السلام عليكم
رواية(المافيا العراقية)
البارت السابع
بقلمي انوار الموسوي
ان تكون طيباً ومحباً للخير ومساعداً للأخرين وعطوفاً ان ترسم الأبتسامة على وجهك...والعكس لو كنت مجرماً محباً للشر ويمقت الناس ولايسامح وسواد قاتم داخلك... هذا كله الشر والخير وطريقك خيارك انت وليس من اختيار مايحدث معك....
كاعد على كرسي متملل ويباوع عليها وهي ماتتحرك..باوع لساعته وتأفف..كام على حيله ظل يدخن...وهو ناطيها ظهره...
ساري التفت باوعلها:شنو سالفتج لو الزمه الشمرج هنا اسوي عشه للكلاب...
اندك الباب..كال تعال ادخل...
حسام دخل:شصاير جايبني لهنا
ساري وخر عنها واشر للسرير:شوفها ميته لو راح تموت اريدها تكعد
حسام اتجه الها:منو هالبنية ساري بس لا وحدة من سوالفك..باوعله بعقدة حاجب..هاي شمسوي بيها
ساري:لك شنو سوالفي..يابه مالي علاقة شبيك افحصها..وين سماعتك وادواتك
حسام فتح عينها:البنية مغمى عليها..فحص بطنها..وعدها جفاف وعالأكثر انخفاض بالسكري والضغط..لازم تروح مستشفى تتعالج والا تدخل غيبوبة
ساري:وانته ثور لو دكتور عالجها سويلها حل هنا بدون مستشفى..ماريد تروح مستشفى ماناقص ابتلي بيها
حسام:بالمستشفى علاج وادوات واجهزة هنا كل الاكدر اسوي انطيها علاج اكتبه..يمكن يكون عدها كسور على هالكدمات كلها ايدي المجردة ماتسويلها شي
ساري:حسسسام عالجها هنا ماتروح البنية للمستشفى..انطيها براسيتول مترونيدازول صخام اي شي
حسام:انته تفهم شنو اكلك ليش تعاااند..شنو براسيتول عدها اسهال وتقيء انطيها مترونيدازول
ساري:مشكلتك حسام عالجها هنا لو اتصل بطبيب غيرك
حسام:خلي اشوف قفصها الصدري واطرافها واشوف تاليتها وياك
ساري:من تصير صديق وابن عم واحد مثلي تتحمل وتاكل تبن
حسام:خرااا على صداقتك وقرابتك
ساري:هههههههه شنو زوجتك امك بعدها..يأست من مصطفى الكواد حولت عليك هههههههههههههه
حسام:وتريد تعرسك بعد..تكول كافي سرسره ساري هواي صايع
ساري:صايع بكد ابنها الكواد..يومية بمكان..وين مسافر مصطفى
حسام:شعرفني سألته ماجاوب..اطرافها للبنية سليمة بس رضوض وكدمات..تحتاج سكريات وسوائل وشوية املاح..لذلك لازم ينحطلها مغذي وريدي وتحتاج اشعة ممكن تكون بيها اضرار بالدماغ
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
