المافيا العراقية

البارت الخامس

السلام عليكم

ليش محد يعلق عالفقرات ما استحق يعني 💔

رواية(المافيا العراقية)
البارت الخامس
بقلمي انوار الموسوي

احياناً اتذمر من الوحدة ولكنني اتذكر كيف كانو قاسين بمعاملتي فأشكر الله على وحدتي وعزلتي عنهم...

مايا،،،،،

عفته وطلعت مارديت باوعت لساعة مبايلي انصدمت..وماكو مكالمات من آلاء استغربت...كلبي نقزني حسيت اكو شي صاير...صعدت السيارة بسرعة...

عمر:لا ترحين مايا ابقي عليج الله..اسف ما اعيد هالكلام...

ما جاوبته رحت كبل للبيت..نزلت دخلت للهول..بالظلمة وشفت رجلين آلاء وحدة فوك الخ وكاعد بالهول...

آلاء كام على حيله:بيته حلو ومبين صاحب فلوس..ومبين كبير عليج مو هذا النوع الي تحبينه مايا

مايا:غلطان ولا بعمري ركضت وره احد..انته بالذات الي ردتني اني بس ردت اخلص من زوج امي العار الي كل يوم اشرد منه بالعافية حتى مايغتصبني..من شفت نفسي يأست آخذ الشخص الي حبيته تزوجتك ماجان هدفي فلوسك..وهو احبه وماباوع لفلوسه.....ماكملت..

آلاء ضربني كف قوي:الله يدمرج ويمرمرج اكثر من اول انتي وحدة كلبه ورخيصة..شايفة الكلبة مايبقه كلب بالشارع ماتتزاوج وياه هسة انتي شبه هالكلبه

دفعته من صدره بغضب:ما اسمحلك تحجي على شرفي ولا كل عشيرتك..محد راح يفهم المعانات العشتها..اذا هيج صارت انته واحد من الكلاب الي ما باوعلي غير جسد وبس...

انهال عليه بالطراكات بغضب حتى على خشمي اجه كف ظل ينزف...انتفضت شلون يضربني تعلم يمد ايده عليه ويعاملني مثل البهيمة...

آلاء بغضب:ظنج الشرف بس الي ماينام وياها غير حلالها..انتي وحدة مو شريفة واكبر غلطة بحياتي خذيت وحدة مثلج..راح اعدمج على خيانتج هاي

احاول افك ايديه من لازمهن قوي:وخر ايدك عني كتلك طلكني من زمان انته تمسكت بيه...ردت ارفسه ماكدرت التوت رجلي بالكعب وطحت راسي ضرب بالأرضية

سحلني مثل الحيوان الي يسوقونه شمرني بالغرفة...صياح وعركة جبيرة صارت شبعت ضرب منه.....آخر شي عافني وطلع

رحت للحمام اغسل وجهي وملابسي الي امتلت دم...باوعت لنفسي اعترفت بنفسي بغلطي مو وقته بس هو مراقبني وشايفني ويه عمر ماينفع النكران والنفي...

آلاء اجه:ما الج مكان يمي..اخذي ملابسج وطلعي من بيتي ماريد اشوف وجهج هنا روحي لعشيقج..انتي طالك..وبس ملابسج تاخذيهن ما الج اي شي من يمي

ماجاوبت شفته طلع من كبالي..لميت ملابسي بالجنطة اني غلطانة استحق كل هذا...داخلي حسيت بالذنب جازيت كل جمايله بالفلوس وياي بالخيانة..احس نفسي صدك رخيصة ونزلت كرامتي بالأرض يوم سويت علاقة ويه عمر...