السلام عليكم
استمتعوا لا تنسون التعليقات بين الفقرات والتصويت❤️
رواية(المافيا العراقية)
البارت التاسع والثلاثون
بقلمي انوار الموسوي
لقد شَعرتُ بفقدانكَ مشاعركَ اتجاهي....
مناهل،،،،،
دخل علينه ساري وحده مايا مو وياه وبيده طفل ملفوف بملحف وردي الكل كامله مستغربين الطفل البيده..
حسام راحله:وييين مايا
عمو محمد:ألمن هالطفل ساري وين مرتك
عمو علي:وييينها الطفل البيدك شنو
ساري:الطفلة البيدي حفيدتك عمو علي بنت مايا..وهي شردت وتركتها عندي
الصدمة علت وجوهنه ماتوقعناها المفاجئة
ام ساري راحت بلهفة خذتها منه:مو كالت سقطت الطفل
ساري:كذبت حتى تكدر تشرد
حسام لزمه من ياخته بعصبية:وين مايا شسويت بيها
ساري:شردت ماكدرت الزمها ماتصدك
حسام بعصبية:لااااء ماصدكك كذاااب مستحيل تترك بنتها وتشرد وهي شردت منك حتى تحافظ عليها..وليش معنفها ياحيوان
عمو محمد:اهدو مو بالعصبية خلونه نحجي بهدوء
ساري:تستحق سواية اختك ماتنغفر
حسام:وسوووايتك بيها ماتنغفر
عمو محمد:حسااام انته العاقل هو مخبل اهدأ
حسام:الا اكسره مثل ما ضاربها هالضرب...
مالحك يحجي ساري اجاه بوكس من حسام اجه بخشمه ظل ينفر دم ورجعه ليورى وقبل لا يلحك يمسح دم خشمه اجاه بوكس ثاني
ساري غضب وهاجم حسام..صارو يتعاركون والصايح كام عمو محمد وعلي يردون يفكونهم ماكدروا عليهم شباب وبنيتهم قوية وهمه شياب
حسام شبع ساري ضرب حتى ابطنه فقد انفاسه طاح عالأرض والصريخ كام عبالهم مات وحسام ماتركه يصيح وينها شسويت بيها
ضضع
غاب ساري عن الوعي بسبب ضربات حسام على بطنه وخشمه يصب دم..انكلبت حالتنه فد نوب
احنه البنات الخوف خذانه ام ساري انطتني الطفلة وركضت لأبنها الي فقد الوعي..مؤيد مبعد حسام عنه
اول مرة اشوف حسام بهالعصبية بالكوة لازمه مؤيد لأن هو همين ماشاء الله شطوله وشاب قوي
عمو علي:حساااام اهدأ اكعد لو اطلع بره هاي سواية تسويها بأبن عمك
حسام بعصبية:يستحق اكثر لو تدرون شمسوي بيها والله العالم هسة شمسوي بيها وانتم باردين
سديم:مابي شي هدوو بس هدووو فدوة
عمو محمد:وليدي اهدأ نحجي بالعقل مو بالعصبية عود انته العاقل
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
