السلام عليكم
اللهم صل على محمد وآل محمد عذروني اتأخرت نت مالتنه عطل وصارت عدنه فاتحة مادرناله بال التهينه
رواية(المافيا العراقية)
البارت ال11
بقلمي انوار الموسوي
ارغب بتقبيل ملامحكِ جزءاً بجزء......❤️🔥
مايا،،،،،،،،،،
نزلت بصعوبة لازمة بطني اتوجعت...باوعت للبيت الضخم من بره وساحته وحديقته اضخم...مدري ليش رغم ماراضية اجي الا انو حسيت بالأنتماء لهنا...
رجليه حافيات وتشيرت مالتي مليان دم يابس الله ياخذك ياساري كله منك..الا افضحك يم اهلك على السويته كله بيه...
التفتت لسيارة حسام نزل منها هو وأبوه..اييي هذا ابوهم مو ابوي..ماكو تبرير يشفعله يمي لو يموت نفسه ماتقبله كأ..
تركني بيد امي وحولوها ايهاب وخوالي وحش تنهش بيه واطلع قهرها يمي..والنتيجة صرت مثلها حقودة وماخاف من احد ولا انصاع لأحد ولا يشفق كلبي ولا يسامح والانتقام عادتي من الي يأذيني...
ساري:دخلي شنو منتظرة اشيلج مرة الخ ماتكدرين تمشين
مايا:اشوف عجبتك السالفة وخذيت راحتك ترا سكتت من شلتني لأن بطني مشكوكة ومابيه حيل اتعارك واضرب جان طلعلتك الزلمة الداخلي
ساري بأبتسامة:اكثر شي يعجبني بيج تصيرين زلمة لنفسج...
سكتت ماجاوبته من شفت حسام وابوه اجو يمنه..درت وجهي عنهم ولا واحد منهم الي رغبة احاجي لو اشفعله من حسام لساري وكلهم مشاركين بجريمة علي اذا يعرفون بوجودي وماسوه شي...
رحت ليكدام لازمة بطني مشيت بهدوء واباوع لرجليه العافية..الدوخة ماخذتني بس مانتكيت على أحد...
ساري راح دخل البيت وعلي لحكه...
حسام اجه يمشي بصفي مد ايده اليه:اساعدج
مايا:شكراً اكدر اساعد نفسي
حسام:مايا اريد اعتذر عن الصار قبل وبدر مني ومن ساري اعرفه مو مال يعتذرلج لذلك اعتذرلج اني عالصار مهمى يكون السواه..ولأني ماساعدتج وطلعتج من هناك من بين ايدينه
مايا:اعتذاركم مايفيد يا اخوي..لو تدري اشسوه ابن عمك المجنون..وعادي ماصار شي يمكن متعودين تخلون بنات الناس يمكم بالغصب والله العالم شعدكم وياهم وشتسون بيهم بس خذتكم الغيرة من عرفتو اني عرضكم..عادي بنات الناس مو مهمات
حسام:اني مو مثل ساري..ما مسيت عرض احد ولا راح اسويها..حتى ساري مايتعرض لأعراض الناس كل الي يسوي مالي علاقة بي..بس صدكي وحق الأسمه حق حجيت وياه يتركج مافاد وياه
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
