المافيا العراقية

البارت التاسع

السلام عليكم

الي متفاعلين بين الفقرات احبكم❤️❤️❤️

اخذو راحتكم بكل فقرة وكل رأي اتقبله ومافرض على احد وجهة نظر او فد اقتناع وكل نصيحة بالقصة مو فرض اببددد

رواية(المافيا العراقية)
البارت التاسع
بقلمي انوار الموسوي

  لقد أصبحت أشك دائماً في أن هذا الميل الغريزي للحزن داخلنا هو من ثمار تربية خاطئة في بيئات أسرية حزينة تستجيب لدواعي الحزن بأكثر مما تستجيب لدواعي السرور وتستغرب السعادة وتتوقع لها دائماً نهايات مأساوية ... بل وتتوجس من السرور خوفاً مما سوف يليه من أحزان....💔

مايا،،،،،،،،،،،،

لزم ايدي وسحبني للغرفة الي جنت بيها هذيج المرة..صداع لزمني وقرف مو طبيعي من الي يصير والشخص الي كدامي...والله ماسويت شي استحق عليه كل هالعقاب...

بيده جنطتي طلع مبايلي وفتشها مابيها شي حتى مكياج ما احط بيها مرات مرطب شفة ومسكارا وقلم حمرة مات قلم كحل...حط المبايل بجيبه بعد ما قفله.. شمر الجنطة عالسرير...

ساري:راح تبقين هنا بضيافتي

مايا:اي ليش لا صرنه احباب

ساري ضحك:حلوة هاي احباب

مايا:شسويلك ماراضي تحل عني وعن حياتي

ساري كعد على كرسي:كتلج والقرار بيدج..تاخذين هالمبلغ تبدين بي حياة جديدة..بس ليلة وحدة وتكونين حرة مني واوعدج ماتشوفيني ولا تسمعين اسمي

مايا:انته مستوعب شتطلب مني..ابيع شرفي وكرامتي..ظنك لو سويت هيج وافقت على الي تطلبه ليلة عابرة وكلمن بسبيل حاله تظن راح ارتاح هاي هي بعت نفسي الك..مبلغ كبير يعيشني..وراح تكون بداية لطمع جديد وبيع ارواح واجساد وآخر شي اصير بلاش للعزاز والأحباب ولو استبعد وجود احباب

ساري:اي مستوعب مايا اريدج اكثر من اي شي ردته بحياتي كلها..هالرغبة الجامحة الج من اشوفج صعب اسيطر عليها..اذا ما اكتشفج صعب انسه وجودج..انتي دخلتي مزاجي

عصبت:ولأني دخلت مزاجك تجي تطلب مني اتخلى عن شرفي..راح تتعب وياي وماتحصل شي..اني مو للبيع..رغبتك اكبحها ماتعرف

ساري:صعب اكبحها واني اشوفج كبالي وبهاللحظة ماتتخيلين شنو بداخلي

مايا:وشنو بداخلك ياروح امك

ساري:حررب مايا حرررب ومشاعر وأحاسيس

مايا بأستهزاء:انته عديم الأحساس اصلاً شلون تفكر..شكلك تعودت تاخذ الي تريده بالقوة..مدلل البيت

ساري:كد ماتتصورين..لاء مو مدلل البيت ظلمتيني..اني راعب البيت..كل شخص بي يحسبلي ألف حساب حتى عمي الي هو عمي يحسبلي الف حساب..ابوي الي هو ابوي مايكدر يفرض عليه شي