المافيا العراقية

بارت الواحد والثلاثون

السلام عليكم

لا تنسون التعليقات بين الفقرات والتصويت ✨️❤️

رواية(المافيا العراقية)
البارت الواحد والثلاثين
بقلمي انوار الموسوي

مايا،،،،،

كلبي نخسف من اجه بتفكيري ساري ممكن يكون هو قتله حتى ينتقم من السواه بيه...

ماعرف شلون ختمت مكالمتي ويه امي حتى ماحجيت لا حق ولا باطل ماعرف شكول ماهامني موته بس امي قهرتني تبجي عليه

طلعت من الغرفة ادوره..حسام طلع من غرفته مدنك عينه بمبايله رايح دوامه اكيد

مشيت سريع اروح..سمعته صاحني

حسام:مايا

التفت:نعم

حسام:صباح الخير

مايا:صباح الخير

حسام:شبيج مستعجلة

مايا:رايحة الدوام

حسام:مايا تتقبلين نصيحتي الج عن الحجاب

مو وكتها بس وكفت اسمعه

مايا:شنو انته الوحيد آخذ بنصايحه..هو اني لبسته على كلامك

حسام:بس مو هيج مالبستي عدل..صيامج وتعبج يروح غطي شعرج كله البداية مثل النهاية كل جزء منه حرام ينشاف

مايا:بس تعرف اني مو محجبة وحاطه الشال هيج احترام لصيامي

حسام:صح الأعمال بالنيات بس مو كلشي والستر الكامل مطلوب ويه النية الطيبة..الصيام عبادة لازم تكون بحذر شديد حتى الغيبة تحرمج صيامج فما بالج جزء من الجسد غير مستور

مايا:هسة شنو ما ألي صيام

حسام:يم الله مو اني الأحسب حسناتج وسيئاتج بس نصيحة شعرج غطي بالكامل..يالله سلام

راح نزل كبال عيوني..عدلت الشال الي على راسي اخفيت شعري كله..نزلت دورت المكروه ماكو..

اتجهت للشركة بالسيارة الجديدة..ماهماني منو ماشافها..نزلت منها جان وائل همين توه جاي شافني نزلت منها

وائل:صباح الخير ست مايا

مايا:صباح الخير

وائل:هاي سيارتج

مايا:لا مالت اخوي...

عفته طبيت داخل شفت المشرشبة بمكتبها كبل اتجهت لمكتب ساري بدون دك الباب اريد ادخل

مرفت:ست مايا الاستاذ عنده ضيف

ويه كلامها طبيت وخلص وماهماني..بهتت ملامحه من شافني طبيت عليهم جان اكو رجال جبير بالعمر يمه...

مايا:اعتذر طبيت هجي..استاذ ممكن نتكلم

ساري يباوعلي بنظرة ثاقبة:ضروري يعني