السلام عليكم
رواية(المافيا العراقية)
البارت الثاني عشر
بقلمي انوار الموسوي
امنيتي اشوفج كاعدة بلمة أهلي....❤️🔥
مو سهل انك تتقن عدم الأهتمام وتلبس ثوب الامبالاة ومو سهل انك توقف مشاعر الرضا والثقة بالحواليك..ولا سهل تقتل عدم الشعور بالأمان.. ان تكون انسان بارد وتتجاهل من يتجاهلك.. ومو سهل تتعامل ويه الآخرين بالمثل..توقف المعانات وتوقف المشاعر...كل هذا مو سهل ويجي بعد معانات وتكرار الخذلان واذية النفس والجسد...
توقفك عن التبرير للآخرين هو مايساعدك على ابراز قوتك وفرضها على الآخرين..توقف عن النظر للأشياء الكبيرة بأنها كبيرة وتعظيم الامور التافهة..والمشاكل الكبيرة دائماً عاملها على انها صغيرة وتنحل......
وثم اثبت وجهة نظرك لكن لا تفرضها.........
ساري،،،،،،،،،،
ساري:سمعتها مو حلوة والكل يحجي عليها ردت اتأكد..بعد ماسويت بيها كل هذا خدعتني وكالت موافقة وطلعت تخطط تشرد مني..هالشي اسعدني انها ماتقبل على نفسها بس طلعتلي بمفاجئة انها اختك..شفت هويتها وشردت لحكتها حتى الزمها ماتشرد مني طاحت على كزازه وتأذت
حسام بعصببة:وشكو بيها ليييش اختبرتها منو انته بالنسبة الها حاجزها وتختبرها بشرفها ليييش ساري فهمني
عصبت وصيحت بوجهه:لأني احبها
حسام:وانتتته شعرفت منها ويمته لحكت تحبها بهالسرعة
ساري:الحب مو عشرررة ولا اله وقت الحب مشاعر ياصديقي العزيز..مو مثل ما انته تكول اني ماشوف مايا مثل ما أنته تظن
حسام:جسمك ينتج الأوكسيتوسين ويسمى هرمون الحب..يولد الرضا...الثقة والأمان والمشاعر الممتعة لذلك ترتاح للشخص الي تهتم بي وهالمشاعر تولد رغبات ماتكدر تعوفها وتسيطر عليك وعلى تفكيرك
ساري:انعل ابو الطب الدرسته..اني احبها تفهم شنو اكول...ما يهمني اذا هرمون او رغبة..اني احببببهاااا تفهم هالكلمة
حسام:وهسة شنو راح تستمر تحتجزها يمك الى وين تريد توصل
ساري:لكلبها......
رجعت بذاكرتي وافكر بمايا..كلشي بيها راسخ بتفكيري..رغم ماشفت منها ريك طيب وياي بس كل يوم تتغلغل داخلي اكثر واكثر تفكيري ومشاعري وبكل حركة اليه وبكل ثانية ماتروح عن بالي
بيها شي مميز ماكدر احدد بس خذت كلبي كله احتلته...مركز بتفاصيلها لدرجة احسب شكم سانتيم ضحكتها ورسمة تعابير وجهها من تحجي..وشكم خط بين حواجبها من تخزر
انتبهت للطريق سيارة فاتت ودكلي هورن وشكله معصب...تجاهلته..شردت بتفكيري...رحت لشغلي اتصلت عليه خالة تنهيد كالت خلصت تجميع اشياء مايا بس سامر مايرد...
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
