المافيا العراقية

البارت الثاني

السلام عليكم

لا تنسون تعليقات عالفقرات تشجعني وتفرحني نجمة تقدير لتعبي ❤️✨️

رواية(المافيا العراقية)
البارت  الثاني
بقلمي انوار الموسوي

اشعر بالوحدة كصوت ارجوحة في مدينة مات جميع اهلها.....💔

مايا،،،،،،،،

عفتها واني فرحانة اهتمت الي امي لأول مرة..سبحت بدلت عالسريع سشورت شعري الساعة بالتسعة بالليل

طلعت رحت اجيب أكل..اخذت تكسي وصلت مطعم دوم يجيبني اله آلاء..كلهم زلم بس آني امرأة...كلهم عدوني طلبت وجبات ثنين...حاسبته درت وجهي واشوف شخص ماجنت اظن راح اصادفه...ولا واحد بالمية مو هو مسافر....

ظليت صافنة بوجهه وكفت مكاني مذهولة...كلبي الحقير الي حباه من سنين ورفض حبي...الحقد والكره والحب كلهم سوه بكلبي

دنكت راسي ومشيت بطريقي..سمعت يكول صوته لو سمحتي..ماريد التفت اله ماريد ماريد اضعف ابداً...جريت نفس اني قوية اي قوية..

التفتت:نعم

عمر:اني مشبه عليج..شايفج

مايا:شنو هاي طريقة جديدة للتنسيق استحي على نفسك...

عفته مشيت بطريقي..كلبي كام يوجعني ليش بعد هالسنين ماراضية اقتنع انو هو مايريدني..لازم اعيش حياتي وانسه الماضي لازم اتقدم

اول خطوة طلاكي من آلاء..وثاني شي الكالي شقة وادورلي وظيفة افضل من هالوظيفة واعيش وحدي افضل

اخذت سيارة رجعت لبيت امي..لكيتها نايمة...انقهرت فوك قهري عالأساس نسولف واحجيلها شصار بحياتي..حتى ما أكلت العشه الجبته

حسيت انسدت نفسي من شفت عمر بعد هالسنين واني كل ليلة احلم بي...كلبي غزته الغربة دمعتي نزلت مسحتها بسرعة ماريد اضعف وانزل دموعي على احد

سرحت بأفكاري رجعت للماضي الي ماراضي يطلع من دماغي...لطفولتي الأليمة رجعت...

رحت كعدت امي من النوم ابجي:ماما ماما كومي شفت حرامي بغرفتي

امي بنعاس:انعل ابوج ياحرامي..ياريت يبوكج واخلص منج

ببجي:ماما ليش تردين يبوكني..كمت اناشق..اني خايفة

امي بعصبية كامت كفختني طراك قوي حسيت وجهي انشلع حرارته لهسة بخدي...عصبت عليه كالت انطمري بغرفتج ماكو حرامي...

كمت ابجي اكثر وانه حاظنه دبدوبي..دوم انضرب من امي مو شي جديد

ايهاب:تعاي اني اطرد الحرامي الج...لزم ايدي وخذاني لغرفتي حطاني بجربايتي..شوفي الغرفة فارغة مابيها حرامي