المافيا العراقية

البارت الثاني والعشرون

السلام عليكم

لا تنسون تعليقات عالفقرات والنجمة ✨️♥️

رواية(المافيا العراقية)
البارت الثاني والعشرون
بقلمي انوار الموسوي

اموت من الوجع وماكو اليكلي اسم الله...

مايا،،،،،،،،،،

لفيت الشال على وجهي حتى ما أنعرف زلم واكفين يم القاعة..مشيت عكس اتجاه قاعة النساء حتى مايشوفني احد...فتحت المبايل العنوان شوي بعيد...

وكفت تكسي وصعدت كتله العنوان هز راسه ومشه..غمضت عيوني قووي شراح يسوي بيه عمر...

صوت داخي يكلي لا تخافين من عمر كد ما تخافين من ساري لو عرف رايحتله..شراح يسوي..

خليت الخوف وراي مو وقته ماعندي شي اخسره..بس لا عمر يخسرني شرفي مرة ثانية ويدوسني مثل ماداسني هذيج المرة

نص ساعة بالسيارة القلق ماخذني شنو يريد عمر مني مابقت فكرة ماجتي براسي ماعتقد يريد تفاهم يريد يرجع يذلني الحقير

وصلنه للعنوان المطلوب..انطيت الرجال اجرته ونزلت..ماكدر اتصله واكله وينك..بس مضطرة..اتصلت على الرقم...اجاني رده

عمر:ها بعدج تفكرين باقي شوي وادز الفيديو لأبوج وبعدها اخوانج

مايا:حقييير اني بالمكان الي دزيته وينك

عمر:حللووو هسة بديتي تفكرين..وين انتي

مايا:بجهنم وياك..اطلع لو بيك ذرة رجولة تثبتها الي اليوم...

سديته بوجهه..ظليت اتلفت ماعرف شسوي افكر اذا يريد يلعب عليه عمر ألعب عليه..الا اكيد ناوي يلعب عليه...

فكرت ادز رسالة لساري اكله اني وين حتى يصير مايصير يعرف مكاني..بس تراجعت...حسام افضل متفهم اكثر من هذا المجنون بس همين استصعبتها ويه حسام...

افضل احل مشاكلي بنفسي وافضل اموت ولا اهلي وساري يشوفون الفيديو هلكد مابي خزي وعار... يحجون عن شرفي باطل شي وانو يشوفون الباطل شي ثاني لأن محد راح يصدكني كوة عني شربت

انتبهت على عمر اجاني من بعيد متغير هواي مسوي شعره صلعة كله وبس شوارب مخلي..طالع جنه مجرم شارد من السجن او ضابط مجرم تارس بطنه رشاوي...

رفعت راسي بثقة ابينله شوفته ماهزت شعره بيه...حتى تخوف عدوك لازم تخلي يشم ريحة القوة وعدم الخوف والمبالاة اله وبنفس الوقت لا تستخف بعدوك ابداً...

عمر:ماشاء الله صايرة شريفة ومتحجبة

مايا:غصبن ماعليك اشرفك واشرف اهلك كلهم..شتريد

عمر:مو هنا يحبيبتي اكيد مو هنا

مايا:ماروح وياك غير مكان تبقه هنا بالشارع..شتريد مني خلصني اكيد مو خير