السلام عليكم ورحمة الله وبركاته
اللهم صل على محمد وآل محمد
رواية(المافيا العراقية)
البارت التاسع والعشرون
بقلمي انوار الموسوي
مرات فتيل الحرب يشتعل بسبب انثى....❤️🔥
مايا،،،،،،،،
تجاهلني ماجاوبني أخذ سترته وطلع..لابس قميص اسود وبنطرون اسود بس السترة بيجية
كمت غسلت وبدلت بسرعة رتبت نفسي ماحطيت عطر شي خفيف.. طلعت نزلت الدرج بهدوء صارت بوجهي بنية غريبة اول مرة اشوفها
مايا:انتي منو
:-مدام اني العاملة الجديدة
مايا:اهااا
رحت لغرفة الطعام صبحت عليهم..حسام ومصطفى ماكو حتى ساري رايح للشركة شكله
مناهل همين ماموجودة..كعدت يم مؤيد ويكعد نشيط لأن يدرس
مايا:هاا دكتورنا المستقبلي شلون دراستك
مؤيد:زينة حسام ومصطفى ديساعدوني
مايا:ياريت جانو موجودين وياي من قبل جان همين مثلهم صرت دكتوره لو مهندسة
مؤيد:رجعي درسي من جديد عيدي السادس مافاتج الوقت
مايا:يادراسة ماصدكت تخرجت واخلصت شسوي بالشهادة وعندي شغل هسة
مؤيد:الشهادة مو بس ماديات وتبجح هي تحقيق ذات وحلم ومستقبل افضل واسهل
مايا:خوش اخليها بقاموسي دوكتور مؤيد
مؤيد:شوكت صرت دكتور كسلان اصلاً اول العام جبت اعلى من هالمعدل بالخامس الاول عالمدرسة
مايا:لعد شجاك العام..يالله شد حيلك منتظرة اخوي يجيب الطبية حتى اتباهى بيك..
ابتسمت بوجهه خجل وظل يحك لحيته التوها طالعة ضحكت بصوت
مايا:شكلك خجول ويه جنس حواء
مؤيد:لا ما خجلت
مايا:هههههه اي مصدكتك
ابوي:شلون صرتي اليوم
مايا:احسن
حجيت بدون ما اباوعله حتى
حبوبة:وين رايحة ولج
مايا:رايحة للدوام ويه ساري
حبوبة:والشغل يطير يومين لو تركه هالكو.....
ام ساري:صدك مو عرسان انتم
مايا:عنده شغل مهم مايكدر يتركه
ابو ساري:هو صاحب الشغل يتأجل شنو المشكلة
ام ساري:تعرف ابنك يدقق بكلشي ومن يمته لازم البيت
كمت بعد ماشربت كهوتي عالسريع..جانت سارة جاية وبيدها قوري الجاي كزاز جان راح ينجفي عليه لوما مبتعدة
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
