المافيا العراقية

البارت الأخير

السلام عليكم

البارت الأخير

رواية(المافيا العراقية)
بقلمي انوار الموسوي

تكلي بحزنها ماتهزك دموعي..ماتدري دموعها تهزمني وتكسر جناحاتي مو بس تهزني..

مايا،،،،،،

بالليل مسوين اجتماع العائلة كلها سألوني وين ساري كتلهم بعده نايم..اعتقد ماخذ حبوب

الأجتماع جان علمود سارة مثل ماتوقعت مقررين انو همه يستروها بما انو الصار بسبب ساري يعني جان مجرد انتقام منه هو

كعدت يم حسام باوعتله..حط ايده على ظهري رفعها على راسي يمسح على شعري ويبتسم بوجهي..

عمو محمد:جمعتكم هنا اريد احاجيكم بموضوع مهم..كلكم تعرفون الصار وماجان سهل وماظن ينسي

والي انظلم بناتنه وسارة اكثر وحدة انظلمت بالصار..هي بتنا كذلك مالازم نخليها عرضة للمجتمع المايرحم لا بريء ولا مظلوم

راح تكون قطعة لحم ينهشون بيها الوحوش البشرية بكلامهم وظنهم..تبقه مستورة والصار فعل ظالم مالها ذنب بي وجانت ضحية لنفس سودة

الي اريد اكوله لازم واحد منكم يسترها ويزوجها حتى لو زواج مؤقت المهم ماتبقه هيجي والصارلها بسببنه

فتوح:مايتزوجها واحد من ولدي الصار بسبب ابنك هو يتزوجها

ابوي:ماتسكتين انتي لا اسمعج تكولين كدامه هالحجي كافي مدمر هو

فتوح:مايهمني بس واحد من لدي مايزوجون هالبنية مو ذنبهم السوه بيها

ابوي:اسككككتي كتلج فكرتي بولدج وشنو ذنب بنيتي واطفالها وهو شذنبه الصار قدر ماله علاقة بي

مايا:خلوه يتزوجها بس اوعدكم تحلمون بيتكم ادوسه اني واطفالي..ارجع مثل ماجنت بلا أهل

فتوح:انتي شكد انانية الصارلها بسبب زوجج ماتردينه يتزوجها ويسترها وفوكها انتي ام الراهي ماصابج شي هي تبهذلت

حسام:يممممممه سككتي

كمت على حيلي عصبت كُلش:اني الانانية ام السحورة لو انتي فكرتي بولدج مايهمج غير نفسج وبس..شفتي الشفته لو بتج مارة بهالموقف ماكلتي هالحجي

فتوح:طاح حظج شنو تكليلي ام السحورة ادبسزز واسم الله على بتي ساترة نفسها وكاعدة بالبيت

مايا:حقيييرة واني عرضت نفسي وكلت تعالوا خطفوني

حسام:يمه لسانج وانتي بعد لسانج مااايااا

مايا: خليني احجي لأمك الأنانية.. ماصارلي شي مامزقوا ملابسي كدامه وجان راح يموت كدام عيوني وهمه يذلونه بيه ولا فقدت طفلين وجنت راح اموت..ما طعنوا رجال مثل اخونا كدامي..انتي الأنانية وماعندج انسانية كلبج اسووود