن الانظار ما مطمن من كلامها والرجال الشافته يراقبنا
معقول تتخيل وتهلوس بسبب موت ايهاب مأثر على عقلها بسبب السواه بيها وهي طفلة...المشكلة تتهمني بقتله
اعرف بسبب كلامي الها لزمت عليه لزمة ومن حقها تخاف على نفسها
رحت بس مامطمن ممكن صدك احد يراقبني وعرف بيها مرتي ويحاول يأذيني بيها كلشي اتوقع من ابو مهند وابنه ماعدهم ضمير
بس وصلت دزيت سامر ويه صخر يحرسون البيت ما لازم أمن بسهولة عليها هي عنيدة وتسوي الي براسها
حاولت انام مثل العادة ماكدر كل ساعات نومي 3 ساعات لو اربعة اخذت عيني على هالمدة وكلش عقلي مشوش هالأيام
جسدي بدأ ينهك من قلة نومي وبالنهار شغل متراكم عليه..خبصه وخساير هواي هالفترة مايا دتعمد ماعرف شنو تسوي بيه هيج
كتلها وندمت اخفيت الأمر عنها كتلها حليته..غير تعمدها تروح للأسواك وتشتري اشياء غالية..ملابس مجوهرات واحذية وماعرف شنو هي ما محتاجتهن الخزانة مالتها راح تنفجر
مو مشكلة متحمل كلشي يفداها شتريد تسوي خليها براحتها بس ترضه بت علي
راسملها على شي ابالي اذا تستمر هيج ما متقبلتني مو جبر ولا غصب يامايا بس اشياء ثانية الزمج منها واعتقج اكلج روحي بحريتج...
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
