المافيا العراقية

بارت اضافي

السلام عليكم

شوية توضيحات

ليش سميت القصة المافيا العراقية لأن شفتوا صراع مهند وابوه ويه ساري على مكانته هذا يشبه صراع المافيا ولهسبب اكو هواي ناس كالوا عن ساري مافيا ويقتل ويتاجر بالاسلحة وغيره بس هو مو هيج

لذلك سميت القصة المافيا العراقية

والي سألني عن حبوبة حسنات فهي عايشة ويه ابنها محمد الي هو ابو ساري وبيت ساري بقوا بس ابوه وامه وحبوبة وسديم وخالة تنهيد مازالت عدهم الباقين كلهم طلعوا

حسام ومناهل وحدهم بيتهم ومؤيد وسارة كذلك وفتوح وعمو علي بيتهم وحدهم مو وياهم اولادهم

بالنسبة لعمو احمد الي هو ابو سالار ماتم صلح بينه وبين عمو علي بس عمو محمد يروح يزوره وهسة صار يزور بيت ساري لأن ابو مايا طلع منه

وللي مافهم النهاية والي سألني سارة شنوو وضعها ويه مؤيد وصلتني هاي الاحداث بعد ماختمت القصة ماجنت ادري بيها...لأن سارة جانت كتومة ماتحجي لأحد ظاهرياً شي والي بين السطور شي ثاني

وصلتني احداث وكلام انكشفت شوي من جانب حياتها هي ومؤيد

استمتعو لا تنسون تعليقات بين الفقرات ✨️❤️

______..*.._____..*.._____..*.._____..*..__

اجوي حسام ومناهل وجهالهم وياهم ليو..مؤيد وعائلته  كلهم اجو سوه

اول ما اجوي راحوا كبل للحديقة كعدوا عالحشيش

حسام:نكعد بالحديقة احسن من الداخل

مايا:اي  احلى الجو حلو

مناهل:باردة عالجهال

حسام:دافية والشمس موجودة..تعاي يمي حبي

تنسيم توها جاية سمعت:انييي غرررت اريد يم اخوي اشوف وخري عنه

مناهل:هههههه مالتي انتي لزوجج امشييي ولي

تنسيم:انجبي لج..اخوي احجي انته لخيتك لو لمرتك

حسام ضحك:لمرتي مايرادلها تفكير ههههه

تنسيم:يااا يااا باعني علمود ام عطوب

حسام:لا تحجين على مرتي ام وليداتي كلمن اله مكانته محد ياخذ مكان أحد غيره

مناهل:هههههههه حيييل بيج

تنسيم:ولا تزعل ام خشم النتفة حبيبتي..شلونكم

ظلن يضحكن وحدة سلمت عالثانية..

مايا:بعده وكت جان وره الغدا سلمتي

تنسيم:شسوي عقلي ضايع مني

مايا:شكوو لازم السبب بي صهيب

تنسيم:راح امووت والله من وراه حتى بيوم الجمعة مايكعد بالبيت من اسأله يكول ويه ساري