السلام عليكم
عذروني عالتأخير اطفالي كلش مرضه وانه وياهم
جبتلكم بارت طويل لا تنسون التعليقات بين الفقرات
رواية(المافيا العراقية)
البارت الخامس عشر
بقلمي انوار الموسوي
من الصعب بناء مبنى ضخم وقوي متماسك ومن السهل جداً هدمهُ كلهُ...💔
مايا،،،،،،،،
مشيت هواي رجلية كامت تحركني لسعات الجير مال الشارع..والشمس ومنا ما ماكلة شي كالعادة باقية بلا أكل من امس البارحة اكلت ثلاث لكم وانهاريت كدامهم..وندمانة على ضعفي هذا كدامهم...
بديت اتنفس ببطئ واتعرق بكثرة وكلبي بطئت نبضاته..الدوخة لزمتني..عطش كتلني كمت اتقيئ بس مابيها شي معدتي..طحت عالأرض ماسمع شي والرؤيا بدت تختفي عندي...
حسيت نفسي انرفعت عن الأرض شميت عطره للمكروه..طلع لاحكني...بديت استعيد وعيي واشوف هذا شايلني...
قاومته واريده يعوفني:نزلني
ساري:انتي شكد بعد عندج قوة تقاومين وانتي طحتي بنص الشارع
مايا:نزلني كتلك..حتى ينزلني حطيت ايدي اليمين بكتفه عضيته بصدره من وره قميصه...
ساري تألم:اشتعل ابوج
مايا:وابوك اتركني مالك علاقة اموت بالشارع..عاجبك الوضع...ادفع بي بس هو تمسك بيه بقوة...عاجبك ومرتاح
ساري يباوع بوجهي:ماتتصورين شكد سعيد وانتي بين ايديه كل ما المسج بيدي ادور بيه الدنيا..اشوف نفسي مريض وانتي الدوا مايا..انتي حرب واني وطن غزيتي
عصبت واريد انزل:اتركننني اني صدك مليت منك واكرهك كره مو طبيعي عبالك تشتري كلبي بفلوسك وجبرك اليه على كلشي
ساري عصب ونزلني:يالله روحي وين تردين ترحين تبقين بالشارع بهالحر وبهالملابس والرايح والجاي يتفرج عليج وتجيج اسعاف وكبل لمستشفى المجانين مو للطوارئ
مايا بعصبية:انته المجنون اترررركني اني ماريد ابقه وياكم مالك علاقة شيصيرلي خل يصير...قمة الأنانية والسفالة انكم بعد هالسنين صرتوا ترغبون بوجودي وياكم وتفرضون شخصياتكم عليه
ساري بعصبية:ما النه علاقة بجريمة ابوج كل البنات يردون وجودج واني وحسام ومصطفى واكيد مؤيد يتقبلج كأخت
مايا بعصبية:لااااا تكول ابوج ماعندي أب..مااااريدكم..وين جنتو لمن تركت بيت زوجي بقيت من شارع لشارع ادور مسكن..وين جنتو لمن زوج امي....ماكملت...رووووحوا عن حياتي انته بالذات ماريد اقابلك بعد..افهم اني مو مثل ما متصور ماراح تكدر تحصل على كلبي
ساري:مو بس مسكن احطلج كلشي املكه يفداج..ماكدر اتركج مايا...
تجاهلته ودرت وجهي بقهر مشيت والدوخة رجعتلي ماكدرت اتماسك...كعدت عالرصيف لازمة راسي...
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
