السلام عليكم
كتبت رغم المبايل يعلك ومايجبر الخاطر بس انتم جبروا خاطري بالتفاعل بتعليقات عالفقرات
رواية(المافيا العراقية)
البارت الثامن عشر
بقلمي انوار الموسوي
قال لها وعيناه في عيناها...احبكِ كل يوم وكأني اراكِ واحبكِ للمرة الأولى.....
مايا،،،،،،،،،
عفتهم وطلعت بجية حسام للبيت...
حسام:مساء الخير
مايا:ياخير حسام ياخير تعال شوف شيصير
حسام:يارحمن يارحيم..شبيج شصاير
مايا:ساري يريد يتزوجني وخطبني وقرر وهو وابوك وافقوا ولا اخذوا رأيي
حسام:شهالمهزلة شنو بكيفهم
مايا:ماعرف شوفهم حاجيهم..اني اريد اخلص منه وهو يريد يتزوجني..حسام وصله مستحييييل ارتبط بي ولو هو يعرفها كلش زين
حسام:يصير خير مادام اقدم بخطوة زواج بده يفكر عدل المخبل
مايا:حساااام حتى انته صرت وياه
حسام:لا وياج ولا وياه بس الأعرفه ساري يريدج....
ماكمل كلامه عفته ورحت لغرفتي بغضب قفلت الباب..طلعت جنطة احط بيها ملابسي واطلع من هنا انعل ابوها من عيشة وذلة بيت هذا المجنون وهنوبه يريد يتزوجني....
رن مبايلي..تجاهلته رجع رن وصار الحاح بالأتصال..اريداشوف ياهو مذكرني لا يكون آلاء مرة الخ...
باوعتله رقم غريب ما مسجل يمي..فتحت خط...
مايا:نعم منووو
عمر:ماياااا حبيبتي بعدج عايشة قط بتسع ارواح انتي
عرفت صوته:لا انته ولا عشرة يكدرولي..مرد الكلب عالكصاب شتررريد متذكرني شايفني بكابوسك
عمر:مشتااااااقلج بكد رحمة الله
مايا:دموعي كامت تجري تأثر بأشتياقك..شتريد خلصني
عمر:ماكو مشتاقلج بس ردت اسمع صوتج الحنون المخيف
مايا:لا تقوي علاقتك بيه..ترا وراي الأقوى من آلاء يعلسك علس..يدوس راسك ويمشي
عمر:كمت ارجف من الخوف..شنو لازم واحد من كواويدج
مايا:لازم ترجف منه لأنه مجنون ومو مثل الي عاشرتهم بحياتك..ابتعد عن حياتي وماخلي يأذيك
عمر:هههههههههه اني اخليج تتهنين بحياة..واني خسرت زوجتي وطفلي بسببج ياعا...هرة شوفي المقطع الي دزيته عود خلي مجنونج يشوفه...
سداه بوجهي..تسائلت فيديو شنو؟ فتحت رسايل الرقم هذا نفسه...دازلي فيديو بدون اي كلام...
فتحته انخبص كلبي واني اشوف نفسي ادور بالغرفة الي اني بيها ومو طبيعية...تذكرت هاي الغرفة الي حبسني بيها عمر من خطفني...
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
