السلام عليكم
متونسة بوجودكم انتم المتفاعلين ❤️✨️
رواية(المافيا العراقية)
البارت السادس
بقلمي انوار الموسوي
لستُ حزيناً لكن لا استطيع استيعاب قُبحَ مافي نفوس البعض...💔
مايا،،،،،،،
فزيت الصبح على دك الباب خفت لا تنعاد السالفة عليه مالت الباب يندك وماكو أحد..فتحته بخوف..طلعلي كابوس اسوء من الي اشوفه..شفت عمر بوجهي..وجان شكله مرعب اكثر من الشيطان الشفته...لحيته عالية...
لزمني وخنكني ودخلني جوى ركع الباب قوي..اريد افك نفسي ماكدرت مستمر يخنك بيه ومبين على وجهه الغضب...
عمر:دمرتي حياتي انتي شنو من انسانة..مستحيل تكون بشر انتي حيوانة..اريد اشرب من دمج
اريد احجي ماكدر خانكني قوي..ضليت اضرب على ايده قوي واملخه حتى يتركني...اندك الباب...تركني ظليت اكح واخذ نفس...
عمر:لا عبالج عفتج ارجعلج..الا ادمرج دمار اخليج تحلمين بيه وانتي صاحية....
فتح الباب وطلع..ماخفت منه ولا من تهديده لو يريد يسوي شي جان سواه بهاللحظة بس هذا واحد جبان...
جارتي شافته وهو يطلع كالت منو هذا الرجال مايا..كتلها واحد نذل وانقذتيني منه..وصيتها اذا اختفيت او صارلي شي انطي خبر للشرطة انو اجه رجال لشقتي هددني اسمه عمر ال......خافت وقلقت طمنتها وبس كتلها نفذي الي اريده اوعديني..هزت راسها بأي...راحت بعد ما اطمنت عليه...
غسلت وجهي باوعت للمراية ركبتي زوركت بيدين هالناقص بشرتي حساسة بسرعة يبين بيها كدمات...ماهتميت...
رحت ادور بملابسي شي نظيف البسه ماعندي ملابسي كلهن قذرات وبفترة صعبة عليه ماكدرت اغسلهن..بس لكيت جم شغلة ماتصلح لروحة للمحكمة وبدلة رسمية نظيفة هاي اشتريتها مرة مالبستها هواي مرة وحدة اشتريتها غالية
تنورتها حد الركبة..وماريد البسها..لبست جواريب نسائي كامل ينلبس جوى الفساتين..عدلت وجهي لأن سواد صاير جوى عيني عبالك زومبي صايرة من التعب والأرق
باوعت لنفسي شكد فاقدة وزن..يمكن صاير عندي سوء تغذية لان دوخة براسي وصداع ونحلانه مابيه حيل بس لازم نخلص من المحكمة
لبست كعب مالتي..اخذت جنطتي اليوم ماكو اشياء مرعبة..احس نفسي شخص جديد من قريت هالآية..لازم استمر واخذلي قرآن
طلعت وخابرت آلاء رفضه..كتبتله رسالة ترا ما مشتاقتلك المحكمة لا تنساها..دك عليه كال هسة ما اجي شوي اتأخر عندي شغلة مهمة...
احسه يتهرب من المحكمة ليش من زمان مافتح قضية طلاق..يمكن يريد يعاقبني..مسحت على وجهي بس احنه اتفقنه كل واحد غلطان وتسامحنه..بس آلاء حقود اعرفه ست سنين وياه مو شويه
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
