السلام عليكم
لا تنسون التصويت وتعليقات بين الفقرات ✨️❤️
رواية(المافيا العراقية)
البارت السادس والعشرون
بقلمي انوار الموسوي
مايا،،،،،،،،،،
ويه كومتي دخل للهول وكاشخ عالآخر والعطر مالته دخل كبله راش الشيشة بالسيارة وجاي..قميصه مفتوحة اربعة من ازراره وصدره نصه طالع
كأنه ماشافني عبر عليه ومشه للدرج..اريد احجي واكله وين جنت بس ماكدرت ماريده يكول انتي غيرانة ودتنظريني
التفتلي وباوعلي بطرف عينه وصعد الدرج..كمت انحمس حمس اريد اعرف وين جان
لحكته بالدرج يريد يدخل غرفته صحت عليه اندارلي ورفع حاجبه بتسائل
مايا:وين جنت لهسة حظرة المدير
ساري:هممم كاعدة لحد هسة تنتظريني ارجع
مايا:مااالك علاقة وجاوب وين جنت
ساري:جديدة هاي مالت السؤال وين رايح وين جنت..شنو سالفتج
مايا:جاااااوب ومعليك وين جنت توك راجع عبالك جنت بعرس
ساري بثقة:دوم اني عبالك راجع من عرس
مايا:لااااا تضيع الموضوع..جنت عند وحدة من حبايبك مو هجي
ساري:اهااااا غيره يعني
مايا:ياااغيره انته يابطيخ كتلك تحترمني هالشي من حقي عليك
ساري:وحقي عليج يابت علي اطلعين واطبين ولا كأنج بركبة رجال وتسألينه وين ترحين وتجين
مايا:يعني لو كتلك على شي لو اطلع تقبل
ساري:لو جاية وحاجية بأحترام اكيد ما امنعج بس انتي ماعندج شي اسمه احترام ولا معتبرة لأحد يجي يوم خشمج اكسره وحق العباس اندمج بكد الدنيا
مايا:لا تظل تهدد ماتكدرلي وحق الله
ساري:انتي حلفي ماتكدرلي واني احلفلج اندمج وكد شعر راسج
مايا:والله ماتكدرلي شبيك ماتصدك بعدك ماشفت شي من شري
ساري:الله لا يروايج شري يابت عمي الي يغدرني ابجي دم..حجاها وابتسم
مايا:ماتخوووفني تفهم..وهسة وين جنت ويامن
ساري:وشيهمج
مايا:مايهمني غير كرامتي
ساري:همممم لعد حسبي حساب كرامتج انداست..منا وهيج تتعودين اروح اسهر واقابل الي يعجبني عنااااد بيج حتى ادوس كرامتج مثل ما ادوسيني وتعبرين
مايا:تااااكل تبن ادوس كرامتي ادوسك واعبر تتحمل مو انته تكول احبج
ساري:ويعني لازم اصيرلج دواسة حتى اثبتلج حبي..لزمني من ايدي بعنف وسحبني لغرفته..احب واهتم بس من يقفل عقلي ادوووس كلبي..لذلك اعبر بمزاجي ماسكت عن شي
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
