المافيا العراقية

البارت الرابع عشر

السلام عليكم

لاتنسون التعليقات بين الفقرات

رواية(المافيا العراقية)
البارت الرابع عشر
بقلمي انوار الموسوي

لزمي كف ايدي وتمسكي بقوة والباقي يهون...❤️‍🔥

مايا،،،،،،،،،،

كضيت حياتي احاول اني ما انذل وهاي اني انذليت هواي..بيت آلاء وبيت صديقتي وبيت امي..وبعدها على ايد عمر وعلى ايد هالمكروه وهسة الي اسمعهم عائلتي الي عافوني كل هالسنين هسة اني تحت مذلتهم...

دخلت للحمام اغسل وجهي واحاول اهدئ من روعي وحزني..ظليت اطمن نفسي فترة وتعدي..راح ارجع بيتي باجر...عندي مخطط جديد لحياتي مو لجوء....

بهذا الوقت الجو حار جان الشهر السادس..وشهر شعبان بسنة 2015 وجنت داخلة ال27 سنة ومكملة ال26 سنة...

طلعت من الحمام..رهف مطلعتلي ملابس بيجاما وداخليات...

رهف:عبالي سبحتي

مايا:اريد ارجع لبيتي

رهف:وين ترجعين بهالليل يمعودة

مايا:ماجنت هيج بهالحال الي يدوسلي طرف ادوسه

رهف:مايا احلفج بكل غالي عندج ابقي هنا احنه اهلج لا تخجلين من عدنه...اني وتنسيم وسديم  وامي حبيناج حتى ساري شكله حابج وحسام ومصطفى حتى ابوي طيب وحباب وعمو علي همين

مايا لزمت راسي:رهف اذا ماترديني اعفر عليج لا تجيبين سيرته ماريد اسمع عنه شي ماحبه ومامتتقبلته كالأب ولا تكولين اخوي حابج ماناقصة خبال الي براسي كافي

رهف:خلص والله ماحجي بس لا تعصبين وابقي فدوة ابقي

هزيت راسي بأيي..سكتت انطتني منشف..طبيت للحمام كعدت صافنة بحياتي ماراح تسوء بيه الأمور بعد...

سبحت وطلعت..رهف ماكو بالغرفة..طلعت شعري مبلل لكيت رهف وترف كاعدين بالهول...

سديم طلعت بالجاما:تررف كومي نامي ماكو سهر

ترف:فدووووة ماما لخاطر عمة مايا عدنه الليلة

سديم بصرامة:ترررف آخذ الجهاز اسبوعين...باوعتلي..هاا حبيبتي مايا نعيماً عليج..ما جوعانة

هزيت راسي:الله ينعم عليج لا ماشتهي شي بس جاي اخضر بالنعناع اكو

سديم:اي موجود بس بي نسبة كافيين لو شاربته قبل ساعتين شنو ماراح تنامين راح اسهرين

مايا:بلي نعسانة اريد انام...عادي اشربه وانام مو مشكلة

سديم:لحظات اسويلج اياه..ترف كومي نامي

ترف عبست:فدووة ماما اسهر شوي

مايا:اني اسوي بس وين المطبخ