المافيا العراقية

البارت العاشر

السلام عليكم

ليش التعليقات بين الفقرات اختفت الحماس ينطفي هيج  قدرو تعبي وسردي وبارتات طوال 💔 علقو مو بس تقرون بصمت هواي اشوفهم عد اسو يعلقون وهنا يجاملوني ليش اكو ناس ادور كاتبات متابعينها هواي يالله تعلق مع الأسف هيج صاير وقتنه محد يقدر تعب احد

بس مستمرة لعيون الي واكفين وياي ومايجاملوني ويحبون القصة فعلاً

رواية(المافيا العراقية)
البارت العاشر
بقلمي انوار الموسوي

لو سولفت وياي وعينها بعيني تهد الحيل نظرتها❤️‍🔥✨️

البارت العاشر

مايا،،،،،،،،

نرجع شوي لهذاك الوقت.......

الحراس كلهم نظرهم على ساري...

ساري اجه عليه سحبني من ايدي قوي..اصيح واجر ايدي منه بعصبية...

ساري:طلعو بره..الي صار هنا اذا ينحجي مايصير خير..

الحجي هذا لحراسه الثنين...

فتحوا الباب وسط صرخاتي عليهم يساعدوني..وانهم بلا ضمير لو بناتهم واخواتهم بهالموقف شيسون..بس محد سمعني...طلعو ساري قفل الباب...

ضليت اضرب بي بغضب:اتركني الله ياخذك..احسبني اختك او بت عمك شرفك وعرضك راح تسمح يسون بيهم هيج

ساري لزم ايديه قوي:مايا اهدي هذا مجرد اختبار ماراح اسويلج شي..كتلج ماخذ شي غصب

ماي عصبت اكثر:اختبار شنو ياحقير عيشتني برعب وحابسني هنا مثل الحيوان وتكلي اختبار

ساري تركني:ردت اختبرج اشوفج مثل ماكالو عنج الناس

هجمت عليه بعصبية رجع لزم ايديه كتفني حتى ما الوحه

مايا:اتررركني ايدك لا تلمسني وخرررر عني..انته تعرف منو اني حتى هيج تسوي وياي اني اخت صديقك وبت عمك ياغبي ماكلفت نفسك تشوف هويتي من فتشت جنطتي...

احجي واعصابي نار..شفت نظراته بيها مليون سؤال وتسائل عن الأكوله...

ساري تركني:شنو اخت صديقي وبت عمي.. ماعندي غير حسام صديقي..شتهذين

مايا بعصبية:شوف هويتي شوفها تأكد منها..اسمي على اسمكم..اني منكم وبيكم ماعرف اذا مجرد تشابه اسماء بس اني ممكن اكون قريبتكم

ساري راح للغرفة يجيب الجنطة مالتي يمكن..استغليت روحته شفت المفتاح بالباب فتحته وبأقصى سرعة ركضت جانو الحراس ماكو ركضت للشارع والتفت وراي دنيا ليل وظلمة

ردت افتح السيارة مقفولة دفرتها بغضب وركضت اطلع للشارع العام اوكفلي اي سيارة

سمعت صوت ساري يصيح مايااا رجعي عثرت بنفس الثانية الي سمعت صوته بيها..طحت على شي حاد ودخل لبطني صفح