السلام عليكم
رواية(المافيا العراقية)
البارت الثامن
بقلمي انوار الموسوي
انا التي لا تقهر..انا لا انحني ولا استسلم لأحزاني كن على يقين انك ستتعب لتحزنني وتجعلني ابكي..اذا كنت تظن انني سأعترف بخسارتي وفوزك بهذه الحرب..قد اقترفت اسوء اخطاءك....❤️🔥
بمكان ثاني......
بمكتب فخم وكبير..كاعد على كرسيه وسرحان بتفكيره...حاط ايده على وجهه بتوهان عالمه...فززه من شرود ذهنه صوت رنة المبايل...
ساري:شنو صار
المتصل:استاذ هربناها مثل ما أمرت
ساري:اتصل بحيدر خلي يطلع عالطريق العام..بنية واكفة بنص الشارع الشعب العراقي كله راح يوكفلها هسة
المتصل:انطيته اشارة بأتصال قبل لا اتصل بيك استاذ اكيد هسة انطلق
ساري:تمام انطيني خبر بكل جديد
المتصل:تآمر استاذ...
سداه منه حط المبايل على المكتب وهو يفكر..رجع غرك بتفكيره..شوي وكام أخذ مبايله وسويجه..طلع من المكان...
مايا،،،،،،
بديت اشك بالوضع هالحارس بسرعة خان رئيسه وساعدني..اكو ان بالموضوع...ماهماني كلت خلي اهرب بس بسرعة شنو يريد يصير خل يصير...
ضربت هذا حسن بس طلع من الغرفة وضربته بصينية الأكل..اوي شكد رقيق عود اغمى عليه بسرعة هو تمثيل...ركضت طلعت من الباب الرئيسي هالحجي كله بملابسي الي انلكيت بيهن بقن عليه...
ظليت اركض حافي..ماعرف شنو وراي وشيصير...ركضت للشارع العام كبل...
اريد اصعد اي سيارة توكفلي حتى اروح بعيد من هنا..توني وصلت الشارع اشرت اي احد يوكف...سيارة فاتت وكفتلي...رحتله
مايا:ساعدني اخذني من هنا
السايق:صعدي وين توصلين
صعدت بدون نقاش بسرعة..اباوع لوراي ماحاسة بالأمان بعدني..يسألني الرجال وين توصلين ساكته ما اجاوب..يكلي شصايرلج هنا..
حتى هالرجال ما اثق بي..كتله ينزلني بمكان عام السوك اي مكان..بس ماعندي اجرة ما وياي فلوس كال مو مشكلة...وصلنه للسوك..قبل لا ينزلني شفت نفسي حافية...
مايا:الله يلعنك وياخذك ياعمر وياساري المجنون..اخوي لو سمحت راح اتعبك ممكن توصلني لغير مكان
السايق:مو مشكلة وين تردين حاظر..صاير شي تحتاجين مساعدة اوديج للشرطة
مايا:لا لا ما احتاج شي بس وصلني..هناك اكدر ادفعلك اجرتك
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
