المافيا العراقية

البارت الثالث عشر

السلام عليكم

لا تنسون التعلقات بين الفقرات تشجعني اكتب اسرع 🥺

رواية(المافيا العراقية)
البارت الثالث عشر
بقلمي انوار الموسوي 

يَقتُلني أنَ يداكِ تَلمس الوَسادة والسَرير  وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....💔

مايا،،،،،،،،،

ماااريد ابقه هنا..كمت على حيلي..وين هذا المكروه...طلعت من الغرفة لحكتني رهف وسديم...

رهف:وين رايحة مايا

مايا:وين اخوج المكروه

رهف:لو بغرفته لو بالمكتبة

مايا:وين غرفته

رهف:هذيج..والمكتب بالطابق الأرضي

سديم:مايا اتهدي انتي مريضة..وين ترحين سمعنه ماعندج احد انتي وحدج

مايا بعصبية:ما الكم علاقة بيه...دكيت باب الغرفة..استمريت وماكو احد...

سديم حجت وياي شوي وعافتني يأست من عنادي..كلت لرهف وين المكتب..نزلت وياي محد اكو بالهول...

رهف:هذا المكتب مالته

مايا:طيب..دكيت الباب...اجاني صوته كال تفضل...رهف راحت وهي تباوعلي واني كذلك...كأنها خايفة عليه...

دخلت جان كاعد بكرسي بالمكتب منتكي عليه وايده ساندها عالكرسي وقبضته على خده... وراه مكتبة مليانة كتب..من شافني عدل كعدته عالكرسي...

ساري:مايا جاية عندي اكيد تردين شي..شلون صرتي

مايا:اريد ارجع بيتي انطيني اشيائي حالاً

ساري:بهالليل ترحين وحدج وانتي مساع انجنيتي الا شوي

مايا:ماااااالك خص طول حياتي وحدي ما محتاجتكم هسة

ساري بهدوء:رجعي مكانج مايا..ماريد اتحكم بحياتج مو من حقي بس طيبي وروحي وين ماتردين

مايا ضربت عالمكتب بعصبية:منووووو انته وتأمرني..اشيائي ساري ترا الشياطين راكبه راسي احركلك قصرك الفاخر هذا ومايرفلي جفن ماسويتها وحركت بيت امي كله وماندمت

ساري وايده على خده بهدوء:والمفروض هسة اخاف واتصل عالمطافي

مايا بعصبية:اي لازم تخاااف اني مو مثل اي بشر قابلته ضميري ميت حتى على حياتي

ساري بهدوء:وشنو راح تكصين وريدج مرة الخ وتنهينها

مايا استفزني هدوءه واني اعصابي نار:اي اكصه واكتب رسالة انك هددتني بالقتل واشياء ماتخطر على بالك

ساري:ماتمشي عليه هالحركات مايا..مو تكولين ما مهتمة لوجودهم كملي عدم اهتمامج واعتبريهم ما موجودين..انتي ابيتي واي شخص مايكدر يمسج بأذى حتى ابوج