المافيا العراقية

البارت التاسع عشر

السلام عليكم

جبتلكم بارت طويل لتكولون تتأخرين تفااعلو شي وشغلة ثانية اتأخر بس جاي انشر مرتين بالأسبوع وبارتات طوال وتفاصيل كثيرة ماحب اختصر لحد يضوج من التفاصيل

رواية(المافيا العراقية)
البارت التاسع عشر
بقلمي انوار الموسوي

عاملهم كما يعاملوك ولا تنتظر عطفاً من احد...اعطف على نفسك بنفسك....

مايا،،،،،،،،

سمعت الشيخ يحاجيني من وره الباب ويكول كلماته الي انعادت عليه مال زواجي الأول...سكتت ماجاوب عاد السؤال وماجاوبته...

جمعت كلماتي حجيت بصوت خافت:اني ماقابلة..مسدس ابوي حطاه براسي..من قهري ماهماني خلي يقتلني ولو استبعدها يسويها...

الشيخ:ماسمعتج بنيتي علي صوتج

مايا:شيخ ماكدر احجي والمسدس براسي...

ماكملت اجاني كف قوي من ابوي..وكمل عليه بالثاني وظل يضرب بيه حتى اجت ضربة على خشمي طك نافورة دم....

ساري دخل بغضب جر ابوي عني:ليييييش تضربها اكسسسرلك ايدك

مصطفى دخل وراه:هو هييجي يابه

ابوي بعصبية دفع ساري:لا تدخلون اطلعوا بره

ساري بغضب:شنو لا تدخلون شوف شسويت بيها

مصطفى بعصبية:مالك حق تضربها وتجبرها عالزواج انته الي راح  تتزوج لو هي

ابوي:انته اسكت..وتستاااهل تحتاج تأديب من اول وجديد تاهت ومامتربية

ساري بغضب:ماربيتها من صغرها

كمت وكفت بكل قهر:جان تعبت نفسك وربيتني من صغري مو من كبرت اجيت اطلع رجولتك عليه

ابوي بعصبية:جان امج العار ربتج ماتعبت عليج لو بس تتنقل من رجال لرجال

ثرت عليه ودفعته من صدره بكل غضب وكفت وياه وجه بوجه:تااااكل تبن تجيب سيرة شرف امي اقتللللك وحق الله اشرف منك ومن الخلفوك انته العار عالأقل ماشمرتني وعافتني وصرفت عليه وانته وين جنت يم اولادك ومرتك خفت تفقدهم مو مشكلة عندك تضحي بطفلة من لحمك ودمك...المهم اولادك

ابوي بغضب:انتي ماتعرفين شي لا تحجين..لا تحجين ماااياااا امج خا....سكت ماكمل كلمته....

مايا:شنو راح تكول كولها وخلصني بررلي عالأقل ليش عفتني لأني اكرهك ولا الك اي شي بكلبي وهسة اكثر كرهتك..لوشنو ماعالت وياك امي مالي ذنب بي

ابوي:ماكو شي عفتج ماردتج ولا تقبلتج جدج جبرني اسجلج بأسمي..وهسة همين ماريدج وتزوجين ابن عمج احسن الج يسترج سمعتك صايرة سيرة بكل لسان...